ماذا ستطبخين اليوم سيدتي..انستي..../الجزء الثاني/

[ام ايناس وفاروق]

سمحيلي اختي فريدة تعبتك معايا

 

[imane27]

ام منصف الله يشفي سلفتك والله يعوض عليها

 

[ام ايناس]

راني الحمد لله فوفة مي عندي السطر شوية
تسنيم الفطايلر هايلين
ام منصف ربي يعوضها انشا الله
هادا عشايا تاع البارح

وهادي خبز الدار رالسميد الحرشة جي خفيفة تهبل

وهادا الفطور تاع اليوم

 

[imane27]

بصحتك ايناسو اللوبية

 

[أم انس عبد الله]

السلام عليكم ورحمة الله وبركاته
بصحتكم جاوكم يهبلو الاكلات يشهيو
+++++++
احنا درنا السردين مشوى في الكوشة و دولمة
+++++++
وانا درت للعشا الوبية بالزلوف
+++++++
ايمان ماعليش انتعبك خيتو شوربة بيضا تاع الدزيريين كيفاه ايديروها
+++++++
الاخت اللي دارت الكوكا
كيفاه ماتقطعتلكش من الفوق انا تتفتتلى مرات كي نقطعها
وانت نضن تخدميها هاكداك حبة ديراكت
تخدميها بيدك ولا بشي حاجة ؟؟​

 

[أم انس عبد الله]

ندى ممكن الوصفة ؟؟​

 

[أم انس عبد الله]

ابتسام ممكن الوصفة خيتو بالتفصيل الممل ؟؟​

 

[روعة2005]

امممممممممممممممم ام ايناسو اكلك يشهي بصحتك ممكن طريقة الخبز يبان يشهي

 

[faloussa]

صحا عشاكم البنات
انا اليوم درت بطاطا روطي بالجاج

 

[nada242008]

ندى ممكن الوصفة ؟؟​

اي وصفة يا هاجر ؟
ايناسو اكلك يشهي امممممممممممم بصحتك // مالا راكي في الرابع انا راني قريب ندخل للسابع :showoff:
فلوسة بصحتك الروطي شهيتينا
انا بقالي رخساس من البارح قلت ناكل معاه كاشير وفرماج وسلاطة وخلاص
راجلي ما يتعشاش نكره نوض نطيب علجال روحي برك :schmoll:

 

[nada242008]

ندى ممكن الوصفة ؟؟​

هذا وين ظهرتلي الصورة
الدوبارة هي اكلة شعبية بسكرية
ترنخلي الفول والحمص في الما مع كيس خميرة حلويات او بيكربونات // كل حاجة وحدها
والغدوة تطبيها في طنجرة الضغط حتان تطيب مليح وتطرى // هههه كالزبدة
الفول طيبي معاه نصف شريحة قارص باش ماتكحالش المرقة
الصوص
شوية زيت زيتون + ملح + فلفل اكحل + فلفل احمر حار + راس الحانوت + كمون + فصوص ثوم مرابيين
ترابي حبات طماطم يكونو طايبين مليح وتضيفيهم للخليط وشوية طماطم مصبرة
فلفل اخضر حار مقطع شرائح
ليمون مقطع شرائح
دبشة / قصبر مقطعة
هريسة اختيارية
تخلطي الكل مع بعض بارد في بارد
بعد ما يطيب الفول والحمص تخلطيهم مع بعضاهم وتسقيهم مع الما اللي طابوا فيه وتزيدي لاصوص حسب الذوق .. تخلطي وتاكلي وهي سخونة وتزينيها بقطرات من زيت الزيتون

 

[ام ايناس]

الله يسلمكم حبيباتي
فلوسة العشا يشهي يعطيك الصحة وبصحتكم
فوفة بالنسبة للخبز الدار 3 كيسان سميد يكون شوية حرش ماشي بزاف + كاس فرينة + 4 مغارف زيت + 4 مغارف حليب غبرة + مغرف كبيرة خميرة الكسرة + تلميهم بالماء وتخلي العجينة ترتاح 20 دقيقة منبعد كسري العجينة واعجنيها وظيفيلها الملح واقعدي تعجني فيها والعجينة لازم تكون طرية تاخدي بلا لي ديريها فية وتدهنيه بالزيت وتفرشي العجينة وتخليها تخمر منبعد رشيها بالسيد لحرش ودخليها للفرن انشا الله تعجبك فوفة

 

[ام ايناس]

ام ندوش بصحتك العشا الخفيف انا ما نقدرش حتى وما يتعشاش هو لازم نطيب ولا نبات جعانة ونبكي
راني قريب ندخل في الخامس مابقاش راكي فايتتني بشهرين

 

[dahbito]

مساء الانوار على الغاليات على قلبي
والله غير اكلاتكم كامل يشهو بصحتكم
انا راني مازلت نراجع واش فاتني وقريب ان شاء الله راني نرجع معاكم في الخط
وبلا ماننسي الف الف الف الف مبروك لامهات اللمة ربي يكمللكم على خير ويرزقكم الذرية الصالحة وياربي ان شاء الله يرزق كل وحدة بنعمة الامومة​

 

[oumsif]

سلام عليكم لبنات بصحتكم واش طيبتوا تكلوهم بالصحة عشاي اليوم الروز بالكروفاط

 

[عفاف الجزائرية]

سلام لكل البنات
ان شالله تكونو بخير
ومرحبا بيك عفوفة من جديد منورة يا غالية
بصحتكم كاااااااملين عشاواتكم وغداواتاكم
انا راني متخلفة عليكم وعارفة راه عندي غيابات بزاف
بصح والله فوق يدي
راني مع اختي مريضة ومع الدار ومع بناتها والله يد هنا ويد لهيه
حاجة وحدة مانيش مفرطة فيها راني نطل عليكم وعلى اخباركم ساعة ساعة
دعواتكم لاختي يجيبلها الشفاء وترجع لبيتها ولبناتها
​

 

[oumsif]

عفاف ربي يشفيلك و سلكها ربي علي خير و ترجع لولدها يارب

 

[dahbito]

اهلين اختي عفاف
وان شاء الله ربي يشفي اختك وتولي لوليداتها امين ياربي

 

[ام ايناس]

ربي يشفيها عفاف وربي يكون معاك
سمورة بصحتك العشا
الله يسلمك دهبيتو والعقوبة ليك حبيبتي
انا درت حوت مقلي وسلاطة

 

[oumsif]

يسلمك ام ايناس بصحتك الحوت والسلاطة