ماذا ستطبخين اليوم سيدتي

[ام سيف]

يعطيك الصحة ياتسنيم55 على الطبق الشهي
حنا السطايفية نقولولو العيش
نديروه في سبوع المزيود ونديروه في صباح العروسة

نديروه جاري بالمرقة
ما فهمتش الكلمةالبوفجوخ

 

[ibtesem]

بوفجوخ فلفل مفجح بالمهراس العود ههههههه
ام سيف فهمتيه واش هو

 

[ام ايناس]

يعطيك الصحة تسنيم والله شهيتيني فيه انشا الله راني نجربو يعطيك الف عافية
ام سيف عمرة مقبولة للوالدين ولعقوبة ليك
وسلامي قاااع للحاظرات

 

[nada242008]

جابتني ريحة البونفور امممممم مازلت عميا غير الريحة برك تشهي
يعطيك الصحة تسنيم :sheer:
كوثر بصحتك العرضة وربي يحفظلك الوالدة الغالية
ابتسام بصحتك المحمصة والبدنجال
بصحتكم كامل .. انا درت مونجتو في الغدا وفريت اوملات في العشا

 

[روعة2005]

يعطيك الصحة تسنيم حلوياتك هايلين وبصحتك البومفور
اسيا الف شكر حبيبتي على الصورة بصح ياريت تفهميني كيفاش خدمتي بيه مفهتش هذوك الثقوب لي في لمقروض باش ديريهم
كوثر بصحتك العرضة وربي يحفظلك الوالدة الغالية
ابتسام بصحتك المحمصة والبدنجال
ام ندوش توحشنا نشوفو طيابك الدعوة راهي راقدة هنا بلا بيك ههههههههه
اليوم مقعدتش كامل مع شغل الدار هنا مادرت فطور صحا عشواتكم وربي يقبل من الصايمين

 

[البنات]

salam 3likom
saha 3idkom rabi ytkabal mena w menkoum kol 3am w entom b5hair
dokht wana nhawas 3likom hatan 3ayat l'3afaf gatli win nsibkom
ana roht fawatt el3id and khoya fi paris fi crètail bah ntwansou m3a ba3dana chwi
surtou hwa dork el3id elkbir yahbat llblad 3la hada habit nbakih b'l5hair
walah twahachtkom blwahda
athalaw fi rwahtikom wmatnsawnich
o5htkom lamia.
​

 

[assia dz]

صح عشاواتكم موائد تشهي يعطيكم الصحة، بصحتك ابتسام البادنجان والمحمصة، وانت ام ندى المونشتو والفريت أوملات، وبصحتك تسنيم المفور، فطورك فوفة امممممممممم ربي يقدرك ويتقبل صيامك.
انا عشايا شخشوخة الظفر درتها في الغدا وبقاتلي، والله راني نعجز نصور حتى الأنترنيت راني ندخل في الليل برك مارانيش لاهية، تفوت هذا الفترة تاع العيد والدخول المدرسي و ننشطوا إن شاء الله.

 

[assia dz]

اسيا الف شكر حبيبتي على الصورة بصح ياريت تفهميني كيفاش خدمتي بيه مفهتش هذوك الثقوب لي في لمقروض باش ديريهم

لا شكر على واجب حبيبتي، شوفي فوفة تعملي حربوش المقروط عادي وتقطعيه بالشكل المعتاد ومبعد تهزي الطابع وتثقبيه ثقوب متقاربة وخلاص. هذاك الطابع عندو جهتين جهة الثقوب تاعها يجو كبار اعملي بالثانية الأصغر من الجهة الاخرى.نتمنى تكوني فهمتيني، كي تشري الطابع تفهمي كيفاش تخدمي بيه.واي استفسار راني معاكم.

 

[الاختان سوسو ونونا]

صح عيدك البنات وكل عام وانت بخير وربي يكون معاك في الغربة
فوفة طابلة تشهي بصحتك
ابتسام وام ايناس وام سيف بصحتكم
ام ندى توحشناك ماتغيبيش علينا قوليلي الوصفة تاع كريم ديسار كراميل معجون اجاص في واش استعملتيه وربي يحفظك لعائلتك

 

[ibtesem]

مرحبا لميا واش راكي اختي صح هدا عيد الغربة انا تاني فوتو مع خويا
واش راكي اسيا دي زاد بصحتك والله صح انا البنات دخلو البارح للمدرسة

 

[ibtesem]

صح فطور الصايمين وصح عشا الفاطرين

 

[الاختان سوسو ونونا]

بصحتك الشخشوخة اسيا دز

 

[assia dz]

اسيا دز الف شكر حبيبتي حلوياتك احسن و اروع مشاء الله اعليك من فضلك ممكن وصفة الغربية و الفراشة ربي يحفضك ويعطيك الصحة مرة اخرى

​

مشكورة حبيبتي تسنيم أنت الأحسن والأروع:shay:.شوفي بالنسبة للفراشة العجينة هي نفسها عجينة السابلي، والتزيين بالبات داموند وكل وحدة عندها طريقتها في التزيين.
والغريبية: 250غ زبدة + كاس سكر رطب + كاس تاي زيت+ فاني+ ملعقة صغيرة خميرة الحلويات وتنشفي بالفرينة حتي تتحصلي على عجينة ما تلصقش خليها ترتاح شوية وشكليها.

 

[البنات]

مرحبا لميا واش راكي اختي صح هدا عيد الغربة انا تاني فوتو مع خويا
واش راكي اسيا دي زاد بصحتك والله صح انا البنات دخلو البارح للمدرسة

marhba bik okhti ibtissam
walah labas elhamdolilah
ki ykounou lwlad w lwaldin b5hair nkoun ana labas
chwia mthayra 3la 3afaf mrida mn marda lmarda w elhamdolilah
zawji ki chafni hakda gali ida thebi trohi tfawti une semain mi tnkosli mn lvaconse l3am ljay
mabratch maman
walah ki fawat el3id m3a khoya chwi mahasitch rohi wahdi
surto ki hkina m3a darna fi skype w la cam chwi 5hir mn walou
ani golt l'3afaf ta3tini Ntèl nta3k ida makanch mochkil ou mois ntwansou m3a ba3d
walah haba nt3araf bikom kaaaaamel
surto nti w om nada roze farida w3afaf elbarikia dima thkili 3likom
nchalah rabi yjma3na fi l5hair
​

​

 

[assia dz]

بصحتك الشخشوخة اسيا دز

الله يسلمكم سوسو ونونان وعلى فكرة راني جيت لمدينتكم جيجل نهار السبت، وما قدرناش خلاص نحوسو المطر كان بزاف رجعت للدار نقطر، بصح رايحة نعاودها إن شاء الله.

 

[كوثر الوهرانية]

مساء الخير
كيراكم لبنات
انا الصيام راه هادني
بصحتك اختي تسنيم البومفور جاك روة يشهي و بسومة الدنجال جاك تحفة بصحتكم
ام سيف عمرة مقبولة للوالد الله يقدركم على الشقى اختي

 

[assia dz]

مرحبا لميا واش راكي اختي صح هدا عيد الغربة انا تاني فوتو مع خويا
واش راكي اسيا دي زاد بصحتك والله صح انا البنات دخلو البارح للمدرسة

الله يسلمك حبيبتي ابتسام والله راني لاباس والحمد لله، بصح تعرفي هذا العام جانا رمضان، العيد والدخول المدرسي شوية عياونا، بصح المهم الصحة برك، كلشي يفوت، ربي يحفظلك البنات وعيسى ويخليك ليهم يا رب .
بناتك الله يبارك البنات ربي يحفظ ويصون.

 

[كوثر الوهرانية]

اهلا بيك اختي البنات الله يعطيكم الصبر في غربتكم و ان شاء الله تجي و تشبعي من الوالدين و الاخوة راني حاسة بيك اختي انتي و كل لبنات المتغربات الي معاناصح عيدك وو ربي يحفضلك بناتك ولدك راهم غزلت الله يبارك

اسيا بصحتك الشخشوخة ميميم نموت عليها
فوفة فطورك يشهي تقبل اله صيامكم
اليوم درت روز و حوت مقلي مع صلصة الطماطم و لي شوصوا و زعلوك وصفة بسومة جا بنين و حار و ميتشبعش
و عجنت الخبز

 

[assia dz]

اهلا بيك اختي البنات الله يعطيكم الصبر في غربتكم و ان شاء الله تجي و تشبعي من الوالدين و الاخوة راني حاسة بيك اختي انتي و كل لبنات المتغربات الي معاناصح عيدك وو ربي يحفضلك بناتك ولدك راهم غزلت الله يبارك

اسيا بصحتك الشخشوخة ميميم نموت عليها
فوفة فطورك يشهي تقبل اله صيامكم
اليوم درت روز و حوت مقلي مع صلصة الطماطم و لي شوصوا و زعلوك وصفة بسومة جا بنين و حار و ميتشبعش
و عجنت الخبز

بصحتك أم كوثر راك قايمة الله يبارك بصحتك
​

 

[imane27]

صح فطور الصيمات
فوفة وكوثر فطور يشهي بصحتكم
ندى رانا غير نشمو فى طيابك من بعيد
ام البنات رانا فالهوا سوا غربا دتلنا قاع لنحبهوم الله يطمنك على يماك وعفاف وصح عيدك ومشاء الله على بناتك راهم غزلات