يوميات بنات اللمة للنظافة

[nounanouna23]

:showoff:
اهلا بيك نونة نونة نورتينا
عندك الحق لازم الوحدة تدير القلب خطراش الخدمة تتعاود بزاف صافي نكرهو بصح كي نتعاندو تسهل علينا شوية والفايدة لينا طبعا:shiny:
مرحبا بيك معانا ديري برنامجك لكل يوم وابداي واحكيلنا:sheer:

rabi y3aychek anna rodwa 7aba ndir tssyi9a mli7a ledar wndir wnafraz la salle de bain et le placare de rengement inchaaALLAH myti7ach 3liya atfanyin ,,rabi y3inkom

 

[ISMA.dz]

صح الخدمة كامل في الكوزينة
اسما لكوشة تاعك قديمة ولا جديدة?
اذا كانت قديمة ومحروقة بزاف انا كنت نحكها بلاجاكس تعرفيه هذاك اللي عامل شغل كبة رمادي ماشي السلك تاع لحديد لخشين
هذا رقيييييق عرفتيه
كانت الكوشة الاولى تاعي قديمة وكي تتحرق فيها حاجة ماتتنحاش نشمخ لاجاكس ونحكو في صابون الطرف ونبدا نحك غير بلعقل وكي نكمل نمسحها ونحك بvim
بصح اذا كانت جديدة ماتستعمليهش لانه يجرحها شوية جربي جف كيما قالت ام ابتسام


ملاحظة طريقة لاجاكس بصابون الطرف نستخدمها باه ننظف الكوكوطة والقدرة تاع الالمنيوم يخرجو يبرقو

اختي الكوزيزنيار تاعنا جديدة كان نحكها بالاجاكس تحكم ماما شعري وديرو فبلاصتها هههههه

اها مليحة الطريقة تع الكوكوطة والقدرة كي نصفيهم نستعملها وندعيلك:sheer:​

 

[oumniati]

اختي الكوزيزنيار تاعنا جديدة كان نحكها بالاجاكس تحكم ماما شعري وديرو فبلاصتها هههههه​

اها مليحة الطريقة تع الكوكوطة والقدرة كي نصفيهم نستعملها وندعيلك:sheer:​

هههههههههه عسي شعرك اسماء
كي نحك الكوكوطة نصورها

 

[مروة 95]

صحا طاطاتـــــــــــي
اليوم فات نهار الجمعة مع الخدايمـ
تاعو هاااايل
ملاحظة : اني نقست من الغنا شوي
و عجبتني الحالة خلاااااااااااص
مرسي عليكـ طاطأأأأأأأأأأأأأأأأأأأأأأ​

 

[ندى الأيام]

سلام حبيباتي و الله عجبني موضوعكم ياسر و حبيت نفرغلكم قلبي هههههههه
اسمي سارة انا لكبيرة في خاوتي و عندي غير اخت وحدة دلولة وش نقولكم و فنيانة يااااااااااسر
المهم كيف نكون في عطلة الشغل كامل على راسي
نقوم الصباح نفتح لغنا في الميكرو و نقوي عليه و نبدا الاكشن
نسقم كل داروحدها مانخرجش منها غير نريقلها تمام هاك توصيني ماما
و من بعد نحكم التسياق اوووووووووه 06 شنابر ففي مرة وحدة
و من مسيح الغبرة في الموبيليات و الزجاج
لغدا وقتها يكون على ماما كيف يكون ميناج ثقيل
هههه هكا يسمى خدمت لكبير و مازل الرقيق محاينو ياسر
من بعد نكمللكم ان شاء الله
ادعولي ربي يوفقني في قرايتي

 

[ISMA.dz]

هههههههههه عسي شعرك اسماء
كي نحك الكوكوطة نصورها

ربي يخليك يالغالية

وربي يعاونك:sheer::sheer:​

 

[حاملـة المسك]

السلام عليكم

موضوع ممتاز الله يبارك في أفكارك امنيتي
على عجالة جات هدي في بالي
كاين ليغسلو شليقة البوتاجي يديرو الجفال و الامو
أحسن طريقة للغسل يكون بصابون الحجرة ينحي الادام مليح و الشليقة يطول عمرها ​

 

[ISMA.dz]

السلام عليكم

موضوع ممتاز الله يبارك في أفكارك امنيتي
على عجالة جات هدي في بالي
كاين ليغسلو شليقة البوتاجي يديرو الجفال و الامو
أحسن طريقة للغسل يكون بصابون الحجرة ينحي الادام مليح و الشليقة يطول عمرها ​

بارك الله فيك اختي انا كنت نغسلها بالامو وجافيل وصح تم تم تقدام لكن درك نبدلو العقلية شكر ليك:re_gards:​

 

[ضوء الخيال]

حبيت نمدلكم تجاربي

لتنظيف الكوزينة كنت نستعمل ازيس سواء للجدران او الارضية او البوتاجي ينظف مليح

للقدرة الي يتغير لونها مثلا كي نغلي فيها البطاطا او الشيفلور تكحالي اغلي فيها حبات هرماس مع وضع الغطاء تنحي الزروقة انتاع الغلي من الداخل

هذا وش جا في بالي
لي عودة
​

 

[oumniati]

صحا طاطاتـــــــــــي

اليوم فات نهار الجمعة مع الخدايمـ
تاعو هاااايل
ملاحظة : اني نقست من الغنا شوي
و عجبتني الحالة خلاااااااااااص

مرسي عليكـ طاطأأأأأأأأأأأأأأأأأأأأأأ​

برافو عميرة شفتي يديك هما اللي يخدمو ماشي لغنا. نستعرف بيك ازينة:sheer::sheer::sheer:

 

[oumniati]

سلام حبيباتي و الله عجبني موضوعكم ياسر و حبيت نفرغلكم قلبي هههههههه
اسمي سارة انا لكبيرة في خاوتي و عندي غير اخت وحدة دلولة وش نقولكم و فنيانة يااااااااااسر
المهم كيف نكون في عطلة الشغل كامل على راسي
نقوم الصباح نفتح لغنا في الميكرو و نقوي عليه و نبدا الاكشن
نسقم كل داروحدها مانخرجش منها غير نريقلها تمام هاك توصيني ماما
و من بعد نحكم التسياق اوووووووووه 06 شنابر ففي مرة وحدة
و من مسيح الغبرة في الموبيليات و الزجاج
لغدا وقتها يكون على ماما كيف يكون ميناج ثقيل
هههه هكا يسمى خدمت لكبير و مازل الرقيق محاينو ياسر
من بعد نكمللكم ان شاء الله
ادعولي ربي يوفقني في قرايتي

يعطيك الصحة ندى راكي منحية غمة على ماماك، الله يبارك
وختك اندهي فيها ماتخليهاش توالف
وكيما قلت لمروة يديك هوما اللي يخدمو ماشي لغنا، نقصي منو ابنتي ضرك توالفي
ربي يوفقك وينجحك

 

[oumniati]

السلام عليكم​

موضوع ممتاز الله يبارك في أفكارك امنيتي
على عجالة جات هدي في بالي
كاين ليغسلو شليقة البوتاجي يديرو الجفال و الامو

أحسن طريقة للغسل يكون بصابون الحجرة ينحي الادام مليح و الشليقة يطول عمرها ​

ياااااه وانا نشم في ريحة المسك وثرني شرفتيني، الله يخليك ، وشكرا على المعلومة كيما قالت اسماء ، انا ثاني داخلة عليها بالجافيل:schmoll:

 

[oumniati]

rabi y3aychek anna rodwa 7aba ndir tssyi9a mli7a ledar wndir wnafraz la salle de bain et le placare de rengement inchaaALLAH myti7ach 3liya atfanyin ,,rabi y3inkom

واش درتي فيها نونة غلبك ولا غلبتيه?

 

[oumniati]

حبيت نمدلكم تجاربي ​

لتنظيف الكوزينة كنت نستعمل ازيس سواء للجدران او الارضية او البوتاجي ينظف مليح​

للقدرة الي يتغير لونها مثلا كي نغلي فيها البطاطا او الشيفلور تكحالي اغلي فيها حبات هرماس مع وضع الغطاء تنحي الزروقة انتاع الغلي من الداخل​

هذا وش جا في بالي
لي عودة​

السلام عليكم ورحمة الله وبركاته
مرحبا بيك أختي نورتينا بطلتك وبنصايحك ،،،، برك وشهو الهرماس يعيشك:showoff:

 

[ضوء الخيال]

المشمش اليابس عندو عدة استعمالات في الطبخ مثلا في مرقة الطعام يثقلها ويعطيها بنة تاني يسعمل للبشرة تغليه مع الماء ربع ساعة حتان ينتفخوا ويطراو تحكي بيهم بشرتك تخليها تجف ثم تغسلي وجهك عادي ينظف وينعم ملمس البشرة انشاء الله نكون افدتك
​

 

[oumniati]

المشمش اليابس عندو عدة استعمالات في الطبخ مثلا في مرقة الطعام يثقلها ويعطيها بنة تاني يسعمل للبشرة تغليه مع الماء ربع ساعة حتان ينتفخوا ويطراو تحكي بيهم بشرتك تخليها تجف ثم تغسلي وجهك عادي ينظف وينعم ملمس البشرة انشاء الله نكون افدتك ​

افدتيني بزززززاف ربي يخليك حنونة:sheer::sheer::sheer:

 

[*amina*]

السلام عليكم ورحمة الله تعالى وبركاته
واش راكم لبنات
ان شاء الله تكونو ملاح موضوع رائع جدا

 

[oumniati]

السلام عليكم ورحمة الله تعالى وبركاته
واش راكم لبنات
ان شاء الله تكونو ملاح موضوع رائع جدا

وعليكم السلام ورحمة الله وبركاته
انت الاروع حنونة:shiny:

 

[*amina*]

السلام عليكم
صباح الخير لبنات
انا عندي طريقة موالف نخدم بيها كي نحب نظف الpراس تاع القهوة ممكن تكونو تعرفوها
كي نحب نظفها من السواد تاع القهوة نحط فيها الرغوة يعني الما والاومو ونغلقها كيما موالف نطيب القهوة ونحطها فوق النار تغلي كي تغلي مليح نحطها في بسينة ونطفها ترجع نقية من الاخل كأنك شريتيها
كذالك الليومن يساعد بزاف في تنظيف ادوات المطبغ انا موالف نحط نصف حابة دائما في اللتسليلة تاع الماعن باش تبقى ريحتهم شابة
الطريقة لي ذكرتها تقدري تخدمي بيها مام الطاجين
الا كاش ما تفكرت نصائح اخرى راني نكتبهم

 

[*amina*]

تفكرت حاجة
لي تحب دير طاجين الفول بلا قشور (يعني الفول خضر نقوه من القشرة تاعو) معروف انو لما ديريه طاجين يطلق كحولية في المرقة
انا قبل منحطو على البصل نغليه 5 دقائق ولا عشرة قايق يطلق الكحولية ولا ذاك السواد نصفيه ونحطو في الطاجين ميعاودش يطلق السواد هذاك