ياسمين عنابة ومحمد.م وحوار بين البيض والسمر ( فكرتنا من التراث )

[ياسمين عنابة]

عندي من البيضان ألوفي بيسووا من الألماز ألوفي

سمرانك بوبع ياخوفي يللا اهربوا يا إخوانّا​

 

[محمد.م]

والسمرة ترقص وتتلوى قلبي بيحبها من جوا

والبيضة بنارها تتلوى نطنشها وما نسأل عنّا​

 

[ياسمين عنابة]

عروسة بيضة محلاني لوني على لون فستاني

والسمرة تطلعلي جناني وكل الناس تخاف منّا​

 

[محمد.م]

والسمرة يالون الكحلي للعين تزيّن وتحلّي

والبيضة بودرة لطفلي نرشرش على رجليه منّا​

 

[ياسمين عنابة]

أنا البيضة وأنا كتاب بتلقى جواتي الجواب

والسمرة نقط العتاب إتركها وتخلّى عنّا​

 

[محمد.م]

ياسمرة الله أكبر والحلا كلو للأسمر

والبيضة شوربة العسكر بالقصعة تنطبخنّا​

 

[ياسمين عنابة]

والبيضة قوام العودي مكحلة وخدودها ورودي

سمرانك لون البارودي يولعوا بغيرتن وقهرهن​

 

[محمد.م]

والسمرة بدي أحميها ومن عين الحاسد خبيها

والبيضة على بيتها وديها مابدنا نرتعب منّا​

 

[ياسمين عنابة]

البيضة فل وياسميني وهي روحي وهي عيني

سمرانك متل التنيني شي بيرعب يا إخوانّا​

 

[محمد.م]

والسمرة إن قعدت بتبين وإن وقفت حلوة وبتزيّن

والبيضة منظرها يشيّن ارموها وابعدوا عنّا
​

 

[ياسمين عنابة]

والبيضان لبسوا الملاحف شبه النقط بالمصاحف


سمرانك قشر السلاحف بالبراري كتير منّا
​

 

[محمد.م]

والسمرة كشفت عن وجها سحرتني بجمال رمشها

والبيضة إركلها وكشّها متل الجيجة تقاقي عنّا​

( الجيجة : الدجاجة )​

 

[ياسمين عنابة]

نزل محمد عالميداني ليدافع عن السمراني


لاتزعلوا يابيضاني أصل النظم كلو عنّا
​

 

[محمد.م]

نزلت ياسمين لتباريني وتتحداني وتعاديني

لاتزعلوا ياسمراني رح أغلبها غصباً عنّا​

 

[ياسمين عنابة]

والبيضة لبست إسوارة وصارت تتمشى بدارها

والسمرة بلون الشحوارة كل الناس تهرب منّا​

 

[محمد.م]

والسمرة قمرة نوارة زينت بلدها ودارها

بيضانك شقفة حوّارة بالجبال كتير منّا
​

 

[ياسمين عنابة]

والبيضة شوفها تتدّرج صلي عالنبي وتفرّج

والسمرة تمشي وتتعرج شي بيضحك يا إخوانّا​

 

[محمد.م]

والسمرة شوفها تتبتختر سبّح وقول الله أكبر

والبيضة شوفها وتمسخر مابتعرف كيف تهربّنا​

 

[ياسمين عنابة]

لا تحكي كلامك عرضي البيضة بالشرع بترضي

السمرة هي قط معدي ورا اللحمة تركضنّا​

 

[محمد.م]

حاجة تحكي وحاجة تقولي مالك عرض ومالك طولي

الأبيض لبس الناطور هو وكلبو يحرسو عنّا
​