ياسمين عنابة ومحمد.م وحوار بين البيض والسمر ( فكرتنا من التراث )

[محمد.م]

بسم الله والحمد لله والصلاة والسلام على رسول الله صلى الله عليه وسلم وبعد :

هي فكرة راودتني كثيراً ثم درستها ونسقت مع الأخت ياسمين عنابة لتطبيقها

وهي عبارة عن معاتبة وحوار بيني وبينها فهي تتغنى بالبنت البيضاء وتذم السمراء

وأنا أتغنى بالبنت السمراء وأذم البنت البيضاء وبعد كل رد كانوا يرددون اللازمة

واسمعوا واش قال المعنّى عالسمر والبيض غنّى


واسمعوا واش قال المعنّى مافي زعل يا إخوانّا


مافي زعل يا إخوانّا ​

وهي عادة تراثية قديمة بأفراح أهالي حلب

كانا يجلسان كفريقين مقابل بعضهما مع الدبكة ويتحاوران ويتخلل الحوار صراخ وتشجيع

أرجو من الأعضاء عدم الغضب ولا التهجم الشخصي علينا فهي عبارة عن محاورة وأنا متأكد من أن الفكرة سوف تعجبكم

المحاورة ستكون باللهجة العامية الحلبية ونضيف أحياناً ( نّا ) لضرورة القافية وأرجو من الأعضاء أن يتفهموا مقصدنا وهو تغيير جو بلمتنا

وطرح فكرة جديدة بعالم المنتديات ونحن نحترم كلاً من البيضاء والسمراء فهي أختنا وأمنا وابنتنا وزوجتنا

وبنهاية الحوار سوف يكون الصلح بيننا وسوف ترون ذلك من خلال محاورتنا

الحوار سيكون بيني أنا محمد.م وبين ياسمين عنابة

وسيراقب الردود أخونا أبـfaridـوفيصل إلى حين إنتهاء حوارنا

بانتظار ردودكم وتعليقاتكم والله ولي التوفيق

ملاحظة :

الموضوع كتب قبل هذه المرة واختفى عندما أُغلقت اللمة

 

[محمد.م]

واسمعوا واش قال المعنّى عالسمر والبيض غنّى​

واسمعوا واش قال المعنّى مافي زعل يا إخوانّا​

مافي زعل يا إخوانّا ​

( المعنّى: الكلام ذو المعنى )​

 

[ياسمين عنابة]

واسمعوا واش قال المعنّى عالسمر والبيض غنّى

واسمعوا واش قال المعنّى مافي زعل يا إخوانّا

مافي زعل يا إخوانّا​

( المعنّى : الكلام ذو المعنى )​

 

[محمد.م]

أول مابحكي وبقول يا صلاتي عالرسول​

جانا الخبر من استنبول سمرة وبيضا تنازعنّا​

 

[ياسمين عنابة]

أول مابحكي وبخاصم صلاتي على أبو القاسم

بقرأ عليكم مراسم مابتعرفو تساووا منّا​

 

[محمد.م]

واللي رح يمدح للأبيض يرتب ألفاظو ويتريّض​

أنا بعمري ما بتعرّض وبجوابي ما بتأنّى​

 

[ياسمين عنابة]

واللي رح يمدح للأسمر يرتب ألفاظو ويتفكّر

وأنا من فضلك بتشكّر لو رديت علي المعنى​

 

[محمد.م]

والله يا ياسمين خبرتك في اللي بتريديه خيّرتك​

أوعي تتعدي حيّرتك بسلّط عليك الجِنَّا​

 

[ياسمين عنابة]

دي هات إوصفلي محبوبِك لأعرف شو هو مطلوبك

وعبيلي بالمعنى جيوبك وأنجز أوصافك وتعنّى​

( تعنّى : كن لبقاً وألفاظك اعتني بها )​

 

[محمد.م]

أنا باخد إسم السمرة ويا محلاها بضو القمرة​

والبيضة يقرفلك عمرا وعالمقبرة ترحلنّا​

 

[ياسمين عنابة]

وأنا باخد إسم البيضة حلوة ظريفة عالموضة

والسمرة شئدها غليظة شي بيقرف يا إخوانّا​

(شئدها : كم هي )​

 

[محمد.م]

والسمرة هي الأصلية وهي الخبزة البيتوتية​

والبيضة صمنة فرنجية شوية مي تفنشنّا ​

( صمنة : شيئ مثل الخبز ، فرنجية : صناعة أجنبية )​

 

[ياسمين عنابة]

والبيضة رز بحليبي كل مابرد أكلو يطيبي

سمرانك ياعود زبيبي عالشوارع كبوهنّا​

 

[محمد.م]

والسمرة كبة بصينية بيدهنوها الأفندية

والبيضة شرقة لبنية عالشوارع كبوهنّا
​

 

[ياسمين عنابة]

والبيضة شوفا عبترقص حبها بقلبي عبيحمص

والسمرة ياشبه الفسفس بالمبيد نموتهنّا​

 

[محمد.م]

والسمرة بحبها عريسها وجبلها البدلة حتى تقيسا​

والبيضة شربة مليسة تخلي البطن تسهلنّا ​

( مليسة : نوع من النبات يُغلى بالماء ويستخدم لتسهيل البطن )​

 

[ياسمين عنابة]

والبيضة إن فاقت من نومها متل القمر حول نجوما

والسمرة إن دلّت برطومها شي بيخوف يا إخوانّا​

( برطومها : شفتاها الغليظتين )​

 

[محمد.م]

والسمرة يالون المسكي لولو بينقط لما بتحكي

والبيضة يالون العلكي بشعرك وإيدك تلزقنّا
​

 

[ياسمين عنابة]

والبيضة هي الأمورة وبركتها بأحلى مقصورة

والسمرة زتّها بالجورة وكب زبالة فوق المنّا​

( زتّها : إرميها ، فوق المنّا : فوقها أو بمعنى وفوق ذلك)​

 

[محمد.م]

والسمرة ياقوام العودي مكحلة وعيونا سودي

بيضانك جدهن يهودي أصلن من شالوم وحنّا
​