ماذا ستطبخين اليوم سيدتي

[tasnim55]

فلوسة فطور يشهي بصحتك
لالجيرواز امممم بيتزا رائعة بصحتكم
ام نيسو فريكاسي جاكهاااااايل بصحتك حنونة
عفاف طابلة تشهييي والخبز رووووعة الله يبارك خدمته وبصحتكم
راجية العفو بصحتك وش فطرتي والحريرة اممممم منقولش عليها لالا بالصحة والهناء يالغالية
اسيا دز بصحتك اختي الفريت اوملات انموت اعليها
كوثر بصحتك لعشاء عند سلفتك على الاقل تغيري شوية جو
سمورة المقرون والسلاطة بالهناء حبيبتي
ام ندوش فوفة ايمانو بصحتكم وش تعشيتو يالغاليات
انا لعشاء فريت ستاك وسلاطة
​

 

[imane27]

صح عشاكم
ابتسام هاديك شخشوخة تشهي
انا شهتني ندي بمحاجب محبيتش نخليخهم فى قلبي ودرتهم

 

[ibtesem]

بصحتك ايمان وصح فطورك

 

[ام ايناس وفاروق]

السلام عليكم و صباح الانوار على كامل بنات اللمة
اليوم راني رجعت بعد الغيبة كان عندي مشكل زوجي فورماتا الميكرو رحتلي العضوية بعد جهد وعناء تاع نهار كامل وليت ولكن بعضوية جديدة نسلم على كامل لي تفكرني ولما متفكرنيش سيرتوا تسنيم و فوفة......
بصحتكم كامل واش طيبتو ربي يحفظكم ودائما منورين اللمة
صورة رائعة لعيسى ابتسام كذلك ندى ضحكة هايلة يا ام ندى ربي يحفظ قاع الوليدات

 

[كوثر الوهرانية]

صباح النور
كي صبحتوا خوتاتي
بصحتك المحاجب ايمان راهم يسخفوا فيا مع الصباح ميميم بصحتكم
الوم نويت على البركوكس و نقول ودعا للعجائن راح نعود للريجيم اه اه اه
بصحتكم فطوركم كامل

 

[tasnim55]

السلام عليكم وشراكم كامل يالغاليات
ايمانو بصحتكم المحجوبة جاتك هاااااااايلة هاااااااايلة من نتيجة الطيابك راكي وليتي بسكرية الله يبارك :showoff::showoff:
ام ايناس و فاروق حبيبتي راكي في القلب سامحيني متزعفيش مني تصير الاغالب العضوات الله يبارك ربي يحفضهم بصح والله راكي اخت عزيزة من اليوم انشاء الله ما ننساكش:shay::shay:
كوثر الوهرانية بصحتكم البركوكس والرجيم ربي يعينك اعليه حنونتي:sheer::sheer:
​

 

[رآج ـية العفو]

السلـآم عليكم ورحمـة الله

كي صبحتو يآ لحبـآب
بصحتكم وآش طيبتو
حبيبتي تسنيم الله يسلمك
فريدة علآآآآآش تهدري حرآآآم عليك على بآلك بلي
نموووت عليه ورآني صآيمة عقلي عقلي
​

 

[عفاف الجزائرية]

صباحكم بالخيرات
ان شالله كل الاخوات بالف خير
للغدا ان شالله شوفلور مع كويس محمرين سلاطة وفلفل مع المطلوع
​

 

[كوثر الوهرانية]

اسومتي صيامك فالجنة
تنسيم ربي يخليك اختي و بصحت فطورك
عفوفتي بصحتك الشوفلار و لي كويس
هدا فطور تاع اليوم

 

[عفاف الجزائرية]

اختي فريدة حبيت نسقسيك واش هوما هاذوك التوابل الي حطيتيهم من الفوق

 

[كوثر الوهرانية]

هداك راس الحانوت حار اختي عفاف

 

[عفاف الجزائرية]

يعني تديري راس الحانوت فوق المراقي الحمراء
هاذي إيدي جديدة عندي
احنا ما نخدموش بيه
​

 

[كوثر الوهرانية]

البركوكس تديري فيه راس الحانوت فالمرقة و كي تجي تحطي في الصحن تزيدي دردري راس الحانوت من الفوق هنا في الغرب هكدا نديوا حتى في البركوكس تاع النافسة

 

[عفاف الجزائرية]

احنا نتاع النافس نديرو العطرية
تاني حشايش نشريوهم من عند العطار
سبيسيال للنافس
والله نتعلمو من بعضانا
​

 

[l'algeroise]

مساء الخير عليكم
نشالله تكونو كامل بخير
صح غداكم
أنا و كوثر الوهرانية تفاهمنا اليوم على البركوكس
بصحتك ختي يشهي

 

[كوثر الوهرانية]

واه عفاف هداك راس الحانوت تاع بركوكس يعني سبيسيال بركوكس كاين عطار في مدينة الجديدة نروح نقدي من عنده و نهو و يجدليراس الحانوت تاع بركوكس معطر و حاااااااااااااااااااااااار

 

[كوثر الوهرانية]

بصحتك البركوكس اختي لالجيرواز امممم جاك روعة بصحتكم

 

[imane27]

مساء الخير عليكم لبنات واش راكم
اممممممممممم كوثر ولجرواز بركوكس راكي يشهي يعطيكم الصحة انا لبارح وصلني من عند يما لعزيزة من دزاير هاد ليمات نطيبو انشاء الله راه فتلتهولي جديد
تسنيم حنا ناس العاصمة محاجب عندنا طبق شعبي نديروه مرة كل اسبوع وخاصة بالجمعة كي مندروش طعام ندروهم

 

[ام ايناس وفاروق]

ام كوثر بركوكس هايل كيما نبغيه انا يعجبني البركوكس تاع الاخرين منبغيش تاعي شكرا اختي
لالجيغوااز بركوكس رائع

 

[كوثر الوهرانية]

مشكورة اختي ايمان و ربي يخليلك الوالدة الكريمة و يعطيها صحتها و بصحتك بركوكس الحوايج الي وصلوك من الجزائر
اختي ام فاروق راكي كيفي انا نحب الطعام نتاع الاخرين ارواحي عندي نطيبلك اشهى و الد بركوكس تاكلي حتى تشبعي اختي