حتى نتوما تامنو بالعصى ؟؟؟

[ماكانش]

السلام عليكم ورحمة الله وبركاته
واش راكم خاوتي لاباس بخير الحمد لله
أيا مازال مارجعتوش يا جماعة الجاميعة، باش تخليونا اللمة لجماعة الشوماج الفارغين شغل هههههه
أيا السمانة ليفاتت بلعشية سمعت خويا لكبير يقول لخويا وكتاه نروحو ؟؟؟ وهيا نروحو ، وو
أيا سقسيتهم قالك رانا رايحين لهذاك ألي يعفس _o: ؟؟؟
هذا عندنا واحد يداوي بالعفيس زعما تضرك رجلك ولا وجهك يعفس عليك 3 مرات ترتاح ؟؟؟
وخاوتي هذو واحد زعما تضرو شوي رجلو، واحد موسوس من العين
هههه
أيا قالك هذا كيفاش يدير، عندو عصى تاع زيتون ويفوتهالك على الكور تاعك ووين تبدا يدو تترعد لثم راك مريض، وزعما يعفس عليكن ويقلك أرجعلي 3 مرات باش يعاود يعفسك
أنا حرت في التمسخير هذا ومانامنش بيه خلاص
قالك عطاهالو ربي ؟؟؟ كيفاش عطاهالو ربي هذا، تبالي حاجة نفسية وخرطي وكذب هذا ماكان
وكاين واحد قالك يداوي الناس بالدفال (البصاق) أكرمكم الله ...
وواحد يداويهم زعما بالعضان تروحلو يعضك ينحيلك اللحم بسنيه هههه
قالك كي كبار شوي ومرض ولات بنتو هيا ألي تعض في بلاصتو ؟؟؟ قالك هوا معطيتلو وهوا عطاها لبنتو ؟؟؟ _o:
واشي هذ التمسخير ويتمسخرو بالغاشي ، الناس جاهلة ومازالو يامنو بالغول ويصدقو التمسخير هذا ومعطيتلو ومانعرف واش ...
مرة يحكيلي واحد قالي رحت أنا وصاحبي عن واحد باش يعفسنا ولا واش يديرن أيا قالي دخلنا ولقينا 3 قبلنا قعدنا معاهمن وهذ الطبيب :shiny: مازال ماجاش
أيا قالي كي دخل علينا جاب بسينة معمرة بالماء وسيحو علينا قالنا راكم مسكونين كامل وبدا يقرا ويضرب فيهم ؟؟؟ هههه
والمشكل وين كي يجيو ويقلك راهو عفس فلان ورتاح ؟؟؟ ياو هذي حاجة نفسية برك ولا راهو شيطان ولا مانعرف
أيا قلت نحكي شوي على التمسخير هذا ونشوف ناس اللمة ورايهم في هذ لحكاية ...

الملاحظة:
فرد حاجة نقبل يعضوني ويعفسوني عليها ... الزواج :shiny:
زعما نسمع بواحد قالك راهو يعفس عليك عام تزوج نروحلو نجري هههههه
ههههه

نضحك برك :shiny: ..

​

 

[ماكانش]

شكرا لقبول الموضوع

 

[dahbito]

السلام عليكم ورحمة الله وبركاته​

واش راكم خاوتي لاباس بخير الحمد لله
وعليكم السلام
ياسيدي هادي الساعة رانا لاباس
أيا مازال مارجعتوش يا جماعة الجاميعة، باش تخليونا اللمة لجماعة الشوماج الفارغين شغل هههههه
والله مزال مارجعناش واللمة راهي لينا وليكم ولا كيفاه ههههه
أيا السمانة ليفاتت بلعشية سمعت خويا لكبير يقول لخويا وكتاه نروحو ؟؟؟ وهيا نروحو ، وو
أيا سقسيتهم قالك رانا رايحين لهذاك ألي يعفس _o: ؟؟؟
هادي اكدلي عليها :scared::scared:
هذا عندنا واحد يداوي بالعفيس زعما تضرك رجلك ولا وجهك يعفس عليك 3 مرات ترتاح ؟؟؟
والله غير جديدة هادي يعفس على وجهو هههههههه
وخاوتي هذو واحد زعما تضرو شوي رجلو، واحد موسوس من العين
هههه
من جهة العين عندو حق عبادنا ماخلاو حتى واحد يهز صحتو ربي يسترنا منهم
أيا قالك هذا كيفاش يدير، عندو عصى تاع زيتون ويفوتهالك على الكور تاعك ووين تبدا يدو تترعد لثم راك مريض
شوف ياسيدي الجاذبية ههههه بعود زيتون
، وزعما يعفس عليكن ويقلك أرجعلي 3 مرات باش يعاود يعفسك
باش يدي الدراهم ماشي بيه المريض
أنا حرت في التمسخير هذا ومانامنش بيه خلاص
حتى انا راني معاك تمسخير كبير هادا واللى تزيد تغم الناس تصيبهم يامنوا عادي ودراهمهم يروحوا غير في العفييييييس
قالك عطاهالو ربي ؟؟؟
هادي تاني منتشرة عندنا شيخ كبير ياسيدي يروحوا يقطعوا عندو زعما الى فيهم العين والى ماعندهاش الزهر والى متزوجتش وبزاف حوايج وربي كي عطاه حاجة هو يروح يستغلها يخي حالة يخي
كيفاش عطاهالو ربي هذا، تبالي حاجة نفسية وخرطي وكذب هذا ماكان
هادي راني معاك فيها 100/100 مساكين الجهل ومادار فيهم
وكاين واحد قالك يداوي الناس بالدفال (البصاق) أكرمكم الله ...
هادي والله غير اول مرة نسمع بيها هههههههههههههه
ويعطيهم قلبهم ويخلي واحد يب.....ق عليهم
وواحد يداويهم زعما بالعضان تروحلو يعضك ينحيلك اللحم بسنيه هههه
ههههههههههههههههههههههههه بدون تعليق
قالك كي كبار شوي ومرض ولات بنتو هيا ألي تعض في بلاصتو ؟؟؟ قالك هوا معطيتلو وهوا عطاها لبنتو ؟؟؟ _o:
بنتو تعض:scared::scared:
مالا هو ربي عطاهالو وبنتو ورثتها هههههههه
واشي هذ التمسخير ويتمسخرو بالغاشي ، الناس جاهلة ومازالو يامنو بالغول ويصدقو التمسخير هذا ومعطيتلو ومانعرف واش ...
الله غالب كيما قلت اخي سفيان ناس جاهلة بصح والله غير كاين ناس قارية وفاهمة ويامنوا بهادوا الحوايج
مرة يحكيلي واحد قالي رحت أنا وصاحبي عن واحد باش يعفسنا ولا واش يديرن أيا قالي دخلنا ولقينا 3 قبلنا قعدنا معاهمن وهذ الطبيب :shiny: مازال ماجاش
ياسيدي ويزيد يدير الروطار والناس تسنى فيه
أيا قالي كي دخل علينا جاب بسينة معمرة بالماء وسيحو علينا قالنا راكم مسكونين كامل وبدا يقرا ويضرب فيهم ؟؟؟ هههه
هادي بلا ميعرف كل واحد واش عندو ههههه
نقولك حاجة هادا حاب يليكيدي عليه الغاشي ولا يداوي ب GROUPE
والمشكل وين كي يجيو ويقلك راهو عفس فلان ورتاح ؟؟؟ ياو هذي حاجة نفسية برك ولا راهو شيطان ولا مانعرف
هي صح تصرا مرات بصح ماشي من هاداك الشي مي بلاك ربي طرحلو الشفاء هادا ماكان ماشي من العفيس
أيا قلت نحكي شوي على التمسخير هذا ونشوف ناس اللمة ورايهم في هذ لحكاية ...
Je suis contre
هاذو الحوايج
الملاحظة:
فرد حاجة نقبل يعضوني ويعفسوني عليها ... الزواج :shiny:
والله ياحكايتك مع الزواج ياسيدي ورينا الباب برك والباقي علينا نعاونوك ماتروحش يعفسوك برك :shiny:
زعما نسمع بواحد قالك راهو يعفس عليك عام تزوج نروحلو نجري هههههه
ههههه
ربي يبعدك عليهم ان شاء الله
نضحك برك :shiny: ..
اممممممممممممم زعما :like_1::like_1:
ودرك كملت التقرعيج
مرسي على السوجي الباهي خويا سفيان رانا نسناو الجديد
تحياتي:sheer:+تقييم​

 

[إيمان قلب]

السلام عليكم
أحم احم مازال مارحتش وقالك مازالت الدخلة على قلوبكم هنا ههه
أهلا سفيان وبمواضيعك ههههه راني حايرة فيك موضوع ماعندو حتى علاقة بالزواج تلصقولو هههه
بالصح موضوع هااايل عجبتني هذه تاع عرف الزيتون وتاع العض لخاطر جامي سمعتها هههه مليحة هذه
والله قالتلهم اسكتو يعضك تبرا اونبليس مدها لبنتو ؟؟؟؟؟ يخي جهل يخي
نعرف هذه تاع الدفال اكرمك الله كاين واحد الشيخ عندنا قالك معطيالو كي كنت صغيرة قالولي مرضتي
وقالولهم اديوها لهاذ الشيخ ههههههههه قبلت ماما قالها بابا اذا اديتيها اقعدي تما وابعثيلي الطفلة هههههه
يعني راكي على بلاصتك الحمد لله بابا مايأمنش بالخرايفات والا صرالي واش صرا ههههههه يالطيف الحمد لله
تاني عندنا يقولك اللي تكون جايبة التوأم تعفس على واحد بكراعها فالبلاصة اللي توجعو
وتاني عندنا واحد العجوز تضرب بالباطة تاع الملح ههههههههههههههههه ليسونسيال عفايس وخرايفات
الله يستر منهم
لمهم يعطيك الصحة سفيان على الموضوع تستاهل تقييم " الله غالب قالولي راكي قبيل عطيتيلو تقييم ههه "
وراه كاين عندنا يديرو التريسيتي على الزواج ارواح يزوجوك هههه
سلاام​

 

[ماكانش]

راني حكمت البلاصة برك
لي عودة للموضوع

مرحبا بيك في كل وقت
بلاصتك محكومة روحي هانية هههه

 

[nina bonoise]

jamais سمعت بيها هدي هههههههههه
راني حنتابع الموضوع كشما يردوا لي سمعوا بيها

 

[adel-mz]

سلام
اعطيني لادراس نتاعو يعيشك
عندي مسمار وجمرة راهم مرضى
بلاك يعفس عليهم يبراولي ههههههه
سبحان الله قالك
غير تقي يامر اناس بالتقى *** طبيب يداوي وهومريض
جابلي ربي هو مريض يحتاج يداويوه
الناس ولات كامل طبة يخي وقت لحقنا ليه
واحد سحار ولاخر دجال والناس الله غالب عليها
الله يهدينا
​

 

[ماكانش]

يعطيكم الصحة كامل
لي عودة نرد عليكم
راني سافرت اليوم وتعبت بزاف ياربي نرقد شوي هههه

 

[عالي الحمدي]

السلام عليكم ورحمة الله وبركاته

وعليكم السلام ورحمة الله​

أيا قالك هذا كيفاش يدير، عندو عصى تاع زيتون ويفوتهالك على الكور تاعك ووين تبدا يدو تترعد لثم راك مريض، وزعما يعفس عليك ويقلك أرجعلي 3 مرات باش يعاود يعفسك

ايه كاين منها .. الشعب الكل يمشي بالعصى والتعفاس ..وين تروح تلقى الدزان والعفيس .. معليهش كي نوصلو للطبيب لازم يدي حقو وحتى هو يعفس ..
مرة خويا لكبير وجعوا ظهروا بزاف .. راح عفسوه .. والنافع ربي.. الى ان دار العملية.​

.......................

قالك كي كبار شوي ومرض ولات بنتو هيا ألي تعض في بلاصتو ؟؟؟ قالك هوا معطيتلو وهوا عطاها لبنتو ؟؟؟ _o:

مليح هذي اعطاها لبنتو .. خويا سفيان غير روح مادام فيها عضان النسا سنيهم ما يوجعوش :shiny:
واذا عجباتك ادي .. وايلا عيطلي خوك راه متهم بحب التعاويد:shay:​

..................

أيا قالي كي دخل علينا جاب بسينة معمرة بالماء وسيحو علينا قالنا راكم مسكونين كامل وبدا يقرا ويضرب فيهم ؟؟؟ هههه

راه عندو الحق الرقية بالجملة (اونقروا والسلاك بالواحد ) الشعب اكل مسكون .. والسكنى ماكانش
يعني الجنون ما عندهمش مشكل وين يسكنوا..:scared:​

.....................
والمشكل وين كي يجيو ويقلك راهو عفس فلان ورتاح ؟؟؟ ياو هذي حاجة نفسية برك ولا راهو شيطان ولا مانعرف

بلاك ايكون صح وفي يديه وارجليها البراكه .. علاه ما اديروش النية في لهبال ؟؟؟:schmoll:
راني انقول بركا مانيش انقرر .. ولا اناكد ..حتى انشوف بعيني ونشوف هذيك اللي اتعض ؟؟i-o:

الملاحظة:
فرد حاجة نقبل يعضوني ويعفسوني عليها ... الزواج :shiny:

عندك الحق .. ربي يجبيلك الصالحة اللي ما تعضش ..i-o:​

........................

نضحك برك :shiny: ..

اضحك الله سنك .. وفرج امورك.
راه تخرج اعليك "واش راك تهدر " .. وما تخرجش اعليك خلاص النقاشات ...في ساعه يطلعلك القاز

نخليك براحه وعافيه .....​

​

شكرا لك الاخ سفيان .. ارحتنا من هموم النقاش الحاد والجاد والتعدد والخطوبة ومشاكل الفقه ..

والشد والمد وتوتر الاعصاب .......

اراحك الله ببنت الحلال ...باه يرتاحو منك جماعة اللمة ...:shiny: +++

 

[kadysom]

شكرا لك

 

[07 _H@yThm]

ههههههههههههههههههههههه
اهلا سفيان صافا خووووويا توحشتك واش راه لاجودوان شاف راه يقرا
ويكتب ولا مازال سال عليه
وبالنسبه لميضوووووعك نرجعلو نحكيلك ع عمنا رابح مولا لعصى
حتا حنا عدنا هاد لعفايس
تصبح ع خيرر
​

 

[براءة مسروقة]

يا i-o: هذى عجبتنى نهار الى يعولو خواتك يروحو يعفسهم نجى يعفسونى بلاك يولى عندى الزهر شوية ونولى نمشي ونعفس ههههههههههههههههههههههههههههههه

 

[Sẻl Mā]

يخي حالة يخي
وش هاذي العقلية
انا منعرفش هادو
نعرف اللي يشلط
الصغير لي يكون مريض
ينوضو يخرفو لعجايز
وتقلك اذاك مدايرلنو سحور ( يخي حالة يخي )
بموس صغير تفتحلو فتحة صغيرة في جبهتو (احححح)
كي يسحلو الدم تقلك هذاك الدم الفاسد
ههههههه
والله غير حالة فيهم
ههههه انا مرا مرضت مرضة وش نقلكم
قالولي نانا نديك ليه يشلطلك قلتلها نموت ومنروحش ليه
شكرا على الموضوع

 

[randa serine]

شكرا لك اخي للموضوع القيم اما فيما يخص الكلام التي قلته انا شخصيا نامن بيه نقلك وعلاش ختاش شفت نتيجتو بعيني متلا عندي اخي مرات تجيه واحد الحبة او ما نعرفش كيفاش نسميها و عندنا فب العائلة امراة عمو للبابا تبصق حشاك صدقني خويا من هداك اليوم برا و ماما تاني تعفس ختاش عندها توام و لي عفستهم خرجت عليهم براو.
و عندي جداتي خلاتهلا يماها تقطع الشقيقة لي قطعتلهم كامل راهم لاباس عليهم
صح كاين لي يحبو يستغلو هدي الحاجة باش يجمعو المال و الله اعلم.

 

[missa_1]

ههههههههههههه والله يا انت والعصا تاع الزتون
متتقلقش مكانش رانا قريب نروحو ونخلولك اللمة
هذي العفسة جامي سمعت بيها نسمع بهذيك الي يكتبولهم في وراقي ويقلولهم خليطيهم بالزيت وو صوالح وخدوخرين وشربوهم خخخخخخخخخ والخرطي ههههههه
هذا الراجل سير كي يكون زعفان راه يبرد جنو فالهراوة يا خي ياخي والله تحير
امممم وشا نقلك ربي يحققلك حلمك لكبير هههههههه الزواج
وربي يهدي الجميع
سلام
​

 

[ماكانش]

السلام عليكم​

أحم احم مازال مارحتش وقالك مازالت الدخلة على قلوبكم هنا ههه
أهلا سفيان وبمواضيعك ههههه راني حايرة فيك موضوع ماعندو حتى علاقة بالزواج تلصقولو هههه
بالصح موضوع هااايل عجبتني هذه تاع عرف الزيتون وتاع العض لخاطر جامي سمعتها هههه مليحة هذه
والله قالتلهم اسكتو يعضك تبرا اونبليس مدها لبنتو ؟؟؟؟؟ يخي جهل يخي
نعرف هذه تاع الدفال اكرمك الله كاين واحد الشيخ عندنا قالك معطيالو كي كنت صغيرة قالولي مرضتي
وقالولهم اديوها لهاذ الشيخ ههههههههه قبلت ماما قالها بابا اذا اديتيها اقعدي تما وابعثيلي الطفلة هههههه
يعني راكي على بلاصتك الحمد لله بابا مايأمنش بالخرايفات والا صرالي واش صرا ههههههه يالطيف الحمد لله
تاني عندنا يقولك اللي تكون جايبة التوأم تعفس على واحد بكراعها فالبلاصة اللي توجعو
وتاني عندنا واحد العجوز تضرب بالباطة تاع الملح ههههههههههههههههه ليسونسيال عفايس وخرايفات
الله يستر منهم
لمهم يعطيك الصحة سفيان على الموضوع تستاهل تقييم " الله غالب قالولي راكي قبيل عطيتيلو تقييم ههه "
وراه كاين عندنا يديرو التريسيتي على الزواج ارواح يزوجوك هههه​

سلاام

أهلا بيك ايمان
هه
مرحبا بيك راكي في دارك
شفتي كيفاش، والناس تصدق التمسخير هذا
الله غالب الجهل، وزيدي الواحد كي يمرض الناس تبدا ادبر عليه
راهو فلان يعفس فلان يرقي فلان يكتب ووو حتى يلقى روحو يتبع فيهم ...
ياه الدفال سترك ربي باباك يعرف تالي وجهك ذرك راهو مقشر هههههه
ولباطة تاع الملح ألي وحدها ههههههه ماتقوليليش برك عليها لاشان هههههه​

 

[hind*alg-]

سلام
سفيان ان شاء لله تكون بخير:shay:
هدي شعوذةi-o:
وكاين ناس تحيرفيهم يقولك روحت عندهم وبريت :scared:
انا شكيت يكونوموسوسين بلي اهم مراض وكي يروحو عندو يروحلهم توسويس سفيك هما يمرضو روحم وهوما يبرو روحم:shiny: ههههههههه
مي ولله هباااااااااال:schmoll:
شكرااااااااااا:re_gards:

 

[ْ ~ دمعة سجدة ~ ْ]

شكرا لك اخي للموضوع القيم اما فيما يخص الكلام التي قلته انا شخصيا نامن بيه نقلك وعلاش ختاش شفت نتيجتو بعيني متلا عندي اخي مرات تجيه واحد الحبة او ما نعرفش كيفاش نسميها و عندنا فب العائلة امراة عمو للبابا تبصق حشاك صدقني خويا من هداك اليوم برا و ماما تاني تعفس ختاش عندها توام و لي عفستهم خرجت عليهم براو.
و عندي جداتي خلاتهلا يماها تقطع الشقيقة لي قطعتلهم كامل راهم لاباس عليهم
صح كاين لي يحبو يستغلو هدي الحاجة باش يجمعو المال و الله اعلم.

:scared::scared::scared::scared::scared::scared::scared::scared:
سبحاااااان الله الخالق
انا عمري لا سمعت بهاذ الشيء الي راه تحكو عليه أصلا
وين راني عايشة :sadwalk: يا ناس
​

 

[homework]

يعطيك الصحة على الموضوع
هذي العقلية كانت زمان كي كان التخلف و الاستعمار كان الطبيب و الدراهم مكانش كانوا الناس مساكن يأمنوا و خلاص هات برك يتناحى عليهم مي الناس دورك طورت و الدنيا تبدلت و حقيقة هذا لي يعفس و يعض و وو سمعت بيهم كي مرضت ماما برجلها ديتها لطبيب تلقينا ثما النسا و بداوي هذا الحالة مينفعش فيها الطبيب روحي للعفاس و وووو والله وجعولي راسي مساكن قتلهم هيه و خلاص محبيتش نحشمهم كبار وهذيك هي ثقافتهم مساكن

 

[غفرانك ربي]

وكاين واحد قالك يداوي الناس بالدفال (البصاق) أكرمكم الله ...

وييييييييييييي هذي كاينه هنا..مي هذاك السيد مات الله يرحمو..
سفيان رايحة نولي كاش مرة عجبني السوجي بزاااااااف كي العادة..
بصع التوقيع حاجة هباااااال