يوميات بنات اللمة للنظافة

[oumniati]

سلام عليكم
انا احب الترتيب والنضافة وانا احب كثيرا المنزل المرتب والنضيف ذا رائحة عطرة انا عندي خمسة اولاد ات الله يخلي همليي وتعبهم زيادتا علي هاذا كبرالمنزل احب اوريلكم صور بس ما نعرف كفاش ندرجهم

choufi hna habibti moumkin ysa3dek

https://www.4algeria.com/vb/showthread.php?t=253733




https://www.4algeria.com/vb/showthread.php?t=278447

 

[آلاء النايلية]

دخت حاساتك كاتبة الموضوع في جيهة اخرى
مممممممممممممممممممممم انت اكيد مشاركه في منتدى وحداخر بصح معرفتوووش هههههه
فكرة مليحه صحيتي اختي

 

[نور الهدايات]

صباح الخير بنات اللمة لعزازات:sheer:
اهلا :re_gards:اختي امنية على الموضوع الرائع
رائحة النظافة وصلتني يا الشاطرات
أنا اليوم راني ميته:schmoll: بعيد عليكم مريضة نروح نديلهم لفطور ونرفد الفراش وننفض شوية ونفوت بتورشون على الدار بريحة لقريزيل نخلي الخدمة الصعيبة لايام نكون فيها حاكمة روحي
تحياتي بنات​

 

[oumniati]

صباح الخير بنات اللمة لعزازات:sheer:

اهلا :re_gards:اختي امنية على الموضوع الرائع
رائحة النظافة وصلتني يا الشاطرات
أنا اليوم راني ميته:schmoll: بعيد عليكم مريضة نروح نديلهم لفطور ونرفد الفراش وننفض شوية ونفوت بتورشون على الدار بريحة لقريزيل نخلي الخدمة الصعيبة لايام نكون فيها حاكمة روحي

تحياتي بنات​

ربي يعاونك نور، روحي بلعقل الشغل ما يخلاصش:schmoll::sheer:

 

[oumniati]

دخت حاساتك كاتبة الموضوع في جيهة اخرى
مممممممممممممممممممممم انت اكيد مشاركه في منتدى وحداخر بصح معرفتوووش هههههه
فكرة مليحه صحيتي اختي

اهلا اختي شاركينا
النظافة في كل بيت ههههه ممكن تشابه:shiny:

 

[oumniati]

عندي مدة ماشاركتش، بصح الشغل ماحبسش ههههه
راني مدايرة حملة في داري، نفرغ البلاكارات نغسلهم ونشفهم ونعاود نفرزهم، خطراش عندي الميديتي
كل مرة بلاكار، ماشي في يوم واحد، باه يبقى الوقت للطياب والغسيل ......
نتمنى نشوف تفاعل منكم

 

[ام تقى الدىن]

انا جديدة
لما شفت الموضوع عجبني حبيت نشارك
لما كنت نسكن في الباطيمات كانو عندي غرفتين وصالون كنت نلحق ندير كل شئ
لكن لما رحلت عندي طابقين صالون والمطبخ تحت وغرف النوم فوق واش نقولك شغل الدار جري
خاصة مع المزيود الجديد قبل ما ينوض هو نطيب الحليب ونشربو نزرب للماع وفي نفس الوقت نخمم فالغدا ونحط الدقيق في العجانة وننصب غدايا ينوض بنى يرضع مني مع نغسلو يعني واحد الساعة ونزيد نوجد بنتي باه تروح للمدرسة باش نوض لشغل الدار
والحصة الجايه نكمل القصة اذان العصر

 

[oumniati]

اهلا بيك أم تقي الدين
مبروك المزيود ومبروك العتبة لجديدة
شفتي التربية هي اللي تعطل، حىى الرقاد مايصبحوش راقدين لوكان الوحدة تخطف روحها
ربي يعاونك اختي، وبانتظارك كاش ما نعاندك ههههه


اليوم غسلت لحوايج، عندي مشينة بصح كاين اللي نغسلهم قبل بصابون الحجرة باه يخرجو، خاصة الطراشن والجوارب والملابس الداخلية عمري مانحطهم مباشرة في المشينة

 

[نور الهدايات]

مرسي اختي امنيتي أنا ساكنة في دار لعيال والدار كبيرة بزاف وفيها بالكون داير ساير يعني قبل ما نخدم حتى شي لازم نظفو من الغبرة ونسيقو من بعد نخرجلو الفراش يحما فالشمس ومنين ونبدا بالبيوت بيتي وبيت عزوجتي والجري للكوزينة باه ندير لفطور يعني النهار نفوتو فالجهاد وعندي لعفس فالدار الداخل والخارج لكن منظمة وقتي باه كل حاجة تكون في بلاصتها نكره الديزورد.
لتفكرة كاش حاجة راتني نرجع نقولكم

 

[ام تقى الدىن]

سلام
نكمل قصتى بعد ما نرضع ابني نبدا الجهاد نفرز التحت نبدا بالهول شويه كبير واحنا قعدتنا فيه ونزيد روح للصالون حاجه خفيفه لانو غلقاتو غير للضياف وبعد للتواليت
والحمام ثم ونحط القش في الغسالة نولى نكمل العجين نطيب
ونطلع فوق نبدا بغرفتي ثم نكمل الغرف الثلاثه الباقيين نجي تقريبا مع 12

نوجد الطابله يجيو يتغداو وبعدها نغسل الماعن ونكنس المطبخ وننشر القش
ياذن الضهرنصلي وساعات بني الصغير يبدلي البرنامج ونولي نخمم غير على الغدا
تسياق من قبل كنت مرات يوميا ومرات نهار بنهار والان مرتين او 3 في الاسبوع
نلقى راحتي يوم الاثنين والخميس يكون زوجي صايم غدايا خفيف

 

[omalbatoul]

السلام عيكم
اولا نشكر صاحبة الموضوع شكر كبير و نقولك راكي مرا و نص و من لحراير تاع بكري يعطيك الصحة
انا قريت داك النهار 23صفحة من الموضوع حتى تصدع راسي :shiny:و ما شاء الله عليهم بنات بلادي حراير
انا من المهووسين بالنظافة و نموت على ايزيس و الجافيل و الصابون
و نفنى على البيت المرتب من الالف اللا الياء و نعشق النظافة
و ان شاء الله اول ما تسمح الفرصة نبدا معاكم حملة النظافة
الله يعينكم و يقويكم :showoff::showoff::showoff:
تحياتي اختي و على فكرة انت خفيفة الظل و الروح و تدخلي في القلب لانك على طبيعتك :sheer::shay:
الى حين باي

 

[21maria]

اريد طريقة لنتطيف الصالون كوير

 

[ISMA.dz]

بنااااات الموضوع هدا نسيتوه مسكين

امنيتاتي موضوعك زين شباب عاودي التفتي ليه


سلام​

 

[السلطانة]

اليوم نضت فشلانة

سيقت وطيبت لغدا
ورحت رقدت
معولة هاد اليومين نديرو ميناج كامل للدار
نعاون ماما مسكينة
شفتني
سلامي

​

 

[sara arab]

السلام عليكم
عجبني لموضوع وحبيت نقولكم انا واش ندير هه
ايوا انا بقيت وحدي فلدار لخواتات تزوجو ولكناين دارو ديارهم هه امالا بقيت براسي انا وماما وبابا وزوج خوتي ربي يخليهملي والقضيان كامل على راسي راح نقولكم واش ندير باش يقدني لوقت للميكرو هه

مع الليل قبل لعشا نمرج لحالة يعني نفرغ لما ونصلح ونسيق ونخمل لبيوت مشي كل يوم نمرج نهار بنهار وكل بيت نقيها نبلع بابها ونقولهم ممنوع تدخلو هه نسيق الدار كامل من بعد ماما توجد مرات لعشا ومرات انا نوجدو وفلليل نغسل لماعن ونقي الكوزينة امالا الصباح نلاقي الدار كامل نقية ماعليا برك ادا كان قش تطباق نطبقو او غسيل قش لماشينة تغسل وماما تنشر هه ونعاود مسحة خفيفة لديار ونروح لكوزينتي للفطور نديرو انا وماما ومرات نديرو انا وحدي ول هيا وحدها وخلاص نغسلو لماعن هيا ترقد وانا نجمع عند لميكرو هه حتى لعشية وهاكا يوميا ههه نفس شيئ ​

 

[أم بكر]

اول مرة نشوف الموضوع.قريتو من اول صفحة الله يبارك عليكم اكل فحلات ما شاء الله.
ان شاء الله تكونو نظاف داخل البيت و خارجو.لانو كاينين ناس ينضفو دارهم و يرميو على الجيران الماء الموسخ و البوبالة حاشاكم.والله هذه عادة جيرانا اصبح الشارع مفرغة يرميوالأكياس من فوق ;وماء التسياق يسيح برا من البالكون يوصل حتى لحوش جارنا الثاني ربي يكون في عونه .لازم الوحدة منا تحافض على نضافة المحيط كما تحافض على نضافة دارها.وانا كما نشوف بنات اللمة كل فحلات الله يبارك:$ طولت عليكم بالهدرة