مطبخك في رمضــــــآآآن سيدتي * الجـــ 3 ـــزء* ‏

[faloussa]

الله يسلمك اختى وريدة والله مانى عارفة تشاراك بلاك ملبس بالقلاصاج
اختى ملكة جمال اللمة الوصفة نتاعها سهلة جدا
المقادير
للعجينة 4 كيلات فرينة مع كيلة سمن او زبدة وشوية ملح وتبلي بماء الزهر والماء
تعجنى مليح وتخلي لاباط ترتاح مدة نصف ساعة تقريبا
الحشو 250 غ لوز مرحي ماء الزهر وسكر ارطب اربع مغارف
تحلي لاباط وتشكلي مثلثات وتحطيى حربوش صغير نتاع الحشو وترولي الكرورنى وتحيه يطيب
بعد ما يطيب وهو سخون مريه في ماء الزهر ثم في السكر قلاصى
تفضلي بعض الصور لتسهللك الفهم جبتهم من قوقل

 

[meriem104]

سلام لبنات
اختي راجيه العفو لقنيدلات لي درتيهم فالحلو كيفاه درتيهم راهم جايينا ليوم ضياف و عجبوني و حبيت نديرهم
راني نستنى فيك حنونه
--
لبنات اذا كانت وحده فيكم عارفه كيفاه يتخدمو تقولي باه هكذا نربح الوقت

 

[ملكة جمال اللمة]

الله يسلمك اختى وريدة والله مانى عارفة تشاراك بلاك ملبس بالقلاصاج
اختى ملكة جمال اللمة الوصفة نتاعها سهلة جدا
المقادير
للعجينة 4 كيلات فرينة مع كيلة سمن او زبدة وشوية ملح وتبلي بماء الزهر والماء
تعجنى مليح وتخلي لاباط ترتاح مدة نصف ساعة تقريبا
الحشو 250 غ لوز مرحي ماء الزهر وسكر ارطب اربع مغارف
تحلي لاباط وتشكلي مثلثات وتحطيى حربوش صغير نتاع الحشو وترولي الكرورنى وتحيه يطيب
بعد ما يطيب وهو سخون مريه في ماء الزهر ثم في السكر قلاصى
تفضلي بعض الصور لتسهللك الفهم جبتهم من قوقل

شكرا اختي بارك الله فيك دوك نجربو

 

[meriem104]

حبيت نسقسيكم راح ندير طاجين الجلبانه و معاه بطاطا مقليه
حبيت نخدم * أصابع التونه * نقدم نقدمها معا طاجين ؟ رايو عليا

 

[imane27]

مساء الخير عليكم واش راكم
هدا فطورى تاع لبارح

درت شوربة وبوراك قرتان شفلور سلاطة ​

 

[ملكة جمال اللمة]

imane27 فطورك يشهي راكي جوعتيني انا منحبش شوفلوغ مي كيشفت لقراتان سور بنين

 

[ملكة جمال اللمة]

حبيت نسقسيكم راح ندير طاجين الجلبانه و معاه بطاطا مقليه
حبيت نخدم * أصابع التونه * نقدم نقدمها معا طاجين ؟ رايو عليا

ايه انا رايي تقدري ديري ديكور بيهم

 

[imane27]

فلوسة تشاراك جاك هايل يعطيك الصحة وبصحتك العرضة لوكان غير تدينى معاك عيت من طياب

 

[ملكة جمال اللمة]

‏meriem104, ‏wassila21, ‏تسنيم الهناء, ‏tasnim55, ‏imane27, ‏زينة اكرام, ‏أحلام 86, ‏faloussa, ‏قوتة, ‏عشقي الامارات, ‏ايمان9, ‏كوثر الوهرانية, ‏oum amir, ‏ourida17, ‏بنت الشاوية, ‏بلادي نبغيك, ‏ibtesem, ‏WARDA02, ‏ضوء الخيال, ‏ياسمينة الباديه, ‏ام زهرة و خليل, ‏أم فاروق,https://www.4algeria.com/vb/member.php?u=135965anfal96
واش راكم راقدين هنا ههههههههههههههههههه المشاركة ماهيش بزاف متزعفوش راني نتمسخر

 

[faloussa]

فلوسة تشاراك جاك هايل يعطيك الصحة وبصحتك العرضة لوكان غير تدينى معاك عيت من طياب

اهلا اختى ايمان فطورك هايل بصحتكم اختى
والله كيما قلتى تعبنا من الطياب مرحبا بيك اختى معيا نفطرو عند عجوزتى راهي طيب طياب امممممممممم

 

[كوثر الوهرانية]

ايمان فطورك يشهي بصحتكم اختي
فلوسة التشراك جاك يهبل بصحتها عجوزتك و راكي تهنيتي من الطياب اليوم

 

[nada242008]

فلوسة الشراك خرلك هايل كي قلتي قرن غزال حسبتها حلوى مغربية وبصحتك الروبو هههه
كوثر واش راكي اليوم
ايمان فطورك يشهي كالعادة بصحتكم

 

[tasnim55]

مساء الخير عليكم واش راكم
هدا فطورى تاع لبارح

درت شوربة وبوراك قرتان شفلور سلاطة ​

ايمان 27 طابلة دائما رائعة مشاء لله عليك وبصحتكم وشفلور يشهيييييييي من فضلك الوصفة تاعو حبيبتي :re_gards:

 

[tasnim55]

هلا بالحبايب كيراكم خوتاتي ان شاء الله الكل بخير
ندوشة على سلامتك اختي تهلي في روحك و كولي مليح باش باش تقدري تنوضي اله يكون معاك
اسماء الف شكر اختي على الوصفات الرائعة كون غير تحطيهم مواضيع باش ميروحوش
لالجيرواز شهاتني الرشتة نتاعك اختي بصحتكمفيلي دو صول قطعيه قطع متوسطة ديريه في مقلة كبيرة مع شويا زبدة دوبيها في مقلة وحطيه مديريش زيت زبدة خاطر الزيت تفتتهولك و ثوم 2 سنينات و ديري فوقو طرشي حبة ولا زوج مقطع مكعبات هو من الاحسن كونو عندك اخضر واحمر واصفر انا معنديش درتو غي بالاخضر زيدي شومبينيون ونقسيلوووووو لازم طيب في نار قلية وملح فلفل اسود وعصير ليمونة و معدنوس و شويا curry كي يبدا يطب يعني ينشف ديريلو شويا ماء و غير يبدا ينشف ديريلو 3 ملاعق كرام فخاش وخليها دوب تعطيك بنو وووووووواو


روز بائعة الكبريت عفاف و كل كل البنات الله يعكيم الصحة
و بسومة هداك الطعام ميميم بصحتكم و بصحت عيسى بيه
تسنيم قصدك الفيلي دو صول درك نحطلك الوصفة
هدي الوصفة بقلم الاخت لولة
فيلي دو صول قطعيه قطع متوسطة ديريه في مقلة كبيرة مع شويا زبدة دوبيها في مقلة وحطيه مديريش زيت زبدة خاطر الزيت تفتتهولك و ثوم 2 سنينات و ديري فوقو طرشي حبة ولا زوج مقطع مكعبات هو من الاحسن كونو عندك اخضر واحمر واصفر انا معنديش درتو غي بالاخضر زيدي شومبينيون ونقسيلوووووو لازم طيب في نار قلية وملح فلفل اسود وعصير ليمونة و معدنوس و شويا curry كي يبدا يطب يعني ينشف ديريلو شويا ماء و غير يبدا ينشف ديريلو 3 ملاعق كرام فخاش وخليها دوب تعطيك بنو وووووووواو

الف شكرحبيبتي ربي يحفضك والله غير هااايلة نجربها نحسب فيها البيض تبان مثل اوملات ومزوقة:re_gards:

 

[faloussa]

الله يسلمك اختى كوثر وندى ايه احنا نسميوه قرن غزال:ans_flw: لانو شكلو يجي يشبه قرون الغزال اهههههههه وفي بلايص يسموه تشاراك :blush:

 

[imane27]

ايمان 27 طابلة دائما رائعة مشاء لله عليك وبصحتكم وشفلور يشهيييييييي من فضلك الوصفة تاعو حبيبتي :re_gards:

تسنيم الوصفة هاهي
فوري شفلور مليح حتى يطيب خليه يبرد وعصريه من الماء ديالو
حطيه فى صحن ودريلو 4حبات بيض معدنوس ملح فلفل لكحل ولا حبتي جوزة طيب لكريم فراش ولا حليب جبن مكعبات وخلطي مليح وفرغيه فى بلا ودخليه للفرن حتى يحمار

 

[رآج ـية العفو]

سلام لبنات
اختي راجيه العفو لقنيدلات لي درتيهم فالحلو كيفاه درتيهم راهم جايينا ليوم ضياف و عجبوني و حبيت نديرهم
راني نستنى فيك حنونه
--
لبنات اذا كانت وحده فيكم عارفه كيفاه يتخدمو تقولي باه هكذا نربح الوقت

وعليكم السلام
سمحيلي ختي مريومة والله هذآ وين دخلت وشفت طلبك
بصح غير درك وتقدري تديريهم

قنيدلآت تآع طآجين الحلو

1بول كوكآو مقلي ومطحون 1ك شآي تآع خبز مقلي ومطحونرطب
و3 بيآض بيض و 1 بيضة كآملة 1 ك شآي سكر و ملعقة صغيرة
خمآرة حلوة وفآني وتخلطيهم مع بعض وتدهني أي قوآلب عندك تآع مآدلآن
صغآر وتفرغي الخليط وحطيهم يطيبو ومن بعد حطيهم في لآصوص تآع الحلو
وحدهم حتى يشربو وقت التقديم حطيهم مع الحلو


ومرسي ختي أوريدآ وختي أم كوثر ان شآء الله بعد العيد
كل وصفة نحطهآ في موضوع بالشرح بالصور درك مآ نقدرش
من ضيق الوقت وبصحتكم وآش طيبتو أمونة وبسومة
وكل لبنآت بصحتكم ويع ـطيكم الصحة
وفلوسة تشآرآك جآك هآيل يع ـطيك الصحة

وحبيبة ملكة الجمآل سمحيلي على التأخير درك نكتب لك​

 

[محاربة صحراء]

اعطيولي وصفة البطوط مغربي مقدرنيش نبحثعليها ميكروا خميس دقايق يطفا

 

[محاربة صحراء]

اعطيولي وصفة البطوط مغربي ارجوك

 

[رآج ـية العفو]

للأخت ملكة جمآل اللمة

البسبوسة هي للأخت الغآآلية ميميشآ يع ـطيهآ الصحة جآت روعة

السيرو: 1 ك سكر + 1 ك مآء + عصير 1 ليمونة + فآني
فوق النآر تغلي طفي عليهآ وخليهآ بجهة

العجينة : في خلآط حطي 4 بيض + 1 ك زيت + 1 ك سكر
+ 1 ك سميد رقيق+2 م ك و1 م ك نوآة كوكو +1 يآغورت
فآني أو مشمش سعة 100غ + قشور ليمونة + 1و1/2 خمآرة
خلطي كل شي مع بعض مليح وخليه 5د يرتآح وعآودي خلطي
مليح وخليه يرتآح 5د وخلطي وفرغي في المول تدخل للفرن لتطهى
حتى تتحمر الأطرآف حمريهآ من فوق وقلعيهآ وطفي الكوشة
سقيهآ بنصف كمية السيرو ورجيعآ للفور وهو طآفي
وخليهآ 1/4 سآ وسقيهآ مرة أخرى بالكمية المتبقية وخليهآ تبرد
بعد 2 سآ قطعيهآ ​