يوميات بنات اللمة للنظافة

[oumniati]

رني وليت ليكم اسمحولي طولت شوية

اختك تنوض مع الفجر تصلي وما تعدش ترقد
نقعد نوجد اللولاد break fastونوضهم يغسلوا وياكلوا امن بعد نوجد لهم الفطور لي يدوه معهم للمسيد يلبسوا حوايجهم ونوصلهم للمسيد ونولي للدار ندير فيها شوية رياضة للياقة البدنيةنطيب قهوتي نشرب امن بعد نوض للشغل وهنا كيما تعرفي كلشي مشينة المواعن الحوايج وننفض الغبرة ونمسح نرفد صاكي ونروح نقضي انجوز على الدراري نجيبهم من المسيد ونرجع للدار نطيب عشايا ونقعد انقري الداري وانحفضهم ويخلاص انهاري هكدا اوغوة منهداك كيفكيف وهي رايحة

هدي البلاد سامطة ماكن مع من تقصري ماوالو قتلنا اديقوتاج​

اهلا برانسيس نورتينا
راكي الله يبارك منظمة انا كل نهار كيفاه
عجبتني هاذيك تاع سبور انا ماعنديش القلب قوليلي درت محاجب نعاندك قوليلي غسلت كويزينيار نعاندك قوليلي درت سبور نرقد ونخليك هههههه:showoff:

يعطيك الصحة على النصيحة تاع لصابون
عاودي ولي منها تفيدينا ومنها تقصري
شحال عندك لولاد :shay:

 

[oumniati]

اهلا ابتسام واش راكي
يحسن عونك مع لقراية انا مجربة نهار نخرج كلشي يتخلط النهار مايكفيكش
يعطيك الصحة راكي تبكري ربي يعاونك ان شاء الله
حبيت نسقسيك كي شفت بناتك الله يبارك عويتقات راهم يعاونوك في الشغل?
انا بنتي عمرها 9 وراني معاها بصح ماتحبش
ضرك خليتها تفرز شمبرتها وتغسل لماعن تاع لعشا بصح غير بالعياط
اذا مافيهاش تطفل كيفاش مع بناتك

 

[ibtesem]

اهلا ابتسام واش راكي
يحسن عونك مع لقراية انا مجربة نهار نخرج كلشي يتخلط النهار مايكفيكش
يعطيك الصحة راكي تبكري ربي يعاونك ان شاء الله
حبيت نسقسيك كي شفت بناتك الله يبارك عويتقات راهم يعاونوك في الشغل?
انا بنتي عمرها 9 وراني معاها بصح ماتحبش
ضرك خليتها تفرز شمبرتها وتغسل لماعن تاع لعشا بصح غير بالعياط
اذا مافيهاش تطفل كيفاش مع بناتك

هههههههههههههههه
الحال من بعضاء مي يخدمو في الاخير خدمة تاع السلحفات :scared:
الماعن تاع 2 دقايق يتغسلو في 2 سوايع
كل شئ المهم مانياسش معاهم ان شاء الله تحكم لهم نهار كامل ههههههههههه
تعرفي امنياتي في رمضان الحق لقيتهم اعمرو البوراك يغسلو الماعن الفطور اطيبولي التاي ههه
نحو عليا حاجة يطو الحوايج انضفو غرفتهم
الحمد لله على كل حال :sheer:

 

[═♥.ЈŪšť_ màn.♥═]

...
انا نقولكــ علاشــ ما تلقايشــ الوقتــ
بيسكــ تقعدي مع الميكرو بزاااااااااااااف
ههههههههه
نقسر بركــ
تحياتي ليكــ
و فكرة مليحة و ان شاء تفيدو و تستفادو ان شااااااااء الله
دمتمـ بخير
:shay:​

 

[oumniati]

شفتي ابتسام واقيلا فيروس هههههه
ربي يقدرنا نخرجوهم نسا

لبنات حبيت نسقسيكم كيفاه تغسلو ميكرواوند قصدي كاش طريقة خاصة

 

[ibtesem]

والله انا يا امنيتي نحيه من الكهرباء ونظفو بالمواد التنضيف ونمشح بالمنشفة ونخليه ربع ساعة ونلصقو تاني

 

[oumniati]

حتى انا ابتسام بصح مانعرف شكون هدر على القارس ماشفيتش وين قريتها

 

[oumsif]

صباح الخير امنيتي لتنظيف المكرويف تحط شوية ماء مع رندلا او 2انتاع القارص في صحن غامق و تشعل اعليه المكرويف 1د او 2دقائق و من بعد نحي لبريز ومسح بالمنشفة

 

[nour.kami]

بارك الله فيك

 

[oumniati]

صباح الخير امنيتي لتنظيف المكرويف تحط شوية ماء مع رندلا او 2انتاع القارص في صحن غامق و تشعل اعليه المكرويف 1د او 2دقائق و من بعد نحي لبريز ومسح بالمنشفة

عالسلامة سمورة واش راكي
يعطيك الصحة على النصيحة جيتي في الوقت

راني مع الميناج هذيك الكوزينة ماقدرتلهاش موسخة بزاف ماليها عمرهم ماصبغوها واللي كانو قبلي عمرهم ماغسلوها وانا حصلت
حللت راجلي يصبغها قالي نصبغهالو ويزيدلي لكراء وبالاك نرحل
نغسلها والله غاضتني روحي كل مرة نحك لوسخ تاع الناس حاشاكم
راني نفرز في لبلاكارات ونشوف مبعد

 

[oumniati]

بارك الله فيك

وفيك بركة عزيزتي

 

[ibtesem]

عالسلامة سمورة واش راكي
يعطيك الصحة على النصيحة جيتي في الوقت

راني مع الميناج هذيك الكوزينة ماقدرتلهاش موسخة بزاف ماليها عمرهم ماصبغوها واللي كانو قبلي عمرهم ماغسلوها وانا حصلت
حللت راجلي يصبغها قالي نصبغهالو ويزيدلي لكراء وبالاك نرحل
نغسلها والله غاضتني روحي كل مرة نحك لوسخ تاع الناس حاشاكم
راني نفرز في لبلاكارات ونشوف مبعد

تعرفي امنيتي انا نقرى ونضحك والله نفس الشئ عندي
كي نقل الى زوجي اقولي اوكي نقلو بصح ممكن ازيدنا في الكراء ههههههههههه:scared:
على كل حال وقيلى نرحلو
انا على هدا الموال 6 سنين ماصبغت مارحلت

 

[♥SaMoù Là MoDèsTe♥]

أهلآ أمنيتي
عجبني موضوعك بزآف وخآصة بعدمآ تصفحتو كآمل
وقريت يوميآت السيدآت العضوآت اللي تشجع على الشطآرة
يعطيكم الصحة
والله يعينكم
لأنو تربية الأولآد شوية تعطل الوآحد على أشغآلو
بمآ أني رآني libre °سيليبآتآر° وفي حيآة أمي العزيزة ربي يخليهآ
رآني انوض على 8 لأنو خآوتي كي يكونو رآيحين للقرآية يديرو حس كبير
(الميت ينوض)
صح أنآ كـ بنت نبغي نرقد وكلشي مي
البنت الفحلة وحرة الحرآير لآزم تنوض بكري وتقضي شغلهآ بكري

في الحقيقة شغلي تآع دآرنآ متغير
مآشي كل يوم كيف كيف
فمثلآ اليوم نضت على 8 شربت قهوتي ورفدت فرآشي وجيت ل (اللمة)
قرآبة ال 9 بديت التخمآل
بديت بغرفة خآوتي الأنهآ كبيرة ، رفدت فرآشهم نفضت الغبآر تآع لآكوموند
رفدت كلش منهآ وخليتهآ فآرغة سيقتهآ مليح
ومبعد رحت للصآلون سيقتو
وسيقت الكولوآغ
أمآ الشومبرآ تآعي وتآع أمي نشفتهم بالنشآفة بركـ
لأنو مآ نقدرش نسيق كل الغرف في يوم
الدآر كبيرة نوعآ مآ
بمآ أنو أنآ لهيت مع التسيآق
أمي هي اللي دآرت الفطور ولهآت مع الكوزيينة
كملت شغلي 11.30
فطرت وريحت و جيت للمة
بقيت قآعدة هنآ وكي أذن الظهر صليت
و رحت حضرت عجينة الكعك
ورآني مخليتهآ تختمر
وبعد سآعة ونصف نروح نطيبهآ بآش يشربو بيهآ القهوة في المسآء
​

 

[oumniati]

تعرفي امنيتي انا نقرى ونضحك والله نفس الشئ عندي
كي نقل الى زوجي اقولي اوكي نقلو بصح ممكن ازيدنا في الكراء ههههههههههه:scared:
على كل حال وقيلى نرحلو
انا على هدا الموال 6 سنين ماصبغت مارحلت

هههههههه اذا رايحة 6 سنين امالا نشمر على ذريعاتي:showoff: وخلاص
ربي يفرج علينا ونقومو بديارنا خير وخير:sheer:

 

[oumniati]

اهلا اهلا بيك اختي تسنيمنات ومرحبا بيك الموضوع موضوعك والحمد لله كي عجبك
يعطيك الصحة راكي قايمة بيها واقيلا غير انت طفلة ربي يعاونك ويرزقك مكتوب تخدمي في دار راجلك ان شاء الله

في الواقع يابنات انا كي شفت الاقبال عليه قليل خممت مانزيدش نكتب لاني من الاول قلت بللي اللي تدخل تمد حاجة باه يستمر ممكن بالنسبة ليك تكون حاجة نورمال بصح تقدر تفيد وحدة اخرى
الفكرة ايضا هي الكوراج ولمعاندة ممكن حاجة نغفل عليها او نتكاسل عليها كي نشوف وحدة دارتها ندير القلب
ان شاء الله نشوف تفاعل اكثر:shay:

 

[oumniati]

السلام عليكم ورحمة الله وبركاته
اليوم نحكي على الكوزينة واللي عندها فكرة او تصحيح اهلا وسهلا
بما اني ماغسلتش الكوزينة رجعتها للبلاكارات مسحتهم وفرزتهم سقمت لماعن الطباسة جهة والكيسان جهة والطناجر ولكسارن كامل من تحت
درت جهة تاع التوابل هي الاقرب للكويزينيار باه كي نطيب تكون قدامي
كنت محتفظة ببلارات فرغت فيهم الحبوب الجافة عدس حمص لوبيا حتى الروز و الطعام وهكذا يسهل تنظيمهم وما يسيحوش
وبهذي الطريقة كي تخلاص الحاجة نفيق من قبل ماشي اخر لحظة
غسلت ثاني السلة تاع لماعن وخبيتها تحت البوطاجي موالفة نخليها معليش فارغة بصح كي خبيتها جات الحالة مفروزة خير

راني درت تصاور بصح يشدلي الوقت باش نطلعهم اليوم هات نكمل كتيبة برك هههه

ضرك نقولكم واش يجي في بالي نهدر على تجربتي ممكن تضحكو عليا بصح انا نيتي وحدة ان غيري يستفيد

1-كي نخدم الخضرة دايما نفرش جرنان او ساشي مباشرة يبقى البوتاجي نظيف

2-القمامة اول باول تخرج لانها لو تبقى تقدر تريح , انا ندير ساشيات صغار واللي تتعمر نربطها ونخرجها للبالكون وين مدايرة بوبال بالغطاء نغسلها اسبوعيا

3-لماعن ميش لازم يباتو عن تجربة لقيتهم الصباح قارصين من هاذيك لاشتا نموت لماعن مايباتوش
واذا حصلت نغسل الكوكوطة والمقالي ونطبع الطباسى لبنتي تلعب بيهم هههه

4-تشليقة البوتاجي ننشرها لاني كي نخليها مطروحة تريح

5-الحوض عن تجربة نذرذر عليه بيكاربونات ونحك ببرج قارص ونشلل بالماء سخون امسحيه وشوفي وجهك فيه ههههههه

هذا واش تفكرت اتفضلو باللي عندكم

مازالي لفريجيدار ولكويزينيار مانعرف واكتا??????

دمتم:re_gards:

 

[om mima]

السلام عليكم يابنات او بالاحرئ نساء اللمة
شكرا علئ الموضوع الجميل اختي الفاضلة ..
والله كما قلت اهم شيئ هو نظافة و بماانه عمل روتيني و يومي .ساعات من تكرار نحس نفسي الة .:surrender:..robot
والله العظيم ...انا اليوم كملت غسيل الكوزينة و كامل اكسسوارتها ...يعني مقسمة العمل علئ عدة ايام يعني نبدا من الداخل الئ الخارج .....يعني داخل البلاكارات يوم و الفرن الصباح و الثلاجة المساء في اليوم الذي بعده ..اليوم الثالث الجدران .معهم المكرواوند .. وهكذا انا نغسلها كل شهرين مرة ...يعني حفظتها مدة خمس سنوات سبحان الله....حتئ الاماكن التي تتركز فيها الاوساخ حفظتها قبل ماانسئ انحاول ايام الميناج خاصة المطبخ انحضر الاكل من قبل ...او نشريه يكون اخف عليك
غدا انشاء الله انكمل باقي الغرف .....
وتسبحون علي الف خير سلام

 

[أم نيفين]

السلام عليكم و رحمة الله
ألف شكر على النصائح القيمة
بارك الله فيكم وربي يكون معاكم....الشغل تاع الدار مايخلاصش و قد ما تجبدي و تخدمي تلقاي الخدمة مازالت...
حبيبتي أنا نخدم كيفك ...بصح لافابو تاعي المنيوم نديرلو برودوي خاص بيه يخليه يبرق... و البوطاجي الكبير تاع الرخام لازم كل يوم بعد العشا نفرغ فيه الجافيل و نمسح بشيفونة
و بعد غسيل لمواعن نمسح ليزيليمو و الماشينة تاع لغسيل و الفريجيدار من برا على خاطر بني ماكانش بلاصة مايمسهاش سيرتو كي يكون ياكل

 

[أم نيفين]

حبيبتي ممكن تبعثيلي عنوانك فالسكايب ولا msn؟؟؟

 

[♥SaMoù Là MoDèsTe♥]

اهلا اهلا بيك اختي تسنيمنات ومرحبا بيك الموضوع موضوعك والحمد لله كي عجبك

الله يسلمكـ مآدآم
​

يعطيك الصحة راكي قايمة بيها واقيلا غير انت طفلة ربي يعاونك ويرزقك مكتوب تخدمي في دار راجلك ان شاء الله

إيهـ غير انآ وكآين اختي صغيرة ( primaire ) مآ نقدرش نتكل عليهآ ، مي رآني نعلم فيهآ الشغل بالشوية
​

في الواقع يابنات انا كي شفت الاقبال عليه قليل خممت مانزيدش نكتب لاني من الاول قلت بللي اللي تدخل تمد حاجة باه يستمر ممكن بالنسبة ليك تكون حاجة نورمال بصح تقدر تفيد وحدة اخرى
الفكرة ايضا هي الكوراج ولمعاندة ممكن حاجة نغفل عليها او نتكاسل عليها كي نشوف وحدة دارتها ندير القلب

عندكـ الصح ، فمثلآ أنآ استفدت كثيرآ
درت الكورآج بعدمآ قريت هذآ الموضوع
​

ان شاء الله نشوف تفاعل اكثر:shay:

إن شــآء الله

​