ماذا ستطبخين اليوم سيدتي..انستي..../الجزء الثاني/

[faloussa]

الله يسلمك اختى راجية وصفيمان وام ايناس وبجميع الغاليات
كوثر بصحتك لفطاير جاوك روعة يا ريت تحطيلنا الطريقة
اهلا اختى ايمانو منيش نتوحم هاداك ماخص بصح راني هادتى الايامات كنت لاتية مع سلفتى كان عرسها كونا لاتيين بالتحضير وكنت سع سع نطل عليكم ونهرب وحة بصراحة كان المورال نتاعي هابط هادي الايامات
دمتم بود ان شاء الله

 

[nada242008]

مساء الانوار :sheer: مرحبا بقلوسة وصافو توحشنااااكم يا غاليات
سمورة راكي جبتيه القريوش بصح كيما قلتي لازم يكون رقيق وكبير شوية باش يطاوعك
ان شاء الله التجربة الثانية تكون احسن واحسن
حبيت نجربو بصح الوقت ماكانش ..
كوكو السفنج جاك يهبل بصحت الاولاد
بصحتكم كامل واش طيبتو .. انا عاندت على ايمان 27 ودرت كوكا

 

[أم نيفين]

السلام عليكم و رحمة الله
مساء الخيرات عليكم
عندي أكثر من ساعة وانا نقرا من الصفحة الأولى و هاذاوين لحقت لهاذي الصفحة
مبروك على وليداتكم الدخول المدرسي ربي يوفقهم و تفرحو بيهم إن شاء لله
و ربي يشفي ولادكم و ينوضو بالصحة و العافية
أنا ليوم درت شربة بيضا بالفارميسال و سلاطة ماسيدوان و العنب و jus
بصحتكم كاااااااااامل واش طيبتو
تقبلوني بينكم

 

[كوثر الوهرانية]

مساء الخير ام ندى بصحتك الكوكا جاتك رعة
اهلا بيك اختي ام نفين راكي هنا في دارك و بين خوتاتك على الرحب و الساعة بصحتك الشربة بيضة و الماسيدوان

 

[أم نيفين]

​

 

[أم نيفين]

مساء الخير ام ندى بصحتك الكوكا جاتك رعة
اهلا بيك اختي ام نفين راكي هنا في دارك و بين خوتاتك على الرحب و الساعة بصحتك الشربة بيضة و الماسيدوان

الله يسلمك يا الحبيبة

 

[faloussa]

اهلا بيك اختى ام ندى بصحتك الكوكا تشهي
ام نيفين يعطيك الصحة واهلا بيك بيناتنا شوربة هايلة بصحتكم حنونا

 

[أم نيفين]

اهلا بيك اختى ام ندى بصحتك الكوكا تشهي
ام نيفين يعطيك الصحة واهلا بيك بيناتنا شوربة هايلة بصحتكم حنونا

الله يسلمك حنونة

 

[أم نيفين]

من فضلك حبيبتي ابتسام
تقدري تقوليلي كيفاش درتي المقرونة ...جاتك تشهي
حابة نديرها للعشا

 

[كوثر الوهرانية]

اختي فلوسة السفنج راه وصفة اختنا تسنيم
500فرينة3ملاعق صغار خمارة الخبز ملح3ملاعق كبار زيت
بسسيها مليح و لميها بالحليب دافي عجنيها مليح مثل الخبز تم اضيفي بيضة و هنا خبطيها بيديك و تكون مرخوفة على الخبز شوية غطيها و خليها تخمر و مبنعد لوزيها و حطيها في صينية مدهونة مليح بالزيت ديري لوزات صغار و خليهم يخمرو مرة اخرى غير شويا
هنا حضري زوج مقالي وحدة حطي فيها قليل من الزيت يعني غير تشمخي المقلة بالزيت و الثانية عمريها زيت و خلي الزيت تسخن ارفدي اللوزةعبسي بصوابعك و جبدي على شكل اساور و ضعيها في المقلة الي فيها شويا زيت قد ما تشد روحها و تنتفخ رديها فالمقلة الثانية و قلبيها حتى تحمار
هدي هي الوصفة اختي

 

[كوثر الوهرانية]

ام نفين بسومة راهي تقرى في هدا الوقت نضن متقدرش تجاوبك دركا بصح العشية اكيد راح تجاوبك

 

[faloussa]

اختي فلوسة السفنج راه وصفة اختنا تسنيم
500فرينة3ملاعق صغار خمارة الخبز ملح3ملاعق كبار زيت
بسسيها مليح و لميها بالحليب دافي عجنيها مليح مثل الخبز تم اضيفي بيضة و هنا خبطيها بيديك و تكون مرخوفة على الخبز شوية غطيها و خليها تخمر و مبنعد لوزيها و حطيها في صينية مدهونة مليح بالزيت ديري لوزات صغار و خليهم يخمرو مرة اخرى غير شويا
هنا حضري زوج مقالي وحدة حطي فيها قليل من الزيت يعني غير تشمخي المقلة بالزيت و الثانية عمريها زيت و خلي الزيت تسخن ارفدي اللوزةعبسي بصوابعك و جبدي على شكل اساور و ضعيها في المقلة الي فيها شويا زيت قد ما تشد روحها و تنتفخ رديها فالمقلة الثانية و قلبيها حتى تحمار
هدي هي الوصفة اختي

بارك الله فيك اختى كوثر ان شاء الله نجربها عن قريب وشكرا للاخت تسنيم على الوصفة

 

[عفاف الجزائرية]

بالمغاولة قريت ردودكم بصحتكم وش طيبتو
إذا عفاف
ام إيناس
راجية
رغودة
و لا ما نتبهتش لمتطوعة اخرى تعاود تسمي نفسها
لقدرت نعاود ندخل نتفقو على المهام
عندنا ضيفة
​

اختي رغودة اكيد رح نكون معاكم ونعاونكم لكن هاذو الايامات يعني ما نقدرش نتواجد يوميا باسكو راني مدايرة قارد مالاد لاختي في المستشفى يعني ما نقدرش نكون موجودة كل يوم
اطلبي ربي ترتاح هاذ الاسبوع وتخرج تتهنى واكيد رح نعاونكم
حاكمينها في السبيطار باسكو لاطونسيون نتاعها ما حبتش تطلع وتتريقل وكي راها بالحمل ما قدروش يدوزيولها الدواء
على هذا ما لقاو ما يعملو راهم حاطينها تحت المراقبة
​

 

[tasnim55]

بسومتي بالشفى على عيسى طهور ان شاء الله
ايمان يالشفى على اسلام ادا شفتيه مريحش اديه لطبيب
ام فاروق و ايناس كيراكي اختي كريم راه يعاود في سنة اولى متوسطو كوثر كيفه لحقت عليه
اسومة حلويات بتشهي بارك الله فيك
تسنيم اليوم درت السفنج على طرقتكي جاني هايل و خفيف على فكرة راني جرته شحال من مرة
هدا السفنج الي خدمته اليوم باش نفرح ولادي كي يجوا من القراية يلقوه سخون

امممممممم ام كوثر جاك يهبل يهبل مشااااااااااااء الله اعليك حبيبتي وبصحتهم اولادك بالهناء:showoff::showoff:

 

[أم نيفين]

بالشفا على ختك أختي عفاف الجزائرية و ربي يسلك وحلها و تفرحو بيها و بالمولود الجديد يا رب

 

[tasnim55]

صافو وشراكي حبوبة نورتي وليك وحشة
فلوسة انشاء الله راكي بخير حنونة
ايمانو وشراه اسلام اوليدك انشاء الله راهو بخير
ام نيفين اختي الشربة البيضاءجاتك تشهيييييي نبغيها بزاف بصحتكم
العشاءخممت انطيب روز بطريقة ام ندوش ربي يحفضها ويخليها روز باللحم مرحي والفطر وانتما وش خممتو
​

 

[tasnim55]

مساء الانوار :sheer: مرحبا بقلوسة وصافو توحشنااااكم يا غاليات
سمورة راكي جبتيه القريوش بصح كيما قلتي لازم يكون رقيق وكبير شوية باش يطاوعك
ان شاء الله التجربة الثانية تكون احسن واحسن
حبيت نجربو بصح الوقت ماكانش ..
كوكو السفنج جاك يهبل بصحت الاولاد
بصحتكم كامل واش طيبتو .. انا عاندت على ايمان 27 ودرت كوكا

امممممم ام ندوش كوكا روووووووعة بصحتكم خلاص نتفاهمو نعطيك صحن روز واعطيني غير زوج حبات كوكا:showoff::showoff:

 

[tasnim55]

اختي عفاف ربي يشفي اختك ويعطيها ربي وقفة ساهلة يارب وتفرحو بالبيبي

 

[ندى الأيام]

يعطيكم الصحة يا لالات راكم قادينها الحالة ربي يحفضطم
و عجبتني سيرتو الكوكا يا ريت تعطوني وصفتها ربي يخليكم

 

[imane27]

امممممم ندى غير كما كليت كوكا وكي شفتها عاودت تشهتها جات هايلة
فلوسة منحبكش تهدري هكدا انشاء الله يرزقك من حيث لا يحتسب
تسنيم هدا وين جيت من عند طبيب راه مزلو سخون
ام نفين بصحتكم شربة بيضا راهي تشهي