ماذا ستطبخين اليوم سيدتي..انستي..../الجزء الثاني/

[كوثر الوهرانية]

اهلا رغودة كيراكي اختي تعرفي سخفتيني بهداك المعجون تاع الكرموس جاك روعة بصحتكم

 

[حاملـة المسك]

الحمد لله السوال عليك و بوحدتك
وش الدراري الماكلة دخلتيهالهم حروف و قراية _o:خليهم يربزو شوي
الله يسلمك وش نقلك كيكون بارد و تاكلي فيه و هو يتلوك وووو .....نزيدك هههه
لطيبتيه خيري لبلحمتو يجي خير
الكرموس عندنا هو اليابس​

 

[كوثر الوهرانية]

زعمى راكي تحمصي فيا يا رغودة اصبري نشريه و ناخد رايك نشري الملحم و نطيبه و نحمصك بيه بصح نهار الفري داي تاعي ههههههههههههه
هنا هدا نقولوله الكرموس و اليبس نقلوله القشرة ولا الحبالي

 

[روعة2005]

اممممممممممم بسومة العيش جاك هايل والكباب خلي وخلي صحااوهناا
واكيد ممكن تحتفضي بصورة راهي بنتك قبل لي تكون بنتي
شكرا رغودة على دعاوي الخير
اااه كوكورجعتي ريجيم من وراياااا ههها واش من ريجيم راكي ديريه وبصحتهم المقرونة بصح انا جامي شفت تاع الحروف هذه وقيلة مزال ملحقتناش

 

[حاملـة المسك]

لمقرونة بصح انا جامي شفت تاع الحروف

يوجد في الغرب ما لا يوجد في الشرق
أنعمت مساءا​

 

[كوثر الوهرانية]

اهلا فوفتي
مقريتيش راني في تلات ايام كتبت بلغي وداعا للعجائن و عودة للريجم يوم الاحد و اليوم بديت في ريجيم حساء حرق الدهون يا اختي غير هو الي اعطاني نثائج مليحة ايا ديري الكوراج و بدي معانا راني انا و بسومة
المقرونة تاع الحروف مستورد مشي تاع بلادنا تلقايها في لي سيبار مارشي

 

[روعة2005]

ومساء سعيد لكي ايضا رغد
صار هكا زعمة السلعة توزع في دزاير بكل بصح عفسة مليحة للولاد

 

[tasnim55]

محجوبة تاع الغداء:

​

 

[كوثر الوهرانية]

وعلاه علاه يا تسنيم شا تساليني راني ميتة بالجوع و مع الريجيم و نتي جبتيلي المحجوبة حتى لفمي
ميميم جاتك تهبل و طايبة قد قد بصحتكم يا اختي بصحتكم

 

[tasnim55]

صباح الخير عليكم يالبنات واش راكم
الله ابارك على ويداتكم
راهم وليدات اللمة عمرهم من عمرها
البارح عملها بيا الكمبيوتر الخيط تاع النات راح طايح وانا وشريكة تاع النات نتقابدو كفاش تقطعو علينا النات
هههههههههههه
الحمد لله بنتي تولهت للخيط
هدا عشايا تاع البارح

شهتوني في العيش البارح
عملت محمصة بطريقة العيش كيما تقولو بركوكس

هدا بلا تاع الدجاج بالبطاطة في الفور بطريقة لولا

جى اممممممممممممممم يعطيها الصحة

بصحتكم واش طيبتو

الله الله يا بسومتي العيش امممممم يهبل والبلا جاك روووووووعة بصحتكم بسومة هذا لبلا حوطيه كموضوع خطراش رائع:showoff::showoff:

 

[tasnim55]

وعلاه علاه يا تسنيم شا تساليني راني ميتة بالجوع و مع الريجيم و نتي جبتيلي المحجوبة حتى لفمي
ميميم جاتك تهبل و طايبة قد قد بصحتكم يا اختي بصحتكم

الله يسلمك حبيبتي ارواحي نطيبهالك وبعد كملي الرجيم هههههههههه:showoff::showoff:

 

[ibtesem]

امممممممممممممم على المحاجب ياتسنيمو والله قريب يخرجو من الكرون
حرام عليك نويت نعملهم المشكل مايتشبغوش ادا تبعنا العجين منخلاصوش
بصحتك يالحبيبة ياكلي بالصحة والهناء
من عيني ساضعها موضوع

 

[بنت الجسور المعلقة]

اه من دبلوماسية اللمة يابنت قسنطينة ههههههههه
راكي فحلة انا منك نقرى علوم سياسية وعلاقات دولية تعودي سفيرة اللمة


بسومة غير لخير مويمة وعلاش قلتيلي هكا اكي مجوبتينيش ؟؟؟؟؟؟؟؟؟؟؟؟؟؟؟؟؟؟ ههههههههههههه

 

[ibtesem]

عملت كيكة تاع angel food cake
ساضع الوصفة في الحلويات

تفضلو قهوة تاع المساء

 

[ام ايناس]

بصحتك ابتسام البركوكس وبصحتك بطاطا في الفور فكرتيني فيها عندي مدة ما درتهاش
تسنيييم المحاجب يشهيو يعطيك الصحة
وبصحتكم كااامل واش فطرتو
ابتسام هام ليك صور ايناس

 

[ibtesem]

اه من دبلوماسية اللمة يابنت قسنطينة ههههههههه
راكي فحلة انا منك نقرى علوم سياسية وعلاقات دولية تعودي سفيرة اللمة


بسومة غير لخير مويمة وعلاش قلتيلي هكا اكي مجوبتينيش ؟؟؟؟؟؟؟؟؟؟؟؟؟؟؟؟؟؟ ههههههههههههه

كي جاوبتي الاخت ام سيف كي كانت زعفانة علينا كي مسقسيناش عليها :shiny:
تدخلتي في الوقت المناسب يازينة :sheer:

 

[ام ايناس]

ابتسام الكيكة تبان هايلة يعطيك الصحة

 

[ibtesem]

ياعمري على انوسة ربي اخليها يحفضها
راها مع المودة تمشي هههههه
خبيلي سروالها
خلاص راني اخدة الصورتها
راح نعمل البوم تاع اولاد اللمة

 

[imane27]

السلام عليكم ورحمة الله وبركاته

ممكن اتقولولى واش الاكلات المشهورة في العاصمة ؟؟
وطريقة تحضيرها

وبارك الله فيكم​

سلام اختي واش راكي حابة تعرفي من العاصمة ونقولك كاين بزاف اكلات

 

[كوثر الوهرانية]

امممممممممممممممم بسومتي كيكة هايلة وين راه الريجيم يا لحبيبة
ام ايناس خموس على انوسة تبارك الله عليها ربي يخليها و يحفضها