يوميات بنات اللمة للنظافة

[prncess fifi]

عالسلامة سمورة واش راكي
يعطيك الصحة على النصيحة جيتي في الوقت

راني مع الميناج هذيك الكوزينة ماقدرتلهاش موسخة بزاف ماليها عمرهم ماصبغوها واللي كانو قبلي عمرهم ماغسلوها وانا حصلت
حللت راجلي يصبغها قالي نصبغهالو ويزيدلي لكراء وبالاك نرحل
نغسلها والله غاضتني روحي كل مرة نحك لوسخ تاع الناس حاشاكم
راني نفرز في لبلاكارات ونشوف مبعد

السلام عليكم
راني رجعت بصح ما تحاوزونيش هدي حالة لي في الغربة الوقت كامل ماكش
ملي تنوضي الصباح انت تججري
كنتي تقولي ما نظفولكش الدار قبل ماتدخلي نورما لموا لالا
احنا ينظفوا كلش ويصبغوا ولي مكسرة يسقموها هدا قانون ولا يتعاقبوا
انا كي دخلت للدار مسحت خفيف و رتبت
كنتي سقسيتيني على الدراري عندي 4
2اولاد 2بنات لي عودة ان شاء الله عجبني الموضوع​

 

[ibtesem]

احنا تاني هكذا لانو هدا القانون
لكن انا راني في 6 سنين والقانون كل 3 سنوات طاحب البيت من حقو يصبغنا الدار
عندي اشياء مكسوة المهم
انا جربت فكرة القضاء على النمل الحمد لله نجهت معي
تاخذي ملعقة اكل سكر بودرا وملعقة اكل بيكاربونات
تخلطيهم مع بعض تضعيهم في قارورة تاع بلاستيك تكون فيها فشفاشة ههههههه
كيما لمدوهالنا في المستشفى كي نولدو هههههههههه
تمزجي مليه الخليط وتحطي في اماطن تاع النمل اروح نهائيا من داك المكان
مي هدا الصيف عمر فيا رايو ههههههه

 

[oumniati]

السلام عليكم يابنات او بالاحرئ نساء اللمة
شكرا علئ الموضوع الجميل اختي الفاضلة ..
والله كما قلت اهم شيئ هو نظافة و بماانه عمل روتيني و يومي .ساعات من تكرار نحس نفسي الة .:surrender:..robot
والله العظيم ...انا اليوم كملت غسيل الكوزينة و كامل اكسسوارتها ...يعني مقسمة العمل علئ عدة ايام يعني نبدا من الداخل الئ الخارج .....يعني داخل البلاكارات يوم و الفرن الصباح و الثلاجة المساء في اليوم الذي بعده ..اليوم الثالث الجدران .معهم المكرواوند .. وهكذا انا نغسلها كل شهرين مرة ...يعني حفظتها مدة خمس سنوات سبحان الله....حتئ الاماكن التي تتركز فيها الاوساخ حفظتها قبل ماانسئ انحاول ايام الميناج خاصة المطبخ انحضر الاكل من قبل ...او نشريه يكون اخف عليك
غدا انشاء الله انكمل باقي الغرف .....
وتسبحون علي الف خير سلام

اهلا بيك اختي شرفتيني ونورتي الموضوع
ماشاء الله منظمة شغلك عالكيف وصح كي تنقصي التفاصيل الصغار هوما الي يديو لوقت يبقاو لحيوط صبحة وتتهناي
بصح اختي نسقسيك كل شهرين تغسلي الكوزينة:scared:? والله راكي مرة ونص انت تديري القلب تاع الصح:showoff:
ان شاء الله كي تكملي الميناج تزيدي تزورينا بنصيحة اخرى:sheer:
لك ودي واحترامي اختي:re_gards:

 

[oumniati]

السلام عليكم و رحمة الله
ألف شكر على النصائح القيمة
بارك الله فيكم وربي يكون معاكم....الشغل تاع الدار مايخلاصش و قد ما تجبدي و تخدمي تلقاي الخدمة مازالت...
حبيبتي أنا نخدم كيفك ...بصح لافابو تاعي المنيوم نديرلو برودوي خاص بيه يخليه يبرق... و البوطاجي الكبير تاع الرخام لازم كل يوم بعد العشا نفرغ فيه الجافيل و نمسح بشيفونة
و بعد غسيل لمواعن نمسح ليزيليمو و الماشينة تاع لغسيل و الفريجيدار من برا على خاطر بني ماكانش بلاصة مايمسهاش سيرتو كي يكون ياكل

اهلا اهلا ام نيفين زارتنا بركة
شفتي قد ماتدوري مايكفيش انا كي نخمل ونكمل نشوف الحالة تسخف لوكان نصيب ماياكلو مايرقدو هههههه بصح كي يجيو لعشية كلشي يتقلب وغدوة عاودي:cra_zy:
انت مادامو ولادك صغار غير ولفيهم النظام انا راني عقابهم اول حاجة السباط يبقى في الدروج
وضرك مع بنتي لكبيرة راني نولف فيها كي تنوض الصباح تسقم فراشها وتعلق قشها
الصغيرة تعاند ختهااذا هزت تهز واذا خربت تخرب معاها
ربي يكون في العون وخلاص
حتى انت كاش ماعندك عفسة قوليهالنا تفيد تفيد
اما عن طلبك اختي مرة اخرى ان شاء الله:shay:

 

[oumniati]

إن شــآء الله

​

اهلا بيك تسنيمنات
فرحتيني كي قلتي درتي الكوراج والله صح كاينة منها انا من حوالي 4سنين تبعت في منتدى اخر مع الرجيم وبمجرد اني كنت نقرا ردودالمشاركات درت القلب تعرفي نقصت 7 كيلو ومن هاذيك كي بطلت المنتدى 100 مرة نجرب وحدي والله غرام مانقصi-o:
نفس الفكرة هنا
كي كل وحدة تشوف الاخرى واش دارت تجيها هذيك القوة وتحب تدير كيفها او احسن

ربي يبارك في اختك مليح الشغل انا بنتي عمرها 9 سنين نقولها نفس الجملة اللي كانت تقولهالي خالتي ربي يرحمها الشغل ما يقتلش
ماكانش قد وحدة قد ذراعها وين تحطيها تقدر على شقاها

حلاتلي القسرة معاك ههههه خرجت عن الموضوع ههه ربي يعيشكم لميمتكم
وتفرح بيكم يارب:re_gards:

 

[oumniati]

السلام عليكم
راني رجعت بصح ما تحاوزونيش هدي حالة لي في الغربة الوقت كامل ماكش
ملي تنوضي الصباح انت تججري
كنتي تقولي ما نظفولكش الدار قبل ماتدخلي نورما لموا لالا
احنا ينظفوا كلش ويصبغوا ولي مكسرة يسقموها هدا قانون ولا يتعاقبوا
انا كي دخلت للدار مسحت خفيف و رتبت
كنتي سقسيتيني على الدراري عندي 4

2اولاد 2بنات لي عودة ان شاء الله عجبني الموضوع​

اهلا بيك برنسيسة
ياخاه هذيك الهدرة راكي مولات الدار غير كي تطلي مرة على مرة واش نزيد اكثر:sheer:
كيما قلتي الجري بزاف في هاذ لبلاد انا عدت ننسى حتى نعيط لدارنا ما نفيقش حتى نلقى الليل نقول خلي غدوة ونهار يجيب نهار
احنا هنا يقولونا الصبيغة من عند البروبريوتار بصح انتم دبرو راسكم تجيبو الي يصبغ ولا تصبغو وحدكم
هاذي المرة 3 وانا نرحل المرة الاولى لقينا البيت بني (ماغون فونسي) والصالون اخخخخضر صبغهم
الثانية بيت لبنات لقيناها ازرق غامق صبغها
هاذي المرة حيط ازرق حيط ابيض قالي مانتعبش روحي قلتلو حتى انا مانتعبش روحي ومبعد ما حملتش غسلت صالدوبان والصالون وبيت لبنات بقات الكوزينة والبيت صغيرة:sadwalk:
على كل حال
الله يبارك على وليداتك انا عندي 3 زوج بنات ووليد(9سنين-4سنين والطفل قريب عام)
معليش غيبي بصح اتفكرينا وطلي جيبيلنا معاك كاش عفسة انت تديريها ولا قولينا واش درتي شغل نعاندوك ههههه :re_gards:

 

[oumniati]

احنا تاني هكذا لانو هدا القانون
لكن انا راني في 6 سنين والقانون كل 3 سنوات طاحب البيت من حقو يصبغنا الدار
عندي اشياء مكسوة المهم
انا جربت فكرة القضاء على النمل الحمد لله نجهت معي
تاخذي ملعقة اكل سكر بودرا وملعقة اكل بيكاربونات
تخلطيهم مع بعض تضعيهم في قارورة تاع بلاستيك تكون فيها فشفاشة ههههههه
كيما لمدوهالنا في المستشفى كي نولدو هههههههههه
تمزجي مليه الخليط وتحطي في اماطن تاع النمل اروح نهائيا من داك المكان
مي هدا الصيف عمر فيا رايو ههههههه

مرحبا مرحبا بسومة واش راكي
بالنسبة للصبيغة كيما قلت لبرانسيس يقولونا احنا نمدو الصبيغة البيضاء وانتم دبرو راسكم في الباقي بصح الحق الحاجة اللي تتكسر نقولولو يخدمها بصح كل عام يزيد لكراء واش نديرو ربي يفرج
بالنسبة للنمل انا ثاني جاني هذا الصيف شريتلو قرعة صغيرة ريدraid واقيلا درتها 2مرات ولا بالاك3 قدام البالكون تعرفي من هاذيك مازادش دار عندي:showoff:
انا سبتها لبلاكار مخبية فيه السكر ولعسل وراحت بنتي دارت لعسل في الخبز:scaredمالقاتش واش تاكل ههه) وخلات لعسل يقطر ثم مبعد النمل دار رايو تقولي خباهم بيديه يدخل طول يروح ثم ههههه صافي درت هذاك الدوا ومسحت لبلاكار وتهنيت
يقولو ديري خط بالطاباشير مايدخلش النمل مانعرف صح ولا لالا
شكرا لطلتك الغالية بسوم سلمي على وليداتك وانت ثاني ما تنسايش كلما
تتفكري حاجة ارواحي واذا ما تفكرتيش معليش ارواحي تقسري:re_gards:

 

[narjes81]

السلام عليكم

نتمنى تقبلوني في وسطكم

انا ام نرجس عاملة طول السمانة برا كثر من الراجل هههههه
المهم عندي زوج دراري
ولد وبنت عندي دار وكوزينة لوكان مانخملش يوميا راحت عليا تحسبي حرب كانت عندي فالدار

المهم بعد طول تفكير وبحث فالمنتديات عن تجارب الاعضاء

وجدت وحد الفكرة رائعة راهي معاونتني والحمد لله

اولا رتبت نفسي على حساب ايام الاسبوع عندي الجمعة والسبت عطلة
الجمعة مسيح خفيف بحكم زوجي والاولاد فالبيت صباح نمسح ونخدم شي حاجة نتقهو بيها ونروحو زيارة للاهل
السبت نخدم من كل مالد وطاب اكلات تبقالي حتى نهاية الاسبوع خصوصا المعجنات
الاحد نبدى الخدمة نجي العشية نغسل القش وننشرو الاثنين نطبقو وندخلو الماريو الثلاتاء التسياق عميق الاربعاء الكوزينة والكوزينيار خصوصا الخميس نغسل التواقي والريدويات وهاذا هو البرنامج نتاعي مرتاحة فيه والحمد لله

راني طولت عليكم وسمحولي

 

[الورد الأحمر]

في انتظار اقتراحك لعنوان آخر يناسب محتوى الموضوع
​

 

[oumniati]

وعليكم السلام ورحمة الله وبركاته
الله يسلمك اختي باغبي
فيما يخص الموضوع اعتقد انه لم يلقى اقبال كبير الشئ الذي يؤسفني
على كل حال انا مازلت مستمرة فيه وسيكون لي الجديد ان شاء الله لكن رغم ذلك ارجو ان يلغى التثبيت لان دخولي غير منتظم حسب الظروف والمشاركات قليلة فافضل ان يلغى التثبيت
بالنسبة للعنوان اقترح 1=يوميات بنات اللمة للنظافة
2=حملة تنظيف وترتيب
3=لنتعاون من اجل نظافة دائمة
اشكر اهتمامك اختي


لا استطيع الرد برسالة

 

[oumniati]

اهلا وسهلا بيك ام نرجس وربي يعاونك
راني جربت الخدمة كنت نظل نجري ودايما نحس حاجة ناقصة زعما تأنيب الضمير ههههههه
بصح راكي منظمة عالكيف كل يوم حاجة باه كلشي تعطيه حقو واش نقولك برافو عليك:sheer::sheer::sheer:

وراكي اعطيتيني فكرة هي اني ندير بروقرام تاع كل يوم نكتب فيه الشغل اللي لازم نديرو ونحاول نطبق اكبر قدر ونشوف اخر النهار نجحت ولا لالا
نبدا من اليوم واللي تحب تنضم مرحبا كل وحدة تدير برنامجها
اليوم الاربعاء
غرفة نومي نبدل الدراوات ونمسح الغبرة
بيت لبنات نبدل الدراوات ونمسح النافذة
الصالون نجوز فقط المكنسة ونمسح التلفزيون
نغسل لحوايج
نخبي لحوايج المطويين
الكوزينة فيها شغل اليوم نطيب ونغسل فريجيدار وندير قاطو
صالدوبان نبدل السرابت ونمسح
ان شاء الله مانكونش كي هذاك اللي يحسب وحدو:cra_zy:ههههههه

لي عودة ان شاء الله:re_gards:

 

[narjes81]

والله يا اختي امنيتي يوم الاربعاء عندي الحبيبة الكوزينة نقيها كيما يحيب الخاطر ونمسح هاديك الكويزنيار ملداخل والخارج نعطيها راحة منطيبش فيها عندي فور اليكتريك ناوية ندير بيتزا ان شاء الله

 

[الورد الأحمر]

وعليكم السلام ورحمة الله وبركاته
الله يسلمك اختي باغبي
فيما يخص الموضوع اعتقد انه لم يلقى اقبال كبير الشئ الذي يؤسفني
على كل حال انا مازلت مستمرة فيه وسيكون لي الجديد ان شاء الله لكن رغم ذلك ارجو ان يلغى التثبيت لان دخولي غير منتظم حسب الظروف والمشاركات قليلة فافضل ان يلغى التثبيت
بالنسبة للعنوان اقترح 1=يوميات بنات اللمة للنظافة
2=حملة تنظيف وترتيب
3=لنتعاون من اجل نظافة دائمة
اشكر اهتمامك اختي


لا استطيع الرد برسالة

نعم فهمت عليك بلي ما قدرتيش تردي
علابيها خليتلك رد هنايا
شكرا للتفهم ...
أحيانا الموضوع لا يلاقي تفاعل إذا كان
عنوانه لا يعبر عن محتواه
...
سلامو
​

 

[oumniati]

معليش اختي كل وحدة تمشي حساب برنامجها وراكي هايلة كيما راكي


انا لحد الان بدلت الدراوات وغسلتم مسحت صالدوبان وحكيت لابينوار ولافابو بالبيكاربونات
طيبت لفطور وغسلت لماعن
مسحت الغبرة وفرزت الصالون
درت شوية طمينة بدل القاطو
وضرك راني نرقد في زكزوك
لباقي لعشية
شفت في منتدى اخت تبدل في فراشها قلت نجرب طريقتها
حتى زكزوك ماشفتوش كي صورت معرف منين خرج ههههههههه
اعطوني رايكم

 

[oumniati]

بارك الله فيك اختي باغبي

 

[أم نيفين]

ربي يكون في عونك حبيبتي خيرة...انا عجبتي الطريقة لي درتي بيها لفراش...هاااااااااايلة...ممكن الوصفة؟؟؟ ههههههه اقصد الطريقة لو سمحت

 

[ام ايناس]

يعطيكم الصحة لبنات ام نياتي الفراش يهبل يعطيك الصحة على الفكرة
انا تاني دايرة لداري بروقرام كي نقعد نحطولكم انشا الله

 

[oumniati]

ربي يكون في عونك حبيبتي خيرة...انا عجبتي الطريقة لي درتي بيها لفراش...هاااااااااايلة...ممكن الوصفة؟؟؟ ههههههه اقصد الطريقة لو سمحت

الله يعيشك ازينة ومايكون غير خاطرك الصباح كي نسقم لفراش نصورلك الوصفة هههههههه

 

[oumniati]

يعطيكم الصحة لبنات ام نياتي الفراش يهبل يعطيك الصحة على الفكرة
انا تاني دايرة لداري بروقرام كي نقعد نحطولكم انشا الله

اهلا بيك ام ايناس يطول عمرك
يعطيها الصحة صاحبة الفكرة انا نقلت برك
هيه اختي جيبي برنامجك نكوبيو عليك ههههههه بوسة لانوسة

 

[oumniati]

تم بحمد الله النهار
لعشية جبت ندى ودرتلهم ساندويتشات وقهويتهم
غسلت لفريجيدار
كملت 6 قعدت راجعت مع بنتي لكبيرة
7 تعشينا وغسلت لماعن
ما خبيتش لحوايج ومامسحتش زجاج بيت لبنات
غدا يوم جديد ان شاء الله