ماذا ستطبخين اليوم سيدتي

[ibtesem]

رغوودة الخبز العربي خرجلك هايل وفعلا وصفات حورية روعة
ومعجون التين اروع قوليلي كيفاه درتيه؟
والصور واضحة ماشاء الله خير من صور بائعة الكبريت هههههه

ندى نضتي تسحري او غلطتي في الطريق هههههههه

 

[assia dz]

كنت مشغولة هذا وين شفت الصفحات، بصحتك ابتسام الخبز العربي جاك تحفة أنت وبائعة المسك، راني جربتو في الفرن من مدة وخرجلي مليح بصح جربي طريقة حاملة المسك رايحة تستمتعي أكثر دارتها حورية المطبخ في رمضان وجربت غير شوية وعجبني بزاف ينتفخ خير من تاع الطاجين، أم كوثر قريوش خرجلك روعة يعطيك الصحة، بصحتك ندى الكسرة واللبن نموت عليها في الصيف، بصحتكم مامود، سمورة الروز والبطاطا، والله كلكم فنانات في الطبخ، ربي يحفظكم.

 

[ibtesem]

انشاء الله اسيا راح نجربها ان شاء الله

 

[الاختان سوسو ونونا]

بصحتكم كامل البنات موائد تشهي
ابتسام صورة عيسى مشاء الله ربي يحفظو امين
تصبحون على خير واحلام سعيدة

 

[ibtesem]

انتو من اهل الخير يا سوسو ونونو
انتم تواءم

 

[assia dz]

وانتم من أهل الخير سوسو ونونا

 

[oumsif]

صباح الخير لبنات جمعة مباركة انشاء الله

 

[ام ايناس]

صباح الخير وجمعة مباركة للجميع
سمورة الحمد لله كي عجباتك طريقة الروز وبصحتك القراتان
اسيا البطاطا تبان تشهي
حملة المسك الخبز العربي يبان يشهي هو والمعجون مشكووورة
وسلااااام للجميع

 

[abc.imane2009]

راني جعان عطوني اي حاجه نكلها
امهم ناكل
هههههههههههههههههه

 

[l'algeroise]

صبااااح الخيير علييكم
جمعة مباااركة
بصحتكم واش تعشيتو كاامل
أنا البارح تعشيت فالعرس بربوشة و شربة ​

 

[abc.imane2009]

صبااااح الخيير علييكم
جمعة مباااركة
بصحتكم واش تعشيتو كاامل
أنا البارح تعشيت فالعرس بربوشة و شربة ​

صباح ورد
بصحتك اختي
انا تعشيت مطبيق :shiny::shiny:

 

[الاختان سوسو ونونا]

صباح الخير البنات وجمعة مباركة ودعوات مستجابة ان شاء الله
حنا غدانا كسكس
ابتسام حنا ماشي توام بصح مقربين بزاف سلميلي على الزوين عيسى
سلامي لكل البنات

 

[ام ايناس]

بصحتك لالجيرواز انتي وايمان 2009

 

[tasnim55]

ندي فطور يشهي بصحتكم
تسنيم واش طيبتي

حميص مع لرخساس وبيتزا تاع برا واللبن ايمانو

 

[abc.imane2009]

بصحتك لالجيرواز انتي وايمان 2009

الله يسلمك :re_gards::re_gards::re_gards::re_gards:

 

[nada242008]

جمعة مباركة عليكن
انا كنت نغسل في الميكرووند والكويزينيار ..هذا وين كملتهم وبليت العجين
رايحة ندير محجوبة كالعادة
قلت ندير pause ونطل عليكم:sheer:

 

[tasnim55]

جمعة مباركة للجميع
ام كوثر القريوش روووعة جاك يعطيك الصحة وبصحتك الروز والجاج
اسيا دز بطاطا تشهيييي بصحتك اختي
رغودة اممممم الخبز جاك هايل والمعجون يهبل يهبل الله يبارك اعليك
سمورة بصحتك القراتان
بسومة اعشاء يشهي امممممم الخبز هااايل والشوصون رووووعة بصحتك
لالجرواز بصحتك البربوشة والشربة والقعدة في العرس
ام ندوش مومود ام نيسو ايمانو و ايمان2009 ....بصحتكم كامل وش تعشيتو بالهناء انشاء الله
راجية العفوربي يعطيك قوة وربي تقبل اختي
​

 

[tasnim55]

جمعة مباركة عليكن
انا كنت نغسل في الميكرووند والكويزينيار ..هذا وين كملتهم وبليت العجين
رايحة ندير محجوبة كالعادة
قلت ندير pause ونطل عليكم:sheer:

ام ندوش ربي يعطيك قوة والمحجوبة والله غير في قلبي والله نهدر مع روحي قلت ذرك نصيب ندى حطى المحاجب الشابين مع باط لهريسة يما يما بصحتك وبالهناء على قلبك ومشاء الله عليك وعلى يدياتك

 

[بنت الجسور المعلقة]

حنا ليوم درنا نعمة(بربوشة) القمح بلحم
بصحتكم كامل واش طيبتو
أم ندى ربي يعينك مع طاجين ونتي طيبي في لمحاجب مع سخانة هادي
​

 

[حاملـة المسك]

السلام عليكم

آسيا بصحتكم قرتان البطاطا..الصورة :no_no:
مومود بصحتكم البلا الجديد
كوتر القريوش ماشاء الله تسلم الايادي ربي يزيد في جهدك
راجية العفو لحقنا الزعاف حتى في الافتراضي وش نواسو

البنات شكرا لكم عل التشجيع
رايحة نحط الخبز في موضوع حتى يستفيد الجميع
و لو أنو مكانتش في بالي
المرة الجاية نسيي نطيب الخبز على شباك حديد على النار بلاك كيبعد على النار يجي لونو باهي خير
و كلش تجارب
المعجون نخدمو دائما ميز عيني نحطو موضوع كذالك للاستفادة​