يوميات بنات اللمة للنظافة

[oumniati]

فكرة شابة يعطيكم الصحة

الله يسلمك شكرا للمرور الطيب

 

[روز]

غدوة بربي عندي ميناج نتاع كل أسبوع المطبخ وحيوط الدار ولي صال دوبان
وزيد نفوت بلاسبيراتور على لي تابي والغبرة من لي كادر ولي ليستر
ولي ناب تاني نغسلهم ونكويهم باذن الله
عندي جف يخرج الارضيات تاع الحمام والصالة روعة لاني مانحبش السواد لي يكون على حواف الارضيات وبين البينات
وتاني يخلي لافابو يلمع رووعة وليت مانستغناش عليه

 

[ام ابتسام]

السلام عليكم ورحمة الله وبركاته
اهلا بيك ام ابتسام نورتي
ماشاء الله عليك باينة مهتمة بكل صغيرة وكبيرة وربي يوفقك وخرجي بناتك فحلات كيما انت والله انا هذا هو همي حبيت بناتي يكونو قد ذراعهم هذا زمان
ربي يوفقنا كامل
تعرفي انا عندي مشكل الرطوبة بحكم الشتا طويل كيما قلتي ماكاش كيما الشمس بصح انا مدايرة ثاني لخزامة في لبلاكارات وساعات نغليها ونخلي ريحتها تعمر الدار
وتلقايني في الشتا ثاني كل ساع نفرغ لبلاكارات ونمسحهم مليح بالجافيل ونخليهم ينشفو باه نرجع القش
زورينا ام ابتسام راكي عرفتي الدار هههه

اختي امنية اختي المشكل حنا هنا في الغرب الشمس كاينة لاكن الميديتي في الجو بزاف الضباب لو تخرجي يدك تحسي قطرات الماء تنزل

في وهران ماعندهم صيف حار عندهم صيف رطب ماتلقيش الجو حار مثل مدينة عنابة


واله يااختي انا تاني نعمل كيفك ونقول النظافة مليحة

راح نزوركم ماتخميش من نوصل راح ندق الباب عند ماتفتحيش برك سعدت بالمرور عليكم

 

[la_safa]

السلام عليكم ورحمة الله وبركاته
اهلا بيك صفاء ماراكيش روطار ارفدي البيدون والنشاف والحقيني هههههه
شحال عمرك حنونة?يخي شفتي بنتي نهاد 61 سنة واش دارت ههه(16)
واش نقولك ابداي بحاجة خفيفة روحي ابداي امسحي الغبرة كاش ما عندكم بيبيوتك فيها لماعن وقارنيتور امسحيهم وعاودي نظميهم بطريقتك وشوفي راح يعجبك الحال وتفرح ماماك بصح اذا كسرتيهم راحت عليك هههههه
نقولك حاجة سر انا كي كان عندي 16-17 سنة كنت نحب الزهو راكي علاالك مراهقة كنت كل جمعة نسقم روحي نمشط شعري ونشوف روحي مليح في لمراية ونشعل البوسط نزيدلو ونبدا نقلب الحالة كامل
هيا ابداي ديري حاجة وقوليلي

اهلااااا خيتووو والله عجبني موضوعكم فيه غير النشآآط
و الميناج لي انا و ياه مانتفاهموش هههه
انا عمري 17
شوفي الحاجة لي نحبها نمسح الغبرة خفيفة برك مكره تاع قلب الدنيا و عاود رجع
ممممم عندك لماعن اكثر حاجة نكرهاا .. الله يبارك ربي يخليهالكـ ان شاء الله
آواه هاذي لازمني نحكي معاها كاشما تعلمني شوي
هههههه لالا مانكسرش خلي ان شاء الله نفرحها :sheer:
ايه صح مي هاذيك كي نولي مغششة نولي نرجع غشي في الخدمة تاع الدار
ماما تولي تقولي ساهلة نعود نغششك هههه
اوكي طاطاتي رانا مع الاضراب هاد ليام و ماما غايبة مريضة شوي
ان شاء الله نسقم الدار كي تولي تفرح ان شاء الله
مرسي خيتوووو درك نولي نسكن معاكم :sheer:
​

 

[مروة 95]

موضوعكمـ هايل
عجبتني الحالــــــــــــــة هنا
أيا همة نشاطـ هههههههه
عندي 16 سنة نقدر نكون معاكمـ كشما نصيحة من عندكمـ
انا ماعلياش نحب الخدمـــــــــة
نقلقمـ سر : أنا الخدمة تاعي على حساب الحركة ههههه
يعني نكون نخدم في حاجة كل ماتكون الغناية لي نغني فيها تسرع قد مانسرع معاها ههههههههههه
ما تضحكوش بزاف هادي هي العقلية


موضوووووووعكمـ فور بزاااااااااف
لي عودة - كان ترحبوا بالضياف -​

 

[la_safa]

بنـــآت عفسة تاع الغنا و الخدمة هـــآيلة
والله لعشيا كيما قاتلي طاطاتي حطيت لغنا آفون و سيقت الدار
بقـــــآتي كيفاه نحب الخدمة ان شاء الله بالشوي نهز منكم

ملآآكي نورتي راني نتعلم انا ثاني ههه
​

 

[مروة 95]

بنـــآت عفسة تاع الغنا و الخدمة هـــآيلة

والله لعشيا كيما قاتلي طاطاتي حطيت لغنا آفون و سيقت الدار
بقـــــآتي كيفاه نحب الخدمة ان شاء الله بالشوي نهز منكم ​

ملآآكي نورتي راني نتعلم انا ثاني ههه​

أيــــــــــــــا مبروكـ ملاكي
:sheer:
كون جيت مع أختي تحبيها بالسيف
هي تجبدلي لغناية
انا نكملـــــــــــــها و مانحسش
غير بالخدمة كملت
​

 

[hadil2044]

يعطيك الصحة اختي على الموضوع

لازم دايما النهوض باكرا وتنظيم الوقت والشغل عمره ما يفض بصح نحبو اندرو كل شيئ
ان شاء الله كل مرة ندخل بفكرة

تقبلي مروري

 

[ISMA.dz]

السلام عليك

ربي يخليك ياصاحبة الموضوع

اليوم درت الميناج

للكوزينة عياتني

لكن المشكل كنت ندير الاليمينيوم للكويزينيار مي كي نحيتو كلشي يجي فوقها وبالسيف لاتخرجلي

التعب كامل عليا قولولي كاش منظف مليح المهم مش aigle خاطر مايدير والو المهم يكون متوفر عندنا

ربي يحفظكم

+تقييم لصاحبة الموضوع
​

 

[hind*alg-]

يعطيكم الصحة بنات استفت من حاجات منكم


.........................وموضوع في غايت الروعة

 

[الورد الأحمر]

الله يبارك يا لبنات ويا السيدات
المهم انا خاطيني الخدمات هذو الكل
حدي نسيق ولا نغسل ماعن لفطور ولا نعبي لفراش
واليوم دالة نسيق ومازال ما سيقتش جيت نجري نضرب
طلة هنايا وسع نروح نسيق + ناوية ندخل للكوزينة لعشية
نجرب وحد الحاجة شفتها في منتدى الطبخ كان صلحتلي راني
نصورها ونحطها لعيه وشوفوها ... هيا ربي يقدركم على الخدمة
سلامو
​

 

[جزائرية واعشق بلدي]

السلام عليكم ورحمة الله وبركاته
نهاد بلعقل عليا حبستيلي مخي بقيت نقرا ونعاود لالا ماشي غير شغل وخلاص وتزيدي النصائح والتدبير_o: وتقوليلي طاطا ? انا نقولك طاطا !!! ههههه جابلي ربي راكي ماعرفتيش تحسبي عمرك برك هو 61 وانت عمبالك 16 ههههه

واش نقولك حنونتي الله يبارك ويزيد ويحفظك من العين ويوفقك في حياتك على شطارتك ونباهتك ماشاء الله
انا كنت نظن انقرضو لبنات اللي يخدمو الشغل هههه
كلما يكون عندك وقت عميرة طلي علينا بظلك الخفيف اوكي:sheer:

ههههههههههه لا مانظنش 61 سنة اواه نعود هرمت مانلحقش ندير حاجة
ههههههههه يسلمك ياطاطا ويعطيك الصحة الموضوع عجبني بزاااف واكيد نضرب طلات اواه
الgصرة معاكم حلوة بزاااف وهاذا موضوعي المناسب نحب نخدم بزااااف ربي يخليلك ولادك ان شالله

 

[ام ابتسام]

السلام عليك

ربي يخليك ياصاحبة الموضوع

اليوم درت الميناج

للكوزينة عياتني

لكن المشكل كنت ندير الاليمينيوم للكويزينيار مي كي نحيتو كلشي يجي فوقها وبالسيف لاتخرجلي

التعب كامل عليا قولولي كاش منظف مليح المهم مش aigle خاطر مايدير والو المهم يكون متوفر عندنا

ربي يحفظكم

+تقييم لصاحبة الموضوع
​

انا نستعمل اختي للكوزينة وحتى جدران المطبخ جيف متوفر ب290دج على حسب علمي رائع ومنضف فعال
ربي يعينك سيرتوا الكوزينة التعب فيها بزاف لانها تلزمك التنظيف نهار بعد نهار :showoff::showoff:

 

[ندى الجزائرية]

السلام عليكم اخواتي
عجبني الموضوع بزاف قلت نشارككم لاني نحب النظافة والترتيب
طبعا انا عازبة وبحكم عمل امي يعني لاااااازم نعاونها,
بما اني ندرس نحاول فالوقت لي نكون متواجدة فيه فالبيت نخدم شوية شغل ,اولا نقص التعب على ماما وثانيا مايعطينيش قلبي نشوف الخدمة ونخليها,
هاد الايام بما اني نقرا غير العشية ,نستغل الصباح كامل فالشغل,كي تدخل ماما نص النهار اول جملة نقولهالها -راني ملي نضت الصباح ماقعدتش ,هههههههه كل يوم نعاودهالها وهي تقولي صحيتي بنتي ههههههه.
طبعا اول حاجة نبدا بيها الماعن,كي فسدت آلة غسيل الماعن عدنا نغسلوهم وحدنا ,ادا ماغسلناش ماعن العشاء فالليل لازم نغسلهم الصباح,وصراحة اكره شي عندي نغسل ماعن العشاء الصباح
نكملهم نولي لماعن الفطور,ومن بعد نكنس,ومن بعد نولي للغدا,بيني وبينكم نحب ندير حاجة ماتديش الوقت ,
وفي نفس الوقت نروح نفرز الصالون ,لازم كل حاجة تكون في بلاصتها ,ومن بعد نسيق ,ومن بعد القش,لازم نمشي المشينة وننشر المغسول ولي نشف نطبقو. من بعد نرجع للغرف نسقم الفراش ومانسيقهمش كل يوم ,والوقت المتبقي يااما نغسل فريجيدار ولا نفرز بلاكار .ماتجي توصل ال 12.30 نولي مانيش قادرة نزيد ندير حتى حاجة,وهكدا كل يوم .....
ربي يكون في عون الجميع
شغل الدار ماشي ساهل ,خاصة كل يوم كل يوم بزاااااف
سلامي لكن

 

[ISMA.dz]

انا نستعمل اختي للكوزينة وحتى جدران المطبخ جيف متوفر ب290دج على حسب علمي رائع ومنضف فعال
ربي يعينك سيرتوا الكوزينة التعب فيها بزاف لانها تلزمك التنظيف نهار بعد نهار :showoff::showoff:

ربي يخليك اختي انا جامي تلاقيت بيه فالاسواق كنت نظن ماراهش متوفر عندنا:schmoll: لكن ماذام قلتي كاين نولي نتكل عليه
ربي يخليك شكرا:sheer:​

 

[oumniati]

غدوة بربي عندي ميناج نتاع كل أسبوع المطبخ وحيوط الدار ولي صال دوبان
وزيد نفوت بلاسبيراتور على لي تابي والغبرة من لي كادر ولي ليستر
ولي ناب تاني نغسلهم ونكويهم باذن الله
عندي جف يخرج الارضيات تاع الحمام والصالة روعة لاني مانحبش السواد لي يكون على حواف الارضيات وبين البينات
وتاني يخلي لافابو يلمع رووعة وليت مانستغناش عليه

ماشاء الله روز ربي يعاونك
شفتي كي تشوفي الارضية مطاشية تبانلك ماشي نظيفة انا عندي الكوزينة والهول ثم ثم يبان فيهم يقلقو
اليوم مسحت وطيبت بزيادة باه غدوة نديها تزناق :shiny:

 

[oumniati]

راح نزوركم ماتخميش من نوصل راح ندق الباب عند ماتفتحيش برك سعدت بالمرور عليكم

مرحبا بيك في كل وقت ماعندناش باب غير ريدو هزيه وجوزي هههه

 

[oumniati]

صفا ومروة هكذاك ابداو بالخفيف باه ما تكرهوش بصح مع الوقت نحيو علينا لغنا نعودو نخدمو في سيلونص ههههه وقولو طاطا قالت

 

[oumniati]

يعطيك الصحة اختي على الموضوع

لازم دايما النهوض باكرا وتنظيم الوقت والشغل عمره ما يفض بصح نحبو اندرو كل شيئ
ان شاء الله كل مرة ندخل بفكرة

تقبلي مروري

يعطيك الصحة هديل
في البكرة بركة عندك الحق ومع شوي نظام كلشي يولي يلمع
تشرفي وتنوري

 

[oumniati]

السلام عليك​

ربي يخليك ياصاحبة الموضوع​

اليوم درت الميناج​

للكوزينة عياتني​

لكن المشكل كنت ندير الاليمينيوم للكويزينيار مي كي نحيتو كلشي يجي فوقها وبالسيف لاتخرجلي​

التعب كامل عليا قولولي كاش منظف مليح المهم مش aigle خاطر مايدير والو المهم يكون متوفر عندنا​

ربي يحفظكم​

+تقييم لصاحبة الموضوع​

ربي يخليك اسماء
شوفي انا كويزينيار نستعمل غير الفيم vim
جربي ديكابو تاع الفورdecapant وحكي غير بالشوي باه ماتجرحيهاش وشوفي
بصح الالمنيوم ماتخليهش يطول بزاف والاحسن ماتديريهش كي تسيح حاجة امسحيها في ساعتها وخلاص واذا كثرتي وكثرتي تحكيها بالفيم
ونزيد نقولك اخدمي بالعقل مادام كلشي ليك نظمي روحك برك