ملتقى استاذة اللمة الجزائرية خاص باستفسارات الاساتذة-

[إحســاس بــراءة]

الله يبارك
يعني المادتين لي الكل يشتكي منهم
كيفاش عندكم النتائج في الشلف بخصوص هاذ المادتين؟؟؟؟؟؟؟؟؟؟

صح والله الكارثة
انا راني ندرس في الابتدائي وراكي تعرفي الفرنسية في الابتدائي
والمشكلة دايمن يكونو متفوقين في العربية والرياضيات ولكن الفرنسية المستوى هابط
الا القليل فقط اللي يحبو يقراو المادة هاذي ويجيبو فيها معدلات ملاح
دايمن في الشهادة تكون نتائج الفرنسية ضعيفة بالمقارنة مع المواد الاخرى
........................
والحاجة اللي رانا نعانو معاها ضرك
تلقاي القليل فقط يحب يدرس والباقي والو

 

[السلطانة]

السلام عليكم

حبيت نسقسيكم جاتنا تعليمة في المؤسسة من مفتش مادة اللغة العربية
لتقديم درس حول المادة...في يوم تكويني

هل المستخلف معني بتقديم الدرس ؟
أيضا مع الأساتدة المرسمين



​

 

[حكايا الورد]

السلام عليكم
والله على حسب المفتش حبيبتي
قادر يدخل عندك من حقه​

 

[السلطانة]

السلام عليكم
والله على حسب المفتش حبيبتي
قادر يدخل عندك من حقه​

قصدي نحضر الدرس مع بقية الأسالتدة بالتنسيق ...،بما أني في مكان الأستادة
ونقدمو كيفي كيفهم يوم التكوين ؟

والله خلعوني
كي شفتهم هوم حايرين وخايفين كيفاه يحضروه
قلتلهم مالا أنا واش نقول لي جامي حضّرت درس وقدمتو قدام المفتش والأساتدة في تكوين

كون غير يعفيوني :d
​

 

[حكايا الورد]

هاكي تشوفي الوقت اللي يجي يلقاهم حايرين
يلعبوها برك والله والو
بصح انت نورمالمو تحضري معاهم يا ميشا
ماتدري قادر يدخل ​

 

[السلطانة]

هاكي تشوفي الوقت اللي يجي يلقاهم حايرين
يلعبوها برك والله والو
بصح انت نورمالمو تحضري معاهم يا ميشا
ماتدري قادر يدخل ​

ان شاء الله ندير احتياطاتي
ولاعدت معنية راني نلقي الدرس
لاقالولي لا راني نريح
نستفاد من الدروس لي راح تتقدم قدامي
وهدفي واحد نيل الخبرة الكافية
مشكورة حبيبتي
:regards01:
​

 

[إحساس قلم]

رد: ملتقى استاذة اللمة الجزائرية خاص باستفسارات الاساتذة-

وين راها الأساتذة ؟؟
والله اللمة مافيهاش الأساتذة خلاص
أنا نستحق المواد الأساسية
دروس+تمارين محلولة+فروض واختبارات
أولى متوسط
ان شاء الله مانكونش ثقلت عليكم
وشكرا مسبقاً من الأساتذة المحترمين
​

 

[larose]

رد: ملتقى استاذة اللمة الجزائرية خاص باستفسارات الاساتذة-

السلام عليكم انا حبيبت نسكسي رايحة ندخل استاذة جديدة وجامي قريت واش ندير وكفاش نبدى وووووووووووو

 

[Teacher Sweet]

رد: ملتقى استاذة اللمة الجزائرية خاص باستفسارات الاساتذة-

اهلا ختي
بالصحة والعافية

ماتخافيش والله انها ساهلة
عليك وعلى ثيقتك بنفسك
المهم انك تنحي الارتباك، وكلش يفوت بسهولة
ولازم تباني قدام تلاميذك انك غير مرتبكة و واثقة في واش راكي ديري

نعطيلك نصيحة عن تجربتي الشخصية
من حصتك لولة كوني حازمة معاهم psq الحصة لولة هي المهمة
وممبعد في الحصص الجاية بالشوي بالشوي ابداي بمعاملتهم باسلوب محبب وجميل
وتخلي الجو لطيف و الله رايحين يشتوك ويشتو حصتك ويستناوها بفارغ الصبر

ومن الجميل انك تكوني قريبة منهم
ترفهي عليهم مرة على مرة وتضحكي معاهم
بصح ماتنسايش انو الاهم هو الحزم في الحصة الاولى والثانية

واكيد حضري درسك مليح و وجدي مذكراتك
وهيئي نفسك للأسئلة المحتملة

صدقيني تفوتي سمانة برك رايحة تستمتعي بالتعليم

ربي يوفقك ختي و ييسرلك امورك

ملاحظة: واش من مادة تدّرسي؟
​

 

[larose]

رد: ملتقى استاذة اللمة الجزائرية خاص باستفسارات الاساتذة-

:-r:-r

اهلا ختي
بالصحة والعافية

ماتخافيش والله انها ساهلة
عليك وعلى ثيقتك بنفسك
المهم انك تنحي الارتباك، وكلش يفوت بسهولة
ولازم تباني قدام تلاميذك انك غير مرتبكة و واثقة في واش راكي ديري

نعطيلك نصيحة عن تجربتي الشخصية
من حصتك لولة كوني حازمة معاهم psq الحصة لولة هي المهمة
وممبعد في الحصص الجاية بالشوي بالشوي ابداي بمعاملتهم باسلوب محبب وجميل
وتخلي الجو لطيف و الله رايحين يشتوك ويشتو حصتك ويستناوها بفارغ الصبر

ومن الجميل انك تكوني قريبة منهم
ترفهي عليهم مرة على مرة وتضحكي معاهم
بصح ماتنسايش انو الاهم هو الحزم في الحصة الاولى والثانية

واكيد حضري درسك مليح و وجدي مذكراتك
وهيئي نفسك للأسئلة المحتملة

صدقيني تفوتي سمانة برك رايحة تستمتعي بالتعليم

ربي يوفقك ختي و ييسرلك امورك

ملاحظة: واش من مادة تدّرسي؟
​

شكرا جزبلا راني بديت والله روعة مي التعب ياسر لولاد صعاب مي نهار اللول لعبتها صعيبة مي نورمال والفوني ههههههههههه استا\ة الفرنسية وشكرا جويلا

 

[Teacher Sweet]

رد: ملتقى استاذة اللمة الجزائرية خاص باستفسارات الاساتذة-

العفو حبيبتي
ربي يوفقك ويكون في عونك
قتلك مع تبداي تقري رايحة تحبي التعليم والتلاميذ وكل حاجة مالgري تتعبي
​

 

[MISS ROSE]

سلام عليكم اخية teacher sweet
معليش تفيديني اذا كان لك في ذلك علم
انا متحصلة على شهادة ليسانس حقوق سمعت بلي عطاونا الحق في التعليم الابتدائي هاذ العام وش رايك في الخبر واذا صحيح وقتاه اخر ديلي للتسجيلات
​

 

[Teacher Sweet]

وعليكم السلام ختي روز
كون سقسيتيني قبل كون شفتلك احد اعضاء اللجنة يعمل معي، هذا وين كنت في المركز
معليش المرة الجاية نزيد نستفسرلك خيتي، بصح على حد علمي وعلى حساب واش شفت في الوثيقة ماكانش تخصص حقوق والله اعلم بصح نتي زيدي تأكدي وانا المرة الجاية نسقسيلك
اخر اجل لدفع هو 17 جويلية، يعني يكفيك الوقت ان شاء الله لاخاطر راهم نقصوا في الملف
وهاذي وثيقة فيها التخصصات المطلوبة في الابتدائي:



نتمنى نكون افدتك ولو بالقليل، واي استفسار او سؤال راني هنا ختي

​

 

[MISS ROSE]

شكرااااااا يا غالية
اكيد افدتيني ولو بالامكان زيدي تاكديلي ولو انو لافيشاج ما طلبش الحقوق تحياتي يا غالية ​

 

[Teacher Sweet]

ولو حنونة، لاشكر على واجب راني هنا
اوك ان شاء الله السمانة الجاية راني نروح ونزيد نسقسيلك
بيسك اليوم صايي راه الخميس، ونتي السمانة الجاية سقسي في لاكاديمي نتاع ولايتك
ان شاء الله يكون خير ختيتا
​

 

[MISS ROSE]

مشكوووووووورة يا غالية

 

[آمِيْرَتُه]

السلام عليكم
شكون يقدر يساعدني خصني برنامج مادة الفلسفة سنة 2 و 3 ثانوي

 

[رهف21]

السلام عليكم حبيتكم تفيدوني انا استادة فيزياء مستخلفة اول مرة نقري معنديش خبرة
حبيت نعرف في اي ورقة نحضر مذكرة وهل المفتش يزورني ولا منيش معنية بالزيارة
تعيشو لعندها خبرة تفيدني

 

[راضية حامدة]

المذكرة تقدري تحضريها في ورقة بيضاء او اي نوع تع الورق المهم يكون كبير
كاين لي يستعمل الورق المقوى او الاوراق تع الكلاسور
و انصحك باستعمال الحاسوب اذا كنت تملكين واحد اعمليهم فيه و انسخي منهم و لكن خلي ديما الاصلي في الحاسوب


اما المفتش فانت مش بالضرورة يدخل ليك لما يزور المؤسسة
و لكن ان رغب في ذلك يمكنه حضور حصتك و ربما قد يقدم ملاحظات و لكن مش رسمية
عموما المفتش ما يدخلش عند المستخلفين
بالتوفيق اختي

 

[رهف21]

مشكورة اختي راضية