ماذا ستطبخين اليوم سيدتي..انستي..../الجزء الثاني/

[oumsif]

مساكم بالخير ابنات درك وين جيت من الجامع تقهويت انتما ونحيت علي بالي شوية و جئت , ام ندى بصحتك الحوت
ام ايناس صح غداك وربي يشفيلك انوسة انشاء الله
كوثر انتي تاني بصحتك البربوشة جاتك هايلة و خاصة الفطيرة
حاملة المسك تفهمنى علي الكسكسي اليوم بصحتك حنونة
ايمان صح غداك وين راحوا اطباقك
ابتسام وين راحت المحجوبة ولا كليتها وحدك بصحتك اختي
فلوسة انا لابسا فسطة كحلة وخمار وردي ربي يدوم لمتنا يارب و يطرح الباركة في ديارنا:showoff::showoff:

 

[Setifienne]

لالا اختي مانديرش الخضرة بصح اجي على الكيف اتشهي

 

[tasnim55]

الله يسلمك ابتساااااام
تسنيم 55 مابانتش ان شاء الله تكون بخير .. توحشنا تعليقاتها

مشكورة يالغالية ربي يحفضك انتي الوحيدة لسقسيتي عليا مريضة شوية والتعب زاد عليا راني في دوامة والحمد لله راني غير نسخف ام ندوش راكي فهمتي مقصودي حبيبتي والحوتة تشهييييي الله يبارك ياريت تعطيني وصفة لاصوص تاع الكروفات مع الروز والف شكر
البنات يعطيكم الصحة اطباق رائعة رائعة كامل يشهوووووو يعطيكم الصحة
لعشاء انشاء الله بربوشة حمراء وسلامي لكل احبابي

 

[أم انس عبد الله]

السلام عليكم ورحمة الله وبركاته
سمووووورة اهلا بيك نورتى
بصح هاديك صباح الخير ومساء الخير حرام
لانو قالوها الكفار كي مات الرسول صلى الله عليه وسلم
كي مات ابداو ايقولو صباح الخير وفي المساء ايقولو مساء الخير يعنى الخير صبح عليهم ومسا عليهم كيمات الرسول
على هاديك احنا نخالفوهم اكيد ماناش فرحانين امالا انقولو السلام عليكم التحية
وناجرو عليها ان شاء الله تاخذي بالنصيحة انت وغيرك واسفة للتدخل​

 

[ام ايناس]

تسنييييم ماتقوليش راكي ...................

 

[أم انس عبد الله]

setifienne
ايه مافيهاش بزاف صوالح
باذن الله انسييها وانرجعلك الخبر
بارك الله فيك خيتو​

 

[أم انس عبد الله]

بصحتك البربوشة تسنيم​

 

[nada242008]

مشكورة يالغالية ربي يحفضك انتي الوحيدة لسقسيتي عليا مريضة شوية والتعب زاد عليا راني في دوامة والحمد لله راني غير نسخف ام ندوش راكي فهمتي مقصودي حبيبتي والحوتة تشهييييي الله يبارك ياريت تعطيني وصفة لاصوص تاع الكروفات مع الروز والف شكر
البنات يعطيكم الصحة اطباق رائعة رائعة كامل يشهوووووو يعطيكم الصحة
لعشاء انشاء الله بربوشة حمراء وسلامي لكل احبابي

الف الف مبروووك تسنيمو الغالية هههه رانا عدنا في 3 انا وام ايناس وانتيا ربي يكملك على خير ويفرحك ويرزقك اخواتنا فلوسة وام فاروق وكل مشتاقة :sheer:
ضرك نحطلك وصفة الكروفات بالصور // راني وجدتها زعما لمشروع مجلة في اللمة طلبو مني نعاونهم بوصفات مصورة

 

[nada242008]

كروفات بصوص الطماطم مع الروز
المكونات
كوب ارز بسمتي
2 م ك زبدة
3 م ك زيت
حبة طماطم
طماطم مصبرة
4 الى 5 فصوص ثوم
توابل ملح وفلفل اكحل
فلفل احمر حار
راس الحانوت
كمون
دبشة// كسبر
الطريقة
في طنجرة تكون ثقيلة نوعا ما
نذوب 2 م ك زبدة ونحمص معاها كوب الارز
ومن بعد نزيدولها 2 كوب ماء دافئ
وم ص ملح
بعد ما يبدا في الغليان
نغلق عليه ونخليه على نار هادئة جدا

وبعد ما ينشف نخليه بالمغطة تاع الطنجرة حتان يبرد مليح

----
الصوص
في طنجرة اخرى نرابي فصوص الثوم + 3 م ك زيت + فلفل حار احمر كمية مليحة + ملح وشوية راس الحانوت وفلفل اكحل

نقليهم مليح ومانخليش الثوم يتحرق

نضيفلهم حبة طماطم مرابية + طماطم مصبرة

ونخليهم يتكتكو مع بعض
من بعد نمرق ب 2 كوب ماء

بعد ماتهز الغلية
نكونو وجدنا الكروفات انا استعملت المجمد
وملاحظة فقط من الافضل استعمال اللي بقشورو
تعود بنتو اقوى واحسن

نلوحو في المرقة

ونخليه يطيب لمدة 10 دقائق
ومن بعد نضيفلو دبشة مقطعة ورشة كمون

نخليه 5 دقائق اخرى ونطفي عليه
ونقدمو مع الارز
شهية طيبة

​

 

[Setifienne]

الف الف مبروك تنسيم ربي يتملك بخير و لعقوبة لكل وحدة متمنية

 

[Setifienne]

حبيبتي ام ندي الكروفات مديكونجليهاش تلوحيها هكداك وماجيش ناشفة ان شاء الله نجربها ونردلك لخبر

 

[imane27]

سلام لبنات واش راكم تعشتو ولا مزال
تسنيم راكي فالبال حبيبتي برك والله الواحد داتو مشاغل الدنيا والف مبروك اختي انشاء الله الدرية الصالة ولعقوبة لفلوسة وام فاروق يارب في هاد اليوم الجمعة
سطيفيان بصحتك طعام
هاجر راني لحقت روطار مشفتش طلبك

 

[ام ايناس وفاروق]

كيراكي اختي تسنيم والف مبروك والله كنت في بالي بالامس ولكن هذا الايام راه كل يوم عندي الضيافراني ندخل نقعد نقرى في الردود برك وثاني راني شوية مريضة مع لاغتغوز في الركبتين منيش نقد خلاص فلوسه العقوبة ليك ان شاء الله راني نطلبلك في ربي راكي دخلت قلبي
ام ندى شكرا على الوصفة ربي يسلكك على خير انتي وام ايناس

رقية ما بك راكي زعفانة ولا كيف طلي برك

 

[ibtesem]

سلام يالبنات

هدي تاعي هههههههههههههههه

بصحتكم واش طيبتو

 

[ibtesem]

مبروك تسنيمو ربي اكملك يارب
يارب عقب هدي صلات الجمعة
فرح فلوسة ام فارق و كل امراءة تطمع بالامومة يارب

 

[imane27]

الله يبارك ابتسام راح الرجيم امممممممم راهي تشهي

 

[Djazaire-El-Ghalia]

الله الله على هاذوك المحاجب لا شلّت يمينك يا الغالية

 

[حاملـة المسك]

فلوسة صورتنا الجماعية لحطتيها وضعتها ندى الظاهر مناش نشوف فيها اكل :sad:
تنسيم الف مبروك..يارب يلحقوك لراهم متمنيين عن قريب
سما ندى الوصفة كولات للمرسى تحفتي إسمك...طيب :schmoll:
اليوم العشا دجاجة محمرة و سلطة ارز
بصحتكم وش طيبتو

اين انت يا بسومة طالت محاجبك اقصد طلتك :shay:

​

 

[ibtesem]

حالياً الأعضاء النشيطين الذين يشاهدون هذا الموضوع : 32 (16 عضو و 16 ضيف) ‏ibtesem, ‏أحلام 86, ‏محبة الجزائر هاجر, ‏ام ايناس, ‏ام سيف, ‏اسيرة+, ‏DJAMILA EL/EULMA, ‏Djazaire-El-Ghalia+, ‏بنت الجسور المعلقة, ‏faloussa, ‏حاملـة المسك+, ‏mizora+, ‏nassima88, ‏safinaz, ‏smiliani1, ‏tasnim55+

الله اسلمكم كامل يالبنات

 

[ibtesem]

تسنيم راني راسلتك
امحي الرسالة القديمة تسنيمو