ماذا ستطبخين اليوم سيدتي..انستي..../الجزء الثاني/

[ام ايناس]

صباح الانوار عليكم وبصحتكم قاع واش طيبتو فوفة الرشتة تشهي وام حبيب ماعندي مانقول على البلا بصحتكم
ايمان انا اسمي دليلة وايناس راهي مليحة يسقسي عليك الخير حبيبتي
كوثر ورغودة دبرتو الفطور انا راني غير نخمم
مرحبا بيك سارة معانا
ستيفيان واش احوالك اليوم انوسة راهي الحمد لله

 

[ام ايناس وفاروق]

صباح الخير يا اهل الخير كل وحدة باسمها
كيراكي اختي فريدة وكيراه انور كاش ما والف الحضانة وبصحتك الدوباره انا جامي طيبتها يقولو ما تجيش بلا حار وحنا منبغوش الحار
رقية ما راكيش تقري
انا اليوم فطوري ارز بالدجاج اصفر راكي تعرفيه ام كوثر

 

[أم انس عبد الله]

:yahoo:السلام عليكم ورحمة الله وبركاته:yahoo:
ماشاء الله دايمن ناشطين :lolo:واكلاتكم يشهو :luve_2:
ربي يشافي:smile: اللي راهم مرضي ان شاء الله :angel:
وبارك الله فيكم ندى :blush:وايمان :shay:على الوصفات :luve_2:
++++
خالتو ايمان:blushing: عندي استفسار بصح خارج مجال الطبخ وين نسالولك ؟؟:shiny:​

 

[أم انس عبد الله]

لاصوص ماتطيبيهاش ؟؟
​

هذا وين ظهرتلي الصورة
الدوبارة هي اكلة شعبية بسكرية
ترنخلي الفول والحمص في الما مع كيس خميرة حلويات او بيكربونات // كل حاجة وحدها
والغدوة تطبيها في طنجرة الضغط حتان تطيب مليح وتطرى // هههه كالزبدة
الفول طيبي معاه نصف شريحة قارص باش ماتكحالش المرقة
الصوص
شوية زيت زيتون + ملح + فلفل اكحل + فلفل احمر حار + راس الحانوت + كمون + فصوص ثوم مرابيين
ترابي حبات طماطم يكونو طايبين مليح وتضيفيهم للخليط وشوية طماطم مصبرة
فلفل اخضر حار مقطع شرائح
ليمون مقطع شرائح
دبشة / قصبر مقطعة
هريسة اختيارية
تخلطي الكل مع بعض بارد في بارد
بعد ما يطيب الفول والحمص تخلطيهم مع بعضاهم وتسقيهم مع الما اللي طابوا فيه وتزيدي لاصوص حسب الذوق .. تخلطي وتاكلي وهي سخونة وتزينيها بقطرات من زيت الزيتون

 

[ندى الأيام]

هجورة لاصوص مايطيبش غير يتخلط

 

[أم انس عبد الله]

آآآآهْ صحـــآآ
ربـــى يحفـْــضك خيْــــتو ​

هجورة لاصوص مايطيبش غير يتخلط

 

[*NoOoR*]

صبااااااااااح الخير
وش راكم؟
ان شاء الله كامل بخير
اكلاتكم يشهووو الله يبارك
بنات بلادي حراير :shiny:

ايا صحا غداكم
و ربي يحفظكم

 

[ibtesem]

احلى سلام على بنات اللمة
بصحتكم واش نويتو طيبو انا مزال مفطرتش نشرب قهوتي من بعد نخمم واش نطيب او ندي افكار من عندكم
ام نفين انا اسمي ابتسام
اهلا ام سيفو راني نشوف فيك من تحت قللتي مشاركاتك
الحمد لله كي اناس ريحت صغير كي يمرض والله مشكل كبير

 

[ام ايناس]

اهلا بسوم بصحتك القهوة تقولي نمرض انا وما يمرضش الصغير
هادا فطوري تاع اليوم
انا فطوري لوبيا والحوت بقاو مالبارح واليوم زدت معقودة وسلاطة

اهلا بيك نور وشراكييي

 

[ibtesem]

بصحتك ايناس يسرتو صحت لخلطتيه اممممممممممم

 

[ام سيف]

احلى سلام على بنات اللمة
بصحتكم واش نويتو طيبو انا مزال مفطرتش نشرب قهوتي من بعد نخمم واش نطيب او ندي افكار من عندكم
ام نفين انا اسمي ابتسام
اهلا ام سيفو راني نشوف فيك من تحت قللتي مشاركاتك
الحمد لله كي اناس ريحت صغير كي يمرض والله مشكل كبير

السلام عليكم واش راكي اختي ابتسام
ولله رهني مشغولة شوية عندي بساط نتاع عروس نخدم فيه ولبنات دخلو يقراو لازم نكون على راسهم سينو راحو فيها راني غير نقرا ونهرب
مبروك للامهات الجدد وعقبال للتتمناها
بالمناسبة انا اسمي سميحة:shay:

 

[ام سيف]

, ‏assia11, ‏أم عبدالصمد, ‏محبة الجزائر هاجر, ‏وافية1, ‏ام ايناس, ‏اسيرة, ‏بلادي نبغيك, ‏faloussa, ‏ibtesem, ‏ياسمينة الباديه, ‏narjes81, ‏رآج ـية العفو, ‏smiliani1, ‏قطورة الندى
السلام عليكم
واشراكم يا لحراير
انا اليوم غدايا كان فريت وحميس

 

[ام ايناس]

الله يسلمك ابتسام ارواحي تفطري معايا
سميحة مرحبا بيك وربي يعاونك

 

[ibtesem]

والله معك صح ام سيفو
انا بروفيت اليوم كي مزالت الويك اند :sheer:
اما لا عندك اشغال يدوية تخيطي مليح
متشرفين اختي سميحة

 

[كوثر الوهرانية]

بصحتكم كامل الفطور
ام نفين انا فريدة
ام فاروق بصحتك الروز و انور اليوم مقراش صبح مريض
ام ايناس بصحتك الفطور ة المعقودة هديك حبيبتي ههههه
بسومة كي صبحتي اختي
اليوم السجاوة طاحت عليا
درت دوبار

حةوت مقلي و بيتزى رولي لاولاد

و عجنت المطلوع بصح ولادي تقلقوا و كلاو منه مخلونيش حتى نصور هههههه

 

[كوثر الوهرانية]

ندى الايام مشرفين بمعرفتك اختي
ام فاروق و ايناس الدوبارة تجي بنينة بزاف و حارة انا نمةت على الحار ميخطيش من الدار

 

[ام ايناس]

بصحتك ام كوثر كي العادة ربي يبارك فيك وبصحتكم واش قلتيلي على المعقودة ما فهمتش

 

[ام سيف]

يعطيك الصحة فريدة واو على البيتزا تشهي
تاكلوهم بالصحاوالهنا
بالشفاء على انور

 

[حاملـة المسك]

صحيتو يا البنات بصحتكم الطيبات خمسة و خموس على بنات بلادي

إسمي في الكارني ديال اللمة حاملة المسك و في العام معروفة برغووووودة
و في الواقع إسمي كما وحدة منكم شش تعرفوه
التاء المكبرة لغز مشي تاء عفاف لا يروح بالكم ليها.....معنى آخر
حبيبتي ام إيناس الغدا ندرو من الليل نحب نوض صباح ارgـنيزي :showoff:
الحمد لله على أنوسة
بسومة إن لم اكن متطفلة كفاش لحقك الطاجين :um_sh:...نحسدك فيه ريحة ندودة
ساجية و نص كوكو بيتزا الضفيرة جاك ماشاء الله بصحتكم الدوبارة
خلاص مولاتش بسكرية :sheer:​

 

[حاملـة المسك]

لاصوص ماتطيبيهاش ؟؟
​

دوبارة الفول **سبسيال بسكرة**​

و كنت منزلة وصفة دوبارة الحميصة بصح صبتها مكاش
للاسف إختفت:cra_zy:​

​