ياسمين عنابة ومحمد.م وحوار بين البيض والسمر ( فكرتنا من التراث )

[ياسمين عنابة]

والبيضة روحي مقدمها وعيوني هي مؤخرها

والسمرة ترقص دنبها من قهرها رح بتموتنّا​

 

[محمد.م]

والسمرة عمّا تتفتل وعلى حبيبها عبتدلل

والبيضة عما تتذلل بس السمرة ترضى عنّا
​

 

[ياسمين عنابة]

والبيضة لبست كيمونها يامحلاها عالبركونا

والسمرة متل الحردونا ترقّص دنبها يا إخوانّا​

( كيمونها : هو مايلبس كالثوب لكن لا أزرار له بل نطاق قماش )​

 

[محمد.م]

والسمرة ضحكتها تجنن ولو بكيت قلبي بتحنن

والبيضة خبز المعفن للدواب نطعميهنَّا​

 

[ياسمين عنابة]

والبيضة بسمتها بتسحر وبتخلي العاشق يتمرمر

والسمرة بحبلة بتجرجر الجم تمها وسكتهنّا​

 

[محمد.م]

والسمرة أحلى صبية وهي العربية الأصلية

والبيضة أصلها غربية مستوردة مو من عنَّا
​

 

[ياسمين عنابة]

والبيضة أمرها بإشارة ولونطقت تحلى العبارة

والسمرة شئدها كرارة اضرب تمها وخرسهنّا​

( شئدها : كم هي )​

 

[محمد.م]

والسمرة وقفت لتصلي ومراتبها بدها تعلي

والبيضة شيطان يولي نضحك منها ونسخرنّا
​

 

[ياسمين عنابة]

والبيضة مرضية كتير وعقلها موزون وكبير

والسمرة إربطها بجنزير وخلينا نرتاح منّا​

 

[محمد.م]

والسمرة بحسنها تتباهى وكل ساعة بيهل هلالها​

بيضانك بألف عاهة عالمشافي ودوهنَّا​

 

[ياسمين عنابة]

والبيضة ربطت زنارها ورقصت مع بنات الحارة

والسمرة بشعة وختيارة للبيوت تخربنّا​

 

[محمد.م]

والسمرة الكل يلبيها وأحلى الشباب بتبغيها

والبيضة الكل يعاديها ومافي شب يحبهنَّا
​

 

[ياسمين عنابة]

والبيضة الكل يلبيها وأحلى الشباب بتبغيها

والسمرة الكل يعاديها ومافي شب يحبهنَّا​

 

[محمد.م]

ببغاء أوعي تصيري بدك تتهربي وتطيري

من السمران صرت تغيري روحي اتعلمي المعنّى
​

 

[ياسمين عنابة]

حاجة تعيط وطي حسك كلّابة تقلعلك ضرسك

لا تستنى ليلة عرسك رح تموت وماتتهنّا​

 

[محمد.م]

حاجة تردي يامغرورة رح أرميكي جوا الجورة

والسمرة أحلى عصفورة لما بتحكي تغردنَّا
​

 

[ياسمين عنابة]

يامسكين روح ونام باين مخك مو تمام

البيضة بدر التمام بتنور وتضوي عنّا​

 

[محمد.م]

رح أمدح السمرة وغني وأخلي الناس تحكي عنّي

والبيضة يرافقها جنّي حتى تجن ونخلص منّا ​

 

[ياسمين عنابة]

رح غنّي للبيضة وأنشد هنن بلابل بتغرّد

والأسمر يصرخ ويهدد حاجتك بقى إبعد عنّا​

 

[محمد.م]

والسمرة رقصت بالشال بنت رجال وأخت رجال

والبيضة بدها تحتال بس ترضّي السمرة عنّا
​