ياسمين عنابة ومحمد.م وحوار بين البيض والسمر ( فكرتنا من التراث )

[ياسمين عنابة]

إلزم يا محمد حدودك بلطفي بطفي بارودك

أنا اللي علمت جدودك يردوا وينظموا المعنّى​

 

[محمد.م]

وحدودي كلها ملتزمها وللمعاني عبنظمها

وللبيضة أنا بعلمها كيف تتعدل بالمعنّى
​

 

[ياسمين عنابة]

والبيضة أحلى حمامة يامرحب ومية السلامة

والسمرةشئدها نوّامة مدفع مابيفيقهنّا​

( شئدها : كم هي )​

 

[محمد.م]

والسمرة معروف مقامها محبوبة بصحوها ومنامها

والبيض عليهن ملامة من شرهن وخبثهنّا​

 

[ياسمين عنابة]

والبيضة أحلى العباد بتنور كل البلاد

والسمرة فساد وكساد معتوه من يتجوزهنّا​

 

[محمد.م]

والسمرة دارت البلاد وسحرتلي كل العباد

والبيضة نعجة تنقاد عالمدبح والمسلخنّا​

 

[ياسمين عنابة]

والبيضة لما تتمشى كل الناس تدوخ وتغشى

والسمرة ضحكني كرشها متل العجلة تخبطنّا​

 

[محمد.م]

والسمرة محلى سَمَرْها ومحلى أخلاقها وصبرها

والبيضة ذلها وكسرّها وارميها ولاتجبّرهنّا​

 

[ياسمين عنابة]

والبيضة تجنن بشرتها تسلم أمها اللي جابتها

والسمرة حنطة نشرتها وبرجلي أقلبّهنّا​

 

[محمد.م]

والسمرة قتلتني بلونها وربي يخليها ويصونها

والبيضة تنقلع عيونها وماتعرف وين طريقهنّا
​

 

[ياسمين عنابة]

والبيضة لون الحليب حطها عالجرح بيطيب

والسمرة بتحضر وتغيب وماحدا عبيسأل عنّا​

 

[محمد.م]

والسمرة فستق عبيدي إطلبي علي وزيدي

بيضانك بيبوسوا إيدي مشان أغني وأمدحهنّا​

 

[ياسمين عنابة]

البيضة بتقول وتنول وبالساحة بتصول وتجول

والسمرة ياجرة الفول مافي أكتر وأرخص منّا​

 

[محمد.م]

والسمرة حلوة وجذابة وطيوبة وكتير حبابة

والبيضة بشعة وكذابة بالاراضي قيمتهنّا​

 

[ياسمين عنابة]

والبيضة يالون النور وبالجنة يالون الحور

والسمرة شحوار منثور لما نشوفوا تهربنّا​

 

[محمد.م]

سدي تمك وحاجة تحكي بلا ما خليكي تبكي

لو لأبوك تروحي وتشكي رح أموتك وأتجنّى​

 

[ياسمين عنابة]

يامقصوف الرقبة سكوت من قهرك لك طق وموت

رح أحطك بالتابوت وأرتاح منك وأتهنّا​

 

[محمد.م]

والسمرة لو لفت رجلها مافي بحسنها ومافي متلها

والبيضة يكسرلك رجلها ولا تتجبر ولاتشفينّا​

 

[ياسمين عنابة]

ياسمرة استريلي عيوبك ولا تكشريلي عن نيّوبك

والبيضة سهم يصيبك يللي عبتغاري منّا​

 

[محمد.م]

مين خبرك ومنو قلك أنها تغار من ناس متلك

يابيضة يبعتلك قتلك يللا حاجة حلّي عنّا​