ماذا ستطبخين اليوم سيدتي

[oumsif]

سنة حلوة ياجميل سنة حلوة ياعفاف انشاء الله ربي يكبرك في السن و الطاعة حنونة

 

[ام سيف]

احسن الله عزاكم لكل من واستني
ارجو منكم المسامحة كنت زعفانة
وفرغت الغش في خواتاتي
صح عشاكم

 

[momoude]

والله حبيت نرد على الاخت اللي غايضها الحال
والله يا اختي ماكانش في هذ الدنيا قدا لواحد كي يكبر قلبو
يعني كبري قلبك وما تديريش الحساسية نتاع راكي غريبة علينا
تاقلمي معانا شاركينا كامل كنا كيما انتي
والله لحد الان نغيبو وممكن الاخوات ماهمش لاهيين باه يسالو ونرجعو نندمجو نورمال
يعني راكي اخت منا وفينا
مادام سجلتي في اللمة الا وعاجباتك لمتنا
مالا على هذا نقوللك اندمجي معانا شاريكني كوني وحدة منا وفينا وان شالله ماراحش نزيدو ننساوك

------
ربي يبارك فيكم كامل اللي سقساو عليا
ليوم دارولي خواتاتي زعمى عيد ميلادي ربي يهنيهم كامل ويحفظلي عايلتي ويخليكم انتم خواتاتي ويريح بالكم
​

[/QU
ياه ليوم عيد ميلادك ربي يهنيك ويسعدك
ويجعل ايامك كلها افراح يا رب :sheer:
وتكبري في الشفاعا والطاعة :lolo:

 

[عفاف الجزائرية]

احسن الله عزاكم لكل من واستني
ارجو منكم المسامحة كنت زعفانة
وفرغت الغش في خواتاتي
صح عشاكم

اه كانت عندك وفاة
سامحيني اختي ما تولهتش عظم الله اجركم فيما اصابكم
------
ماكانش مشكل اختي رانا هنا كامل خواتات وديما مع بعض يعني اللي يضيق بيها تجي هنا عند اختها
مرحبا بيك معانا وكبير قلبك ووسعي خاطرك برك في هذي الحياة
​

 

[أم انس عبد الله]

خيتو ممكن الطريقة كيفاه اتديرها
ماشي العجينة الطريقة وكيفاه تديريلها تقليها وواش تحشيها ؟؟

 

[عفاف الجزائرية]

ياه ليوم عيد ميلادك ربي يهنيك ويسعدك
ويجعل ايامك كلها افراح يا رب :sheer:
وتكبري في الشفاعا والطاعة :lolo:لبارح كان عيد ميلادي ايه وليوم داروهلي زعمى هههههههه اكي تشوفي بديت نكبر رح نولي عجوزة ههههههه
ربي يخليك اختي حسناء ويفرحك انتي تاني

 

[بنت الجسور المعلقة]

عيد ميلاد سعيد عفوفةةةةةة عقبال 100 سنة ربي يخليك لينا حنونة ​

 

[ام ايناس وفاروق]

عيد ميلاد سعيد وعقبال 100 سنة ان شاء الله

 

[عفاف الجزائرية]

الله يسلمكم اختي رقية واختي ام ايناس وفاروق ربي يهنيكم ان شالله

 

[imane27]

عضم الله اجركم ام سيف
عفاف عيد ميلاد سعيد وكل عام وانتي بخير وعقبال لميئة سنة

 

[بنت الجسور المعلقة]

احسن الله عزاكم لكل من واستني
ارجو منكم المسامحة كنت زعفانة
وفرغت الغش في خواتاتي
صح عشاكم

معآآآآآش الزعاف يزعف ام سيفووووو ان شاء الله تكون ساعة غضب عليك وفاتت ربي يكونلك لخير حنونة
و يسلمك ونتي زادا صحآآ عشاك
:az_flw: :smile:​

 

[عفاف الجزائرية]

الله يسلمك اختي ايمان عقبال ما نشوفو ايمان وريمة عروسات ونفرح معاك بيهم

 

[imane27]

انشاء الله عفاف الله يسلمك والله يعطيك نصيبك وراجل صالح ليعرف قمتك

 

[رآج ـية العفو]

السلـآم عليكم ورحمة الله

يسعد مسـآئكم يالغآليآت
بصحتكم كـآمل وآش طيبتو حبيبتي كوكو بركوكس هآآآيل
ولآلجيروآز ثآني بصحتكم ويآ مآمود حنآ ثآني نقولوا العيش
أخت أم سيف عظم الله أجركي وألهمكم الصبر والسلوآن
ونقولك حآجة هنـآ شعـآرنآ في اللمة مع خوآتآتنآ الزعآف
مرفووووع
حبيبتي عفوفة ربي يطول في عمرك على الطآعة
وينهم لبنآت فوفة الغآلية نتمنى تكوني ريحتي شوية
أنـآ الحمد لله كملت 5 يآم صيآم وبآقيلي غير نهآر غدوآ


​

 

[رآج ـية العفو]

لبنآت بإذن الله غدوآ نبدآ بتنزيل حلويآت تآع العيد
والأطبآق تآع رمضآن رآهم وآجدين بعد تعب وجهد وتعذيب
مع الميكرو هههههههه
​

 

[حاملـة المسك]

لبنآت بإذن الله غدوآ نبدآ بتنزيل حلويآت تآع العيد
والأطبآق تآع رمضآن رآهم وآجدين بعد تعب وجهد وتعذيب
مع الميكرو هههههههه
​

:scared::scared: كون ما هدرتيش دركا الميكرو :santa_1: سمعك
يا محاينك و جدي روحك للغدوة
كملت صيامي اليوم :showoff:صومي وحدك الغدوا :shiny:
صح فطورك و صحا عشاكم لبنات
اليوم كان فطوري شربة و طاجين الحلو و مطلوع ​

 

[momoude]

بصحتكم الصيام لبنات ربي يتقبل منا ومنكم صالح الاعمال
انا مزال مبديتش الصيام على خاطر نشرب في الدوا يلزم ما نصومش كي نكملو ان شالله نصوم

 

[روعة2005]

سلام للغاليات كل وحدة ومعزتها في قلبي
عفوفتي عيد ميلاد سعيد وربي يطول في عمرك ويحققلك كل امانيك ياحبي:shay:
راجية الف الف شكر على سؤالك يا غالية وربي يخليك لوالديك ولي يحبوك وراني نستنى حلويات بشغف كبير لانهم حاجة فووووووور:showoff:
تحية لكل لحباب انا ليوم ماطليتش لانو جاتني صديقة عمري الغالية الحبوبة الطيوبة وشرفتني بزيارتها لبيتي لاول مرة ملي تزوجت وفوت معاها امسية من اروع مايكون رجعنا فيها لذكريات الجامعة وشغب الشباب ووووووووووو والله ماتتصورو فرحتي بيها ليوم وراني حكيتلها عليكم وقلتهلها انكم حباباتي ثاني ووعدتني تنضم لينا اول مادير انترنت في بيتها لانها عروس جديدة :sheer:
وراني صورتكم قهوتنا تاع العشية ضرك نحط الصور

 

[l'algeroise]

صح عشاكم
أم سيف عظم الله أجركم
عفاف الجزائرية عيد ميلاد سعيد
samora بصحتكم لمحاجب ولوردوفر
أنا طبقت وصفة الكفتة تاع ايمان جات هايلة يعطيك الصحة ايمان + فريت

 

[l'algeroise]

أهلا بيك فوفة بصحتك القعدة مع صديقتك ​