ماذا ستطبخين اليوم سيدتي..انستي..../الجزء الثاني/

[Setifienne]

و الله ماقدرت نخرج اللمة حلات مع مواليها ملمومين تحية للغايبين
‏DJAMILA EL/EULMA مرحبا بيك يا بنت سطيف العالي

 

[ام ايناس]

الله يخليكم حبيباتي انا راني قريب نكمل 4 شهور
ابتسام المحجوبة تهبل يعطيك الصحة
ندى عشا خفيف وبنين يعطيك الصحة
فلوووسة انشا الله نفرحو بيك وبصحتك الروز
تسنيم الف مبروك وربي يتمملك واش راكي حابة وسلاااااامي لقاع الحبيبات

 

[رآج ـية العفو]

بسووومة هآيل توقيعك تعرفي كي ينصنع عندي
الفوتوشوب نخدم تصميم ونحط فيه كآمل صور أولآدكم
ان شآء الله برك يتصنع في أقرب وقت​

 

[ibtesem]

ان شاء الله اسومة راني نجمع في الصور اولاد اللمة

 

[رآج ـية العفو]

ان شآء الله حبيبة
أم نوسة نسيت نسقسي على نوستي كي رآهآ؟؟
هبطتلهآ الحمى ؟​

 

[momoude]

سلام عليكم لبنات
واش راكم
ربي يفرحكم كامل وتسلكو على خير
بصحتكم لعشاوات رانا مدورينها هاد الساعة غير عجاجن وروح يا ريجيم هههههههههههههه
احنا ليوم درنا شخشوخة

 

[رآج ـية العفو]

مربعآت بالشكولآ { دون طهي }​

كملت حلويآت العيد مقروظ اللوز كآمل تعرفوه مي حتى نقعد ونحطه
ومخبز البيضة سبق وقلتكم حطيته في الكونجيلآتآر
ومزآل مآ درتلوش الديكور ههههههه​

درك نحطلكم حلويآت اللي درتهم في الصيف في المنآسبآت​

 

[كوثر الوهرانية]

السلام عليكم
بصحتكم لبنات كل وحدة و واش طيبت الله يعطيكم الصحة سخفتني بسومة بالمحجوبة راهي تغمزلي غميز هههههه
فلوسة عشاك يشهي الروز نحبه بزاف
ندوشة بصحتك الفطيرة مليح كي خدمتيها مخلتيهاش في قلبك
تسنيم غير الصباح جيتي في بالي الف الف مبروك اختي الله يتمملك بخير و عقبال الغاليات فلوسة و ام فاروق و مرة اخ عفاف يا رب يفرحكم
مامود بصحتك الشخشوخة
اسماء كيكة تهبل بصحتكم
بصحت عشاكم كامل
اليوم درت حريرة و فريت اوملات و فواكه و ياورت

 

[ibtesem]

بصحتكم مامود هدي اللمة خلتنا نعملو رجيم هههههههه
الحمد لله رانا خفاف هدي الساعة

 

[oumsif]

راجية بصحتك الكيكة جاتك روعة
ام ندى اممممممم علي الرخسيس
فلوسة بصحتك الروز

 

[ام ايناس]

اسومة ربي يخليك راهي خير مالبارح بصح بالدوا

 

[رآج ـية العفو]

مرسي حبيبآتي كوكو وسمورة وبصحتكم العشآ

الحمد لله اللي رآهآ مليحة حبيبتي أم نوسة ردي بآلك عليهآ
بوسيهآآآآآآلي ​

 

[كوثر الوهرانية]

بصحتك بسومة المحجوبة راهي رايحة تنطق أنا راهي اطيب درتها لعشا
حبيبتي ام كوثر اين انت راني نستنا في الطلب ادا مكانش ازعاج

سامحيني اختي ستيفيان طولت عليك فالر كت مع خالتي فالهاتف و طولنا فالحديث حتى دراعي وجعني هههههه
المهم طلبتي على الطعام مرقة حمرة بلزبيب
للمرق
لحم خروف او دجاج بصل طماطم جزر قرعة و لفت ملح فلفل اسود زعفران عود قرفة زوج حبات كبابة سكنجبير فلفلة حمرة حلوة و ادا تحبي الحار زيدي فلفلة حمرة حارة خليهم حمص خليهم يتقلوا مليح و مرقي بالماء سخون و خليه يطيب
من جهة اخر فوري الطعام مرتين و شمخي الزبيب في الماء سخون و منبعد فوريه مدة عشرة دقائق و حطيه مع الطعام و دهنيه مليح بلزبدة او السمن
في صحن كبير حطي الطعام الي مخلط مع الزبيب و سقيه بالمرقة كان تحبي الخضرة حطيها كان محبيتيش حطي غير الحمص و اللحم
و كاين نفس المرق و نفس كيفية الطعام لكن طرق التزين تختلف
ان شاء الله نكون وفيت فالشرح و اي استفسار راني هنا اختي و سامحيني طولت عليك

 

[mizora]

ندوش راني نستنى ربي يخليك للأمورة

 

[mizora]

ام كوثر كوثر حلوة سكر الله يبارك ربي يخليهالك و يسترها

 

[ibtesem]

ندوش راني نستنى ربي يخليك للأمورة

ندوش وينك المخلوقة قريت تحلل :schmoll:

 

[رآج ـية العفو]

لبنآت رآني حطيت قآطو آخر مآشي تآع العيد
قآطو لآفآش كيري


​

 

[momoude]

الله يسلمك ا كوثر وبتسام
بصح ديما فيفا ريجيم هههههههههه

 

[رآج ـية العفو]

حبيبتي فريدة على بآلي رآكي لآهية مي مآ تنسآيش
شوفي وآش كتبتلك في الفيس بوك ​

 

[nada242008]

ندوش راني نستنى ربي يخليك للأمورة

راني نصورلك فيهم 5 دقائق فقط :showoff: