يوميات بنات اللمة للنظافة

[om mima]

السلام عليكن . يا نساء وبنات اللمة المحترمات
و الله الحمد لله كملت الميناج تاع الدار بالجدران و النوافذ كل شئ كامل . الحمد لله راني حية ارزق.......:showoff:..........اسمحولي كل واحدة باسمها .مانيش انتابع بانتظام لاني مراة عاملة والعمل تاعي دقيق و يلزملو راحة جسدية و معنوية و عندي طفلة عندها عامين ..و حامل في شهر السادس
و الله كي كملت الميناج تاع الدار كي نرقد في الليل نوض علئ 2 تاع الليل _o:ونقول الحمد لله راني كملت الميناج ونرجع نرقد..........تعبت
يا امنيتي شكرا علي مدحك راني كنغسل المطبخ كل شهرين ثلاثة لااجد صعوبة فيه اطلاقا .....المطبخ انحس هو الحاجة الوحيدة اذا اهملتها خلاص...فلتت الامور من يدك خاصة نحن العرب هذا عيد هذا رمضان هذا حتئ ايام الاسبوع فيها اكلات خاصة ...مرتبطين بالاكل
المهم الان والان فقط سوف انتقل الئ نفسي لكي اهتم بها من مساج و حمامات انشاء الله يوم السبت و الجمعة غدا ترتيب بعض الاشياء الخفيفة اليومية .. واخيرا باركو لي لتكملتي الميناج و العقوبة للباقيات...سلام لكن :sheer:

 

[oumniati]

السلام عليكم ورحمة الله وبركاته
ماشاء الله ام اناس يعطيك الصحة وربي يكملك
صح اهم حاجة النظام كي يكون شغلك منظم تربحي الوقت وترقدي ههه استناي برك يجي نهارك:cra_zy:

 

[oumniati]

أفكار رائعة يعطيك الصحة امنيتي

يعطيكم الصحة كامل
ماكانش قد الجلوس في بيت مرتب منظم معطر ومريح ​

السلام عليكم ورحمة الله وبركاته
الله يسلمك اختي فاطمة وبارك الله فيك
الله يديم علينا النظافة ياربي يخي النظافة من الايمان
نتمنى تزورينا مرة اخرى ونلاقيك بالريحة العطرة

 

[oumniati]

السلام عليكم ورحمة الله وبركاته
نهاد بلعقل عليا حبستيلي مخي بقيت نقرا ونعاود لالا ماشي غير شغل وخلاص وتزيدي النصائح والتدبير_o: وتقوليلي طاطا ? انا نقولك طاطا !!! ههههه جابلي ربي راكي ماعرفتيش تحسبي عمرك برك هو 61 وانت عمبالك 16 ههههه

واش نقولك حنونتي الله يبارك ويزيد ويحفظك من العين ويوفقك في حياتك على شطارتك ونباهتك ماشاء الله
انا كنت نظن انقرضو لبنات اللي يخدمو الشغل هههه
كلما يكون عندك وقت عميرة طلي علينا بظلك الخفيف اوكي:sheer:

 

[oumniati]

لبنات حبيت نصقصيكم كيف تولو تغسلو لماعن تلبسو لي ليقون و لا والو

اهلا ندى الايام
لا حبيبتي بلا ليقو تتحكمي في لماعن خير واذا خفتي على يديك بعدما تكملي لماعن رغيهم مليح بصابون اليدين وشليهم مليح ونشفيهم ثم حطيلهم كرام تاع اليدين او زيت زيتون يخليهم ما ينشفوش من صابون لماعن

 

[oumniati]

ماشاء الله عليك نتمنى بنتي تخرج كيفك انا تاني عاملة بصح بنتي مازالها صغيرة

اهلا اختي ام نرجس
كي اليوم ان شاء الله تشوفي نرجس كيما نهاد
شحال عمرها? انا بنتي 9 سنين هذا وين بديت ننده فيها شوية بصح قلبها ماشي حار:schmoll:

 

[oumniati]

السلام عليكم ورحمة الله وبركاته
اهلا بيك اختي ياسمين شرفتينا بطلتك الحلوة
ربي يهنيك اختي ويفرحك ان شاء الله ويرزقك بالذرية الصالحة مازلتي صغيرة وربي حنين كريم
و يعطيك الصحة كي راكي قايمة بميمتك وتنقيلها الحالة هذا كامل راه خير ربي يجازيك
والله حتى انا معولة دوقة دوقة باش نكمل كلشي قبل العيد ان شاء الله
ربي يقدرنا الشغل مايخلاصش
تحياتي ليك ولميمتك

 

[oumniati]

سبحان الله طاطا انا ثاني نفس الشي سورتو واش راكي اديري اندير تقول رفدتها عليك ههههههه

ممممممممم مدايرتلي كاميرا? هههههه شطورة

 

[oumniati]

ربي يرزقك اختي مها الذرية الصالحة و الله لا يحرمك حنان امومتهم يا ربي

آمين يارب

 

[oumniati]

درك نروح نكمل نطيب لعشا و نحكيلكم يومياتي

كي تنوضي وبعقلك وعقلك بعقلو ههههه راه كل يوم شغل :shiny:

 

[oumniati]

يعطيك الصحة امنياتي راكي مزهية الحالة هنا
يعطيكم الصحة يالبنات
عجبتني فكرة التصوير الله يبارك عليكم
متابعة واذا لقيت وقت نشارك بالصور طبعا

السلام عليكم ورحمة الله وبركاته
مرحبا بيك روز الدنيا زاهية بيكم حنونة
ووقت ماتحبي ارواحي بصور وبلا صور طلتك علينا تكفي:sheer:

 

[oumniati]

وعليكم السلام ورحمة الله وبركاته
ام ميمة الف مبروك كملتي الميناج:showoff::showoff::showoff::showoff: وعقبال مانباركولك كي تسلكي على خير
والله يا اختي كلامك صح كي تخلي الحالة خلاص تفلت من يدك بصح والله ساعات نكره من هاذاك الروتين نفس الشغل يتعاود يوميا كيما قلتي تولي روبو
وانت بالحمل وخدامة ربي معاك اختي فكرتيني العام الي فات كنت حامل كرشي لفمي وغسلت الحيوط بالقاعدة والله درت الكرسي ونحك بالبالي هههه
ربي يخليلك صحتك ونشاطك ياربي
ضرك اتهلاي في روحك انا اليوم درت تدويشة الله الله تعرفي دخلت لابينوار ورغيت لحمي كامل بصابون الطرف وحتى وجهي وقعت شوي يجي 5د ومبعد تشللي مليح وتكيسي واش نقولك حسيت روحي خفيت ههههه
كاين ثاني ماسك انا يعجبني فرينة وعسل وماء ورد ديريه على وجهك خليه ربع ساعة واغسلي تلقاي وجهك صافي وداومي عليه
يدخلو المشرفات يقولولي واش هذا ههههه يخي نظافة ثاني:shiny: ههههه

 

[la_safa]

يعطيكـ الصحة خيتو فكرة هــآآيلة
مالغري جيت روطــآآر ههههـ
ان شـــــــآء الله نشـآرككم ... ~
​

 

[la_safa]

الســلآآآم عليكم
مممم حبيت نطرح استفسـآر ماش كي كل الاستفسارات هههه
ملي قريت الموضوع ووحدة نفظت ولوخرى سيقت و لوخرى لمت
قولولي بركت كيفاه تحبو الخدمة لهاذي الدرجة ؟؟
ولا انا كي مازلت صغيرة برك مانحبهآش ؟؟
اعطوني وصفة اوموا نفرح بيها ماما هههههه
​

 

[ام ابتسام]

الموضوع جديد علياهذا وين شفتوا

يعطيكم الصحة لبنات ربي يعطيكم القوة انا عندي الميناج نعملوا كل يوم سبت واحيانا بالجمعة لما يكونوا بناتي مايقروش


رني نعلمهم شغل الدار


ونخرج فراشي نهويه كل ماتكون الشمس عندنا باش كل الجراثيم تموت وبما انها منطقتي ساحلية فالرطوبة عندنا عالية فيستلزم عليا كل يوم نخرج فراشي وفراش بناتي تضربوا الشمس

بلاك تضحكوا عليا بنات عندما نخرج من بيتي اول وحدة تدخل انا علبالكم علاش ؟

حتى نشم ريحة البيت اذا كانت فيه رطوبة ولا لا نهبل لازم عليا مانخليهاش نفتح الخزاين تاعي ونحب الهواء يمس كامل فراشي وملابسي

ربي يعينا على شغل البيت وتربية الاولاد تربية حسنة اللهم امين جمعتكم مباركة

 

[حكيك]

الموضوع رائع و فكرةالاروع بالتوفيق

 

[آمِيْرَتُه]

فكرة شابة يعطيكم الصحة

 

[oumniati]

الســلآآآم عليكم

مممم حبيت نطرح استفسـآر ماش كي كل الاستفسارات هههه
ملي قريت الموضوع ووحدة نفظت ولوخرى سيقت و لوخرى لمت
قولولي بركت كيفاه تحبو الخدمة لهاذي الدرجة ؟؟
ولا انا كي مازلت صغيرة برك مانحبهآش ؟؟
اعطوني وصفة اوموا نفرح بيها ماما هههههه ​

السلام عليكم ورحمة الله وبركاته
اهلا بيك صفاء ماراكيش روطار ارفدي البيدون والنشاف والحقيني هههههه
شحال عمرك حنونة?يخي شفتي بنتي نهاد 61 سنة واش دارت ههه(16)
واش نقولك ابداي بحاجة خفيفة روحي ابداي امسحي الغبرة كاش ما عندكم بيبيوتك فيها لماعن وقارنيتور امسحيهم وعاودي نظميهم بطريقتك وشوفي راح يعجبك الحال وتفرح ماماك بصح اذا كسرتيهم راحت عليك هههههه
نقولك حاجة سر انا كي كان عندي 16-17 سنة كنت نحب الزهو راكي علاالك مراهقة كنت كل جمعة نسقم روحي نمشط شعري ونشوف روحي مليح في لمراية ونشعل البوسط نزيدلو ونبدا نقلب الحالة كامل
هيا ابداي ديري حاجة وقوليلي

 

[oumniati]

الموضوع جديد علياهذا وين شفتوا

يعطيكم الصحة لبنات ربي يعطيكم القوة انا عندي الميناج نعملوا كل يوم سبت واحيانا بالجمعة لما يكونوا بناتي مايقروش


رني نعلمهم شغل الدار


ونخرج فراشي نهويه كل ماتكون الشمس عندنا باش كل الجراثيم تموت وبما انها منطقتي ساحلية فالرطوبة عندنا عالية فيستلزم عليا كل يوم نخرج فراشي وفراش بناتي تضربوا الشمس

بلاك تضحكوا عليا بنات عندما نخرج من بيتي اول وحدة تدخل انا علبالكم علاش ؟

حتى نشم ريحة البيت اذا كانت فيه رطوبة ولا لا نهبل لازم عليا مانخليهاش نفتح الخزاين تاعي ونحب الهواء يمس كامل فراشي وملابسي

ربي يعينا على شغل البيت وتربية الاولاد تربية حسنة اللهم امين جمعتكم مباركة

السلام عليكم ورحمة الله وبركاته
اهلا بيك ام ابتسام نورتي
ماشاء الله عليك باينة مهتمة بكل صغيرة وكبيرة وربي يوفقك وخرجي بناتك فحلات كيما انت والله انا هذا هو همي حبيت بناتي يكونو قد ذراعهم هذا زمان
ربي يوفقنا كامل
تعرفي انا عندي مشكل الرطوبة بحكم الشتا طويل كيما قلتي ماكاش كيما الشمس بصح انا مدايرة ثاني لخزامة في لبلاكارات وساعات نغليها ونخلي ريحتها تعمر الدار
وتلقايني في الشتا ثاني كل ساع نفرغ لبلاكارات ونمسحهم مليح بالجافيل ونخليهم ينشفو باه نرجع القش
زورينا ام ابتسام راكي عرفتي الدار هههه

 

[oumniati]

الموضوع رائع و فكرةالاروع بالتوفيق

الله يخليك اختي حكيك وما يحرمنا هاذ الطلة