ماذا ستطبخين اليوم سيدتي

[nada242008]

ندى تعديت في الصور كاين لنشوفهم و كاين لمكرو فيا

حبيت نشوف بيتزا آسيا بصح ما بانتليش :sad:

فاصل و نواصل​

هههه الفيروس راهو يدور غير عسوا رواحكم
غدوة ان شاء الله نديرها صورة رمزية باش تشوفيها فكريني برك
لالا مانزلتش صورة العشا يا رغوود
الله يسلمكم يا بنات .. العشا ديما خفافي خطراه راجلي مايتعشاش

 

[mizora]

ام ندى و ام منصف شكرا
ربي يخليكم

 

[oumsif]

يسلمك ايمان

 

[oumsif]

قريوش وعليه لكلام ابعتلي صحن نفطر به الصباح ان شاء الله تسلم ايدك كوثر

 

[assia dz]

بصحتكم كامل واش تعشيتو، صح فطور الصايمات حاملة المسك، إيمان وراجية العفو ربي يتقبل إن شاء الله.
هذا عشايا تاع اليوم بطاطا كوشة:

 

[ibtesem]

بصحتك سمورة هدا وين شوفت الشورة
اسيا بطاطة جاتك هايلة
بصحتكم لتلحقو بينا

 

[nada242008]

اسيا البطاطا تشهي اممممم بصحتك

 

[momoude]

بصحتك اسيا لباطاطا
انا درت روز تاتوري جبدتو من وحد لكتاب وجربتو جا هايل بصح زدتلو بعض الاضافات

 

[nada242008]

بصحتك مومود ..عفاف الجزائرية وفوفة عندهم مدة مابانوش ان شاء الله يكونوا بخير

 

[حاملـة المسك]

بسومة الخبز العربي خديت وصفتو من أخت جزائرية :shiny:....حورية المطبخ

و هدا معجون التين

الصور برعاية إبتسام
مشكورة من القلب
اعود غدا بإذن الله للرد
راني :cra_zy:

تصبحون على خير​

 

[imane27]

اسيا بطاطا راهي تشهي بصحتكم
مومود بصحتكم لعشاء

 

[كوثر الوهرانية]

بصحتكم لعشا لبنات
انا درت رز بسمتي و جاج مقلي و صلصة طماطم بصح مصورتش راني تعبااااااااااااااانة: Larmes:

 

[nada242008]

رغوودة الخبز العربي خرجلك هايل وفعلا وصفات حورية روعة
ومعجون التين اروع قوليلي كيفاه درتيه؟
والصور واضحة ماشاء الله خير من صور بائعة الكبريت هههههه

 

[imane27]

بصحتك كوثر روز صح عندك الحق تعبتي ليوم

 

[faloussa]

سلام لبنات واش راكم والله توحشتكم
راهي مكرهتنى لانترنات هادي الايمات قاعدة تروحلي لانو عندي مشكل في ميكرو بورطابل نتاعي حالتو بدى يغلب على روحو :blink:
مرحبا بالبنات الي كانو غايبين
لي عودة ان شاء الله

 

[imane27]

رغودة خبز جاك هايل يعطيك الصحة ومعجون يممم
اهلا فلوسة واش راكي واش بيكم هاد اليمات لمروهات قاع راحو

 

[ibtesem]

يعطيك الصحة رغود جاك اشهي فهميني في المعجون عجبني

 

[كوثر الوهرانية]

شفتوا معجون التي لبنات تاع رغودة يهبل عجبني بزاف و نموت عليه راني وصيت شيخي باش يجيبلي الكرطوس و نخدم شويا معجون بنته تهبل بصحتكم رغودة

 

[كوثر الوهرانية]

لبنات تصبحن على خير
ليلة سعيدة للجميع
و انا ادعولي ربي دراعي ميوجعنيش اليوم راه يسطر عليا بزاف و معنديش حتى الدوى باش نكالميه الله يجيب الخير هدي اليلة

 

[oumsif]

تصبحن على خير