بكري كانو يقولو راهم جايين الخطابة وذرك ...

[NaniFor éver]

ههههههههه والله صح ​

 

[ماكانش]

لي عودة ربي يحفظكم

 

[القطة الزهرية]

hhhhhhhhh aw lazam yakhadmo w yakhtar3o wla majiwach kamal takhtbo hada mayli9alkom hhhhh.....mrc

 

[ماكانش]

السلام عليك أخي

بارك الله فيك و عليك علي قيمة الموضوع و صراحتك الواقعية الإجتماعية
الحمد لله كل واحد يحلم و يتمني أن يجد نصفه الأخر علي سنة الله و رسوله
من فينا لايحب الزواج ممن يحب و يتمني
مي الله غالب النية الزينة راحت
نية الحلال و محاولة بناء الأسرة علي ين الله و سنة رسوله مابقاتش
طغاة الحيلة و النية الشينة
طغاة لغة المادة و الوفاء مابقاش لا في الكلمة ولا في المعاملة
ربي يستر
********
كان صديق ليا حميم و قريب جدا لي
أحب فتاه حتي النخاع
أعطاها كل مايملك من حياة و أيام و أحلام
جعلها تاج فوق رأسه
منذ أن عرفها و كلامها و كان كل شىء علي سنة الله و رسوله
وراء يجري و يهرول في تسابق مع الحياة و ضد الزمن من أجل فرحة يوم زفافهم
أوهمته بعشق قيس و ليلي و عنتر و عبلي مدة 6 سنوات
شهادة الماجيستر و الدكتورة سبب تأخره
وهي اللعينة
شهادة تخصص جراحة النساء تخصصها أخرتها و ألزمتها عدم الزواج في الحين
المهم نهاية القصة :
راح يتجول مع مجموعة من الأصدقاء في يوم العطلة الصيفية علي احدي شواطىء مدينة عنابة
و اذ به يشاهد زوجته مع شاب و يا ليت شاب مثلنا وولد فاميليا
الفاهم يفهم قصدي ؟؟؟
هي و هو تحت مضلة شمسية في وضعية حرجة ولباس حرج ووووووووووو
نهايته صدمة نفسية عدم حضور حفل تخرجه لنيل دكتورة في العلوم الإقتصادية
وضياع حياته رأس علي عقب
*****
فتاة كي تضمن شاب
تقول ندير واش نحب و ليلة الزواج مضمونة
حاشا بنات الفاميليا لي مايقبلوش و مايدروش هاكة
ربي خلق و فرق
******
كل شىء بالمكتوب
كل واحد يوم يول يكتب له
- عمره
- رزقه
- زواجه من... ويوم... ان كان ذالك
سبحان الله الخالق
:re_gards::re_gards::re_gards:
:re_gards::re_gards::re_gards::re_gards::re_gards:
:re_gards::re_gards::re_gards: ​

أهلا بيك خويا لعزيز
ايه لحكاية تاع صاجبك هذا راهي صرات بزاف
والواحد كي يسمع هكذا يقول ربي يستر هذا ماكان
ربي يحفظك خويا​

هههههههه على سيرة جلطي

انا نقولو الحنة راح تتقطع يا ربي نديرو الحنة
ديرولو الحنة ديرولو الحنننننة
ايا قول معايا ا سفيان
لالا سفيان الحمد لله ديما نيتي هي لي تسلكني
وراح نبقا صافية مع الناس كل حتى ولو ك ان ضلموني
ختراه ربي لي يحاسب ماشي العبد​

أهلا بيك نجاة
هههههه
المازوزي ديالنا ههههه
ماكانش قد النية والقلب لبيض
برك لازم تكوني شاطرة وماتخليهمش يستغلوك هذا ماكان
يعطيك الصحة ...​

هههههههههههههههه والله ضحكتني علاش مسكينة راهي تموت عليه و باغية تكمل حياتها معاه

قولي انا من وهران كاش محتاجيت خويا راني هنا

تقبل مروري سلام

ههههههههه
والله يا منيني من كثرت لكذب ماوليناش نصدقو هههه
راني وراه باش يروح يخطب ويهني المخلوقة
---
ربي يحفظك حبيت رقم هاتف كلية الآداب والحضارة الإسلامية بوهران​

ههههه والله غير كاينــة ، دركــ كل وحده وخيالهــا واش يديرلها حكاية

بصــح تاع المرض هدي جامي صرات من جوايهنــا .
انا مرت خالي عندها شحال وهي مع خالي ، أيــا كي ديقوطات ومالقات بيها وين ، عيطتلو قالتلو شوف راهم جايين يخطبوني وفالدار قابليــن ، وزيد مانقدرش نقولهم لالا ديجا الرجل هذا في فرنســا وقاري ووالو ماخاصووو ماعنديش حتى سبة باش نرفضوو ، ايــا خالي كي الفحل جا يمشي ويجري قانــا دبرو رواسكم بالخميس نروحو نخطبوهــا هههه
+
وكايــن بنات الي يهدروها فالوجه وهدو الي عندهم الحق
كمــا وحده نعرفهــا عندا بلك وحد 4 سنين وهي مع واحد ، ايــا الصيف هدي سمعت بوحده جارتهم تخطبت
من الغش هزت التليفون وقالتلو شوف يامخلوق ربي مانقولك جايين يخطبوني ماوالو ، هدي شحال وحنا مع بعض سايي جونيمار الا حابني صح راني خلصت قرايتي والدار تعرفهــا ، من فوق هاد الهدرة مانزيدش
من غدوة راح بوه طيح الهدرة مع بوهــا ههه ​

وكما قلتلك كل وحده وواش يديها راسهــا ،كاين الي حكاية كما يمليه عليها خيالها ، وكاين الي ماتعرفش تلف وتدور وتخرجهالو طاي طاي
+
يعطيــكــ الصحــة على الموضوع
واسمحلي طولت شويــا فالهدرة بصــح واش اداك انت الي قلت احكيونا واعطيونا اراءكم ههه​

هههههههههههه
أهلا بيك ملكة الإحساس
هههههه والله ضحكتيني
قلتلكم لقوالب هذو يصلحو غير في النيات كي خالك ههههههه
ومليحة تخرجهالو طاي طاي بصح الشهر اللول تقلو واش حاب ادير حكاية وتفوت الوقت ولا واش ؟؟؟
هكذا تحطو في الصح
اما ربع سنين وهيا معاه هاهي مطفرتها في روحها ولوكان يخليها تطفر فيها هوا من الدورة يلقى زوج ههههه
يعطيك الصحة وربي يعافينا ...​

 

[نسيم الربيع]

صحيت خويا
هاذ العفسه يديروها بزاف لبنات
ياخويا حتى نتوما علاه ماتفهموش رواحكم ههههه
كاين اللي تلقاها تحب واحد بزاف وكاين اللي باغيه راجل قبل لاتدخل فعالم البايرات
بصح تبالي يخرطو برك والطفله وين لحقت تلحق مالازمش تقول لواحد راح نموت ارواح تخطبني وتنوض تحتم فروحها
بغا يجي يجي مبغاش طريق السد
قريت الموضوع اللول اللي قفلوهولك
بغيت نقول للاجودان عندك كاشما يصرا للمخلوقه وتدي ذنوبها
مارسي عالسوجي​

 

[♥SaMoù Là MoDèsTe♥]

إيــه صــح كــآينين هـــآذو السبـــآيب
والوآحد كي يكون يبغي وحدة ونــآويهــآ للحلآل مــآشي حتى تبدآ تجيبلو ف السبــآيب
وحدو يروح يخطبهـــــــــآ

أمــــــــآ عن فيلم جلطي يــــــــآ حسرآه عليه وعلى الغنية تــآعو تـآع حبيت أنــآ نكبر معــآك

اللي يضحكني في هذآك الفيلم بزآف هـآذوك اللي يرقصو على غنــآه كيمــآ تآع الأفلآم الهندية
​

 

[ماكانش]

اااااااااااااااااااااااههههههههههه
عليها سبيطارات معمرة
هذا وين فهمت
يعطيك الصحة سفيان

ههههههههههه
ربي عافينا ياخويا هههههه​

اواه موحال ندير هاك

منجري على حتى واحد​

حاب يخطب مرحبا محبش ربي يسهل كاين غيروا

يعطيك الصحة ملاك
مليح الطفلة تكون بقدرها وعزيزة كيما
نتي، يولي الراجل يجري وراك
ربي جيبلك الراجل ألي يستاهلك
​

هاهاهاهاها

والله كي نسمع هذي الحكايات نفكر في هذو البنات ..آسكو عندهم كرامــــة ولا كبرياء ؟
والو ..مشكيتش والله
مكانش أحسن من الطفلـة يلي عندها كرامـة متكونش شوينــgـــومــة لاصقـة في واحد وتضل تحلل فيه باش يخطبها ..

يخي ..
وشنو هذا الفيلم أ سفيان ؟
أنا عندي 15 سنة ومنعرفوش مي سقسيت ماما قاتلي بلي مسعتش بيـه وسقسيت جداتي وقاتلي مكانش منه..
واش تفرجتو غير نتا ول ؟
هاهاهاهاهاهاهاهاهاهاهاه
باين عليك متابع شغوف لليتيمة

نتمسخر برك

مارسي موضوع مليـح
+
تقييم ليــك
مي راني زوالي ممكن تديرلي تقييم

أهلا بيك ميسون
ههههههه
ربي يحفظك ويحفظلك جداتك وماماك
ماكانش كيما قلتي لمرا تكون بقدرها وبكرمتها حتى الرجل يولي يجري وراها
او كيفاش ماسمعوش بالفيلم هذا
سقسي قوقل يديك ليه ههههههه​

ههه


اول مره نسمع بيها

كنت نشوفها غير فالافلام الهنديه و المسلسلات المصريه خخخ

معناتها درك وصلت عندنا ؟؟؟

انا نظن البنات يخافو على رواحهم هه

ولا ما عندهمش الحق

درك ولينا نسمعو غير الحكايات نتاع وحده كانت

تخرج مع واحد و ممبعد راح خطب صحبتها و خلاص

ولت البنت تخاف يروح و يخليها ههه

المهم شكرا على الموضوع

و عندي دعوه وحده ندعيهالك ربي يزوجك

مي خايفه كي تتزوج ما نلقوش سفيان وحداخر يديرلنا

مواضيع نتاع زواج ههه
​

أهلا بيك بنت الجزائر
ههههههه
امييييييين لالا مواضيعي تلقاوهم في فرغ واش في قلبك ههههههه
كيما قلتي هزوهم من لمصاروة والأتراك
والطفلة تتخيل فيه كي تقلو مريضة يجي يخطب ياي غير النية الي يتحرك
ومليح تجربو الطفلة باش تعرفو صح ولا غير يفوت في الوقت ...
يعطيك الصحة ...

​

لي عودة :sheer:
​

أهلا ايمان :shiny:












​

 

[ماكانش]

ههههههههه والله صح ​

هههههههههههه
بلاك تتكلم فيك ههههههه​

hhhhhhhhh aw lazam yakhadmo w yakhtar3o wla majiwach kamal takhtbo hada mayli9alkom hhhhh.....mrc

هههههههه
اهلا قطوطة ههههههه
كيما قلتي مليحتلهم ، حتى اذا ماجاوش يخطبو يبانو صح ولا غير يتمسخرو
يعطيك الصحة
​

صحيت خويا

هاذ العفسه يديروها بزاف لبنات
ياخويا حتى نتوما علاه ماتفهموش رواحكم ههههه
كاين اللي تلقاها تحب واحد بزاف وكاين اللي باغيه راجل قبل لاتدخل فعالم البايرات
بصح تبالي يخرطو برك والطفله وين لحقت تلحق مالازمش تقول لواحد راح نموت ارواح تخطبني وتنوض تحتم فروحها
بغا يجي يجي مبغاش طريق السد
قريت الموضوع اللول اللي قفلوهولك
بغيت نقول للاجودان عندك كاشما يصرا للمخلوقه وتدي ذنوبها​

مارسي عالسوجي

أهلا بيك نسيم
ههههه
وعلاه توصل روحها ؟؟؟
حتى تولي تتمارض وتمرض
ماكانش قد تحكم قدرها وتعزز نفسها والباقي الله يسهل عليه
يعطيك الصحة​

إيــه صــح كــآينين هـــآذو السبـــآيب

والوآحد كي يكون يبغي وحدة ونــآويهــآ للحلآل مــآشي حتى تبدآ تجيبلو ف السبــآيب
وحدو يروح يخطبهـــــــــآ​

أمــــــــآ عن فيلم جلطي يــــــــآ حسرآه عليه وعلى الغنية تــآعو تـآع حبيت أنــآ نكبر معــآك​

اللي يضحكني في هذآك الفيلم بزآف هـآذوك اللي يرقصو على غنــآه كيمــآ تآع الأفلآم الهندية ​

أهلا بيك تسنيم
هذي هيا الهدرة الزينة
ألي يبغيها يروح وحدو يخطبها ماشي حتى تقلو فمابالك تمرض وتحاولو ...
وعلى الي يشطحو ماشفيتش عليهم ههههههه
يعطيك الصحة

​

 

[Iman89]

خويا سفيان هدا دليل بلي الطفلة ديما تمد الحلول لمليحة واللي ترضي ربي علاه المنكر واحد عجبتلو وحدة يروح يخطبها علاه يبقى يتمسخر ومن بعد يقول ماكتبش المكتوب ،الواحد ينوي لحلال وربي يسهلو وهاد لقوالب اللي تحكي عليهم كاين منهم بزاف مي الله غالب النافع ربي سبحانو​

 

[ماكانش]

خويا سفيان هدا دليل بلي الطفلة ديما تمد الحلول لمليحة واللي ترضي ربي علاه المنكر واحد عجبتلو وحدة يروح يخطبها علاه يبقى يتمسخر ومن بعد يقول ماكتبش المكتوب ،الواحد ينوي لحلال وربي يسهلو وهاد لقوالب اللي تحكي عليهم كاين منهم بزاف مي الله غالب النافع ربي سبحانو​

أهلا ايمان
أنا نلوم كثر الطفلة ألي ترخس روحها وتخلي الرخاس يتمسخرو ويهزو في رواحهم عليها ...​

 

[Iman89]

أهلا ايمان
أنا نلوم كثر الطفلة ألي ترخس روحها وتخلي الرخاس يتمسخرو ويهزو في رواحهم عليها ...​

لالا سفيان ماتغلطش مش الطفلة اللي ترخس روحها الراجل اللي من طبعو يشتي يلعب ويخليها معلقة اليوم نجيب دارنا لالا غدوة الشهر الجاي العام الجاي ......وهي ماشية مصدقة الخرطي
ماعليش ربي يجيب الخير انا رجال كيما هادو ربي يهديهم فرات هادا ماعندي نقول ​

 

[ماكانش]

لالا سفيان ماتغلطش مش الطفلة اللي ترخس روحها الراجل اللي من طبعو يشتي يلعب ويخليها معلقة اليوم نجيب دارنا لالا غدوة الشهر الجاي العام الجاي ......وهي ماشية مصدقة الخرطي

ماعليش ربي يجيب الخير انا رجال كيما هادو ربي يهديهم فرات هادا ماعندي نقول ​

أنا راني رجعتك لأصل لحكاية يا إيمان
وعلاه تعرفو وتعطيه الفرصة يحكي معاها ويديرها صحبتو ولا الرخيسة تاعو حتى يولي يقلها نخطب ونجي وو
تحكم قدرها وتستنة مكتوبها
​

 

[re..sonia..da]

أنا راني رجعتك لأصل لحكاية يا إيمان
وعلاه تعرفو وتعطيه الفرصة يحكي معاها ويديرها ..... ولا الرخيسة تاعو حتى يولي يقلها نخطب ونجي وو
تحكم قدرها وتستنة مكتوبها ​

الله يرحم هاذا الفم لي خرج هاذ لكلام الزين
تبارك الله
ماقلناش الاختيار والاعجاب ماشي مليح وللا حرام لا لكن التمادي
في العلاقة دون معرفة نهايتها هو بيت القصيد
لي يحب انسانة راهو باين
راه رايح يدير المستحيل على جالها بلا ما تهدر وللا تبقى تحاول فيه ارواح اخطبي .... يااااعيبي ياعيبي
الطفلة لازم تترقى في معاملاتها
وتكون عارفة بللي الانسان الكذاب او اللعوب بعواطفها لازم تبعد عليه
وللي قصدو يتسلى يرووووح يبعد بنات لفاميلات
المراة حساسة وتمشي وراء العاطفة تاعها صحيح بصح مالازمش تكون غبية ​

​

صونيا

 

[نسيم الربيع]

أهلا بيك نسيم
ههههه
وعلاه توصل روحها ؟؟؟
حتى تولي تتمارض وتمرض
ماكانش قد تحكم قدرها وتعزز نفسها والباقي الله يسهل عليه
يعطيك الصحة​

[/center]

ايه مام انا هكاك قصدت ماتوصل روحها ماتقعد تحتم فعمرها اللي بغاها يعرف الباب​

 

[hindoussa]

hhhhhhhhh Dzriyààt wx 9wàlEBnàà làh Ghàlebb hhhhhh