مطبخك في رمضــــــآآآن سيدتي * الجـــ 3 ـــزء* ‏

[رآج ـية العفو]

هههههههه بالشفآ عليك حبيبتي أم ندى
أهلين بسومة انآ أول وحدة دخلت
درك نكتبلك الوصفة
​

 

[رآج ـية العفو]

إلى بسووومة

l'appareil à flan

بآت بريزي : 250غ فرينة + 125غ زبدة + 1 صفآر بيض
1/2ك مآء ( كآس تآع لآتآي) + رشة ملح + 25غ سكر
نخدم العجينة وترتآح سآعة في الثلآجة
ثم تفرد في قآلب وتدخل للفرن تطهى نصف طيآب ونخرجهآ ونحضر
الحشو
5ك مآء + 1 بيض + 350غ سكر + 3م ك لحظة +
50غ نشآ + 150غ فرينة + ملون أصفر + عطر موز أو فآني

في كسرونة نحطو 3 ك مآء مع سكر وفوق النآر يغلو
ومن جهة أخرى نخلط 2 ك مآء مع البيض والنشآ واللحظة والفرينة
والملون والعطر نخلطهم مليح ونفرغ عليهم السيرو ونخلطو ونرجعو
كل شي فوق النآر حتى تثقل شوي تفرغ على العجينة وتدخل للفرن
حتى تطهى ثم تزين بنبآج أو عسل أو مربة ولوز إيفيلي

هآذ الكمية تخدم لك تورت كبيرو ووحدة متوسطة ​

 

[رآج ـية العفو]

إلى أم كوثر​

ديسآر بالتفآح مرحي والكريمل​

​

كرميل: 2 م ك زبدة + 1 ك شآي سكر + نذوبهم فوق النآر +
2 م ك مآء ونتركهآ على نآر هآدئة حتى يصبح لونه أصفر خفيف ​

ونحضر الديسآر : 1ل حليب ننزع منه كآس حليب ونحطوه في ميكسآر
+ 2 حبآت تفآح كبآر ونرحوهم ونضيفو 3 م ك نشآ ونخلطوهم
وفي كسرونة نضع الحليب الآخر مع 1 ك سكر فوق النآر كي يبدآ
يغلي نضيفو خليط التفآح المرحي والنشآ ونخلطو كي تبدآ تثقل نضيفو
الكرميل ونخلطو ونقطع تفآح مربعآت صغآر أو أي فآكهة ونضيفهآ
للخليط ونخلطو كل شي وكي تثقل نفرغوه في أكوآب يبردو
والتزيين حسب الرغبة ​

 

[ام ايناس]

صباح الانوار عليكم انشا الله تكونو ملاح راني نخمم واش ندير للفطور عندي مونجتو بالاك نديرها على طريقة ام ندى

 

[ام ايناس]

واش ياجماعة حتى واحد مقدرت تعاوني في لغوسات نتاع غراتا البطاطا والاروز والكفتة

اهلا وهج الصحراء بالنسبة للقراتان تاع البطاطا والروز مولاتها البارح ما دخلتش بالاك اليوم تجي انشا الله ما طولش علينا

 

[روز]

اليوم ان شااءلله تشيشة فريك
ودولمة بالخضر
والبيتزا المقرمشة
وخبز الدار طبعا
وبقالي من البارح لي فولوفون بالمايونيز

 

[رآج ـية العفو]

بصحتك روز ورسليلي حقي تآع البيتزآ
أنآ مآزلت نخمم وآش ندير ​

 

[حاملـة المسك]

السلام عليكم...صحيتو يا البنات
بالشفا عليك ندى
راجية العفو شكرا على الوصفات و لا في الاحلام
رانا نفكرو في الفطور ​

 

[محاربة صحراء]

انا لقيت واش نطيب سرمانقول حتى واحد ههههههههه

 

[ملكة جمال اللمة]

حالياً الأعضاء النشيطين الذين يشاهدون هذا الموضوع : 29 (7 عضو و 22 ضيف)https://www.4algeria.com/vb/member.php?u=135697, ‏قطورة الندى, ‏ام زهرة و خليل, ‏wafae sarah, ‏أم فاروق, ‏anfal96, ‏ام التوام
صباح الخير عليكم لقيتو واش الطيبو اليوم و الله انا راني حايرة واسم ندير

 

[ibtesem]

wfhp hgodvhj ugd;l dhgfkhj ,ha vh;l ghfhs

 

[ibtesem]

اكيد راح تقولو واشنو هدا
حطوها عن عمي قوقل اقلكم واش كتبت
واش عولتو اليوم
روز لقيتي روحك امممممممم
وقيلة انا تاني بيتزا واش تاني راني نخمم
شوفت وحد الفطيرة البارح اممممممممممممممممم
وقيلة نعملها مع الشربة

 

[ourida17]

​

sbah el khir ya habibati wach rakom?inchalah sbahto bieeeee
Affoufa bechfa 3lik hanona slamet rassek rohi treyhi we wra ftor koli haja fiha vitamine
Asoooooma rabi yahefdek 3la ls recettes kont nesena fik thotiihom
Rose raki mliha?reyahti chwia?
M3awla ndir ls volevonts kima li dertihom barah
Mmm wmanich 3arfa wach nzid

 

[ourida17]

ibtissem win cheftiha hadi fatira medinna la recette
Hadi heya li khalitili ha9i ta3 t3am l9it ghir rih fi tabssi loool hhhh
Aissa rah bien ehem ehem selmili 3lih golilo wmba3d n3ayetlek

 

[faloussa]

سلام البنات واش راكم
انا اليوم معروضة عند دار شيخى متهنية من الفطور اليوم :shiny:
عملت قرن غزال تفضلو الصور الله يخليك اختى ندى لاباط الي عطيتيهالي هايلة :sheer:

 

[ملكة جمال اللمة]

السلام عليكم من فضلك الخت رآج ـية العفو الوصفة تاع البسبوسة ادا حبيتي
انااليوم بالاك ندير طاجين لوبيا خضراء و المعقودة و ما نيش عارفة وا سم نزيد

 

[ourida17]

bsahtek felossa 9arn ghzal khrejlek hayel mais machi hada tcharak?wla rani ghalta?
Zinn thaniiiti men ftor
Besaha ftorek mala khtiti

 

[ملكة جمال اللمة]

سلام البنات واش راكم
انا اليوم معروضة عند دار شيخى متهنية من الفطور اليوم :shiny:
عملت قرن غزال تفضلو الصور الله يخليك اختى ندى لاباط الي عطيتيهالي هايلة :sheer:

امممممممممممممممممممممممممم و الله شهيتيني من فضلك اعطيني الوصفة

 

[عشقي الامارات]

faloussa wellah ghir jak hayeeeeeeeeeeeeeeeeel
kifech dertih ???

 

[كوثر الوهرانية]

هلا بالحبايب كيراكم خوتاتي ان شاء الله الكل بخير
ندوشة على سلامتك اختي تهلي في روحك و كولي مليح باش باش تقدري تنوضي اله يكون معاك
اسماء الف شكر اختي على الوصفات الرائعة كون غير تحطيهم مواضيع باش ميروحوش
لالجيرواز شهاتني الرشتة نتاعك اختي بصحتكمفيلي دو صول قطعيه قطع متوسطة ديريه في مقلة كبيرة مع شويا زبدة دوبيها في مقلة وحطيه مديريش زيت زبدة خاطر الزيت تفتتهولك و ثوم 2 سنينات و ديري فوقو طرشي حبة ولا زوج مقطع مكعبات هو من الاحسن كونو عندك اخضر واحمر واصفر انا معنديش درتو غي بالاخضر زيدي شومبينيون ونقسيلوووووو لازم طيب في نار قلية وملح فلفل اسود وعصير ليمونة و معدنوس و شويا curry كي يبدا يطب يعني ينشف ديريلو شويا ماء و غير يبدا ينشف ديريلو 3 ملاعق كرام فخاش وخليها دوب تعطيك بنو وووووووواو


روز بائعة الكبريت عفاف و كل كل البنات الله يعكيم الصحة
و بسومة هداك الطعام ميميم بصحتكم و بصحت عيسى بيه
تسنيم قصدك الفيلي دو صول درك نحطلك الوصفة
هدي الوصفة بقلم الاخت لولة
فيلي دو صول قطعيه قطع متوسطة ديريه في مقلة كبيرة مع شويا زبدة دوبيها في مقلة وحطيه مديريش زيت زبدة خاطر الزيت تفتتهولك و ثوم 2 سنينات و ديري فوقو طرشي حبة ولا زوج مقطع مكعبات هو من الاحسن كونو عندك اخضر واحمر واصفر انا معنديش درتو غي بالاخضر زيدي شومبينيون ونقسيلوووووو لازم طيب في نار قلية وملح فلفل اسود وعصير ليمونة و معدنوس و شويا curry كي يبدا يطب يعني ينشف ديريلو شويا ماء و غير يبدا ينشف ديريلو 3 ملاعق كرام فخاش وخليها دوب تعطيك بنو وووووووواو