مطبخك في رمضــــــآآآن سيدتي * الجـــ 3 ـــزء* ‏

[nada242008]

تسنيم الله يسلمك ..تعرفي نشتي نقرى ردك فيه ملخص لجميع العضوات وديما ماتنساي حتى واحدة ههههه بصح تنساي روحك وماتقوليناش واش راكي تطيبي

--
روز صحا فطورك دالك مدة ماحطيتيناش الصورة // تعلمتها منك :sheer:
هههه راكي تسخفي فيا ..ماعليش بقالك يوم ولازوج ونعود نفطر قبلك ب 7 دقايق
--
اسومة غير جربي المقروظ ..ديري حبات باش ماتغامريش
راهو ساهل و ناجح الله يبارك

 

[ibtesem]

الله يسلمك اختي شريفة ربي يخليك:shay:
هههه شفتي الجوع واش يدير
--
الله يسلمك ابتسام ..واش قلتي تخليه في قلبك ؟ هههههه

:schmoll::schmoll:مانخليش في قلبي والو رايحا نعملو للعيد :shiny::shiny:

 

[روز]

روز صحا فطورك دالك مدة ماحطيتيناش الصورة // تعلمتها منك :sheer:
هههه راكي تسخفي فيا ..ماعليش بقالك يوم ولازوج ونعود نفطر قبلك ب 7 دقايق

حكمتيها هههه لي يشوفها يحسبنا نقولو دالك صح
حنا نقولو ذالك
حرف الذال برك مرات يمشي مرات يحبس وليت نكتب الدال قريبة لليد اليمنى ونهني راسي ههه حرف الذال يحوس على تحويطة هههه
دركة ههه قصدي ذركة نحطلك صورة راني وليت فنيانة i-o:
مادامك تتوحمي نسخفك ونزيد
راني قتلك مرة فايت كن جيت نسكن حذاك كن في شهرين يولي الباب مايدخلكش ههههه

 

[أم دودو]

السلام عليكم وشراكم الغايب والحاضر:sheer::sheer:
ام دودو توحشناك يالغالية وينك الف مبروك على زوجك العمرة والحلويات روووووعة مشاء الله والقطايف هايلة والقريوش تاني الوصفتين حبيبتي من فضلك ومشكووووورة وبصحتكم
أهلا تسنيمو واش راكي سامحيني هذا وين شفت المشاركة تاعك و الله يبارك فيك و لعقوبة ليك و لكل مشتاق
بالنسبة للوصفتين أنا كتبت وصفة القطايف مازال القريوش تو نكتبهولك طريقة حورية المطبخ جاء هشوش يهبل عجبهم كامل
ام ندوش مقروض فعلا جاك رووووووووووووووووووعة الله يبارك راني معولة عليه انا تاني نديرو للعيد انشاء الله بصحتكم عزيزتي
ايمان 27 فطورك يشهيييي وهذيك الملفاي لعزيززززززززة جات اكثر من روووووعة يعطيك الصحة وبصحتكم
لالجيرواز مشكوووووورة على الوصفة يالغالية
فلووووووسة وشراكي انشاء الله راكي بخير
روز غدا انشاء الله تروحي وتدي قلوبنا معاك بصح ماعليهش حبيبتي ربي معاك وتفرحي مع الاهل:sad:
the summer تعيشي اختي الغالية ربي يحفظك ويخليك مشاء الله عليك:shay:
فوفة ام منصف ومحاربةالصحراء ام نيسو ام فاروق ام ايناس عفاف بسومة ريمو كوثر وراجية العفو ............ومريم حاسي وام فاروق .....انشاء الله كامل بخير الا غالب سامحوني لنسيتهم اسمحولي الله يبارك وربي يحفضهم
وصح فطوركم:re_gards::re_gards::re_gards:
​

القريوش
3 كيسان فرينة + 2 مغارف جلجلان مقلي + رشة ملح + 4 مغارف زبدة غير مذابة يعني بحرارة المطبخ + أكثر من مغرفة سكر و تبسسي مليح و من بعد ضيفي نص مغرفة كبيرة خميرة فورية + نص مغرفة صغيرة خميرة الحلويات و نخلط و نضيف 2 مغارف خل و بيضة و نكمل نبل بماء زهر و نجمع العجينة و نقسمها إلى 4 أقسام و نغطيها و نخليها تتخمر و من بعد نأخذ بالقسم و نحلها بالنشابة و نكمل نقطعها بطريقة القريوش

 

[tasnim55]

تسنيم الله يسلمك ..تعرفي نشتي نقرى ردك فيه ملخص لجميع العضوات وديما ماتنساي حتى واحدة ههههه بصح تنساي روحك وماتقوليناش واش راكي تطيبي

--
روز صحا فطورك دالك مدة ماحطيتيناش الصورة // تعلمتها منك :sheer:
هههه راكي تسخفي فيا ..ماعليش بقالك يوم ولازوج ونعود نفطر قبلك ب 7 دقايق
--
اسومة غير جربي المقروظ ..ديري حبات باش ماتغامريش
راهو ساهل و ناجح الله يبارك

ههههههههههههه قتلتيني بضحك ام ندوش والله غير كلامك حلو كي لعسل على بالك كي تصح ليا الفرصة قدام الميكرو خطرات مرة او مرتين على هذاك وش فاتني نشوف واندير ملاخص على حبباتي الغالين
اما انا كون صبت نقعد حذا الميكرو و منتحركش بصح راجلي ووليدي اكتر لكبير هما لاصقين فيه
ولا كي يرقدو في الليل وساعات نقول وشبقى على سحور نكتب صح فطورم المهم مانراطيش الفرصة
اما الفطور تع اليوم يا ام ندوش لعزيزة حريرة دوبارة حمص طاجين لحلو ودي ميني تارت محشية بالفرماج المعز تاع برا خبز وسلاطة

 

[imane27]

صحاب دزاير راكم قريب تفطرو حنا هدا وين نص نهار

 

[روز]

هاذي البيتزا المقرمشة نتاع ام ندوش درتها مثلثات هذ المرة
وطاجين الزيتون مع شوي دجاج بتتبيلة تتباع واجدة هنا

وشوفي الصورة الاخيرة ام ندوش البيستاش ماحبش يتستر ههه
خدمت المقروض ومازالو

 

[نبع اليقين]

مساء النور يابنات واش راكم

الحمدالله كي رجعتي اختي ام دودو وان شاء الله يرجعلك راجل بألف خير يارب وتسلم ايدك على الحلويات جاو يسخفو
يعطيك الصحة ام ندى على المقروض جاك أكتر منر رائع
يعطيك الصحة ايمان على الطابلة وخاصة الميلفاي يهبل يهبل تسلم ايدك تقولو تاع البرا

روز رايحة علينا ونبقو وحدنا والله راح نتوحشوك بزاف ان شاء الله تروحي وترجي بخير يارب واستمتعي العطلة حبيبتي
والله المرة الاولة طيحتلي قلبي اختي فوفة كيبصح كي فهمت لقيتك مش رايحة الله مايحرمنا منك ياعزيز ان شاء الله ديما ملمومين يارب
سلام لكي الاليات تنسيم وابتسام وراجية وتنسيم وام ايناس والكل والكلواش راكم صحا فطوركم مسبقا

 

[imane27]

تسنيم بصحتكم والله انا تانى تعجبينى ما تنساي حتى واحد انا كى نكون نكتب ساعة نتفكر واش شفت
اسومة واش من قاتو بديه نعرفك شاطرة خموس عليك

 

[imane27]

روز راني رايحا نطيح هاديك البيتزا تشهى وهداك اليستاش علاه حطتيه

 

[nada242008]

اممممممممممممممممممممممممم واش نقول وواش نخلي
بصحت ابوالشباب وخلاص :sad: ههههههه
البيتزا تهبل وطاجين الزيتون ثاني رووعة
نقولك حاجة البيسطاش ديريه في ساشي وجيبيه معاك وخلاص هههه
دالك ولا ذالك المهم تعلمتها منك وخلاص :like_1://انا عندي الذال تحت الدال قدقد
والكلافيي مافيهش حروف العربية راني حفظتهم ..كي طيح بيا نخدم سكرتيرة وخلاص ههههه
--
تسنيمو الله يعزك اختي وبصحتك الفطور هههه انا نغلب ندوش وباباها واحد مايقرب :showoff:
--
نبعووو الله يسلمك اختي وصحا بعد الفطور

 

[روز]

ههههه ايمان هذاك البيستاش سقسي عليه ام ندى
ماحطيتوش للفطور طبعا

نبع اليقين ربي يحفظك والله حتى انا رايحة نتوحش
جابلي ربي رايحة نروح لدارنا بالجسد برك
والعقل عندكم
نسيي ندخل كل مانلقى فرصة

 

[أم دودو]

علاه روز وين رايحة تروحي و تخلينا ؟؟؟؟؟؟؟؟؟؟؟؟
​

 

[nada242008]

بقات 40 دقيقة على الافطار

 

[روز]

علاه روز وين رايحة تروحي و تخلينا ؟؟؟؟؟؟؟؟؟؟؟؟
​

راني جايتكم مش رايحة
مي هي نورمالمون رايحة عليكم هههههه افهميها

راني جاية زيارة للدزاير
ويمكن مانقدرش نكوناكتي كي نكون في الدزاير

 

[عاشقة الوردة]

تروحي وترجعي بالسلامة اخت روز
والله راه تخلي فراغ كبير في اللمة

 

[bignouri777]

اختي ابتسام هذيك النوقه كيفاش صنعتيها
وروز ياريت تقوليلي كيفاش خدمتي بيتزا هذيك يعطيكم الصحة

 

[روز]

عاشقة الوردة ربي يخليك ويحفظك يارب
ادعولي برك طريق السلامة 7سوايع طيارة و7سوايع طريق

اختي لي سألت على البيتزا هاذا هو الموضوع
انا درتها مثلثات برك

ميني بيتزا مورقة بعجينة ال 10 دقائق

 

[tasnim55]

يا بنات عندي سؤال على اللوز ليتعرف تقولي سمعت بلي اللوز تgليه بقشورو وترحيه عندو بنة احسن من تقشريه وترحيه الا لمخبز
​

 

[tasnim55]

هاذي البيتزا المقرمشة نتاع ام ندوش درتها مثلثات هذ المرة
وطاجين الزيتون مع شوي دجاج بتتبيلة تتباع واجدة هنا

وشوفي الصورة الاخيرة ام ندوش البيستاش ماحبش يتستر ههه
خدمت المقروض ومازالو

اممممممممممممممم روز سخفتيني لبيتزات تحفة وطاجين رووووعة راني جاية نفطر عندك ههههههه بصحتك اختي وصح فطورك