ماذا ستطبخين اليوم سيدتي..انستي..../الجزء الثاني/

[ام ايناس]

خبز الدار بالسميد لخشين

 

[رآج ـية العفو]

السلـآم عليكم ورحمة الله
يسعد مسـآئكم يآ لحبآب
بصحتكم كآمل وآش طيبتو الله يع ـطيكم الصحة
وبصحتك تسنيم الهنآء فطآئر هآيلة
حنآ عشآنآ طعآم بالمرقة

الوصفة من فضلك أختي راجية

سمحيلي طولت عليك كل مآ نجي نكتبهآلك تجي
حآجة تبعدني على الميكرو تفضلي

كيكة التمر بالتوفي​

1ك تمر + 1ك مآء سآخن نتركم 1/2 سآعة
في خلآط العضير تحطي 2 بيض + فآني وتخلطي حتى تتكون فقآعآت
نضيف 1/2 ك سكر نآعم ونخلط جيدآ ثم نضيف 1/2 ك زيت
مع الخلط دآئمآ ثم نضيف خليط التمر ويخلط الكل جيدآ
ننخل 1ك فرينة مع 1م ك خميرة حلوة
ونفرغ السوآئل على الجآف مع بالخلط بالخلآط سرعة بطيئة
يفرغ الخليط في صينينة مدهونة وتدخل للفرت حتى تطهى
تبرد قليلآ ونحضر التوفي
نذوب 1 فنجآن سكر حتى يتغير لونه ولآ يحترق نضيف 1 ع صغيرة
كريم فريش ونخلط
يفرغ التوفي على الكيكة وتزين بشرآئح اللوز

اممممممممممم حتى انا نحوس على الوصفة اسماء راهي باينة ممممممم
ام ندوش واش راكي حبيبتي نتمنى بخير تسلم عليك ميرو اختي بزاف وعلى ندوشة القريوش تاعك حطة عجبني ممكن غدوة ولا بعدو راح نخدم الحنيفيات ونجرب منو حبات باين عليه يشد اليد شوي بصح شكلو تحفة

رآني كتبتهآ يآ فوفة
​

مساء الخير عليكم

حبيت نطل عليكم شوية ونشوف احوالكم واخباركم
الف مبروك لك تسنيم وربي يكملك اختي الحبيبة
فوفة لا شكر على واجب وحمد الله عالسلامة
*
*
البارح سلفتي مسكينة زيدت بصح صغيرها زاد متوفي اليوم تخرج من المستشفى
ربي يعوض عليها ويصبرها ويرزقها
ويرزق كل وحدة الذرية الصالحة امين يارب
​

ربي يعوضهآ خير ان شآء الله

ام ندوش بصحتك الدوبارة و منا وهاك شارجي الباتير متخليهاش حتى تفرغ
فوفة بالشفى على الوالدة طهورا ان شاء الله
اسماء ازربي بالوصفة راهي هبلتنا
ام منصف بالشفى على سلفتك و ربي يعوض عليها بالدرية الصالحة الله يرحم الرضيع راه طير جنة

هههههههههه كتبتهآ

مساء الانوار عليكم وبصحتكم واش فطرتو كاااامل
اسومة راهي مليحة اليوم ايناس قاعدة عندي وتتفرج على توقيع فوفة وتضحك

يآ عمري عليهـآ ربي يحفظهـآ​

مساء الانوار على الغاليات على قلبي

والله غير اكلاتكم كامل يشهو بصحتكم
انا راني مازلت نراجع واش فاتني وقريب ان شاء الله راني نرجع معاكم في الخط

وبلا ماننسي الف الف الف الف مبروك لامهات اللمة ربي يكمللكم على خير ويرزقكم الذرية الصالحة وياربي ان شاء الله يرزق كل وحدة بنعمة الامومة
​

أهلـآ أهلـآ بالغآلية
وآش رآكي حبيبة منوورة​

 

[رآج ـية العفو]

ربي يشآفيهآ ختي عفوفة ​

 

[ibtesem]

سلام يالحباب صح عشاواتكم
انا عولت على بيتزا
كنت مع ام كوثر في السكايب بالمباشر
نعمل في البتزا سما عملناها بالتعاون

هذي كسرة وحسوة
من نهار ندى قالت كلاتها في بسكرة وانا في بالي
يالمتوحمات سامحوني

صح عشواتكم
عملت طاجين الزيتون في طاجين شوية ونصورهولكم

 

[imane27]

صح عشاكم لبنات ولا مزال متعشتو

 

[faloussa]

الله بسلمك ايمانو
بسومة بصحتك البيتزا والحسوة اشهى امممممممممم

 

[رآج ـية العفو]

ممممممممممم بسووومة بصحتكم
​

 

[dahbito]

اهلا بيك حبيبتي اسماء
اهلين ابتسامو بصحتك الميني بيتزا

 

[ibtesem]

الله سلمكم يالبنات ربي يحفضكم

هدا طاجين الزيتون كيما قلت صورة اخدت الصورة بالسيف
زوجي جا قالي اعطيني ناكل ههههه حتى الطاجين ممتحتوش سوري

 

[كوثر الوهرانية]

ام بسومتي البيتزى تشهي و الحسوة مشاء الله شهيتيني فيها و في انتضار الزيتون فالطجين اكيد بنين بصحتك و بصحت الامور عيسى بالبيتزى

 

[imane27]

امممممممممم ابتسام طاجين راه يشهي

 

[ام ايناس]

بصحتك ابتسام البيزا والحسوة يشهيو
ايمان الله يسلمك تعشينا وكملنا وغسلت الماااااعن

 

[ام ايناس]

بصحتك بسوم الطاجين جاك هايل

 

[imane27]

السلام عليكم ورحمة الله وبركاته ​

بصحتكم جاوكم يهبلو الاكلات يشهيو
+++++++
احنا درنا السردين مشوى في الكوشة و دولمة
+++++++
وانا درت للعشا الوبية بالزلوف
+++++++
ايمان ماعليش انتعبك خيتو شوربة بيضا تاع الدزيريين كيفاه ايديروها
+++++++
الاخت اللي دارت الكوكا
كيفاه ماتقطعتلكش من الفوق انا تتفتتلى مرات كي نقطعها
وانت نضن تخدميها هاكداك حبة ديراكت ​

تخدميها بيدك ولا بشي حاجة ؟؟​

سلام هاجر حنا الشربة البيضاء ندروها هكدا
في طنجرة قلي لجاج مع بصل ملح فلفل لكحل قرفة خليهم يتقلو مليح اومبعد مرقي وضفي واش حبتي شوية حميصة ولا جلبانة وجي بنينة بالجلبانة خير وحلي كلش يطيب وكي يطيب فرغي عليها فرميسال ولا شوية روز كل واحد كيفاش يحب يدرها وخليها حتي طيب وكسري حبة بيض وعصري عليها حبة قارص ومعدنوس وضفيه وخليها تعقد شوية وطفي وتتقدم سخونة وتقدري دريها بصدر تاع لجاج مرحي ودرلو شوية بصل ونفس التوابل لي فالمرقة وكوريه ودريه يطيب فالمرقة انشاء الله تعجبك

 

[dahbito]

مساء الخير ام كوثر واش راكي

 

[nada242008]

الله سلمكم يالبنات ربي يحفضكم

هدا طاجين الزيتون كيما قلت صورة اخدت الصورة بالسيف
زوجي جا قالي اعطيني ناكل ههههه حتى الطاجين ممتحتوش سوري

سبحان الله طيبنا في طاجين واحد وكلينا منو في زوج
وصاتني ابتسام نشريلها طاجين بصح اخر دقيقة غلطت وبعثتلها الطاجين تاعي
راني نستغرب الطاجين هذا دار على ولايات الجزائر وراح للمريكان ههههه
بصحتك يا لالة والحسوة امممممممممممممممممممممم

 

[nada242008]

ام ندوش بصحتك العشا الخفيف انا ما نقدرش حتى وما يتعشاش هو لازم نطيب ولا نبات جعانة ونبكي
راني قريب ندخل في الخامس مابقاش راكي فايتتني بشهرين

شفتي مابيناتناش ياسر
هذا عشايا هههههه نبان رجيم

 

[عفاف الجزائرية]

هاذي سلاطة مهراس داروها للغدا انا ما كنتش في الدار كنت مع اختي كي عيطو يسقسيو قلتلهم واش لايحين قالو سلاطة وصيت خويا قلتلو صورها
ايا صورهالكم
-------------
وللعشاء وكي عدت صايمة عاودت الفلفل اللي في الفرن اللي عملتو في رمضان كي عاد الفلفل الاحمر متواجد درك وكبير ماشالله

بصحكتكم كااااامل طياباتكم
​

 

[ام ايناس]

بصحتك ندوش العشا خفيف وبنين
اممممممممم عفاف السلاطة تشهي والعشا تاني بصحتكم وصح فطورك

 

[nada242008]

عفوفة خوك يعرف يصور خير منك ههههه
سخفتيني في البومهراس اممممم نبات نحلم الليلة // جاب ربي خرج الوحم
تسنيم 55 عندك تدخلي ههههههه