ماذا ستطبخين اليوم سيدتي

[عفاف الجزائرية]

اهلا عفوفة راهي قالتلنا لامية راكي مريضة ربي يشافيك
بنت الجسور عشا يشهي يعطيك الصحة
فريدة البلا ما عندي ما نقول يعطيك الصحة
وصح عشاواتكم كااامل

يا ماما يا ماما على اينااسو يا ماما
روحي درك اعطيها البيزو نتااااااااااااااعي
الله يبارك عادت عروسة
ايه هبلتني هاذاك النهار ما لقاتكمش وعيطتلي في التلفون وقاتلي درك تفهميني وين نلقاهم وانا كنت راقدة
ما جات تفهم حتان دوختني
الحمد لله على هاذ الساعة

 

[كوثر الوهرانية]

عشاك يشهي اختي بنت الجسور المعلقة الي ولات مسيلية بصحتكم و الله يدومها نعمة عليكم و يكثر الخير

 

[كوثر الوهرانية]

لبنات الاخت راجية العفوا تبلغلكم سلامها و تقولكم الجهاز نتاعها راه خاسر عليها مراهيش تدخل

 

[عفاف الجزائرية]

خبر الخير ديما يجيبو وجه الخير
ربي يخلك اختي فريدة يسلم عليها الخير والعافية

 

[كوثر الوهرانية]

الله يسلمك اختي عفاف ربي يخليك ليا يا لعزيزة

 

[imane27]

الله يسلمك كوثر سلملنا عليها

 

[imane27]

عفاف حبيت نسالك عندي وسام تاني مستلمتو تاع اسبوع رابع من مائدة رمضان من تشفلي وين راه

 

[عفاف الجزائرية]

ايه اختي ايمان ديجا كنت حكيت مع الاخ فريد عليك وقاللي راني سلمتو وسلمتلها النقاط وكي عادت مدية نفس الوسام ما يضهرش فقط
مي رح نزيد نسقسيه باسكو انا تاني جاني هذا التساول
اتهناي عزيزتي

 

[ام ايناس]

صاييي عفاف وصلت البيزو وهي تاني تبعثلك بيزو تاعك قالتلنا لامية ما لقاتنا حتان هبلاتك هههههه
كوثر سلميلنا عليها وقوليلها توحشناك
تصبحو على خييييييييير

 

[عفاف الجزائرية]

ربي يخليهالك اختي دليلة وتشوفيها عروس وتفرحي بيها يا رب
اييييييييييه اسكتي عني على كوشمار هذاك النهار انا راقدة في الفراش وهي تقلي واصفيلي
قلتلها علاه طريق ول
مانيش جايبة الخبر
ساعة نقوللها نفحات رمضان
ساعة ماذا تطبخين سيدتي
ساعة ركن المطبخ
هبلتني وهبلتها هههههههه
ليلة سعيدة اختي
وانا بدور نقلكم تصبحو بخير

 

[imane27]

ايه اختي ايمان ديجا كنت حكيت مع الاخ فريد عليك وقاللي راني سلمتو وسلمتلها النقاط وكي عادت مدية نفس الوسام ما يضهرش فقط
مي رح نزيد نسقسيه باسكو انا تاني جاني هذا التساول
اتهناي عزيزتي

اوكي عفاف بارك الله فيك:sheer:

 

[imane27]

تصبحو بخير لبنات لراهم رايحين يرقدو
حنا هدا وين راه يطيب لعشاء
راني نطيب شكشوكة وسلاطة فلفل

 

[ibtesem]

فطوري كان محاجب

 

[كوثر الوهرانية]

احاى صباح على احلى بنات
صباح الورد و الياسمين على الغالين
جمعة مباركة على الجميع
بسومتي بصحتك المحاجب جاوك هايلين راكي سبقتيني فيهم
اليوم نطيب الطعام بالمرقة و انا مزالني مع الصيام

 

[عفاف الجزائرية]

صباح الخير على البنات
ن شالله تكونو بخير وجمعتكم مباركة
ربي يناولكم ما في بالكم ويهنيكم في هذا اليوم المبارك
لا تنسو دعواتكم بالخير لكل المومنين
--------
احنا للغدا كيما كل جمعة شخشوخة
شمخت العجين
درك شوي ونروح نطيبو ونفتتو
​

 

[tasnim55]

صباح الخير اختي تسنيم وصباح الخير تاني على كل بنات وسيدات المنتدى
والله يالبوفجوخ يتاكلحتى بوحجدوا مع الخبز يجي بنين وهايل بزااااااف
والكرنب احنا نديروه تاني نقولولها (سفة الكرمبيت) وحتى تاني الكرم هاذاك اللي يجي اوراقوا خضرا وعريضة نديروهولها يجي اكثر من روعة
وبارك الله فيك اختي تسنيم كاش نهار ارواحي زورينا ونديرلك( السفة) ويجي معاها اللبن تاني ياحسرااااااه
​

تعيشي حبيبت قلبي الله يحفضك ويخليلك الامورة الي في الصورة يارب ناس واد سوف والله غير نعزهم ناس ترحاب وضيافة والكلام الطيب الي هو عسل مشاااااء الله عليكم:re_gards::re_gards::re_gards:

 

[tasnim55]

جمعة مباركة يا اغلى الاحباب
فوفة وشراكي حبيبتي وربي تقبل صيامك
كوثر بلا الحوت يشهي والمحلبي رائع وربي تقبل صيامك اختي
بسووووووومة محجوبة اممممم تهبل خلاص ذرك ندورها محاجب صحتكم
اسيا دز مشكووووووووورة لعزيزة على وصفة لغربية سؤال قاعد مطروح اعلاش غربتك الله يبارك بيضاء
ام ندوش وينك انشاء الله راكي بخير
ايمانو بصحتك لفريت اوملات نموت اعليها
بنت الجسوربصحتكم اممممم ورخساس تاع حراير ولحميص سخفتيني فيه ياك حميص ميش مقلي والا حميص قوليلي طريقتك
ام منصف وشراكي يالغالية
اختي عفاف بصحتك الشخشوخة:showoff:
ام نيسو الماسيدوان تهبل يعطيك الصحة ياريت تعاودي تحطي قراتان لابوري بالطماطم كان كاين من قبل وكي راحت اللمة ضاعو نص المواضيع
درتيها الله يبارك هايلة
​

 

[tasnim55]

تعيشوا اعطوني طريقة عمل بونفور​

من بعد نكتبلك الوصفة

 

[كوثر الوهرانية]

اهلا بيك تسنيم كيراكي اختي نهارك مبروك
عفاف بصحتكم الشخشوخة ميميم سخفتيني فيها من ايام الدورة معاودتهاش بعتيلي شويا انا اختك

 

[ام ايناس]

صباح الانوار عليكم واش حوالكم انش الله لاباس
ابتسام المحاجب يشهيو يعطيك الصحة
تسنيم قراتان كاين زوج انواع تاع الطون وتاع الجاج كي نعاودهم راني نصور ونحطلك الطريقة حبيبتي
عفاف بصحتكم الشخشوخة نموت عليهااااا
انا اليوم راني دايرة مسفوف توحشناه كرهت مالمرقة