ماذا ستطبخين اليوم سيدتي

[ibtesem]

مساء الخيرات عليكم​

هدا واش طيبت امس
اسفة لردائة الصورة لاني اخدتها بالهاتف ​

سلطة ​

​

خبيزات ​

​

دجاجة في الفرن عمرتها بالبرغل واللحمة مفرومة ​

​

لبيري ​

​

شربة فرميسال ​

​

بصحتكم واش طيبتو​

 

[l'algeroise]

صبااح الخيير عليكم نشالله تكونو كااامل بخيييير راني طولت الغيبة شكراااا لكاااامل لي سقساو علياا
كنت في العاصمة ختي ختنت وليدها في ليلة 27 و نهار الجمعة دارت قهوة درتلها البقلاوة كادو مبعد نشالله نحط التصاور تاع البقلاوة و تاع الحلوى لي دارتها روحت نهار السبت و عجزت نحطهم
بصحتكم كاااامل واش طيبتو
لغدا نشالله رايحة ندير مقلوبة ​

 

[ام سيف]

مبروك الحجاب ريما 29:re_gards:

 

[ام ايناس]

صباح الانوار عليكم
ابتسام فطور يشهي يعطيك الصحة
كوثر مشكوورة يبان هايل
مرحبا بيكم وريدة ولالجيرواز توحشناكم ومبروك على ولد اختك

 

[l'algeroise]

مساء الخير عليكم واش راكم
صح فطوركم
ندي كوكا تشهي ولا هاديك الوبيا توحشتها
ايناس صيامك فالجنة انا تاني صايمة
سلامي لكل الغليات والموجدات ام سيف ام فاروق وايناس وستفيان
لبارح درت طبق كفتا باليض طبق مغربي وسلاطة فلفل

الله يسلمك أم ايناس
ايمان تعيشي أعطيني الوصفة تاع الكفتة

 

[labed93]

لتعرف دير مسكوتة كما تع بنت الجسور المعلقة تعطيني الوصفة

 

[ام فاروق و ايناس]

صباح الخير عليكم
بصحتكم كامل واش طيبتو يعطيكم الصحة دائما منورين اللمةباطباقكم الشهية
انا درت اليوم للفطور مقرونة مع المرقازوصوص طماطم والله تشهي مع اني لا احب المقرونة لكن اولادي و زوجي يحبوها بكل الطرق قريب نشري ابراي جديدة ونصور لكم كل يوم راني مهبلاته راني نهدر غير عليها:showoff::showoff:
صحى فطوركم....................:re_gards:

 

[ibtesem]

صباح الخيرات عليكم و نهاركم مبروك يالبنات
ربي اوفقكم كامل

 

[ibtesem]

مرحبا لالجرواز بصحتك المقلوبة
بصحتكم المقرون ام اينات وفاروق
واش راكي انوسة
مرحبا من التحق بينا الان

 

[imane27]

مساء الخير عليكم واش راكم
ابتسام عشا يشهي بصحتكم
ام ايناس وفاروق بصحتكم مقرونة
مرحبا بيك ألجرواز

 

[imane27]

ألجرواز الكفتة درتها
تحكمي لكفتة دوزنيها بصل ملح فلفل لكحل وشوية حرور وتكوريها وتحكمي بصلو وحدة اخر تقطعيها وتقليها فى شوية زيت وضفلها طماطم مقطعة وتخليها طيب شوية وتضفى الكفتة وتخليه يطيب على نار هادية وكي تتجمر كسري عليها لبيض

 

[blida2008]

اسعد الله اوقاتكم بكل خير

اليوم حريرة بالدجاج
​

 

[nada242008]

مساء الخيرات .. بصحتكم كامل واش طيبتوا
انا بقاتلي اللوبيا من غدا البارح سخنتها
لالجيغواز مرحبا بيك نورتينا:sheer:

 

[ام ايناس]

مساء الانوار عليكم واش احوالكم وبصحتكم كااامل الغدا

 

[oumsif]

مساء الخير عليكم واش احوالكم بصحتكم الغداء ام ندى يعطيك الصحة على هديك الكوكا انتاع لبلاد نحبها هي و الكالتي ،ابتسام راني درت لصوص انتاع الجاج وحشيتها في الخبيزات السندوتش جاو روعة يعطيك الصحة

 

[ام منصف]

مساء الخير على كل الحاضرات والغائبات
توحشتكم كل وحدة باسمها
وينكم غايبين كامل
فوفة اسيا نبع اليقين وردة الرمال الذهبية ..........
عشانا بربوشة او كسكسي
بصحتكم كامل
​

 

[oumsif]

بصحتكم ام منصف تاكلوه بالصحة

 

[روعة2005]

اهلا ااااااااااااااااا با الجميع وبصحتكم الطيابات
راني هنا ام منصف شوي مريضة تعرفي صوتي راح رغم اني شربت الدواء والعسل الحر وووووووو والله صدري ذبحني
وانت كيف حوالك روحتي ولا مزال
الغداء تاع اليوم كان كشري مصري والعشاء درت رخساس+فلفل مش زي اي فلفل+وكيك الدجاج
بصحتكم كامل
مبروكعليك ندوش كي تخدملك ميكروك
مبروك الجيغواز ختانة ولد اختك في انتضار الصور
وتحياتي للجميع خاصة حاملة المسك

 

[tasnim55]

السلام عليكم وشراكم يالغالين
ام نوش الف شكر على وصفة صوص تعيشي حبيبتي الغالية الروز يشهي اممممم بصحتكم
كوثر يعطيك الصحة على البريوش والقاطو جاوك هيلين بصحتك عزيزتي
بسومة كولشي يشهيييي من ايدك بصحتكم
ام منصف بصحتك البربوشة
لالجيرواز مرحبة بيك هذي غيبة وكولشي مبروك على ختانت ولد اختك وبصحتك المقلوبة
سمورة 68 بصحتك السنويتشات راكي سبقتيني حنونة عن قريب نجربهوم شهيتوني فيهم
بليدة 2008 بصحتكم اختي لحريرة والجاج بالهناء حبيبتي
ام نيسو ايمانو وشراكم يالغالين فوووفة توشنها ام دودو ام فاروق انشاء الله راكم لاباس
انا اليوم شخشوخة وبصحتكم كامل
​

 

[كوثر الوهرانية]

مساء الورد و الياسمين على بنات اللمة الحلوين
كيراكم لبنات
بصحتكم كامل واش طيبتوا راكم تبارك الله خموس عليكم
اهلا بعودتكي اختي لالجيرواز و بالباركة على ولد اختك عقبال زواجه ان شاء الله
اليوم نهاري نتاع العيد الحمد الله خلصت الصيام
العشاء درت حاجة خفيفة فريت مع لاصوص و بقى الدجاج من البارح سخنته و انا متعشيتش هههه