مطبخك في رمضــــــآن سيدتي * الجـــ 2 ـــزء*

[imane27]

مساء الخير عليكم يابنات لمة
هدا فطورى تاع لبارح
درت شوربة لبات اشو مالحة عمرتها بلحم مرحى وفرماج لباركات تاع بتنجال وسلاطة لحم لحلو

 

[nada242008]

اممممم فطورك يشهي ايمان خاصة قوارب الباذنجان ..بصحتكم

 

[محاربة صحراء]

شو مالحة عمرتها بلحم مرحى وفرماج لباركات تاع بتنجال وسلاطة لحم لحلو

اختي كيفاش نديروا
​

 

[ايمان التلمسانية]

ايمان فطورك يشهي
يعطيك الصحة
​

 

[l'algeroise]

imane و ibtessem بصحتكم طوابل يشهيو الله يبارك

 

[روز]

ايمان فطورك هايل ماشاءالله الدنجال والطبق الاخ شكلو امممم

فشلت وانا نخمم يا ام ندى
البارح شرا المرقاز مش عارفة كفاش طلعلو في راسو
نكرهو هو والبيري في رمضان
نحسهم مش اطباق رمضانية مي لازم نديرو قبل ليفسد
يمكن غدوة نديرو مع لابات فايتي

راني نعمل في لي بولات بالشومبينيون
و دنجال متبل نتاع ام فاروق
وشوربة
ونعمل خبز الدار باش ناكلو مع المتبل

 

[nada242008]

بصحتك يا روز ماعليش على الاقل تهنيتي من تاتخمتم تاع فطور الغد ههههه

 

[نبع اليقين]

مساءء الورد واش راكم يابنات بصحتكم كامل واش طيبتو البارح ولول بارح البارح كانت عندي النت مقطوعة عندي

الله الله على هدك الطاجين اختي ام ندى ماتعرفيش كيفاش
سخفين عليه باش نشروه غير هنا مايبعوش تطيبي فيه بالصحة والهنا

روز انا تاني عام الليفات جربت وصفة تاع قلب اللوز جاني يابس بصح كي سقيتو من الصباح راطب طول راني ناوية نديرو في هاد الايامات

البارح طيبنا
شربة فريك
وجلبانة
وكوتليت
وسلايط وعين بقرةوبنان وقازوز

اليوم مش عارفة ماما واش ناوية طيب

ام ندى كون تطيبي غراتان جبن لا لحم ولا دجاج اذا حبيتي نعطيك روسات​

 

[محاربة صحراء]

مساء الخير عليكم يابنات لمة
هدا فطورى تاع لبارح
درت شوربة لبات اشو مالحة عمرتها بلحم مرحى وفرماج لباركات تاع بتنجال وسلاطة لحم لحلو

ياوا قولي واش هذي ماكلة كلككيفاش ديروها

 

[ايمان التلمسانية]

السلام عليكم يا لبنات

هادا قلب اللوز درناه اليوم

​

 

[imane27]

شو مالحة عمرتها بلحم مرحى وفرماج لباركات تاع بتنجال وسلاطة لحم لحلو

اختي كيفاش نديروا​

ختى ديرى هاد لعجينة نحى غير سكر ودري ملح


وهي لبات اشو ربع لتر ماء 125غ زبدة 160غ فرينة رشة ملح و5 بيضات
فى كسرونة تحطى ماء وزبدة حتى تدوب وضيفى لفرينة وخلطى بملعقة خشب حتى تتنحى من الكسرونة نحيها من على النار وضفى لبيض حبة مور ختها اومبعد دريها فى لبوش ادوي وشكلى دوائر وطيبهم فلفور حتى يحمرو وفتحيهم على زوج وعمريهم كيما تحبى

 

[nada242008]

مساءء الورد واش راكم يابنات بصحتكم كامل واش طيبتو البارح ولول بارح البارح كانت عندي النت مقطوعة عندي

الله الله على هدك الطاجين اختي ام ندى ماتعرفيش كيفاش
سخفين عليه باش نشروه غير هنا مايبعوش تطيبي فيه بالصحة والهنا

روز انا تاني عام الليفات جربت وصفة تاع قلب اللوز جاني يابس بصح كي سقيتو من الصباح راطب طول راني ناوية نديرو في هاد الايامات

البارح طيبنا
شربة فريك
وجلبانة
وكوتليت
وسلايط وعين بقرةوبنان وقازوز

اليوم مش عارفة ماما واش ناوية طيب

ام ندى كون تطيبي غراتان جبن لا لحم ولا دجاج اذا حبيتي نعطيك روسات​

شكراا نبعو الله يخليك راهو شرالي لابات فيتي نخدم بيها كوكا
ماعليش اعطيني وصفة الغراتان نديرو في الايام المقبلة ان شاء الله

 

[imane27]

روز كاش خبر على قلب لوز انشاء الله ليوم يخرجلك مليح

 

[نبع اليقين]

جاك يهبل القلب اللوز يا ايمان يعطيك الصحة
قوليلي كيفاش طريقتك ؟ ادا مافيه ازعاج

 

[ايمان التلمسانية]

جاك يهبل القلب اللوز يا ايمان يعطيك الصحة
قوليلي كيفاش طريقتك ؟ ادا مافيه ازعاج

هاهي الوصفة اكيد ما في ازعاج
4 كيسان سميد حرش
بنفس الكاس تعبري 2كيسان سكر
نص كأس بودرة حليب
نص كأس ماء ونص كأس ماء زهر
وتخلطي مي غير بالشوية حتى تمزجي الكل مع بعض وديريها فالصينية وتطيبيها
حنا ما خليناهاش ليلة ديركت طيبناها
وكي طيب تسقسها بالشاربات وشوية عسل
​

 

[نبع اليقين]

شكراا نبعو الله يخليك راهو شرالي لابات فيتي نخدم بيها كوكا
ماعليش اعطيني وصفة الغراتان نديرو في الايام المقبلة ان شاء الله

امممممم كوكا نموت عليها بصحتك مسبقا

غراتان جبن
جيبي بطاطا مقلية مقعطة مربعات صغار وبصل مقطع وطون ومعدنوس وزيتون مقطع وطماطم حب مقعطة بلا بدور تاعها لانه تديرلك الماء وفلف حار وفرماش لا فاش كيري(وين تكتر وين احسن) وغروييار للقوف
خلطيهم الكل معا بعظهم وزديلهم البيض مش طايب وتبلهم بالملح والفلفل اسود ووحطيهم في مول يكون مدهون بالزبدة مليح ورشقيها بالزيتون الاسود ودردري عليها الفرماج غرويار وحطيهم في الفرن راهس ماطولش ياسر مهم تشوفها خمارت وحكمت روحها خلاص خرجيها

اذا مافهمتيش حاجة راني نقولك
​

 

[ام ايناس]

صباح الانوار عليكم يعطيكم الصحة فحولية الله يبارك فيكم اطباقكم كلها روعة
كي نقعد نحطلكم الطابلة تاعي بااااي

 

[نبع اليقين]

هاهي الوصفة اكيد ما في ازعاج
4 كيسان سميد حرش
بنفس الكاس تعبري 2كيسان سكر
نص كأس بودرة حليب
نص كأس ماء ونص كأس ماء زهر
وتخلطي مي غير بالشوية حتى تمزجي الكل مع بعض وديريها فالصينية وتطيبيها
حنا ما خليناهاش ليلة ديركت طيبناها
وكي طيب تسقسها بالشاربات وشوية عسل
​

بارك الله فيك حبيبتي على ردك راح نجربعا هدي الايامات ان شاء الله
نقدر نخليها تبات ؟​

 

[nada242008]

امممممم كوكا نموت عليها بصحتك مسبقا

غراتان جبن
جيبي بطاطا مقلية مقعطة مربعات صغار وبصل مقطع وطون ومعدنوس وزيتون مقطع وطماطم حب مقعطة بلا بدور تاعها لانه تديرلك الماء وفلف حار وفرماش لا فاش كيري(وين تكتر وين احسن) وغروييار للقوف
خلطيهم الكل معا بعظهم وزديلهم البيض مش طايب وتبلهم بالملح والفلفل اسود ووحطيهم في مول يكون مدهون بالزبدة مليح ورشقيها بالزيتون الاسود ودردري عليها الفرماج غرويار وحطيهم في الفرن راهس ماطولش ياسر مهم تشوفها خمارت وحكمت روحها خلاص خرجيها

اذا مافهمتيش حاجة راني نقولك
​

شكراا نبع اليقين ربي يحفظك بربي ان شاء الله نجربها

 

[روعة2005]

بصحتكم كامل من ا الى ي كلكم ذوقات وموايدكم قمة الفن ربي يسعد ازواجكم بيكم
انا لبارح مبنتش مورا الفطور روحت عظمت الاجر لعايلة جارنا ربي يرحمه برحمته الواسعة
واليوم الصباح دفنوه ثاني روحت ليهم والله حالتهم حالة ربي يصبرهم يارب
-------------------------
ام ندى الطاجين تاع الجاج جاك حطة ممكن طريقتو
والتاي تاع تسنيم روعة روعة ولا التحلية لي درتيها ياريت وصفتها امممم
ربي يطرح البركة يارب