ماذا ستطبخين اليوم سيدتي

[كوثر الوهرانية]

السلام عليكم
كيراكم خوتاتي
بصحتكم كامل واش طيبتوا الله يعطيكم الصحة تسنيم حلويات هايلة اختي و عيدكم مبروك كل عام و انتي بالف خير
اليوم فطوري كان عند حبيبتي و العزيزة امي دارتلي شربة و رقاق و حميص و سلاطة كوكا كولا و منقولكم كل شيء كان لذييييييذ جدا ربي يحفضها من كل شر قولوا اميييييييين

 

[tasnim55]

امين حبيبتي كوثر وبصحتك يالغالية
اسيا دز الف شكر حبيبتي حلوياتك احسن و اروع مشاء الله اعليك من فضلك ممكن وصفة الغربية و الفراشة ربي يحفضك ويعطيك الصحة مرة اخرى
فووفة صح صيامك وربي يقبل ومائدة تشهي كالعادة الله يبارك
ام ندى بالهناء الدوبارة و الخبز العرابي اممممم
ايمانو بلا الحوت يشهييييييييييي اممممممممم بصحتكم اختي
​

 

[imane27]

تسنيم قاتو هايل وعشاء يشهى بصحتكم

 

[ibtesem]

بدنجال في الفرن

محمصة ناشفة

 

[ام ايناس]

فلوسة هادي غيبة وين راكي
تسنيم حلويات روووعة وهاداك الطبق ما عرفتوش وشنو هو يبان يشهي
كوثر بصحتك ما كانش كيما ماكلت الام ربي يخليهالك
ابتسام يعطيك الصحة فكرتيني في المحمصة توحشتها

 

[ibtesem]

صباح الخير عليكم يالبنات واش راكم
الله اسلمك انوسة
الجزائر الغالية جيت من البلاد مرحبا بيك معانا

 

[tasnim55]

ابتسام المحمصة تشهييييييي امممممم بصحتكم
ام نيسو لعزيزة هذاك بونفور هو بركوكس وصوص مثل المحجوبة زايد جزر مقطع كاريات طايب ولاصوص ما نطيبهاش انديرها في التفويرة الاخيرة طبقة بركوكس والطبقة الثانية صوص بدون اضافة ماء والطبقة الثالثة بركوكس حتى يفور وبعد فرغيه في الجفنة و خلطي بنتو روووووووعة كون جيتي بحذايا القصعة راهي ليك
​

 

[الاختان سوسو ونونا]

بصحتكم كامل حنا غدانا كسكس

 

[ibtesem]

امممممممممممممممممممممممم يتسنيم شهتيني في بومفور علاش عليك

 

[ام سيف]

عيد كم مبروك وكل وانتم بخير ان اليم وين طليت كنت في دارنا جاو والدي من العمرة ربي يتقبل منهم راكم تعرفو الضياف والعشاوات راني في حالة (ربي يجعلها في ميزان الحسنات)

 

[naGam]

صحا غداواتكم كاملين
واختي تسنيم احنا عندنا في واد سوف نسموها (السفة) واكلة مشهورة بزاااف عندنا من تقاليد انتاعنا ونزيدوا عليها تاني (المنقوع) فلفل حار مخلل وتجي بنتها هايلة

 

[imane27]

مساء الخير عليكم واش راكم
ابتسام عشاء يشهي يعطيك الصحة

 

[tasnim55]

صحا غداواتكم كاملين
واختي تسنيم احنا عندنا في واد سوف نسموها (السفة) واكلة مشهورة بزاااف عندنا من تقاليد انتاعنا ونزيدوا عليها تاني (المنقوع) فلفل حار مخلل وتجي بنتها هايلة

صحيح هي السفة ودرت فيها البوفجوخ وكاين ليزيد ليها شويةكرنب مقطع رقيق و مفور راكي جارتي وخيار الناس حبيبتي:sheer::sheer::sheer:

 

[tasnim55]

عيد كم مبروك وكل وانتم بخير ان اليم وين طليت كنت في دارنا جاو والدي من العمرة ربي يتقبل منهم راكم تعرفو الضياف والعشاوات راني في حالة (ربي يجعلها في ميزان الحسنات)

الف مبروك العمرة لوالدك وزيارة مقبولة وصح عيدكم

 

[ام فاروق و ايناس]

السلام لكل ناس اللمة

نتمنى تكونوا كامل بخيرابتسام-ايمان -ام ندى-كوثر-فلوسة -ام ايناس-تسنيم55-اسيا.............وكل وحدةباسمها اليوم فطورنا كان دجاج مع البطاطا في الفور على طريقة ام ندى الله يحفظها و يعطيها ما تتمنى
سؤالي لتسنيم هل هذه السفة...تشروها او تفتلوه في البيت هل هو البركوكس كما نسموه نحن ناس الغرب او ماذا طريقته من فضلك
​

​

 

[tasnim55]

السلام لكل ناس اللمة

نتمنى تكونوا كامل بخيرابتسام-ايمان -ام ندى-كوثر-فلوسة -ام ايناس-تسنيم55-اسيا.............وكل وحدةباسمها اليوم فطورنا كان دجاج مع البطاطا في الفور على طريقة ام ندى الله يحفظها و يعطيها ما تتمنى
سؤالي لتسنيم هل هذه السفة...تشروها او تفتلوه في البيت هل هو البركوكس كما نسموه نحن ناس الغرب او ماذا طريقته من فضلك
​

​

حبيبتي ام فاروق وايناس صح عيدك وكل عام وانتي بخير
هي السفة وهي نفتلوه كي الطعام ولكن اكبر من حبات الطعام وحنا نسموه بومفور ولا دري بيه عيش مرقة يتكل مع رخساس ويجي فيه الفول والحمص اما الفرق بين تسمية بونفور لما تخلصي التفوار لاصوص تكون طايبة وفيها شوية ماء ميش بزف وتكون خاثرة ونخلطو سخون في سخون وتحطيها في القصعة وهو يفور لهذا يسمى بونفور ويتكل مع الفلفل لمرقد والسفة شراحتها هي انولاصوص مافيهاش خلاص الماء وماطيبش تفور كطبقة في الوسط كي تفوري وهي احسن تسمى الطريقة بالسفة وهما عندهم نفس لاصوص وتقدري دريها بالطعام وتجي بنينة بنفس الطريقة اما ناس تل يقلو بركوكس واحنا نسموه العيش وصوص لاتختلف عن صوص المحجوبة انشاء الله نكون وفيت في الشرح:re_gards::re_gards::re_gards::re_gards::re_gards:

 

[ibtesem]

اختي ام فاروق وايناس السفة تفتليها لانها عندها حجم معين اقل من البركوكس بشوية

..................
ياتسنيمو بوفجوخ تاني ريوقي طاحو واع واع واع

 

[ibtesem]

راكي مكونكتيا تسنيمو مليح واش راكي كي فوتو العيد
يعطيك الصحة على الحلويات

 

[tasnim55]

اختي ام فاروق وايناس السفة تفتليها لانها عندها حجم معين اقل من البركوكس بشوية

..................
ياتسنيمو بوفجوخ تاني ريوقي طاحو واع واع واع

ارواحي بسومة نزيد النطيبو على جالك يالغالية ونزيدلك البوفجوخ و الزيتون ماشي خصارة فيكم كاااااااامل يالعزاز:showoff::showoff::showoff:

 

[tasnim55]

والله الحمد لله تعرفي بسومة العيد في الغربة مكان حتى بنة الحاجة جديدة اني فرحت دخلو اولادي ليكول تحضيري في زوج بسومة وربي يحفضهم ويحفض وليداتكم يارب