يوميات بنات اللمة للنظافة

[ام ايناس]

هادا هو البرنامج نتاعي
كيما البارح شربت القهوة وغسلت الماعن ونوضت لالة باش تغسلي القش يعني المشينة هههه خليتها تغسل ورحت نعدل في بيتي كملتها
ورجعت عدلت الصالون ماشي فاسد بزاف غير لمخايد تحطهملي ايناس
نعاود نطل على المشينة ورجعت درت الفطور انا نهار لغسيل ندير حاجة خفيفة للفطور
كي كملت القش طلعت للسطح نشرتو رجعت غسلت الصال دوبان ومسحت الارض وفرشت الطابيات وفطرنا وغسلت الماعن اتكيت والعشية شربت انا ونوسة لحليب والعشا كان واجد جبت القش خملتو في بلاصتو وغسلت الماعن ورقدت ايناس ورقدت

 

[ام ايناس]

واليوم انشا الله شربت قهوتي ودوك نغسل الماعن ونروح لبيتي نبدل الدراوات ونفرش الجديد ونمسح الزجاج والغبرة ونمسح الارض وندير الفطور والسلام والعشية نفتها قاعدة هههههههههه

 

[الخيزران]

أفكار رائعة يعطيك الصحة امنيتي
يعطيكم الصحة كامل
ماكانش قد الجلوس في بيت مرتب منظم معطر ومريح
​

 

[جزائرية واعشق بلدي]

يعطيك الصحة طاطا على الموضوع وانا دوك نجي نحكيلك واش درت وزيد راني مازلت نشغل راني نروح ونجي
papa داير عرضة اليوم جايينا الرجال يتعشاو وماما خدامة جاب ربي رانا في اضرابات :sheer::sheer:
وبيان سووور نهاد بنتكم هي اللي تخدم :showoff::showoff::showoff: كلش فالدار

 

[جزائرية واعشق بلدي]

انا البارح
نوضت الصباح وجدت روحي فرزت بيتي شربت قهوتي وسهلت للقراية من بعد ساعة ورجعت قالك اضرابات كي رجعت لقيت ماما فالخدمة ايمالا روحت فرزت هاديك الدار وبيت القعاد سورتو من بعد جات اختي الصغيرة هناتني من الماعن من بعد غليت الشوفلور فالماء مع الخل باش ماتعودش الريحة قاوية الخل ينحيها كامل و دوزنتو وزدتلو بيض فرماج ورميتو فالفور روحت غسلت ماعن الطياب من بعد مسحت الارض سيقتها يعني مليح من بعد روحت رجعت السالون مسحت الغبرة ودرت زجاج تاقة وحدة مسحتها مليح ماجيت نكمل عادت 11 روحت عجنت الكسرة ولوحتها فالطاجين ماجيت نكمل حتان ولات 12 وجا بابا جايب المسروف وبشرني بالضياف المهم تغداو وغسلت اختي الماعن من بعد رجعت لهاذاك السالون كملت الزجاج كامل وفرزتو مليح جا بابا باش يقيل مالا خليتهولو وخرجت
روحت لهاذيك الكوزينة الحنينة رتبت الخضرة والمسروف فالفريجيدار من بعد شعلت الطاوة وشويت الفلفل كامل مع الحار والطوماطيش والثوم شويتهم من بعد نقيتهم وقطعتهم ووجدت الحميص بالصح مالوحتش الحار باش مايطلقش البنة انتاعو خليتو لليوم باش نديرو المهم وحطيتو في باطة وخليتو
من بعد قطعت الخضرة وحطيتها تفور باش نوجد الماسيدوان وزدت وجدت المايوناز نحب نخدمها انا ورحت غسلت السلاطة انتاع الورق وخبيتها والخضرة المفورة خبيتها وجدت كلش الحاصيلو البارح من بعد خدمت لاصوص طوماط وخبيتها فالكونجيلاتور من بعد دوزنت اللحم المرحي ودرتو دي بولات وخبيتهم من بعد حطيت الزيتون في الماء والسكر باش يروحلو الملح وخليتوبايت في ماه هاكذا نكون سجيت كلشي المهم ماجيت نكمل حتان عادت قريب 9 تاع الليل روحت نتفرج وخليت على اختي الماعن مسكينة وانا نتفرج اديت معايا الدجاجات نقيتهم وفالخر شوطتهم شوية وخبيتهم وهكذا نكون كملت كلشي البارح

 

[جزائرية واعشق بلدي]

وانا اليوم نهار الضياف راني نروح ونرجع نظرب طلة ومن بعد نحكيلكم واش راني نوجد
نروح نمسح السالون ونسجيه نرتب الطوابل والحالة باش نغلقو ومانطلش عليه حتان لعشية

 

[narjes81]

جزايرية واعشق بلدي الله الله عليك قافزة بزاف
قوليلي شحال عندك من عام عجبتيني بزاف

 

[جزائرية واعشق بلدي]

جزايرية واعشق بلدي الله الله عليك قافزة بزاف
قوليلي شحال عندك من عام عجبتيني بزاف

هههههههههه يسلمك اختي انا صغيرة بزاااف ع 16 سنة يعني قريب 17 برك بالصح عمل ماما علمني المسؤولية والحمد لله مولات 10 سنين نقدر نهز دار كاملة :shay::showoff::showoff:

 

[ندى الأيام]

لبنات حبيت نصقصيكم كيف تولو تغسلو لماعن تلبسو لي ليقون و لا والو

 

[جزائرية واعشق بلدي]

لبنات حبيت نصقصيكم كيف تولو تغسلو لماعن تلبسو لي ليقون و لا والو

انا بالنسبة ليا مانستعملش الليقون ويديا ماشاء الله عليهم ههههههههههه حتى لبنات يقولولي باين عليك ماديري والو مع اني اندير كلشي وظفاري طوال ومتحوفين ولاباس بيهم
الليقون تستعملو وحدة عندها اليgزيما برك اما باش تحافظي على يديك ماتخافيش :sheer:

 

[narjes81]

هههههههههه يسلمك اختي انا صغيرة بزاااف ع 16 سنة يعني قريب 17 برك بالصح عمل ماما علمني المسؤولية والحمد لله مولات 10 سنين نقدر نهز دار كاملة :shay::showoff::showoff:

ماشاء الله عليك نتمنى بنتي تخرج كيفك انا تاني عاملة بصح بنتي مازالها صغيرة

 

[جزائرية واعشق بلدي]

الحاصيلو راني رجعت
كملت كلشي وجدت كلش مازل غير انديرهوم يطيبو على النار وهاذي نخليها لعشية انريح شوية
كي كملت الشغل تاع الدار والصالون سورتو
روحت للكوزينة اول حاجة درتها هي غسلت الفاكية وسجيتها فالطبوقا من بعد غليت الزيتون وقطعت اللحم ودوزنت الطاجين والشربة ووجدت الدجاج يطيب فالمرقة البيضا فالكيكوطة
وماما وجدت الغدا وتغدينا واختي راها مع الماعن
انا تهنيت من كلش هكذا يبقالي غير الطياب لعشية ان شالله
وذورك نروح نسجي لماعن اللي نسربي فيهم
ويبقالي لاتاي نديرو وهكذا نتهنى
السلايط واجدين بقالي غير نزينهم
وكلش واجد
بالصح طريقة توجدي كلشي ليلة قبل مليحة وتعاونك بزاااااف
انا راني متهنية من كلش
والله كون خليت لليوم مانلحقش ندير حتى حاجة
وربي يكون معاكم كامل ان شالله

 

[جزائرية واعشق بلدي]

هههههههههه يسلمك اختي انا صغيرة بزاااف ع 16 سنة يعني قريب 17 برك بالصح عمل ماما علمني المسؤولية والحمد لله مولات 10 سنين نقدر نهز دار كاملة :shay::showoff::showoff:

ماشاء الله عليك نتمنى بنتي تخرج كيفك انا تاني عاملة بصح بنتي مازالها صغيرة

الله يبارك وربي يخليهالك
وماتخافيش عليها والله كي تعود وحدها فالدار تتعلم كلش انا هك كونت ساعات نوض مانلقاش ماما نسجي كلشي وحدي ودوك راني نستقبل الضياف وحدي :showoff:

 

[ألاء الرحمـــن]

أول مرة نشوف الموضوع وأول مرة نشارك فيه مشكورة أختي على الفكرة الرائعة

عييت وأنا نقرا فالردود هههههههههه مشاء الله على بنات بلادي فحلات الله يبارك ما عندي ما نقول

المهم نعرفكم على نفسي أنا ياسمين من الجزائر العاصمة متزوجة ومعنديش الأولاد

حياه شوية صعيبة وفيها فيد بلا ولاد مي الحمد لله نجوز نهار كيما كل مرأة متزوجة

كيما البارح رحت لدارنا لخاطرش زوجي سافر للعمل ديالو وكنت عيانة ومريضة ريحت دوك الحمد لله مي اليوم نوضت كي العادة بعد ما شربت القهوة مع يما ربي يطول في عمرها ومدامها وحدها خملتلها الدار كمل
سورتو تسياااااااااااق والنقاء نموت عليه غسلت التواقي ومسحا الزجاج والغبرة وسيقت بيان حتى للطابق لتحت عملت جولة مع الورد قلبت التراب وسقيتهم ونحيت الورق اليابسة وبعد ما كملت التسياق دخلت للدار رجعت القش لبلاصتو ودرت فطور خفيف ودوك صليت ونريح شوية ولعشية ندير حاجة باه نستقوا بيها ونشوف واش ندير للعشاء وغدوة يوم جديد وبروقرام جديد خاصتا راه قريب العيد نوجد كل حاجة ونخلي الدار نقية قبل ما نرجع لداري


​

 

[جزائرية واعشق بلدي]

السلام عليكم ورحمة الله وبركاته
اليوم نحكي على الكوزينة واللي عندها فكرة او تصحيح اهلا وسهلا
بما اني ماغسلتش الكوزينة رجعتها للبلاكارات مسحتهم وفرزتهم سقمت لماعن الطباسة جهة والكيسان جهة والطناجر ولكسارن كامل من تحت
درت جهة تاع التوابل هي الاقرب للكويزينيار باه كي نطيب تكون قدامي
كنت محتفظة ببلارات فرغت فيهم الحبوب الجافة عدس حمص لوبيا حتى الروز و الطعام وهكذا يسهل تنظيمهم وما يسيحوش
وبهذي الطريقة كي تخلاص الحاجة نفيق من قبل ماشي اخر لحظة
غسلت ثاني السلة تاع لماعن وخبيتها تحت البوطاجي موالفة نخليها معليش فارغة بصح كي خبيتها جات الحالة مفروزة خير

راني درت تصاور بصح يشدلي الوقت باش نطلعهم اليوم هات نكمل كتيبة برك هههه

ضرك نقولكم واش يجي في بالي نهدر على تجربتي ممكن تضحكو عليا بصح انا نيتي وحدة ان غيري يستفيد

1-كي نخدم الخضرة دايما نفرش جرنان او ساشي مباشرة يبقى البوتاجي نظيف

2-القمامة اول باول تخرج لانها لو تبقى تقدر تريح , انا ندير ساشيات صغار واللي تتعمر نربطها ونخرجها للبالكون وين مدايرة بوبال بالغطاء نغسلها اسبوعيا

3-لماعن ميش لازم يباتو عن تجربة لقيتهم الصباح قارصين من هاذيك لاشتا نموت لماعن مايباتوش
واذا حصلت نغسل الكوكوطة والمقالي ونطبع الطباسى لبنتي تلعب بيهم هههه

4-تشليقة البوتاجي ننشرها لاني كي نخليها مطروحة تريح

5-الحوض عن تجربة نذرذر عليه بيكاربونات ونحك ببرج قارص ونشلل بالماء سخون امسحيه وشوفي وجهك فيه ههههههه

هذا واش تفكرت اتفضلو باللي عندكم

مازالي لفريجيدار ولكويزينيار مانعرف واكتا??????

دمتم:re_gards:

سبحان الله طاطا انا ثاني نفس الشي سورتو واش راكي اديري اندير تقول رفدتها عليك ههههههه

 

[ندى الأيام]

ربي يرزقك اختي مها الذرية الصالحة و الله لا يحرمك حنان امومتهم يا ربي

 

[ندى الأيام]

درك نروح نكمل نطيب لعشا و نحكيلكم يومياتي

 

[oumniati]

السلام عليكم ورحمة الله وبركاته
الله الله ماشاء الله عليكم فرحتوني بناتي وخواتاتي :sheer::sheer:
نحط تصاور لام نيفين ولعشية نقعد نجاوبكم ربي يبارك فيكم

 

[ألاء الرحمـــن]

ربي يرزقك اختي مها الذرية الصالحة و الله لا يحرمك حنان امومتهم يا ربي

اللهم أمين ويرزق كل محتاج مرسي حنونة ربي يخليك ويكملك الي في بالك

وربي ما يحرم حتى وحدة لحظة الأمومة



​

 

[روز]

يعطيك الصحة امنياتي راكي مزهية الحالة هنا
يعطيكم الصحة يالبنات
عجبتني فكرة التصوير الله يبارك عليكم
متابعة واذا لقيت وقت نشارك بالصور طبعا