تفضلي انستي سيدتي-للحديث حول فترة الخطوبة وتجارب في الزواج-وطرح الحلول والمشكلات-خاص ببنات اللمة

[فطومة]

صح يااختي على بالي حلال بصح هو يتغش بصح انا هك وجامي خرجت هذي مرة وحدة فراااااااااااات حتى لوكان كانت مرة اخرى اكيد راح تكون كيما الاولى ومانكذبش عليك تلاقيتومرة روح فرحان ويوم كامل يتاصل بيا ويقولي حبيت مرة اخرى نتلاقاو كيفاه ندير مانحبش نتناقش معاه دقيقة يتغش ديما ندير سبة تاع مانقدرش نخرج بصحالى اين؟
​

 

[الميزان]

صحا خاوتي نحكيلكم على قصتي
انا جا واحد خطبني من العائلة ايا وغير بالكلمة ماعندي معاه حت علاقة بالاضافة ماكاش خطبة رسمية وجامي حكيت معاه دايرين بلي حت لبعد 5 سنوات ويتقدم رسميا ونتعرف عليه
ومن ناحبة اخرى كاين الي راه يجي يخطبني ويقوقولهم مخطوبة وراني خايفة نهار نتلاقا بيه مايعجبنيش ولا مانعجبهش
واش رايكم في هد النوع من الخطبة و واش عندي الحق في مخاوفي

 

[السلطانة]

صحا خاوتي نحكيلكم على قصتي
انا جا واحد خطبني من العائلة ايا وغير بالكلمة ماعندي معاه حت علاقة بالاضافة ماكاش خطبة رسمية وجامي حكيت معاه دايرين بلي حت لبعد 5 سنوات ويتقدم رسميا ونتعرف عليه
ومن ناحبة اخرى كاين الي راه يجي يخطبني ويقوقولهم مخطوبة وراني خايفة نهار نتلاقا بيه مايعجبنيش ولا مانعجبهش
واش رايكم في هد النوع من الخطبة و واش عندي الحق في مخاوفي

رانا في الهوا سوا اختي
صادفت نفس حكايتك
من مدة قصيرة
مقبلتش الخطبة لأسباب معينة على الرغم من اني لا اعرف الشخص ولاعمري شفتو ولاحكيت معاه
لكن فضلت نفكر مليح قبل منقبل لانو الزواج ماش لعبة
انتي تاني شوفي لي يخرج عليك لاكان كاين تكافئ بينكم اقبلي لاكان لا فلكي الرفض

 

[آمِيْرَتُه]

السلام عليكم لبنات شكرا للاخت سلفية و الاخت عائشة على الرد كون نقوللكم هذا السؤال من 2009 راه يدور في راسي و ملقتلهش قرار
و كون لقيتله كون راني في داري و الله مشكلة
الأهل باغيني نخدم و الراجل يقولك لا ممنوع الخدمة و انا حرت شكون عنذه الحق
​

 

[الورد الأحمر]

صح يااختي على بالي حلال بصح هو يتغش بصح انا هك وجامي خرجت هذي مرة وحدة فراااااااااااات حتى لوكان كانت مرة اخرى اكيد راح تكون كيما الاولى ومانكذبش عليك تلاقيتومرة روح فرحان ويوم كامل يتاصل بيا ويقولي حبيت مرة اخرى نتلاقاو كيفاه ندير مانحبش نتناقش معاه دقيقة يتغش ديما ندير سبة تاع مانقدرش نخرج بصحالى اين؟
​

انا نعرف حاجة وحدة اسمها في لحوايج هذو أنا لي نقرر مش هو
حلالو مش حلالو ما يهمنيش ندير لي يخرج عليا ومش عليه ...
وكي وليت في حلالو يصبر حتى نهار العرس وخلاص ما يبقاش
يتمهبل عليا أنا هذا واش نعرف وكل وحدة رايها من رايي ...
ما تهاوديهش وسؤالك تاع بصح إلى أين ؟
نقولك إلى موعد الزواج ...
لي يحبني باش يخرجني ومعرف واش يطلب ما عندي ما ندير بيه
ســلامي
​

 

[الورد الأحمر]

السلام عليكم لبنات شكرا للاخت سلفية و الاخت عائشة على الرد كون نقوللكم هذا السؤال من 2009 راه يدور في راسي و ملقتلهش قرار
و كون لقيتله كون راني في داري و الله مشكلة
الأهل باغيني نخدم و الراجل يقولك لا ممنوع الخدمة و انا حرت شكون عنذه الحق
​

كان شايفة روحك قريتي باش تقعدي في الدار ازدمي
وكان انتي حايبة تخدمي وما فيهاش نقاش هذي ديريها
شرط ونقطة ثابتة ما تستغنايش عليها ...
عجبو الحال عجبو ما عجبوش يعني مش كاتبلك
وربي ما يقطعش لقسـم ...
عن نفسي نقطة الخدمة شرط لازم كون نبور ما
نستغناش عليها ...
مش داك الشي لي توخدت فيه
ســلامي
​

 

[السلطانة]

السلام عليكم لبنات شكرا للاخت سلفية و الاخت عائشة على الرد كون نقوللكم هذا السؤال من 2009 راه يدور في راسي و ملقتلهش قرار

و كون لقيتله كون راني في داري و الله مشكلة
الأهل باغيني نخدم و الراجل يقولك لا ممنوع الخدمة و انا حرت شكون عنذه الحق ​

القرار بيدك لاكان حاسة روحك تقبلي تكوني ربة بيت ومتحقيش طموحك وتخدمي
قرايتك لي قريتيها راهي تروح هاكداك في الريح تجيبي الديبلوم تخبيه في الدار
اما اذاكنتي حابة توصلي وتخدمي وتحقي طموحاتك هذاك خير
والله يقولك ماتلقاي غير خدمتك ميهفكش الراجل الزمان راه يتبدل والدنيا مافيها امان درك غوب وعرس وكادوات اي طفلة تتمناهم وتفرح انها تزوجت
ممكن غدوة بعيد الشر مشاكل ووو
انا هاذي نظرتي
نتمنى ربي يوفقك
:re_gards:

 

[آمِيْرَتُه]

شكرا على النصائح نور و سندريلا بارك الله فيكن
​

 

[فطومة]

شكرا اختي هذا هك نقول يعود يتغشش ويقولي راكي حلالي وماطلبتش المستحيل طلب حاجة صغيرة نقولو نهار العرس ودير واش تحب انا درك لا
عندي وحدة كي ختي زوجت قبلي كانت مخطوبة وكانت يعني حاجة مثل حضن او قبلة تمدو راجلها عادي قبل العرس زاد حبها اكثر واكثر ويحترمها وكون يقلى ماينحيش التليفون وهو يهدر معاها .المهم كل واحد وكيفاه
حبيت نسقسيك حبيت نحي شوي الروتين ساعات نقعد غير نسمع وهو هكاك حكينا عالعرس على الدار كيفاه نعمروها على واش شرا واش شريت المهم درك مالقيت واش نسقسيه ولا واش نقولو ؟
والعيب الوحيد انو بخيل جامي فليكسالي ولا جابلي كادو على بالي ضروفو بالي على قد حالو بصح موش كيما هك تعيشو حبيت نحيلو هذي الطبيعة كيفاه نسنى ردكم بارسع وقت

 

[الورد الأحمر]

شكرا اختي هذا هك نقول يعود يتغشش ويقولي راكي حلالي وماطلبتش المستحيل طلب حاجة صغيرة نقولو نهار العرس ودير واش تحب انا درك لا
عندي وحدة كي ختي زوجت قبلي كانت مخطوبة وكانت يعني حاجة مثل حضن او قبلة تمدو راجلها عادي قبل العرس زاد حبها اكثر واكثر ويحترمها وكون يقلى ماينحيش التليفون وهو يهدر معاها .المهم كل واحد وكيفاه
حبيت نسقسيك حبيت نحي شوي الروتين ساعات نقعد غير نسمع وهو هكاك حكينا عالعرس على الدار كيفاه نعمروها على واش شرا واش شريت المهم درك مالقيت واش نسقسيه ولا واش نقولو ؟
والعيب الوحيد انو بخيل جامي فليكسالي ولا جابلي كادو على بالي ضروفو بالي على قد حالو بصح موش كيما هك تعيشو حبيت نحيلو هذي الطبيعة كيفاه نسنى ردكم بارسع وقت

الحق أنا لي يتغشش عليا في حاجة كيما هذي أنا ندي
عليه طريق مش هو وعلاش يتغشش راني في دارو ؟
أنا نعرف حاجة وحدة ولي هي كيما قلتلك حدو بعيد
على حدي كي نشوف روحي في دارو نحي الحدود
ويتغشش ولا يقعد هذي حاجتي أنا وأنا حرة فيها ...
...
أما قضية الروتين لي بيناتكم ماعلاباليش كيفاش نفيدك
في هذي يعني حسب الواحد وطبيعة لحكايات لي موالفين
تحكيو شوفي هو واش يحب ولا المواضيع لي يستهويوه
واحكي معاه فيهم يعني ساعات حاجة تافهة تجيبي بيها
حكاياتو حكايات ...
أما قضية بخيل هذي ترجع للظروف ولا لطبيعتو هو كشخص
ولا بالاك ما يفيقش للحوايج هذو يعني جيبيهالو بستيل
غير مباشر بالاك يفهم وما يهموش لي كادو ولا لفليكسي !
على ما أظن كاين حوايج أهم ما يهمش واش كسبتي
منو كحاجات مادية يهم واش كسبتي كحاجات معنوية
ان شاء الله نكون فدتك
ســلامي
​

 

[فطومة]

صحيح اختي في قضيو اني كسبت منو حب كبير واحترام وحنين عليا فوق ماتتصوري وموش شكاك واثق مايقولي وين رحتي ولا وين جيتي ولا مع من كنتي تحكي فالتليفون الحق كلش مافيهش الحمدلله .كي يسقسيوني البنات واش دارلك كادو ؟ولا كشما يفليكسيلك نحشم نقولهم لالا وجامي دارهم هما كامل رجالتهم يفليكسيولهم ويجيبلهم لي كادو ساعات نقلك الصح حتى نقلق ونعود نسبب عليه باه نتقابضو.يااختي وعلى المسالة تاع نتلاقاو ونبخلو ويتغش كرهت منها كل وقت وانا نتقابض معاه قايل لازم نديرو العرس في اقرب وقت مدامك ديري كيما هك وانا ماوجدتش روحي مالقيتش كيفاه ندير

 

[الورد الأحمر]

صحيح اختي في قضيو اني كسبت منو حب كبير واحترام وحنين عليا فوق ماتتصوري وموش شكاك واثق مايقولي وين رحتي ولا وين جيتي ولا مع من كنتي تحكي فالتليفون الحق كلش مافيهش الحمدلله .كي يسقسيوني البنات واش دارلك كادو ؟ولا كشما يفليكسيلك نحشم نقولهم لالا وجامي دارهم هما كامل رجالتهم يفليكسيولهم ويجيبلهم لي كادو ساعات نقلك الصح حتى نقلق ونعود نسبب عليه باه نتقابضو.يااختي وعلى المسالة تاع نتلاقاو ونبخلو ويتغش كرهت منها كل وقت وانا نتقابض معاه قايل لازم نديرو العرس في اقرب وقت مدامك ديري كيما هك وانا ماوجدتش روحي مالقيتش كيفاه ندير

الحب الاحترام الثقة لي كسبتيهم راهم خير من صحاباتك
والكادوات لي جابولهم رجالتهم ...
+
جامي تقارني روحك مع غيرك وكل واحد ظروفو
لي يقارن يقرا النقص ولا يلقى الزااايد
...
مسألة تخرجي معاه ومعرف واش تحوسي على وحدة
لي تشجعك تديري واش يطلب منك ؟
أنا ما نشجعكش وكيما نشوف لروحي نشوفلك
وباقي الشي راجع ليك ...
وهو ما حقوش مادامك مش في دارو ما تدريش الزمان
ربي يكملك معاه مي واحد ما علابالو واش مخبيين ليام
مالا حوطي للزمان ... وكيما صبر يزيد يصبـر ...
وزيد ما تدريه يضغط عليك حتى تقبلي تطيحي من عينو
مش بالضرورة تقبلي يفرح بيك قادر يكون يجرب فيك
خممي من جوانب بزاف ما تخميش من جانب واااحد
وليام كي تدور على الوحدة راهي صعيبة ...
اقراي بين السطور ... وغير التشجيع ما تلقايهش
من عندي ... ســـلامي
​

 

[فطومة]

صح كلامك اختي والله ساعات الوسواس تاع البنات يزيد عليك انا الحمدلله كيما قلت مقابل الكادوات هذوك عندي اغلى منهم .
لالا ياختي ماقتلكش قوليلي اخرجي معاه ولا وافقيني الراي انا قلت مدامني مادخلتش عندو ينسى اي حاجة من عندي
كي كنت مخطوبة غير بالجماعه جامي خرجت معاه مي كي عقدت خرجت مرة وحدة فقط وعيا يحاول بصح اكيد انا نقول لا اوالف لا
مرة وحدة كي عقدت دخل وسلم عليا عادي وسلملي على جبهتي وقالي مبروك وصورنا مع بعضانا وكانو دارهم كامل هنا

 

[Ahlem&mou]

Nour w sandrella tbardou lqalb wellah,rebbi yahfedkoum w ykhellikoum wellah aajbetni bezzaf chakhssiya taakoum men khilal roudoud, rebbi yahfedkoum w ykhellikoum l ness li yhaboukoum w thabouhoum, vous m'avez impressioné yaatikoum essaha

 

[@احساس طفلة@]

صحا خاوتي نحكيلكم على قصتي
انا جا واحد خطبني من العائلة ايا وغير بالكلمة ماعندي معاه حت علاقة بالاضافة ماكاش خطبة رسمية وجامي حكيت معاه دايرين بلي حت لبعد 5 سنوات ويتقدم رسميا ونتعرف عليه
ومن ناحبة اخرى كاين الي راه يجي يخطبني ويقوقولهم مخطوبة وراني خايفة نهار نتلاقا بيه مايعجبنيش ولا مانعجبهش
واش رايكم في هد النوع من الخطبة و واش عندي الحق في مخاوفي

سلام أختي
هادي أبشع حاجة بزاف الي يصرالهم كيما حكايتك ويخطبهم شحال من واحد وهي زعما مسميا على واحد أخر
انا نقلك اختي من حقك انك تشوفي الشخص الي راح تزوجي بيه هكدا قال الشرع نورمالمو راكم شفتو بعضاكم كي يعجبك وتعجبيه فما تقدري تقولي مسمي عليا وتسنيه حتى 10 سنين نورمال
مبصح هكدا بلاك تسنيه هاد الشخص وميعجبكش وانتي ديجا فات عليك الحاك خطبوك قبل وقلتي اني مخطوبة ..... تحبي رايي متسكتيش على هاد الشي لازمك تشوفيه هكدا باش ترتاحي

 

[الورد الأحمر]

nour w sandrella tbardou lqalb wellah,rebbi yahfedkoum w ykhellikoum wellah aajbetni bezzaf chakhssiya taakoum men khilal roudoud, rebbi yahfedkoum w ykhellikoum l ness li yhaboukoum w thabouhoum, vous m'avez impressioné yaatikoum essaha

مشكورة أختي ربي يحفظك ...
يعطيك الصحــة
بارك الله فيك
ســلامي
​

 

[فطومة]

مساء النور خواتاتي واش راكم حبيت نسقسي في ليلة الدخلى كيفاه لازم ندوش ونتوضا نصلي الفجر لازم قبل لا ياذن الفجر نكون طاهرة؟وكيفاه ندير اذا رحت فواياج يعني الايام الاولى كيفاه راح نوافق بين ارضاء راجلي وصلاتي يعني كل يوم قادرة ندوش حتى 3مرات ؟عندي سؤال بنت عمي عروس عندها بعض الشهور برك وتسكن مع والديه قاتلي بالي تقدر مادوش تييم وتصلي لانو تحشم كل وقت طالعه وتدوش قدامهم هل تجوز ولالا ؟

 

[@احساس طفلة@]

تلقي الاجابة عند وحدة مزوجة لأسألتك أخت فطومة
موفقة ......​

 

[الورد الأحمر]

تذكـ]ـير

لسنا وحدنا في المنتدى ... هناك ذكور معنا
ســلامي
​

 

[أم انس عبد الله]

السلام عليكم ورحمة الله وبركاته
ياختى ماشي هاكدا هيا دخلت باش تنصحيها يعنى ديري روحك في بلاصتها وشوفى انت واش تقررى وقوليلها
مكان لا طموح ولا هم يحزنون الطفلى ياو تقرى تقرى وفي التالى مصيرها الزواج
وقرايتها اللي قراتها مش رايحة تروح باطل رايحة تقرى بيها ولادها ان شاء الله ونظن هادا يكفيها
وبلاك اللي يخطبها راه انسان مليح وماشاء الله عليه ومادام ماراهش حابها تخدم اعلمى انو راه متاكد انهو يصرف عليك ويلبيلك كل احتياجاتك ويحبك بزاف ماراهش حابك تتشاركى مع الذئاب البشرية اللي برى
ياختى ديري راي واش قالك خطيبك
لاطاعة لمخلوق في معصية الخالق
وحاولى تقنعى اهلك
+ انت قاع اذا درتى راي اهلك رايحة تخدمى في الاختلاط نضن ذرك مكانش خدمة مافيهاش اختلاط المراة شاركت الراجل في كلش
وحتى الطبيبة راهي تكشف على الراجل
وديري في بالك
من ترك شيئا لله عوضه الله خيرا منه، والله جل شأنه يقول: { وَمَنْ يَتَّقِ اللَّهَ يَجْعَلْ لَهُ مَخْرَجًا }
{ وَيَرْزُقْهُ مِنْ حَيْثُ لَا يَحْتَسِبُ }
وبالله التوفيق​

القرار بيدك لاكان حاسة روحك تقبلي تكوني ربة بيت ومتحقيش طموحك وتخدمي
قرايتك لي قريتيها راهي تروح هاكداك في الريح تجيبي الديبلوم تخبيه في الدار
اما اذاكنتي حابة توصلي وتخدمي وتحقي طموحاتك هذاك خير
والله يقولك ماتلقاي غير خدمتك ميهفكش الراجل الزمان راه يتبدل والدنيا مافيها امان درك غوب وعرس وكادوات اي طفلة تتمناهم وتفرح انها تزوجت
ممكن غدوة بعيد الشر مشاكل ووو
انا هاذي نظرتي
نتمنى ربي يوفقك
:re_gards: