ياسمين عنابة ومحمد.م وحوار بين البيض والسمر ( فكرتنا من التراث )

[ياسمين عنابة]

والبيضة عنا محبوبة ومهضومة وكتيرطيوبة

والسمرة شوفها مجدوبة من غيرتها رح تتفجرنّا​

 

[محمد.م]

للسمرة سافرت بحاري وقطعت صحرا وبراري

والبيضة هي جنب داري ولمنزلها مابتعنّى
​

 

[ياسمين عنابة]

والبيضة هي الحليبي يشربو شباب وشيبي

ياسمرة لباسي جيبي وتعالي خدّمي عنّا​

 

[محمد.م]

يابيضة لك مالك قدي ولا أنتِ بحجم التحدي

كلامك علاك مصدّي يخلي المعدة تقلبنّا
​

 

[ياسمين عنابة]

يا أسمر افرقني وروح قلبك من حبي مجروح

ريحة السمرة عمّا تفوح خليها تبتعد عنّا​

 

[محمد.م]

روحي تعلمي المعنّى وبعدين تعالي لعنّا

بالميدان أنا عبستنّا أصل النظم كلو عنّا
​

 

[ياسمين عنابة]

الحقّ عليَّ علمتك وعالمعنّى أنا دربّتك

والله بلساني حيّرتك افرقني وابتعد عنّا​

 

[محمد.م]

ياسمينتي كتير مغرورة ومن محمدها مقهورة

​

رح أغلبك ياأمورة لو وقفت معاك الجِنّا
​

 

[ياسمين عنابة]

والبيضة راحت تتوضى وماسكة بايدها إبريق الفضّة

والسمرة عقربة تعضّها تموتّها ونتخلص منّا​

 

[محمد.م]

والسمرة راحت تتوضى ومن ربها بدها تترضّى

والبيضة يبعتلها قرضة تقرف عمرا ونخلص منّا
​

 

[ياسمين عنابة]

والبيضة زمزم تروينا وتوضينا وتداوينا

والسمرة كتير بتعيينا مهبولة وياربي تجنّا​

 

[محمد.م]

والسمرة ياكعبة ربي نورت حياتي ودربي

يابيضة لازمك تتربي لتصيري خدامة عنّا​

 

[ياسمين عنابة]

البيضة دعجها جننا وحبيبها دلالها يتمنّى

والسمرا تتعب وتتعنّى يطلقها زوجها ويتهنّى​

 

[محمد.م]

والسمرة أحلى غنّية مهما كبرت تبقى صبية​

والبيضة شقفة جنّية إذكر ربك تهربنّا​

 

[ياسمين عنابة]

محمدي عمّا تزودها ومالك عرفان تفردّها

والسمرة البهدلة عودّها بدها كتير لتفهمنّا​

 

[محمد.م]

ياياسمينتي إوقفي قبالي ورديلي بالصوت العالي​

غير السمرة مابيحلالي ربي تموتوا بغيظكنَّا​

 

[ياسمين عنابة]

بيضاني مالن مثيل لعيونن بقتل قتيل

سمرانك حبهم تمثيل كذابات وتنافقنّا​

 

[محمد.م]

والسمرة ياتاج راسي مهما تلين ومهما تقاسي

والبيضة هي مداسي بسوق الجمعة كتير منّا​

 

[ياسمين عنابة]

والبيضة مقامها عالي متل القمر عما تلالي

والسمر وسخ زبالي ارميهم واحرقهنّا​

 

[محمد.م]

والسمرة دهب مقدمها وياقوت ودرر مؤخرها

والبيضة نحن بنأمرها تغادرنا وتترك المعنّى​

​