ماذا ستطبخين اليوم سيدتي

[عفاف الجزائرية]

صباح الانوار عليكم واش حوالكم انش الله لاباس
ابتسام المحاجب يشهيو يعطيك الصحة
تسنيم قراتان كاين زوج انواع تاع الطون وتاع الجاج كي نعاودهم راني نصور ونحطلك الطريقة حبيبتي
عفاف بصحتكم الشخشوخة نموت عليهااااا
انا اليوم راني دايرة مسفوف توحشناه كرهت مالمرقة

صباح الخيرات عليك
اسكتي كون تسممعك ماما على المسفوف تجي تتغدى عندك
​

 

[ام ايناس]

صباح الخيرات عليك
اسكتي كون تسممعك ماما على المسفوف تجي تتغدى عندك
​

هههههه والله مرحبا بيها نحطها بين عينيا بصح بشرط تبعثيلي صحن شخشوخة :shiny::shiny::shiny:

 

[عفاف الجزائرية]

هههههه والله مرحبا بيها نحطها بين عينيا بصح بشرط تبعثيلي صحن شخشوخة :shiny::shiny::shiny:

هههه يخي يقلك كلمة عليها ملك واخرى عليها شيطان
احنا نحتاجو اللي عليها الملك برك
كي نهار ليوم تجيني ونديرلك الشخشوخة وتبردي بيها قلبك
​

 

[Setifienne]

صباح الخير على الجميع ،جمعة مباركة يا رب
واش راكم واش حوالكم
أنا غدايا اليوم شخشوخة الظفر
صح غداكم كلكم

 

[ام ايناس]

انشا الله عفاف ما تعرفي بالاك كاش عام يجي راجلي يخدم في المسيلة ونجي ليك
اختي setifienne بصحتكم شخشوخة الظفر

 

[ibtesem]

صباح الخيرات عليكم يالبنات
جمعة مباركة على الجميع ربي سهل اموركم ويعطيكم واش تتمنو
بصحتك عفوفة على الشخشوخة من هار لطيبتها اممممممممبنتها في فمي
كوكو بصحتكم الطعام
انوس يا انوسة ربي اكملك وافرحك حبيبتي
تسنيم بنت بلادي بصحتك المحجوبة
تحية الى كل غائبات راكم خليتو مقاعدكم فارغين
خاصة ندود ماشي عوايدك انك تغيبي كيما هكذا ربي اجيب الخير

 

[ibtesem]

راني انا تاني قررت ان شاء الله على طعام مرقة بيضاء
فلوسة مساء الخيرات واش راكي
مرحبا بالاخت setifienne
معانا بصحتك شخشوخة:sheer:

 

[عفاف الجزائرية]

اهلا بيك ابتسام صباح الخير عليك اختي
-----------
ان شالله اختي دليلة ما تعرفي الوقت كيفاه يكون على العموم نهار تحطي رجلك في المسبلة مرحبا بيك في اي وقت يا لوكان على 12 نتاع الليل
-----------
اني نشوف في الدراجية لتحت مرحبا بيك اختي فلوسة
-------------
مرحبا بيك اختي السطايفية معانا وبصحتك الشخشوخة
​

 

[ام ايناس]

اهلا بسوم مساء الانوار وبصحتك الطعام مسبقا
عفاف انا كنت كي نروح للدار نفوت على المسيلة يسمى فت عليها 4 مرات وشربت ماها والقازوز تاعها ودرك راني نروح على العاصمة

 

[tasnim55]

بسومة الغالية الله يسلمك بصح راني ناوية انديرها هاليامات انشاء الله
ام نيسو مشكووووووورة يالغالية مدابية اديرهم في زوج ويعطيك الصحة اختي
اختي كوثر مشكورة عزيزتي ربي يهنيك

 

[nada242008]

مساء الخيرات وجمعة مباركة على الجميع
ملي صرالي المشكل تاع الصورة ماعدتش نقدر نشعل الميكرو ههه تقول ضربوني بعين .. نقعد نتفرج فيه ومانشعلوش
بصحتكم كامل واش طيبتوا
انا اليوم محجوبة رجعت لعادتي ههههه مع باطة هريسة يخي مازلتو متفكرينها
وصباح كامل مع الميناج
سلامات عفوفة الحمد لله كي عدتي بخير
بسومة وايمان وكوثر وفوفة وام ايناس وتسنيم و فلوسة وام فاروق وايناس والكل صح غداواتكم

 

[ibtesem]

على السلامة يالالة شرفتي الكوزينة ان شاء الله تحل المشكل تاعك

 

[tasnim55]

بصحتك ام ندوشة محجوبتك الله يبارك مازالني متفكرتها مع لباطة تاع لهريسة اممممم راكو تشهو فيا على لمحاجب انتي وبسومة بالهناء على قلوبكم

 

[ibtesem]

تسنيم خدي بشعاري الدي يقول
متخلي حتى حاجة في قلبك
لتتشهايها طيبيها ههههههههههههههههه

 

[imane27]

مساء الخير عليكم واش راكم
صحاب محاجب بصحتكم راكم شهتوني
صحاب طعام بصحتكم تاني راني متوحشاتو
ولا صحاب الشخشوخة الله الله ناعندي مانقول
عشايا تاع لبارح كان تشكتشوكة وسلاطة فلفل

 

[ام ايناس]

انشا الله تسنيم في اقرب وقت
ام ندوش هادي عين قوية راهي هنا دوووور هههههههه
ايمان بصحتك شكشوكة وسلاطة فلفل مزية راجلي ماهوش حدي يموت عليهم

 

[كوثر الوهرانية]

اهلا اهلا اهلا و مرحبا بندوشتنا اللغ لا يغيبك علينا اختي راهي عين و كبيرة الله يحفض
بصحتك المحجوبة امم مع العهريسة اه يا ليل هههههههههههههههه
ايمان عشاك خفيف مليح بزاف بصحتكم
عفاف تسنيم بيسوا ام ايناس كي عشيتوا و واش نوتوا للعشاء
انا راه ندير كفتة بلاصوص و فريت
خالتي جابتلي واحد لاصوص اسمها ساموراي منحكيلكم على البنة نتاعها تهبل و حارة مع الفريت تجي روعة عفاف كموندي من عند خوك يجبهالك راهي مداق يهبل

 

[ام ايناس]

سلام كوثر العشا انشا الله ناوية على بوزلوف في الفور
وسلامي لقاع الحاظرات والغايبات

 

[عفاف الجزائرية]

اهلا اهلا اهلا و مرحبا بندوشتنا اللغ لا يغيبك علينا اختي راهي عين و كبيرة الله يحفض
بصحتك المحجوبة امم مع العهريسة اه يا ليل هههههههههههههههه
ايمان عشاك خفيف مليح بزاف بصحتكم
عفاف تسنيم بيسوا ام ايناس كي عشيتوا و واش نوتوا للعشاء
انا راه ندير كفتة بلاصوص و فريت
خالتي جابتلي واحد لاصوص اسمها ساموراي منحكيلكم على البنة نتاعها تهبل و حارة مع الفريت تجي روعة عفاف كموندي من عند خوك يجبهالك راهي مداق يهبل

يا فريدة اختي تديري مزية تصوريهالي لابوات نتاعها ولا هي باه نشوفها ونبعثهالو
راه قريب يجي راني غير نوصي ونعاود فيه

 

[عفاف الجزائرية]

أني نشوف في المنتدى والمطبخ راه في حالة يعلم بيها غير ربي
وخايفة تلحق لينا تصيبنا
لازم نبخروه ساعة على ساعة

ارواحو تتبخرو
عين الحسود فيها عود
يا ربي اللي بغى يخسدنا واللي يغير منا بعدو علينا
​