شاشرة شيرات أرواحو نلعبو لعبة تاع دويرة بالحميرة

[programmeur]

السلام عليكم
عندي شعال مادرتش موضوع هنا هههههههه


راني حاب نقعرج معاكم شوية

ايا ندخلو في الموضوع en direct

غيل قبيل و انا في اللمة قعدت نسمع في ولاد جوارينا كانو يلعبو في الحوش تاع دارهم
وكانو يغنو وحد الاغنية تاع "دويرة بالحميرة" قعدت أنا غيل نضحك لخاطرش فكروني بيامات زمان

كي كنا صغار وكنا نتلاقاو شاشرة و شيرات في كاش بلاصة في الجيهة ونلعبو وحد الألعاب

ومرات كنا نلعبو العاب تاع بنات و مرات كانو الشيرات يلعبو العاب تاع شاشرة ههههههه

المهم كنا نروبلو الحالة ومن بعد نتفركتو بكاش دبزة ههههههه
وتقعد تسمع فينا نغنو
" أعطيه زيده مكانش السلاكة "
من بعد يدخلو فيها الكبار و كل واحد يروح لدارهم وهو هاز معاه راسه المشقف هههههه

والله غيل يامات هبال و مايتنساوش مع الشيرات
هبلت بالضحك

وهادي الغنية كنا نغنوها

" ميي ميي مي سيي سيي سي

أنا ماعنديش داكتيلو عندي ورقة وستيلو
سنييلو طمبيلو
ارفد يدك وعطيلو "
قالك كي تكمل الاغنية تنوض البونية والصفعة ههههههههههههه واللي يضرب الاول هو الرابح
المهم تجي هكدا الأغنية مارانيش عاقل عليها
وكاين اغاني بزاف راني ناسيهم


كنا نلعبو وحد اللعبة تاع مهابل بصح فيها غيل الشاشرة
وممنوع البنات ههههههههههههه

كنا نسموها " دوني دونا" هههههه مالأسم مهبولة هادي اللعبة

كنا نتلاقاو عند كاش واحد من صحابنا في دارهم
وهادي اللعبة تاع تظرب الكارطة و اللي يخسر ينزع حاجة من قشه ( ملابسه ) وتكمل هادي اللعبة عندما يخلو الواحد هكدا
ههههههههههههههههههههههههههههههههه

كان الضحك داير حالة كي نقلعو لكاش واحد قشه ههههههههه

اللي كان يشوفنا يقول علينا مهابل صح

وانا نظمن لكم كنت كل يوم ندخل لدار و صاري فيا حاجة
مرة مشقف والبوليطة فوق راسي هههههههه
و مرة حتى يجيبوني لدار و انا غيل دم و مرة سروالي مقطع ههههههه

وحاجة اخرى كانت تعجبني تاع واحد خارج من الدارهم و خنونته تسيل هههه
دايرة حالة وكانو قاع ناس يعيفوه
علا جالها واحد مايقرب منه
في داك الوقت كان عندها شارم كبيييير هههههههههههههههههه



ياحسراه زدنا مع العشرية السوداء تاع العنف و لعبنا بالعنف وتربينا بالعنف
دير حاجة يقولولك " الغولة راهي جاية " ههههههههههههه

وقرينا بالعنف قالك كي تجيب معدل ماشي مليح يبات المطرق يظرب في الليل
ههههههههههههههه
المطرق تاع بوك من جيهة والرصاص تاع الارهاب من جيهة هههههههههههههههههه

والله غيل يامات هبال

وانتوما كاش دكرايات تحكوهمنا
باين راه عندكم ألبوم

راني طولت عليكم
وشكرا لكم
​

 

[adel-mz]

وي سي فري خويا
لوكان يقولولي واش تتمنى في حياتك نقولهم عاودو رجعوني للصغر نتاعي .
ايهههههه كان الدماغ فارغ نهار كامل نقظوه في اللهو.واللعب
انا بصراحة كنت نحب الجنان والغابة والصيد وكنت اختصاصي في خرق بساتين الفواكه ،صيد العصافير ههههه
مارسي خويا فكرتنا
​

 

[hiba14]

هههههههههههه كون تشوفني كنت متشردة
على العام و انا نسوط في عباد ربي و الشعب قاع قابضو الرعب مني
اه و تاع دويرة بالحميرة
وسي سي لي باسي كل واحد عندو طبسي غمضو عينيكم ربي يعميكم و الجاجة تخزر فيكم

 

[حالمة بالجنة]

السلام عليكم
والله فكرتني في يماتا زماآآآن يا حصرة
ماكناش كااامل ندخلوا للدار حتى يجو الرجالا من الجامع عند المغرب ويطلعونا بالسيف,,,وهكدا ونهربولهم زعما ما تحلاش الغميضة غير مور المغرب ههههه
مرة حنا كانوا يخوفونا بحمار القايلة هههه زعما باش ما نخرجوش مورا الظهر ومرة قررنا وخرجنا بالعصاوات وكل واحد واش جايب زعما باش نطردوا الحمااار هههههه يا حصرا على البراءة
وكنا لبنات نديرا الدويرة زعما دار ونديرو لفطور ويجيو لولاد يخسروهالنا وتنوض الفوضى ياااه
تع الصح تشتاق للطفولة
شكرا أخي على الذكريااآت وعلى الموضوع
أسعدك الله
=)​

 

[احساس انثى dz]

ياحسراه يامات ماتتنساش واش نقولك روعة كنا نلعبو مانحبسوش صبح وعشية ماشي ولاد تاع دوك مايعفوش كامل يلعبو ههههههههه
واش نقولك ياخو واش نخلي حكايات وحكايات
حنا نقولو على شيرات بنات بصح هادي شاشرة جامي سمعت بيها ههههه وعلى حساب مافهمت قصدك لولاد ههههه
يعطيك الصحة خو

 

[العاطفي]

هههههههههههههه
يعطيك الصحة على هذا الموضوع الطفولي
بصح وعلاه تفكر فينا قاع كيما هاك والله كانت يامات شابة
درك قلو ولا تقريبا انقطعوا دوك الالعاب ..... دروك تسيبه غير في ps2 ولا الميكرو
يا حسراه

مارسي خويا

 

[programmeur]

وي سي فري خويا
لوكان يقولولي واش تتمنى في حياتك نقولهم عاودو رجعوني للصغر نتاعي .
ايهههههه كان الدماغ فارغ نهار كامل نقظوه في اللهو.واللعب
انا بصراحة كنت نحب الجنان والغابة والصيد وكنت اختصاصي في خرق بساتين الفواكه ،صيد العصافير ههههه
مارسي خويا فكرتنا
​

اييييه قاع كيف كيف
الطفولة هي أجمل مرحلة في حياة الانسان

على حساب كلامك كنت غيل تاع مغامرات ههههههههههه

هههههههههههه كون تشوفني كنت متشردة
على العام و انا نسوط في عباد ربي و الشعب قاع قابضو الرعب مني
اه و تاع دويرة بالحميرة
وسي سي لي باسي كل واحد عندو طبسي غمضو عينيكم ربي يعميكم و الجاجة تخزر فيكم

هههههههههههه كنتي دايرة المافيا في البلاد

السلام عليكم
والله فكرتني في يماتا زماآآآن يا حصرة
ماكناش كااامل ندخلوا للدار حتى يجو الرجالا من الجامع عند المغرب ويطلعونا بالسيف,,,وهكدا ونهربولهم زعما ما تحلاش الغميضة غير مور المغرب ههههه
مرة حنا كانوا يخوفونا بحمار القايلة هههه زعما باش ما نخرجوش مورا الظهر ومرة قررنا وخرجنا بالعصاوات وكل واحد واش جايب زعما باش نطردوا الحمااار هههههه يا حصرا على البراءة
وكنا لبنات نديرا الدويرة زعما دار ونديرو لفطور ويجيو لولاد يخسروهالنا وتنوض الفوضى ياااه
تع الصح تشتاق للطفولة
شكرا أخي على الذكريااآت وعلى الموضوع
أسعدك الله
=)​

الغميضة وراء المغرب كانت كي التمرة فوق مايدة رمضان ههههههههه يعطيك الصحة

ياحسراه يامات ماتتنساش واش نقولك روعة كنا نلعبو مانحبسوش صبح وعشية ماشي ولاد تاع دوك مايعفوش كامل يلعبو ههههههههه
واش نقولك ياخو واش نخلي حكايات وحكايات
حنا نقولو على شيرات بنات بصح هادي شاشرة جامي سمعت بيها ههههه وعلى حساب مافهمت قصدك لولاد ههههه
يعطيك الصحة خو

حنا صحاب الغرب الطفل نقولوله شير والجمع تاعها شاشرة







شكرا ليكم

 

[الحق سلاحي]

ههههههههههه
=)
​

 

[ISMA.dz]

فكرتني في يامات زمان ياحسراااااااه

والله توحشتهم وياريت يولو نعيشوه مليح

لكن صراحة هاذي مازالني نلعبها مع بنت خويا هههههه​

أنا ماعنديش داكتيلو عندي ورقة وستيلو
سنييلو طمبيلو
ارفد يدك وعطيلو "​

سلااااااااااااام
شكراااااااااااااا

 

[programmeur]

فكرتني في يامات زمان ياحسراااااااه

والله توحشتهم وياريت يولو نعيشوه مليح

لكن صراحة هاذي مازالني نلعبها مع بنت خويا هههههه​

أنا ماعنديش داكتيلو عندي ورقة وستيلو
سنييلو طمبيلو
ارفد يدك وعطيلو "​

سلااااااااااااام
شكراااااااااااااا

ههههههههه
قلشي بنت خوك قلشي ههههههههههههه

ربي يحفظك أختي

ههههههههههه
=)
​

يعطيك الصحة على الضحكة الهايلة نتمناو ديما نشوفوها على وجوهكم

 

[عاصفة الورود]

يامات روعة ياريتهم يرجعو ههه
والله غير شبعنا لعب ديجا مزلت مرة على مرة نلعب ههههههه
مرسي ليك موضوعك هايل
​

 

[mimi34]

اييييييييييييييييييييييه يعطيك الصحة ياخويا والله يامات وفاتو لوكان يقولولي نعطوك مال الدنيا ولا نرجعوك لصغرك نطلب صغري باسكو صغري يجيبلي المال يجيب كلش


ياحصرا كي كنت صغير كنت نبيع في الزرودية’’’’’’’’’’’’’’’’
انا كنت نحب نلعي كاش كاش بالعربية نتاعنا الزينة الغميضة



الله يرحم هادوك اليامات

 

[amina_b]

ههههههههههه
يامات الصغر ميتنساوش كنانرقدو نوضوا راسنا فارغ
تخمم غير كيفاه تهرب من الدار بلا ميشوفوك برك
ايام فكرتنا فيا فيا ليتها تعود من جديد
شكرا خويا
​

 

[AHLEM1992]

يامات الصغر
مي مانتفكر حتى حاجة سبيسيال
كنت نلعب لامارال برك ولا كاش كاش
يعطيك الصحة​

 

[nour el yakine]

ايه خويا أجمل مرحلة في حياتي مرحلة الطفولة كنت نفرح كي تقلي ماما أخرجي تلعبي وعندك لاتبعدي هات تمدلي الضوء الأخضر برك . مانخلي مانلعب مي انا كنت نحب نلعب بالعرائس ديما انا وبنات جيرانا ونديرو لخالوطة كل وحدة تجيب حاجة من دارهم حبة بطاطا بصلة ألأي كاين ونقعدو نخلطو
مي ياويلي إذا أذن المغرب ومادخلتش هذاك النهار بينيسون قاوية .
مي أجمل مرحلة في حياة الإنسان مكانش قد البراءة
سلمت يمناك على الطرح المميز
دمت
​

 

[مينة آلاء الْقُدُّوس]

hhhh walah ktaltni bdahk yamat mayatansawch kouna niya

kima kolt l2irhab man djiha w hna man djiha

ana za3ma kount 3akla f houma basah ana chef ta3houm hhhh

hadak laghna kamal ghaninah bassah lamkhayra ta3na ta3

bounayaty ....bounayatry ...
na3am yama .....na3am yama
hagawizki......hagawizki
liman yama ....liman yama....
libachbouchi libachbouchi ....
mahibouchi ....mahibouchi .....hhhhhhhhh
w mazalat lhouma ga3 tak3ad tastghal fina

yamat l'harrach 3àmry manansahoum
ya3tik saha khoya mawdo3 hayal​

 

[مابقاش بزاف.Dz]

ههههههههههههههه وااااااااااااع نبكي و لا نضحك على الايايمات هادوك ما لحقتش عليهم واااااااااااااااااااع

 

[*امينة*]

vraiment يامات شابة بزاااااف
Merci

تقبلو مروري
​

 

[Houda Chaouienne DZ]

" ميي ميي مي سيي سيي سي

أنا ماعنديش داكتيلو عندي ورقة وستيلو
سنييلو طمبيلو
ارفد يدك وعطيلو "
....

عجبتني هاذي بزااااااااف
هههههههههههههههههههههه
قتلتني بالضحك

مارسي خويا
ذكريات هايليييييين
​

 

[kartena]

يا حصراه كي كونا صغار كانت البراءة في عينينا كنا ملي نخرجو على 14h30وحنا فالزنقة حتى للمغرب هههههههه
شكون لي كان فيكم يلعب النقيرة .الرشيقة خصوصا الشاشرة surtout plotfimer w trésor سعال كنت نحبهم وزيد معاهم غميضة و لعشيوة ههههه ياريت نقدرو نرجعو ليامات زمان se sont des jours inoubliable vrm