ماذا ستطبخين اليوم سيدتي..انستي..../الجزء الثاني/

[assia11]

السلام عليكم
أم سيف عظم الله أجرك
حلويات رائعة أختي فوفة
ماشاء الله على أولادك كوثر ربي يحفظهم
أم منصف دخول مدرسي موفق لبنتك
للغداء اليوم كسكسي إن شاء الله

 

[ام ايناس]

ربي يخليهملك اختي فريدة والله قاع شابين راني نتخيل فيك كي قلتيلي نشبه كريم
يعطيك الصحة فوفة على السفنج راه يسخف امممم والصورة ما خرجتش عندي دوك نعاود نفتح الصفحة

 

[ام ايناس]

واخيرا خرجت لميس وربي يحفظها وتشوفيها من الاوائل

 

[روعة2005]

الله يخليك حبيبتي دليلة ويفرحك با ايناس وتشوفيها احسن ناس
تسنيم حبيبتي هذا من ذوقك وطيبة قلبك شكرا لكي

 

[Setifienne]

صباح الخير عليكم حباباتي
هدو ثلاث يام مدخلتش لقيتكم ديرتو حالة الله يبارك
اللهم اجعلها نعمة دائمة و احفظها من الزوال أمين يارب
والله كنت نستنا في الرد على الوصفة تيع كوثر الوهرانية حتان جاوني ضياف على غفلة من بعيد وكانو بلا فطور ثم سجلت الخروج بلا مانشوف الرد روحوالبارح أعشيا و زادت بنتي رجعت من الروضة نهار لخميس في وحد الحالة الله لايشوف مؤمن مريضة مازلها للأن الحمى وصلت حتى 40.5 راهي مع الدوا
أختي تنسيم55 أنقلك ربي يحفظك على الوصفة و ربي يجعلها في ميزان حسناتك
أختي حاملة المسك عندك الحق في واش قلتي ة الله كاين وصفات الله يبارك مي منقدروش نصيبوهم نتمنى أنو الادارة تنتابه لهدا الشي و ميتكررش في المستقبل
عفاف الجزائرية عيد ميلاد سعيد حبيبتي
أم سيف عظم الله أجركم
أختي كوثر الوهرانية خموس على ولادك
أختي فوفة2011 انشاء الله بنتك تكون من المتفوقين
اللي مادكرتهم اسمحولي

 

[حكيك]

أختي حاملة المسك عندك الحق في واش قلتي ة الله كاين وصفات الله يبارك مي منقدروش نصيبوهم نتمنى أنو الادارة تنتابه لهدا الشي و ميتكررش في المستقبل

صباح الخير على الجميع ربي يوفق للاولادكم ويحفظهم شفت هدا الرد مفهمتش واش تقصدي ادا امكن
تقولي ونساعد بالشيء لي نقدر عليه تحياتي

 

[naGam]

صباح الخير يا حراير
ان شاء الله اليوم تكونوا لاباس
مبروك اختي الافتتاح الجديد
وماشاءالله طابلة هايلة وربي يجمع بينك وبينك صديقتك بالمحبة والمودة وربي مايفركقمش على بعضاكم
والف مبروك للاخوات اللي ولادهم دخلوا للمدرسة
وان شاء الله ربي يوفقهم وينجحهم وتشوفوهم في اعلى المراتب يارب
واختي ام سيف عظم الله اجركي ويجعلها خاتمة الاحزان ان شاء الله
واختي ام ندى ربي يوفقك الاعانة مليحة ومبروك عليها طفلتك
والعاقبة ليك ولسلاك راسك ان شاء الله
وواش راهم الاهل لاباس
واش معولين رايحين طيبوا ياحراير
ان والله العظيم حاصلة مع الغذا
ماعرفتش واش ندير
واللي عندها كاش حاجة جديدة تقولي
​

 

[tasnim55]

السلام عليكم وشراكم يالغاليات
كوثر الوهرانية الله يبارك على اولادك خمووووووووووس اعليهم شابين ربي يحفضهم وينجحهم يارب
فوووووفة مشاااااااااااء الله خموووووووووووس على لميسو الله يجعلها ناجحة ومتفوقة وربي يحفضهالك حنونة
والسفنج يشهووووووووو والف مبروك
ام منصف مبروووووك على ندوش ربي ينجحها ويحفضها
ام نيسو وشراكي حبيبتي راكي في القلب والبارح قتلك صح عشاك ام نيسو
ام ندوش الغالية الحمد الله كيراكي بخير وشراهم اهلك في بسكرة اشاء الله كامل بخير وربي يعطيك قوة وام نيسو ايضا ربي معها
setifienne بلا مزية اختي الغالية ربي يشفي بنتك ويحفضها ديري بالك اعليها وطمنينة اعليها
كل الغاليات وكل وحدة باسمها الف سلام لكم
انا غدايا المحجوبة راني رايحة غير النطيب وبعد نحط الصورة راني سخفت اعليها باي من بعد انشاء الله:re_gards::re_gards:
​

 

[Setifienne]

اختي حكيك الموضوع وما فيه هو أنو كاين وصفات حطوهم الاخوات العضوات في رمضان و المشكل هو منقدروش نصيبوهم بعدما تم غلق الموضوع وفكرة حاملة المسك مليحة

 

[ام ايناس]

ربي يخليك تسنيمو علابالي نا تنسايناش وبصحتك المحجوبة
اختي ستيفيان ربي يشفي بنتك حبيبتي
الاخت حكيك كانت ام كوثر حطت في رمضان اكلة تاع زيتون والاخت ستيفيان طلبتها وما لقيناهاش منبعد اعطاتهالها تسنيم هادي هي القصة

 

[رآج ـية العفو]

السلـآم عليكم ورحمة الله
ألف مبرووووك بالبيت لجديد
كي صبحتو يآ لحبـآب

راجية العفو رانا نستناو فالوصفات

بصحتك طبق الكفتة جآك رووعة
ان شـآء الله ختي لآلجيروآز

راجية الف الف شكر على سؤالك يا غالية وربي يخليك لوالديك ولي يحبوك وراني نستنى حلويات بشغف كبير لانهم حاجة فووووووور:showoff:

:scared::scared: كون ما هدرتيش دركا الميكرو :santa_1: سمعك
يا محاينك و جدي روحك للغدوة
كملت صيامي اليوم :showoff:صومي وحدك الغدوا :shiny:
صح فطورك و صحا عشاكم لبنات
اليوم كان فطوري شربة و طاجين الحلو و مطلوع ​

ههههههه خليه يسمع رآه طلعلي نخلة فوق رآسي
كيمآ تقول صديقة سعودية أصلآ الصور مآهوش حآب
يطلعهملي درك نظطر نطلعهم في الفيس بوك عندي ونحطهم
بصح عيب عليك علآش مآ تزيديش نهآر معآيآ
ههههههههه حبيبتي ربي يتقبل منك وصيآمك في الجنة
وصح عيدك أنآ غدوآ عيدي :sheer:

بسم الله الرحمن الرحيم
السلام عليكم ورحمة الله وبركاته حبيباتي

بما انو الصفحات في البيت الاخر كثرو( الله يبارك) قررت بعد اذنكم نفتحلكم بيت جديدفمرحبا بيكم في بيتكم


اكيد هنا راح نحطو صور ووصفات طبخاتنا وحلوياتنا ووو
لايمنع ذلك من نصائح وارشادات مطبخية من كل الاخوات لتعم الفائدة بحول الله


هذو صور لقهوة اليوم اجتمعت عليها مع اعز انسانة على قلبي
وحبيت تشاركوني .......:shay:

في البداية نسيت نصور السينية تاع القهوة ولحليب من فرحتي بصاحبتي جاب ربي صورت هذه قبل ماتجي
خدمت الصابلي بطريقة اسيا وجا مممممم وشكلو عجب صحبتي بزاف وخدمت بنيون وصابلي عادي

وخدمت الحنيفيات شربنا بيهم لا تاي (على طريقة روز ربي يرجعهالنا قريبا على خير)

وهذه سينية فيها الفواكة +العصير+تحلية+المكسرات+الحنيفيات

وفي الاخير روحت وهي فرحانة وانا بزاف فرحت بزيارتها ووعدتني تعاودها في القريب:sheer:

​

وعليكم السلـآم ورحمة الله
الله يبـآرك مآ شآء الله على ذيك الطآبلة
الله يكثر الخير ونعمة دآيمة وبصحتك القعدة
والله القعدة مع لحبآب تسوى الدنيآ ومآفيهآ
فكرتيني بحبآبآتي
​

راجية العفو صح فطورك حبيبتي ​

الله يسلمك حبيبة وربي يخليك

اسومتي صح فطورك و في انتضار اطباقك الرمضانية و وصفات الحلويات

الله يسلمك حبيبتي وان شـآء الله رح نبدآ نحط
جيت نعيطلك درك مي الريزو مكآش من الصبآح
رآه رآيح

باح الخير يا وجوه الخير
كي صبحتوا خوتاتي
اليوم صبحت ندور وحدي فالدار ولادي راحوا يقروا و انور اليوم دخل للروضة تعرفي مجاتنيش الدار بلا بيه
في بالي نروح نقرى معاه هههههههههههههه
هدا انور مين كان رايح يقرى

;و هنا مع كريم

و هنا مع كوثر

هدوا هما ولادي الله يحفضهم و ينجحهم هما و جميع اولاد المسلمين
امييييييييييييييييييييين

يـآ عمري على الحلوييين
مبروووك عليه وربي يوفقه ويوفق كوثر وكريم
وربي يحفظهملك حبيبتي

ربي يحفظهملك فريدة وينجحهم ويفرحك بيهم يا رب

ندى اليوم اول يوم لها في المدرسة راهم قبلوها سنة اولى ربي ينجحها بنتي الصغيرة
راحت فرحانة امبعد نحط صورها

ربي يوفقهـآ ان شآء الله ويحفظهآلك

صباح الانوار عليكم
فوفة مشكورة على كل شئ حبيبتي وربي يخليك
كوثر ماشاء الله على ولادك يهبلو وربي يحفظهم شكون منهم يشبهلك
ام منصف مبروك على ندى وانشا الله تشوفيها من الاوائل
عفااااف عيد ميلاد سعيد وكل عام وانتي بالف الف خير
ام سيف عظم الله اجركم وربي يصبركم وما تزعفيش انا تاني البارح ما بنتش وما كاش لي سقسى عليا زعمى انا تاني زعفت ههههههه

حبيبة أم إينآس قسمـآ بالله غير الصبـآح جيتي
في بـآلي وقلت أم إينـآس مآ بآنتش ورآني جآية نسقسي
عليك حتى لقيتك دآخلة والله ضحكت وقلت سبحآن الله
نتمنى رآكي غآية

الله يبارك لك في وليداتك فريدة ويصونهم وياعمري على انور راهو حطة الله يبارك ربي يوفقه
ام منصف مبروك على بنتك ندوش وربي يجعلها من المتفوقين
هذه لموسة حبيبتي ناضت كلها نشاط وفرح وراحت تقرا

وهذا السفنج خدمتو بمناسبة دخول المدرسي هكا تقاليد لي رباتني عليهم ماما اول يوم كانت دايما تخدمنا السفنج هاني جبتلكم حقكم

الله يبـآرك مـآ شآء الله على لموسة الحلوة
ربي يحفظهآ ويوفقهآ حبيبتي فوفة شحآل عندهآ؟؟
وذآك السفنج الله يبآرك رووعة كي نفطر ان شآء الله
نجرب وصفة تسنيم مزآل في بـآلي

صباح الخير عليكم حباباتي
هدو ثلاث يام مدخلتش لقيتكم ديرتو حالة الله يبارك
اللهم اجعلها نعمة دائمة و احفظها من الزوال أمين يارب
والله كنت نستنا في الرد على الوصفة تيع كوثر الوهرانية حتان جاوني ضياف على غفلة من بعيد وكانو بلا فطور ثم سجلت الخروج بلا مانشوف الرد روحوالبارح أعشيا و زادت بنتي رجعت من الروضة نهار لخميس في وحد الحالة الله لايشوف مؤمن مريضة مازلها للأن الحمى وصلت حتى 40.5 راهي مع الدوا
أختي تنسيم55 أنقلك ربي يحفظك على الوصفة و ربي يجعلها في ميزان حسناتك
أختي حاملة المسك عندك الحق في واش قلتي ة الله كاين وصفات الله يبارك مي منقدروش نصيبوهم نتمنى أنو الادارة تنتابه لهدا الشي و ميتكررش في المستقبل
عفاف الجزائرية عيد ميلاد سعيد حبيبتي
أم سيف عظم الله أجركم
أختي كوثر الوهرانية خموس على ولادك
أختي فوفة2011 انشاء الله بنتك تكون من المتفوقين
اللي مادكرتهم اسمحولي

ختي ستيفيآن ربي يحفظهآلك وربي يشآفيهآ
ان شآء الله ​

 

[أم انس عبد الله]

السلام عليكم ورحمة الله وبركاته
ممكن اتقولولى واش الاكلات المشهورة في العاصمة ؟؟
وطريقة تحضيرها
وبارك الله فيكم​

 

[الاختان سوسو ونونا]

صباح الخير البنات
ام منصف وام كوثر وفوفة ربي يوفق اولادكم في الدراسة وانشاء الله يكونو من المتفوقين
ام سيف عظم الله اجركم
ام ندى ربي يعينك
سلامي لام ايناس وراجية العفو اسيادز ابتسام وكل البنات
غدانا اليوم سردين وشكشوكة وسلاطة بصحتكم كامل

 

[رآج ـية العفو]

تسلمي حبوبة الأختآن ,,
وبصحتكم الفطور
​

 

[ibtesem]

صباح الخير عليكم يالبنات واش راكم
الله ابارك على ويداتكم
راهم وليدات اللمة عمرهم من عمرها
البارح عملها بيا الكمبيوتر الخيط تاع النات راح طايح وانا وشريكة تاع النات نتقابدو كفاش تقطعو علينا النات
هههههههههههه
الحمد لله بنتي تولهت للخيط
هدا عشايا تاع البارح

شهتوني في العيش البارح
عملت محمصة بطريقة العيش كيما تقولو بركوكس

هدا بلا تاع الدجاج بالبطاطة في الفور بطريقة لولا

جى اممممممممممممممم يعطيها الصحة

بصحتكم واش طيبتو

 

[ibtesem]

ربي اشافي بنتك اختي ستيفيان
ام سيفو اين انت ان شاء الله تكوني ريحتي
الحالة راها مسكتا غير الخير

 

[روعة2005]

شكرا ليكم حبيباتي فريدة وام انوسة والاختان وحكيك وستيفيان وتسنيم ربي يفرحكم بوليداتكم
ام سيف بشفاء لبنتك
راجية شكرا ليك والله لايحرمني تواجدك يا الغالية لميس في 25 نوفمبر تكمل 5 سنوات
الغداء اليوم عدس ورخساس

 

[ibtesem]

سبحان الله بينها بين عيسى شهر
بعد ادنك فوفو لكان نحتفط بصورة تاع لموسة
ام ايناس عاودي حطي صورة تاع ايناس باش نحتفط بيها

 

[حاملـة المسك]

السلام عليكم

بسم الله تبارك الله...دخلت بإيدي اليمنى مبارك علينا و عليكم البيت الجديد
ربي يدومها محبة فوفة مع صيقتك في انتظارها بيننا
و شكرا على العزومة
أم سيف عظم الله اجركم
كوتر و أم منصف مبروك على وليداتكم الدخول المدرسي ربي يفرحكم بيهم
بصح صورة كوتر و لميس ما بانوليش
حكيك الحكاية و ما فيها انو كثير من الطلبات بدات تنهال على الاخوات
على اكلات عملوهم في رمضان و ضاعت
و مشي غير الستيفيان لطلبت اذكر حتى من راجية العفو و غيرها
كان بإمكان اي عضوة تحل موضوع جماعي و يثقو طبخاتهم
مشي شرط الادارة
تعيشي اختي حكيك دائما صاحبة واجب تحياتي يسعدنا أنك متابعة لنا
تنسيم بصحتك المحاجب ليا زمان ما دقتهم
راجية العفو حتى انا عندي مشكل الصور 1 نشوفهم و3 لالا
الفيروس جانا من باتنة i-o:
كوراج رانا بعد الظهر و قريب المغرب..و صحا عيدك
و بصحتكم كامل وش طيبتو
الغدا اليوم كان شكشوكة قرع مشي قرعة و سلطة و عصير العنب ​

 

[كوثر الوهرانية]

بصحتك بسومتي البركوكس و الكباب فلفور جاوك يشهوا امم جوعتيني و انا راني مع الريجيم
اليوم درت مقرونة نتاع الحروف للولاد و راجلي قليتله البيض يالطماطم و زادت جارتي بعتتلي الدوراة و انا شربت لاسوب