ماذا ستطبخين اليوم سيدتي

[abc.imane2009]

بصحتكم كامل

 

[labed93]

فوفة اعطيني وصفات غداك و عشاك تعيشي

 

[tasnim55]

فووووووفة ربي يشفيك اختي وبصحتكم الكشري المصري
ام كوثر بصحتك وش طيبتي بالهاء حبيبتي
​

 

[nada242008]

فوفة ربي يشفيك .. انا نرجع وانت تغيبي :sad:
هذا وين رجعت من دار شيخي .. راهم مع الضياف ..درت حاجة خفيفة برك

 

[oumsif]

بصحتك الشخشوخة كون بعد معها قرن فلفل حار واش انقولك .تنسيم 55جربيهم وماتندميش راهم هايلين

 

[oumsif]

فوفة ربي يشفيك عليك و على زيت الطرو.ام ندى واش خصوا فاليل غير حاجة خفيفة بصحتكم انا درت عشانا لسوب( la soupe)

 

[l'algeroise]

مساء الخير عليكم
هادي البقلاوة

لعرايش ​

تشاراك لمسكر

+ لقنيدلات + مقروط لعسل + لقريوش ماصورتهمش ​

 

[nada242008]

الله يسلمك سمورة وبصحتك لاسوب .. والله هذا مايليق
لاليغواز حلويات رائعة خاصة الشراك خرجلك تحفة

 

[tasnim55]

بصحتك الشخشوخة كون بعد معها قرن فلفل حار واش انقولك .تنسيم 55جربيهم وماتندميش راهم هايلين

مرحبة بيك حنونتي انطيبهالك ونزيدلك الفلفل لتحبيه ومن بعد نحطلك الصورةفي خاطرك حنونتي:sheer::sheer:

 

[حاملـة المسك]

اهلا ااااااااااااااااا با الجميع وبصحتكم الطيابات
راني هنا ام منصف شوي مريضة تعرفي صوتي راح رغم اني شربت الدواء والعسل الحر وووووووو والله صدري ذبحني
وانت كيف حوالك روحتي ولا مزال
الغداء تاع اليوم كان كشري مصري والعشاء درت رخساس+فلفل مش زي اي فلفل+وكيك الدجاج
بصحتكم كامل
مبروكعليك ندوش كي تخدملك ميكروك
مبروك الجيغواز ختانة ولد اختك في انتضار الصور
وتحياتي للجميع خاصة حاملة المسك

و الله يا فوفة دخلت زاربة للموضوع قلت نمد تجربتي في الخبز اللبناني و كقريت رد ندى بلي راك مريضة
حوست على ردك باش نقراه صبتك تسالي عليا...القلوب لبعضها
يعيشك يا الغالية تحية متابدلة
ربي يشافيك ...ساهلة بإذن الله
.........
اليوم يا البنات عملت الخبز اللبناني نشفتو غير شويا في الطاوة منبعد كملت الطياب مباشرة على النار
يا البنات يجي غير شكل و البنة اطيب من المقلى و لا الفور
يستاهل التجربة....
اليوم عشانا الخبز اللبناني بالشورما و بقى كباب من الغدا زدتلو حبة طماطم و درتو في الفور
صح عشواتكم و فطوركم
ربي يتقبل​

 

[l'algeroise]

هادي لباطة تاع يوسف

هادي لمقلوبة تاع لغدا

و هدا لعشا سندويشات مقلية

 

[imane27]

صح عشاكم
فوفة الله يجيب الشفا
ندي عشاء خفيف ضريف امممممم
تسنيم بصحتك الشخشوخة راكي شهتيني
أجرواز حلويات رائعة مبروك لولد اختك
كوثر صح عيدك انا مزال معيدت
حاملة المسك بصحتكم الشورما جي هايل
ام منصف بصحتكم طعام علاش مراكيش تصوري

 

[l'algeroise]

الله يسلمك سمورة وبصحتك لاسوب .. والله هذا مايليق
لاليغواز حلويات رائعة خاصة الشراك خرجلك تحفة

الله يسلمك أم ندى التشاراك ماشي أنا لي درتو أنا درت البقلاوة برك
بصحتك لعشا يشهي
شكرا ايمان
فوفة ربي يجيب الشفا نشالله

 

[imane27]

لجرواز فطور وعشاء يشهوا

 

[ام ايناس]

مساء الانوار فوفة ربي يشافيك انشاء
ام ندى العشا خفيف ويشهي يعطيك الصحة
لالجيرواز حلويات روعة يعطيك الصحة
تسنيم بصحتك الشخشوخة
سمورة بصحتك لاسوب
حاملة المسك بصحتك الشورما
انا درت اليوم حريرة وشطيطحة جاج وقليت البطاطا وسلاطة جيت رايحة نصور جات بنت الجراة هي وايناس خرجوني من عقلي ظاربولي على الكراسا حتى ادن راجلي ياكل وانا نسلك

 

[ام ايناس]

لالجيرواز عشا يشهي
ام منصف بصحتك البربوشة
ام كوثر صح عيدك وكل عام وانتي بالف خير

 

[روعة2005]

فوفة اعطيني وصفات غداك و عشاك تعيشي

هاو ليك الكشري سبقلي وحطيتو وراح الموضوع

الكشري المصري

المقادير:

1 كوب عدس
2 كوب أرز
1 كوب مكرونة صغيرة
نصف كوب شعرية /فارميسال/
نصف كوب حمص
4 بصلة كبيرة

2 كوب عصير طماطم
1 ملعقة صلصة طماطم
3 فصوص ثوم مدقوقين
خل و ملح و كمون

2 حبة طماطم متوسطة
زيت


الطريقة:

- نغسل العدس جيدا و نتركه ينشف ثم ننقيه ثم نسلق العدس في كوبان ماء و بعد السلق نتركه في ماء سلقه .
- نقطع البصل أربع إرباع ثم شرايح رقيقة جدا , نضع في اناء صغير كمية من الزيت لتحمير شرايح البصل و نقلب البصل باستمرار حتى يصبح لونه ذهبي مائل للاحمرار .
- نبعد الحلة عن النار و نميل الحلة على جانب حتى يفصل الزيت عن البصل و نرفع البصل من الزيت بالملعقة ثم نضعه في طبق مسطح مفرود و نوزعه بالملعقة كي لا يلتصق بعضه ببعض .
- في نفس الزيت نضع العدس المسلوق بمياهه (أنها سبب لون الكشري المتعارف عليه شبه رمادي) و نضيف نصف ملعقة ملح و نتركها تغلي ثم نضيف الأرز بعد تنقيته و غسله و يجب أن يغطي الماء الأرز و العدس , نقلبهم جيداً و نغطي الحلة , و عندما يبدأ الرز بشرب الماء نوطي النار و نطبخه مثل الارز العادي.
- نسلق الحمص في ماء مملح و نصفيه من الماء .
- نسلق المكرونة في ماء مملح و نصفيها .
- نسخن زيت ثم نضع المكرونة و نقلبها في الزيت تقليبتين ثم نهدي النار و نتركها دقيقتين .
- نحمر الشعرية في القليل من الزيت ثم نضيف لها القليل من الماء الساخن و نغطيها و نملحلها و نطبخها مثل الأرز.
- لتحضير الصلصة : ناخد الجزء الأكبر من الثوم المدقوق و نقلبه في القليل من الزيت إلى أن يصفر لونه ثم نضيف عصير الطماطم و ندعها حتى تتسبك ( أي ينشف منها الماء ) .
- نضيف لها الصلصة و الخل و الملح و الكمون و نقلبهم , ثم نضيف لها ماء حتى يصبح قوامها متوسط مثل الصوص ( لا غليظة و لا خفيفة ) و نطفي عليها النار لما تغلي.
- لتحضير سلطة الدقة : نقطع الطماطم مكعبات و نضيف لها خل و ملح و كمون و بقية الثوم المدقوق و ماء و تبقى سلطة بالدقة , ممكن الإستغناء عن الطماطم و اضافة شطة حمراء مطحونة فنحصل على الدقة .

- تقديم الطبق :
- نضع الكشري (الأرز بالعدس) و فوقه الشعرية ثم المكرونة ثم التقلية (البصل المحمر) ثم الحمص و يقدم بجواره الصلصة و السلطة بالدقة أو الدقة وحدها .

راح تبالك فيه خدمة كبيرة بصح لوكان تجربيه راح توالفيه وتعودي ساعة ساعة طيبه يجي مممممممم
اما الكيك تاع الدجاج والفلفل مش زي اي فلفل في ملفي
------------------------------
بصحتك تسنيم الشخشوخة وربي يخليك على الدعوة الطيبة
ام ندوش عشاك يشهي واش راهي سلفتك ريحت شوي
سمورة بصحتك لاسوب وتعيشي غدوة نشري الزيت لي قلتي عليه
رغودة بصحتك الخبز العربي والشورما تمنيت نشوف الصورة باين هايل وربي يعيشك حبيبتي
الجيغواز حلويات هايلة بصحتكم كانت
فريدة وعفوفتي وايناس وكل الغوالي توحشتكم وليلتكم سعيدة لبنات

 

[روعة2005]

الله يسلمك ايمان حبيبتي
بصحتك العشاء والفطور الجيغواز
فلوسة/بسومة/ام ايناس وفاروق/وريدة تحياتي

 

[imane27]

سمورة بصحتكم لسوب

 

[nada242008]

لاجيغواز المقلوبة درتيها بالروز ؟ جات هايلة
فوفة سلفتي نفست نهار العيد بعد راهي دارت 15 يوم وراهي في تحسن
ام ايناس ورغودة بصحتكم