ياسمين عنابة ومحمد.م وحوار بين البيض والسمر ( فكرتنا من التراث )

[ياسمين عنابة]

والبيضة نجمة دوارة زينتلي كل الحارة

سمرانك غنمة جرارة بعيد الاضحى تدبحنّا​

 

[محمد.م]

مشوار السمرة بسيارة ولما تسافر بالطيارة

والبيضة ترفسها حمارة تموتها ونتخلص منّا​

 

[ياسمين عنابة]

والبيضة بحبها تتهنا وعلى حبيبها عبتتمنى

والسمرة عم تستنا يرجع جوزها الي مالل منا​

 

[محمد.م]

والسمرة خرجت من دارها جننت شباب الحارة

والبيضة شقفة ختيارة بدار العجزة كتير منّا
​

 

[ياسمين عنابة]

سكر تمك لاتتكلم لسا جاهل روح تعلّم



السمرة مسكنها جهنم والبيضة بنص الجنّة​

 

[محمد.م]

سكري تمك حاجة تقاقي متل السمرة ما بتلاقي

البيضة قط الصقاقي عالمزابل يرعوا عنّا​

( الصقاقي : البري أو الشوارعي )​

​

 

[ياسمين عنابة]

والبيضة يالون نهاري ومتل المية بالأنهاري

والسمرة تصرخ ياناري وكل الناس تضحك منّا​

 

[محمد.م]

والسمرة يالون الليلي يحلى السهر مع الليلي​

والبيضة تصرخ ياويلي ومافي حدا يسال عنّا​

 

[ياسمين عنابة]

بيضاني متل الكواكب وهنن بأعلى المراتب

والسمرة تقرف وتعاتب متل الذبان تحوم عنّا​

 

[محمد.م]

والسمرة قعدت عالبركة وعما تتفرج عالدبكة

والبيضة عبتعلك العلكة بتخجلنا وبنقرف منّا
​

 

[ياسمين عنابة]

أنا البيضة ما أحلاني نجمة بالليل بتلقاني

سمرانك بالعتمة تعاني تختفي وتتوه وترحلنّا​

 

[محمد.م]

عندي من السمران تنيني وحدة روحي وحدة عيني

بيضانك جحش البستاني عالعليق يترافسنّا​

 

[ياسمين عنابة]

عندي من البيضان تنيني جمالن والله فتان

سمرانك عنز جرباني عالمزبل يرعوهنّا​

 

[محمد.م]

عندي من السمران تلاتة بيسووا من الألماز تلاتة

بيضانك رشة نحاتة عالقبور يرشوهنّا​

 

[ياسمين عنابة]

عندي من البيضان تلاتة بيسووا من الخزنات تلاتة

سمرانك قشر البتاتي عالمزابل كبوهن​

( البتاتي : البطاطا أو البطاطس )​

 

[محمد.م]

عندي من السمران تسعة بيسووا ألمازات تسعة

بيضانك يبعتلن لسعة من حيّات وعقربنّا​

 

[ياسمين عنابة]

عندي من البيضان تسعة بيسووا ألمازات تسعة

والسمرة تاكلها الضبعة وما تتركلك شي منّا​

 

[محمد.م]

عندي من السمران عشرة بيسووا من الألمازعشرة

والبيضة تتلوى بشرها وكل الحارة تخاف منّا​

 

[ياسمين عنابة]

عندي من البيضان عشرة بيسووا من الألماز عشرة

سمرانك يالون الحشرة كل الناس بتقرف منّا​

 

[محمد.م]

عندي من السمران ألوفي بيسووا من الألماز ألوفي

بيضان قطن المندوفي بأنف الميت يدحشنّا​

( يدحشنّا : يدخلونه بصعوبة )
​