بكري كانو يقولو راهم جايين الخطابة وذرك ...

[makour]

ههههههه
اهلا ماكور
يبين روحو ؟؟؟ هههههه باين هدرت الخوباثة والخداعين هههههه
قليل ألي صادق ونية ومنو بالصح
ولقوالب هذو ملاح او يصلحو بزاف وبزاف ألي حكمتلهم هههه
مليح الطفلة تجرب بيهم العبد هذا وألي شافاتو جابد اللورا غير تخطاها منو
لازم على الأقل يهدر مع خوها ولا باباها اذا ماقلناش يخطبها ...
ربي زوجنا كامل
يعطيك الصحة​

اهلا بيك خويا سفبان
و الله عجبني ردك لانوا اكدلي بلي ماكنتش غالطة و ماقريتش النقص
انا خويا مانعرفش فالزواج وو الخطوبة
نورمامون يجي يهدر مع خويا ولا بابا هادي قلتهالوا قالي وش نقولوا مانيش نخدم مليح و انتي مازالك تقراي ....
دبر عليا خويا انت راجل او تعرف فهادوا الامور
اسك نعاودلوا هادي لهدرة ولا وش ندير

 

[لاجودان شاف]

ههههه حصان قاع ؟؟ ههههه

بالصح علاش ترجعو قاتلين أرواح ؟؟؟ علاش الخطبة داخلة في تركيب الدم ؟؟؟
نظن كاين كويرات حمراء وبيضاء وخطبة كي تروح الخطبة ينقص الدم آآ صحا هذا وين فهمت:scared:
هههه الله يهدي ماخلق ياطفلة اقبضي داركم واللي يحوس عليك راه يجي يطبطب
بلاماتمرضي على جالو

والله قلبي معمر من هاذ المواضيع كون نبدا نحكي مانسكتش ايا صاي انا نخرج قبل مايجي سفيان يحاوزني:re_gards:​

ههههه الله غالب
هكذا باه يقولولك نتا سباب مرضنا
وتقولك الاطباء راهم قالولي بلي مرضك مش عضوي
راهو نفسي لازم ترتاحي نفسيا
وباه ترتاح نفسيا لا تتزوج
وباه تتزوج لا زم 100 مليون
تسما ترتاح بـ 100 مليون على ظهر الزوالي
​

 

[إيمان قلب]

ههههه الله غالب
هكذا باه يقولولك نتا سباب مرضنا
وتقولك الاطباء راهم قالولي بلي مرضك مش عضوي
راهو نفسي لازم ترتاحي نفسيا
وباه ترتاح نفسيا لا تتزوج
وباه تتزوج لا زم 100 مليون
تسما ترتاح بـ 100 مليون على ظهر الزوالي
​

آآآ صحا بالصح بزاف 100 مليون على جال مرض نفسي وكاين الحل البديل
عندي وصفة صحيحة لعلاج المرض النفسي وتأكد منها العلماء
وماتديش دراهم ... هي ذكر الله وبالدليل ... ألا بذكر الله تطمئن القلوب
والله كي نشوف كاين تفكير تاع بنات بهاذ الشكل نبغي نسويسيدي
يعطيك الصحة شيخ على التوضيح
الله يهدينا أجمعين
عفوا أخي سفيان
​

 

[هآجر]

السلام عليكم

وعلاش خويا سفيان
الي صاينة ورحها لازم ادير هكة بش تعرف نيتوا؟؟؟؟ مش زم هكة

هي اصلا وعلاش تجري من وراه وتقول راني مريضة ومنعرف واش تلعبلوا بالمورال

من نهار الاول تقولوا ارواح تخطب ومتزيدش تقلقني الهدرة مع بابا ومشي معيا اطيشلوا الكلمات هدوما وربي يسهل عليه
ومن هنا تعرف لا كان راهو منوا بالصح ولا راهو حاب يتمسخر برك

ومشي تحكي معاه وتمدلوا الصح وتتدلل عليه بلا معبالوا باباها وتعمل اشهار في الجامعة ولا في مكان الي تخدم فيه ولا بين بنات عمومها وخوالها ولالالالا ودرك عادت اكثر عادت في المنتديات

تقول بلي راني نحب فلان وراهو ناويني ادعموني هههههههههههه تروح لباباها يدعمها يا سيدي وعلاش هنا ولا بين الناس متعرفهمش

ولا هو بعد يعمل اشهار يقول راني راح نخطب فلانة قريبا ولا راني نحب فلانة ولاولا ولا


باختصار

بلادنا مشيا وتولي لورة في جرتهم

الله يصلح لحوال

مرسي سفيان

ربي يسترنا في هذي الدنيا الغدارة

وعليكم السلام​

 

[nina bonoise]

اواه منديرش هكا انا
منجري على حتى واحد
حاب يخطب مرحبا محبش ربي يسهل كاين غيروا
وعلاه ندير السبة في راني مريضة و الذهب غلا ههههه
​

 

[عفاف الجزائرية]

هاذ النوع نساو الحديث نتاع الرسول صلى الله عليه وسلم
لا تمارضوا فتمرضوا
انا كلمة واحدة نقولها
الشاآآري عينو حمرآ
كيما نقولوها
اللي يكون عينو في حاجة راه يقصدها بلا حتى شي
ربي يهدي هاذا ماكان نقدرو نقولو

--------
فيلم جلطي نتاع :
حبيت انا نكبر معاك خلقني رب العالمين في كل مكان نكون معاك بحال الحاجب والعين
يا حسراه يا زمان
اغاني البراءة ماشي كما نتاع درك نتاع البلايسة
​

 

[مابقاش بزاف.Dz]

ههههههههه عجبني موضوعك
ربي يبعثلك مرا و تتهنا
اوا البنات تاع درك يلوحوا القوالب و عايشين غير يتورنيوا فالفيلمات الله غالب و مشات فيهم
وحده تحب تجيب روميو بالسيف اذا ما كتبش ربي خلي
شكرا على الموضوع

 

[NINA_c9]

اهلااااااااااااا خويا سفيان واله توحشنا مواضيعك من الزواج للخطبة ايا مليييييييييييييييييييييييييييييييح
والله عندك الحق خويا سفيان عندي يمات رحت عند جارتنا ايا قاعدين نحكووووووو وهي قالتلي فلاااااااان رني تمسخرت بيه قتلو هادي سمااااااااااااانة راهم جايين يخطبووووووو ههههههههههه مسككككككين المخلوووووق قلبو عاد ف 100 قالها demain ان شاء الله نجي نخطب كيفاه هاد والل ه منخليك انااااااااااااااااااا نحير نولي نحكي مع روحي كيفاه يصدقوووووووووو هاد الخرفاتتتتت نتاع لبنات النية في لهبال لي تكدب تبان عليهاااااااا من القصة لي تكتبهااااااا في راسهاااا ربي يهديهم mais خويا سفياااااااان انت تطيح عليك تقلككككككك راهم جاو يخطبوني راني رايحة ننتاحر ياو لكان متجيش تخطب تروح تخطبهاااااااا وفراااااات نتهناو منك ومن مواضيع الزواجججججججج تولي ديرلنااااااااا مواضيع ماااااا بعد الزواج ونشوفوككككككككك هههههههههههه والله راني غير نقصر معاك ان شاء الله يطيحك ربي في بنت لحلااااااااااال اممممممميسن
مرسي

 

[amel amoula]

ولا تقلو " اسمع نتا وكتاه تجي الذهب راهو بدا يغلا " ههههههه


هههههههههههههههههههههههههه


هدي شابة FOOooooooooooooooorT

لي حبت يجي يخطبها تقولها لو ديركت بلا هدووووووك قوالب باصكو كامل ولو يعرفووووووووووهم

 

[اللؤلؤة المصونة]

انت جايبها تقصر مي والله كاينة لحوايج هادي تصرا ايا تخيل جاي واحد ديها هي تقولوا قبل باه ممبعد مايقولش اي خانتنى وراحت بلا مانسمع وتقول


وانت عندك حق كين غي تكدب وتخرط مي اي تصرا كل واحد وظروفو وربي عالمـ بلقلوبـ
ربي يهنيهمـ

((انا مادخلي راسي لخرطي هادا ربي يهدي))

تشكر خيو سفيانـعلى سوجي​

 

[ماكانش]

وعليكم السلام

هههه الحالة خطيرة
رجعت فيها فيلمات باه يجيو الخطابة
الله يهدي من خلق
صحيت على الموضوع سفيان
تحياتي​

وعليكم السلام
اهلا شوشو
واش راح يديرو قالك الفيلمات هذو وياربي تصلح هههههههههه
يعطيك الصحة شوشو​

هههههههههه

وش لونو الكاوي لي كان يجري بيه آ سفيان موف؟؟؟؟؟؟؟؟ هههههههه
قتلوه بالضرب مسكين هههههههههه
هاي ليك من عندي
صغييرة فلعمر كبيييييييييييييرة في العقل
اللحن تاعها لذرك راهو في راسي هههه​

يخي مريض يخي مالقت وش تتفكر هههههههه

هههههههههه
وقلي واش بيه اللون تاعك ولا رمادي هههههههه
شكون ينسى لغنايات هذوك ههههههه​

 

[ماكانش]

السلام عليكم
كنت مسافر ولعشية برك رجعت للدار
غدوة ان شاء الله نرد عليكم فرد فرد هههههههه​

 

[ماكانش]

راني قريت ردودكم كامل وعجبتني
لي عدوة غدوة بإذن الله تعالى .....

 

[مسلمة وافتخر باسلامى]

انا صراحة جامى صراتلى سمعت بهد الحكايات
مى جابلى ربى على حساب مراكم تحكو هاد البنات اللى يعرفو الولاد هبلوهم صابوهم سامطين بزاف
يعنى لازم حتى تدير روحها مريضة باش يجى يخطب ههههههههه
واشنو هادا السماطة
وين راهى الطفلة تع بكرى يشوفها من التاقة برك يقعد يبكى شهر ههههههههه
امالا اخويا غير وجد السيروم هههههه الطفلة حتى يطلعلها الضغط باش تخطبوها مسكينة

 

[re..sonia..da]

السلام عليكم سفيان


ياخي علابالك المواضيع تاع الزواج وما جاوره ههههه راهو يقلب المواجع عليكم وخصوصا


تاوعك سفيان


هههه تعرف تطيحلهم على الجرح ههههه


الموضوع هاذا راه حرك مشاعر الشباب المغبون مسكين ونا راني نقرا فالردود ونضحك


لي سمعت بيها حاجة خلااااف خلاص ههههه الطفلة هاذي ما تمارضت ما والو مادخلت سبيطار


ما دارت


سيروم ماشيطت روحها ماوالو .... نقولك واش دارت ؟ شرات تارتة ستيكات روحها وراحت


خطباتو من الوالدة تاعو تاعو ههههه وهاذي راهي قصة حقيقية


ااااه من هاذ الجرأة الجريئة اااااه ههههه


يااااااخاه نرخص روحي لهاذ الدرجة ......... جاااااامي


تستاهل تقييم خويا سفيان


واش ندعي لخويا


ندعيلك ربي يحفظك و يسترك ويرزقك بزوجة صالحة لي تكون قرة عينك وتكونلها قرة عينها

 

[احساس انثى dz]

هههههههههههههههههه والله صح كاين منها وتصرى بزاااااااااااااف
حسبتلها يجي يجي مخلوع عليها ورايح يموت علاجالها ههههههههه

 

[ماكانش]

قالك رني مريضة راح نموت ازرب أرواح تخطب ؟؟؟

لاه عبد رايح يموت يخطبوه الناس ؟؟؟؟خخخخخخ:laugh:
كي نسمع لحكاية هذي نتفكر الفيلم تاع بكري تاع الجلطي مع آمال ههههه
جامي تفرجتو منعرفوش:no_no: بصح سمعت بزاف على القوالب هذو هههههه وغير المهبولة لي ديرهم
سيرتو كيما تع اجري اجري بابا رايح يزوجني هههههههه مبروك عليك :like_1:
موضوع فور كيما العادة يعطيك الصحة ​

بصح تهدر غير على الزواج هههههههههه

أهلا عاصفة الورد
ههههههه
يعني كي يجي يخطبها ترتاح ههههه
ايه قوالب بزاف ويصلحو بزاف ثاني ههههه
يعطيك الصحة​

صح عيدك خويا

لتسما العفسة هاذي ثان مرقت ههههههه
ما على لبنات غير شوفو عفسة وحدوخرى .....
بصح... أسكو هذا العفسة جابت نتيجة مع ليجان اليوم لي ما يعرفو غير التمسخير ؟؟؟؟؟؟؟
سير لالا و الدليل الموضوع هذا ؟؟؟
امالا يا خويا هذوا لبنات يستاهلو اكثر ماكفهاش تمرميد الحشوة
زادت كملت عليها بتمرميد رول المريضة ؟؟؟؟
يخي حالة ؟؟؟؟
و تبهدايل السبيطار لخاطرش كاين اللي تروح صح للسبيطار
ربي يهدي الجميع و يبعد علينا البلى و البلاوات

و يبقي استر كما تقول اماني ؟؟​

أهلا بيك وردة
ربي يحفظ لبنات من الخوباثة راهم بزاااااااف وقليل الصافي
مسكينة الط
فلة كي تمد قلبها ومن بعد يتمسخر بيها تولي ادير في الحلول ومن بين الحلول لقوالب هذو
ماكانش قد الطفلة تحكم قدرها حتى يجيها رزقها ويولي الراجل يجري وراها ....

ما سمعت ماشفت مقالب كما هادو في حياتي ايا صح عيدك وكل عام وانت بالف خير.

أهلا زهيرة
قولي والله ؟؟؟
اي مازال تعيشي وتسمعي وتشوفي ....

واش راك خويا سفيان مبروك عيدك وكل عام وانت بخير ويا ربي لعام الجاي تكون مزوج يا ربي
واش راك مدورها افلام رومنسيةكبيرة في العقل وصغيرة في العمر ........ دروك راهي صغيرة في العمر وكبيرة في المهر..... واش رايك انت .....صح العقل مزالو يحوسو عليه .....ما ضنيتش........راهم يحوسو على الدراهم .... والزين ولاطاي .......اما العقلية ......من رحم ربك ....وهدي نتاع ازرب راني مريضة لوكان تكون مضمونة100/100 نجربها ...... راني خايفة يفشل الفيلم .....ماني بالعرس ماني بالراجل.هههه هههه ههه

أهلا بيك زهية
ههههههههه
مليحة تاع كبيرة في المهر
وشكون ألي يحوس على العقلية يا زهية، بصح حتى الزين والمال ملاح و لالا ؟؟؟
ماتجربي ماتمرضي روحك ماتحيري اجبدي عليه وشوفيه اذا باغيك راهو يجي واذا ماجاش اخطاكي منو ...

يعطيك الصحة على الموضوع ومواضيعك ديما هادفة ومن الواقع
صح كاين بزاف قوالب كيما هادو
وصرات لخويا هههههههههه
قاتلو الطفلة ماما راهي رايحة تزوجني بواحد مطلق وعندو زوج ولاد ادا تجي تخطب ارواح
خويا نية راح خطبها ههههههههههه ضك راهي هنا في الدار المهم ربي يهنيهم
وكاين عفايس بزاف تاني ربي يهدي هاد لبنات لي يديرو فيهم
وربي يرزقك الزوجة الصالحة إن شاء الله لأنو على حساب واش راني نشوف ماكانش موضوع من مواضيعك ماهدرتش فيه على الزواج
ماتنساش تعرضنا برك ههههههههههههه
ميرسي على الطرح المتميز

اهلا بيك ميمة
ههههههههه
كيما قلتي ربي هنيه
خوك صح نية وراجل ويمشي بقلبو وتكلمت فيه لحكاية ههههههه
وكيما قلتي قوالب بزاف والطفلة مهما يبانو قوالبها راح تزيدلك قوالب ماتفيقش خلاص هههههه
ربي يرزقنا من فضلو راني تعبت هههه


​

 

[tom raider]

ههههههههههههههههه
بنات العصر
زواج هو كل شئ بين عينيهم صح انا طفلة بصح ماجربتش هاذو لحكياة
و منهن نستفيد ههههههههههههههههههههه
ان كيدهن عظيم
زيد قوللنا على كاش قوالب نتعلم ​

 

[ماكانش]

السلآم عليكم

لمخيرة فيهم تآع الذهب راه غلا ههههه باش إذا زاوالي يلحق روحو ياخي حالة ياخي​

رآني نشوف باللي الدومان هذا فيه تمرميد بزاف هههه وفيه سبيطارات وسيروم مايخرجش عليا ههه​

باش يجي يخطب نولي نألف في فيلمات ياخي إذا كان مكتوبي يجي يجي عاجلا أم آجلا​

شكرا ليك خويا سفيان على موضوعك الرائع والله خسارة الفيلم اللي راك تحكي عليه أنا مالحقتش بيه مي حساب هدرتكم يبان فيلم هندو ههه
ربي يوفقكم​

هههههه
أهلا عاشقة رجاص
ربي يحفظك
والله الدومان هذا كيما قلتي مايخرجش على ألي قلبهم صافي وأبيض كيما نتي
يخرج غير على المنافقين الخداعين الخوباثة
مكتوبك يجي يجي ويكون بمستواك وصافي كيما نتي
يعطيك الصحة بصح حاجة برك راحلك الفيلم تاع الجلطي هههههه​

ههههههههههههههههههه

بكري يقولو جاو الخطابة وضروك يقولو جاو الرطابة
ايه والله عندك الصح
سيرتو في رمضان يقلولهم جاو مورا الفطور
ايا وبابا قبل وحاب يزوجني بسيف انا باغياتك انت
خخخخخخخخخخخخخخخخخخخخخ
هذي شفتها عند شحال من طفلة كي نديرو سهرة
زعمة فالنهار يصومو وفليل يفطرو
سير راك قريب تزوج تهدر غير على الزواج وراهم مقاردينك
ميرسي على الموضوع​

أهلا ميسا
ههههه
مساكن فضحتيهم ههههههه
مالا كامل بلقوالب هذو ؟؟؟ ههههههه
هوما ملاح يتفضح فيهم الصادق والخاين​

سلآآموووو
و الله ما تقول راني عايشة معاكم _o:آآآآآو جامي لا سمعت بهاد الحكايات و ماظنيتش خلاص تكون في حياتنا، بصح ما دام حكيتو عليها معناها راهي شاعت _o: :cra_zy:
الله يهدي برك ، بصح على حساب ما فهمت .يقدرو يديروهم هاد لبنات باش:
1:يشوفو النية تاع لولاد و لا
2: تكون صح البنت حابة هاد الشاب و الظروف ماشي في صالحهم ولا
3: حقرة لوليد الفاميليا كي شافوه عاقل .
يعني عندها عدة تفسيرات
بصح في كل الأحوال الكذب ماهوش مليح :schmoll:


و يتواصل التشجيع كما يتواصل دعائي لك بالزواج و الزوجة الصالحة
+++

أهلا يلديزاو ماكيش عايشة مالا ههههههه
كاين بزاف وكاين ألي مانعرفوهمش سر المهنة تاعهم هههههه
وكيما قلتي وعجبتني بزاف النقطة اللولة تاع يشوفو النية تاع الطفل
في هذي مليحة يجربوه ويشوفو النية تاعو
وأكيد الخاين ماراح يدير والو ويواجه ببرودة ولا يلعبها برك ثم يطفى
يعطيك الصحة وربي يحفظك ...​

روح تزوج و هني روحك و الله عندك الحق راك في القمة

هههههههه
ربي يحفظك ملكة جمال اللمة
وين راهي البشبوشة هذي ؟؟؟ ههههه​

 

[أم راضية ~_]

أهلا يلديزاو ماكيش عايشة مالا ههههههه
كاين بزاف وكاين ألي مانعرفوهمش سر المهنة تاعهم هههههه
وكيما قلتي وعجبتني بزاف النقطة اللولة تاع يشوفو النية تاع الطفل
في هذي مليحة يجربوه ويشوفو النية تاعو
وأكيد الخاين ماراح يدير والو ويواجه ببرودة ولا يلعبها برك ثم يطفى
يعطيك الصحة وربي يحفظك ...[/center]






أهلا الحمد الله عالسلامة يا سيدي
_o: _o: _o:مازالو قوالب وحدوخريين :scared::scared:

مالا مليح كي ولات عندهم فايدة ، ونسميوهم قوالب جس النبض هههه :shiny:و نكتبو كتاب نسميوه :

قصص لجس نية الخطيب ههههههههه
ياو الخاطب تاع الصح يجي للباب قبالة ما يوصلهآش باش تمثل عليه

سلام و راني نسنى في موضوع جديد :sheer::sheer: