ماذا ستطبخين اليوم سيدتي..انستي..../الجزء الثاني/

[بنت الجسور المعلقة]

بنت الجسور وش معجبوكش لمحاجب والشخشوخة واطباقي لفاتت ولا تحبي من يشكر اطباقك حبيبتي ههههه
​

خيتي خيتي :huh: !!!!!!!!! يخي حالة يخي وكتاه انا قلت اشكروني و والله ماهي عقلية هادي اسمحيلي اسمحيلي

 

[بنت الجسور المعلقة]

عفوفة الرشتة سوميها بزيت ومبعد فوريها وكي تكمل التفويرة لولة رشي عليها شويا ماء وخليها وزيدي فوريها
والمرقة بيها راكي تجمري متكثريلهاش باسكو معندهاش روح

 

[Setifienne]

اختي عفاف الجزائرية طريقتي في الرشتة هي نفس طريقة بنت الجسور المعلقة ونفورها 3مرات ربي يعينك ويجيب الشفا لختك

 

[عفاف الجزائرية]

عفوفة الرشتة سوميها بزيت ومبعد فوريها وكي تكمل التفويرة لولة رشي عليها شويا ماء وخليها وزيدي فوريها
والمرقة بيها راكي تجمري متكثريلهاش باسكو معندهاش روح

شوفي على حساب ماراني فاهمة
نسومها بالزيت ونديرها تفور وحد 8 دقايق
وبعدها ننحيها نعاود نرشها بشيا ماء نخليها ترتاح شوي ونعاودلها التفوارة خمس دقايق
ونطيب بجيهةتانية المرقة البيضاء
بصل توم حمص فلفل اكحل شوي كسبر جاج ورقة رند عود قرفة المهم الدوزان نتاع المرقة البيضاء
ومباعد كي تفور التفوارة التانية واش ندير
اسكو نلوح الرشتة في المرقة
ولا نحطها في طبسي ونسقيها؟؟

 

[بنت الجسور المعلقة]

لالا جيبي طنيجرة حوطي فيها الرشتة المفورة طبعا على نار هادية سقي بلمرقة غير بشوي حركي وفي نفس الوقت ديري زبدة ستار ومبعد كي تشرب مرقتها وتجمر حوطيها في الصحن دوبيها لتما تزيدلك في البنة وراكي تزيني بلحمص والعضام (البيض) مشرمشين والجاج

 

[ibtesem]

حاضر سمورة ساضع الوصفة

عفوفة تفضلي الوصفة تاع لالجرواز
الرشتة بجميع المراحل من مطبخي

 

[بنت الجسور المعلقة]

حنا منديرولهاش القرفة والتوم غير الملح والفلفل لكحل
توم والرند نديروه في المنتجو والحاجا البيضا كي البرانية نتاع البطاطا وطاجين الشوا صح

 

[عفاف الجزائرية]

ربي يخليكم ربي يخليكم هنيتوني يجيب ما يهنيكم
طياااااااااااااااارة للبرمة والكسكاس نفور الرشتة..
نتلاقاو مباعد
​

 

[بنت الجسور المعلقة]

عفاف انا نقولك جمريها متسقيش كي النعمة (بربوشة) هكا كل وحدة جي شاربة مرقتها خير
وربي يعاونك حنوننننننننننننننننننننننننننننننة

 

[اميرة الساحل]

سلام عليكم كامل
حبيت نطلب من الاخت ابتسام مقادير البطبوط كيفاش نعملوه مرة حطيتي مقادير ديالو لكن ماقلتيش الفرينة شحال المقدار بالضبط ارجو منك اعادة المقادير او اعطاء رابط الوصفة ان وجدت في المنتدى
تحياتي ليكم كامل

 

[tasnim55]

عفاف الرشتة تفويرة لاولى دري زيت برك التفويرة الثانية والثاثة بالدسم تاع المرقة وبعد جمرها غير شوية ومن احسن ديري فيها لفت يعطي بنة رائعة ودوزينة بصل والثوم غير 2 سنات عود قرفة سمن و زيت ملح فلفل اسود حمص شوية راس الحانوت وتقدري دريها بالدجاج ولحم تجيك روووووعة اختي ماما من العاصمة ديرهاهايلة
​

 

[بنت الجسور المعلقة]

أأأأأأبو ديروها هكا يا تسنيم خيتي والله طريقة شابة نشاله نجربها ونرد عليك لخبر يا حبيبتي

 

[tasnim55]

بنت الجسورحبيبتي متقلقيش نضحك معاك راكي صغنونة تاع المنتدى لك كل الاحترام انا قدك منعرفش انطيب غير لفريت بصح الله يبارك اعليك شاطرة ربي يحفضك لميمتك
​

 

[بنت الجسور المعلقة]

آآآآآآآآآآآآآآآآ والله راني مكبرة بالي يا لحبيبة ​

بصح ماشي مليحة هادي لي يجرح ومبعد يداوي ​

 

[كوثر الوهرانية]

يا لبنات راكم عاجبيني كل وحدة تحط فالطريقة نتاعها كيفاش تطيب الله يبارك و يحفض بنات بلادي نعمة المراة الجزائرية نقولها بكل افتخار ربي يحفضكم

 

[بنت الجسور المعلقة]

يا عمريـــــــــ يهبلو يا ام كوثر ربي يعيشهملك وينجحهملك وتفرحي بيهم كيما الساعة هادي لي مايجي يوم وتشوفيهم حاجة
مي هنا في لفوتو راه رويجل صغوير على لفوتو صغيرة لي راكي مدايرتها في بروفيلك
تبآرك الرحمآآآآآآآآآآآآآآآآآآآآآآآآآآآآن عليهم قل هو الله
المولي ربي يحفظهملك من كل شر
​

 

[ام سيف]

مساء الخير عليكم يا لبنات راني من حالة لحالة زاد مرض سيف الاسلام
راهي لادياري لقيا والحمى
رابي يشفيه انشاءلله راهو في حجري وانا نكتب
صح عشاكم

 

[ibtesem]

مساء الخيرات ام سيف واش راكي ريحتي شوية

 

[بنت الجسور المعلقة]

مساء الخير عليكم يا لبنات راني من حالة لحالة زاد مرض سيف الاسلام
راهي لادياري لقيا والحمى
رابي يشفيه انشاءلله راهو في حجري وانا نكتب
صح عشاكم

ماعندو شر يا ام سيفو لعزيزة ربي يشفهولك ولا يشنشفك مع وليداتك
ان شاء الله
شوفي كيفاه تهبطيلو سخانة ووكليه روز مشرشم ولا كل حاجة ساهلة للهضم وربي يكونلك لخير

 

[tasnim55]

أأأأأأبو ديروها هكا يا تسنيم خيتي والله طريقة شابة نشاله نجربها ونرد عليك لخبر يا حبيبتي

حبيبت قلبي جربيها ورايحة تشوفي بنتها متشبعيش بيها انا منديرش الجريوات خطراش هذي العجائن كالتليتلي الرشتة والتريدة من الاحسن ديمة لفت يكون موجود يمد بنة رائعة وبعد تشبحي بيه مع البيض الحمص واللحم ودجاج اقليه تجي روووووعة ورجعيلي لخبر