ديــــــوان آفلآطون الشعر : ســــعد علوش

[Moha le sage]

اليا بكى رجل ...........

اليا بكى رجل ...........





اليا بكى رجل ؟ .. يبكي حوله العالم
ليت الأماني .. بشر .. وأقضي حوايجها..

أأخر جروح السنه واولها ياسالم
..هي هي .. ياسالم ومنتجها ... منتجها

الواقع الشرس بكا الشاعر الحالم ..
..ونفخ على شمعته وأغتال ... واهجها ...

الناس ؟ والحب؟ بيقفونبي .. مالم ..
.. ينقذني اللي لياضاقت يفرجها ..

تصدق احيان ؟ احس اني انا الظالم
. أحد نفسي على العسرات وأحرجها..

أحسب نوض الغلا ترحيب ومسالم ؟..
. شيــــن الجماله؟ ليا خابت نتايجها ..

تدري؟ متى الجرح.؟ يبطي وقعة ويالم ؟؟..
لأجاك من ناس ؟ أنت الي تعالجها ..

ماينفع انك تكون سنافي ومسالم ..
.. ماينفع العالم الآ من يحاججها..

على كبار المصايب قلبي معالم
.. الآخيره ؟؟ هذي .. عجزت ادرجها

حبيبتي روحت يادمعي الوالم ..
. وياليت من يقضي ل نفسي حوايجها

وياليت ... مابه فوارق بين هالعالم
.. وأن اللي اتحبها ؟.. فـ الآخر ؟ .. تزوجها

​

 

[Moha le sage]

يمرني العارض الهتان ...

يمرني العارض الهتان ...



http://www.youtube.com/watch?v=obCFYRY8tDs



يـــالله يـــارب يـــارحمـــن
ياعـــالم..ن..ســدي وغيـــبه

بيديـــك تدويـــرة الازمـــان
ومطــلاعة العمــر ومغيـــبه

حتــى اللي ما حــل ولا حــان
تعـــرف وشهـــو وتدريـــبه

يــاذروة الجـــاه والسلطـــان
والعفـــو والمـــلك والهيـــبه

ملــوك الانــس وملــوك الجــان
تشفـــق لمــدك وتشفيـــبه

سبحــان سبحــانك وسبحـــان
عظمــك واســرار اساليـــبه

تـــذل أمــه من الطغيـــان
وتقــدر المسلــم الشيـــبه

عليــك تبيـــحة الكتمـــان
لأنهــا على غيـــرك معيـــبه

الارض جـــردا وأنــاا بـــردان
والسبـــع حـــدد مخاليـــبه

وما ابشـع من فراسـة الجوعـان
وتسحـــبه مــن عراقيـــبه

إلا مراضـــاك للزعـــلان
وحظـــور يشـــابه الغيـــبه

البـــارحه كــان يــامــا كــان
ضيـــوف عـــز ومعازيـــبه

شتـــان لاكننـــا سيـــان
بالفعـــل والذكـــر والطيبـــه

أقلنـــا شـــان لا جا شـــان
يصــرف على قــوم من جيـــبه

والآن والآن ليــــــت الآن
ماجـــا ولا جـــا بتعذيـــبه

تقـــول ماكـــن حنـــا أخـــوان
كلـــن عنـــاده مقفـــي بـــه

بعــض الأمــاني طــوال عنـــان
تجمـــع الأمـــل... بالخيـــبه

ياليـــت مانيـــب ولــد فـــلان
اللــي ربــوعـــه تماريـــبه

ياليتنـــي حـــارس فبستـــان
ومسلـــم بلا شكـــه وريـــبه

إن عــاش؟ مايفعــل إلا إحســان
وإن مـــات محـــد..ن .. بداريـــبه

يـــالله يــا منـــزل القـــرآن
وفاتحتـــه السبـــع لمهيـــبه

سجلنـــي امــع النــدم ندمـــان
واصلـــح لعبـــدك عذاريـــبه

كتـــااب وان كــان لي عنــوان
شـــريف وأيـــامــه صعيـــبه

يمـــرني العــارض الهتـــان
وتـــرد العــرب من مشاريـــبه

واصــد منــه وانا عطشـــان
شيـــن الجمـــوح وقطـع صيـــبه

المرجلــه في بعض الاحيـــان
تــودي الرجـــل فمصيـــبه

ياجعلـــني طمـــحة الشفقـــان
لو تاكـــل اعظــامي الذيـــبه

لانــي مجــرب ولــي برهـــان
فــي كــل وادي أغنـــي به

الحاجــه اللــي ورى الرديـــان
ابشــع من المــوت في عيـــبه



​

 

[Moha le sage]

لا ترتجي من هالبشر تغليك ..............

لا ترتجي من هالبشر تغليك ...


http://www.youtube.com/watch?v=-wPe2BaT5ow


لاترتجي مـن هالبشـر تغليـك
وعن الشعور الصـدق لاتسـأل

اللي يحبك حب شـي لـه فيـكي
عنـي انـت لاتفـرح ولاتزعـل

النـاس للإيـجـار والتملـيـك
وشوف انت وش تملك وش تعمل

في عصر زيت الغـاز والتفكيـك
الناقصيـن التافهـيـن اكـمـل

والمبدعيـن الحالميـن عشيـك
ورودهــم بحباطـهـم تـذبـل

لاترتجـي حـقـك ولايرجـيـك
الصعب لامن مت صـار اسهـل

ياسيـد الاحـبـاط والتشكـيـك
موت انت بس وشوف وش يحصل

كل اللي سبك قبـل يمـدح فيـك
ويقـول كنـت المبـدع الافضـل

​

​

 

[Moha le sage]

الأسف بعد جرحك ... جرح ثاني

الأسف بعد جرحك ... جرح ثاني ...

http://www.youtube.com/watch?v=pfBEVKv2gXg&feature=related



الأسف من بعد جرحك جرح ثاني
وانا شـ اكفيك انت والا اكفي جروحك ؟!

ما اعرف شاللي على دربك رماني
بس اعرف اني اعاني من جموحك

انا مشكلتي احبك وبــ تفاني
وانت مشكلتك تردد في طموحك

كل يوم تسوق قلبي للمواني
ولا بديت ارحل تقول ارحل بروحك

عمري اكبر من رجاك ومن حناني
صعبه اعيش افرز غموضك عن وضوحك

لاتزين وانت من داخل اناني
داخلك لو تستره وجهك يبوحك

تبي وجهك مشرق احلام واماني
قبل وجهك فكر بتنظيف .. روحك
​

 

[الخيزران]

ديوان رائع
نقل منظم وبديع
لك جزيل الشكر اخي محمد
متعة القراءة لا توصف
​

 

[Moha le sage]

ديوان رائع
نقل منظم وبديع
لك جزيل الشكر اخي محمد
متعة القراءة لا توصف
​

وتهب نسائم ردودك على المكان ......
حقا هي متعة ... أن تزدان المواضيع بحبر مشرفتنا الغاليهـ ..
لاحرمنا منك عضوة .. و قلما .. و انسانهـ ...
كل ودي لك ...
​

 

[Moha le sage]

ليت ربّي ما خلقني .... بأحاسيسي كبير ...

ليت ربّي ما خلقني .... بأحاسيسي كبير ...



http://www.youtube.com/watch?v=KiNXzq01ZwI



ما على الدّنيا حسافه .. ولا جرح وعوار

مهما كافحنا نبي نعيش .. بنموت افالاخير

بس قبل الموت .. والحزن .. وانواع الحصار

ودّي اتخلّص من جروح تأنيب الضّمير

( ماجد ) ..!! شلونك ؟ وش اخبارك ؟ أربّك ابخار ؟

وان سألت : أنا شلوني ؟ أنا ماني بخير

من ثلاث شهور وأنا أتعرّض لانصهار

أتكتّل جمر .... لين أتبعثر زمهرير

علّم ( أبو محمّد ) سلالة طوال العمار

علم مايدري بعلمه عمر ولا عمير

قل له إنّي بين فقد الأمل والانتظار

حالتي حاله .. ومتضايق .. ووضعي خطير

وقل له إنّي يوم جيته ترى مالي خيار

وما قتل ( زهير ) إلاّ ( بنو خالة زهير ) ..!

وقل له إنّي جيت متردّد وضايع قرار

وصغّرتني حاجتي .. والاّ أنا ماني صغير

وقل له إن بعده يعادل ثمانين انكسار

وقل له إنّه غير والله ... والشّيخان غير

وقل له إنّ الطّيّب اللّي سواتي ما يضار

وقل له إن الطّيب لاهو يضار ولا يضير

وقل له إن الليل لابد تاليته نهار

والشّهيق أكيد بيصير من عقبه زفير

وقل له إنّي مابي ألاّ رضاه وباختصار

وقل له ايركّز على قراية البيت الأخير

الكبير تجي جروحه من احبابه كبار

ليت ربّي ما خلقني بأحاسيسي كبير


​

 

[Moha le sage]

في الكبد ليعاآآآآآآت .............

في الكبد ليعاآآآآآآت .............


http://www.youtube.com/watch?v=gH0aTdnz82Y


في الكبد ليعاتها وفي النفس حاجات
حاجات ماهيب رغبات وشهـوات
ندم على حزن على مدري شسمه
اللـي يكلمـك وتكلمـه بسـكـات

ياودي اصرخ من اللي داخلي حيل
وياودي ماتنبس من الليعـه شفـات
مزحوم تفكير ومشـوش وبـردان
وياخوفي من الغضب والانفعـالات

تعـارك الشـر والخيـر فيـنـي
يأثـر علـى اتخـاذي للـقـرارت
ثاقب وألاحظ تفاصيـل التفاصيـل
كن البشر عري وعيونـي مرايـات
أفضال ربي علي واجـد وأفضـل

أفضال ربي علي الفقر وأنكارة الذات
يامجمل الفقـر وأشيـاءه وروحـه
تموت منه تعب وتعيشـه ازمـات
يعلمـك ضعفـك وبـأن عقـلـك

هو اللـي يميـزك عـن الحشـرات
وتعرف بأن هذا لـك وذا لغيـرك
ولاتفكّر ولاتكسّر حسابات
الفقر مفيد ..وأشياءه مفيده

مليء قناعه وقوه وغايات
يمكن لو إنك غني تطغا وتنسى
وأتطيش وتطوّف الخمس صلوات
لذلك الحمد لله والثنى له

على الفقر والمصايب والمسرات
يمكن أني فقير بس مانيب تبعّي
أجلس ولا أنقاد خلف الإتجاهات
وإن ما أعجبتني قناعات الزمن هذا

أنا.. أألف لتفكيري قناعات
شاعر ويسكن فـ مخي ألف شاعر
ماهم بشعّار هالوقت التروفات
اللي يقولون مافي الشعر نادر

وإن الشعراء نفس المستويات
لو أنهم واحد وبتفكير واحد
ماشفت ناقد ولا معجب وشمات
الله على هالكلام ومن يقوله

والله يقطع سياسة هالمجلات
يعني اللي شعره ملى الدنيا جماهير
مثل اللي يطلق قصيده سردة أبيات
لامن سمعت القصيده قلت هذي؟

سمعتها قبل هذي عشر مرات!!
يشل.. آخر كلام الشطر الأول
ويحطه بآخر الثاني .. وخذ هات
قاف متكرر.. ولافكره ولاشي

يبني القصيده.. على تفكير بنات
وبه نوع ساذج علشان أيتميّـز
يصرخ ويعمل بيدّينه حركات
والمرء عود مايجهل.. لذلك

هالشعراء يكرهوني -أنا- بالذات
الله يخليني لشعري وأصونه
وأحرق به كبود شعّار المسجات
أجذبّ به.. أذواق حكّام الجزيرة

وأزرعه.. فعقول فتيان وفتيات
اركبّه جن.. وامارسه بجنون
وأشبعه فلسفات وأبتكارات
وآعلم الجيل هذا وإللي بعده

جودة الإطاله.. وفن الإختصارات
و وشلون أحرث صخر فكري وأخلّي
بيني وبين أقرب منافس مسافات
الشعر في نظرة اغلبهم مصالح

فلوس وشيوخ وبنات ولقاءات
وفي نظرتي الشعر روحٍ و روح حرّه
ماتخضع لشف.. وأشخاص.. وقياسات
الشعرٌ ماتقشعرُ له الأبدانٌ

ومَا يسَرقُ من الكلمات.. الكلمَات
تقراه فـ عيون شاعره وتحسه
يفتح له فَجلد يدّينك مسامات
ردد قصيدي ياجمهوري وصفق

وعلمّهم إن الغلا ماهو خيارات
تعال نسرح سوّى في شي عندي
وأخاف لا أبكي؟ وتبكيني العبارات
حزين جداً ومتعومس وخايف

أحس كنّي على مهوّي نهايات
حبيبتي .. إللي أغليها وأبيها؟
راحت.. وقالت بجّي وللحين ماجات
ما أذكر أني.. مسوي شي لكن

الحب لا زاد.. يسبب حزازات
والصبر صبر القلوب البيض وأدري
يامصعب الصبر لا قدّ به محاتات
دمّرني الشوق وإستنرفني شعور

وتعبت أثبت وجودي داخل شتات
تمر كل الوجيه.. بدرب عيني
نفس الملامح؟.. ونفس الإبتسامات
حبيبتي طاغيه وبشكل طاغي

صديقة الليل واجناب البنايات
من وين ما أفتر لاهذا وجهها
على الطرقات وأضواء السيارات
يابرّي حالي عليها برّي حالي

عليها يابرّي حالي عشر بريات
لأني أحبها.. فعلاً وجداً
ماهي محبة.. رفث.. ولا إتصالات
أحس كني أبوها أو أخوها

أدرى عليها من العالم مدارات
وإللي سواتي.. يحب وخايف الله
يعرف.. معنى معاناة المعانات
الحزن في بعض الأحيّان إزدواجي

وجميل.. إذا صار من تجنيب غلطات
من خّلا حاجه لربي عاضه أخيّر
منها واحسن دبلات الدبلات
وانا مابي .. غيرها .. ولا ألتفت له

السيده .. لا رجعنا للسيادات
جعل أمها إتوافق إن جيت أخطبها
تكفون دعواتكم يـ أهل الدعوات

​

 

[Moha le sage]

اللوبي ............

اللوبي ............


http://www.youtube.com/watch?v=EbCI0epUclc&feature=related



الراس بيت شيوخ والحلم جاسوس

للنفس يقطع من تركها ثواني

خذني وطلعني ولو الهوى كوس

ابتنفس شي صافي وهاني

داخل تصادم فكر ومزاحم نفوس

على فتافيت الغوى والغواني

في هاللوبي كل شي ضايع ومعكوس

ما كن في هالكون رب واماني

اثاثه الغامق وتصفيفة الكوس

تدل على ذوق راقي وداني

شفهم وشف كيف الفشل يجعل

الروس اشيا كماليه مابين الاذاني

وشف كيف هذا ثمل ويعثر ويدوس

على مسمى جده الاولاني

وشف كيف هالشايب برغبته محبوس

تحت شعار ان آخر العمر فاني

احس عنده عيله وبنت عروس

تخجل من ابوها كثير وتعاني

وشف هالجمال اللي مدثر ومحيوس

مثل الكلام اللي بليا معاني

فتاه تعرض جسمها الغض بفلوس

ويبيعها في اليوم عشرين زاني

وشفت الثنين هناك تراهم جنوس

رجال بس رجال من نوع ثاني

ضحايا نفط وقل طاعه وناموس

والام كانت طيش والاب اناني

كل الزوايا طافحه قبح ونجوس

تسبح وفي الركن الاخير المواني

واحد يغني وعنده حثاله جلوس

كأن ما في هالحياة الا اغاني

ياوخز قلبي وخزة الجرح بالموس

ياعالم ما فيه حلم وتفاني

في هاللوبي ما فيه ريس ومريوس

الكل بايع نفس والكل جاني

والكل عنده عذر واهي ومدروس

لوقلت ليه انت كذا قال اعاني

انا اللي اعاني من القوس للقوس

هذا ماهوبـ جوي ولا هو مكاني

بركض وابي يركض معي الف فانوس

الى صباحات الغلا والتفاني

روح معي والواقع احيان كابوس

وانا ما احط اللوم على زماني

احمد ربي كل ما دق ناقوس

واعرف حدودي واستحي من كياني

واصمت ليا جا للحكي روس وعسوس

واضحك ولو وجهي من البكي حاني

لو كل شي محسوس بالفعل ملموس

طلعت آخر جرح بين المحاني


​

 

[Moha le sage]

باص البنات ................

باص البنات ................


http://www.youtube.com/watch?v=I5y3stVi2Go&feature=related



يـــاســــيــــدات وآنـــــســــــات وعـــانــــســــات
مـديــنــتــي مــــنـهـــي تــــبــــي تـحـتــلــهــا ..؟

تـسـابـقــوا ســـبـــق الــمــهــار الـصـافــنــات
الـــلـــي تــطــايـــر فـالــهــبــوب أقــذلــهـــا ..

يـغـريـكـم الـشـاعــر وتـنـســون الـصــفــات
وأكـثــر شـواعـيــر الـخـلـيـج ..سـفـلـهـا ..

مــــن لاعـشـقـنـي ذات يـفـقـدنـي ســمــات
عــــن كــثــرة احـبــابــي كـفــانــي قـلــهــا ..

تـــســـابــــقــــوا والأولات ؟ الـــــخـــــاســـــرات
مــاعـــاد أقـبـلـهــا شــلـــون أقــبـــل لــهـــا..

مــاعـــاد فـــــي قـلــبــي مـــكـــان لــذكــريــات
ومـــاعـــاد فـعـيــونــي دمـــــــوع أهــلــهـــا ..

أنــــا بـقـايــا رجــــل مـــــع كـــــوم احــزيـــات
تــتــلـــه حـــبــــال الــــحــــزن و يــتــلــهــا ..

اسـتـهـلـكـتـنــي ام الــعـــيـــون الــــذابـــــلات
الــلــي مـاتــعــرف دقــهـــا مـــــن جـلــهــا ..

أخـــرى ،، ولـكــن غـيــر كــــل الأخــريــات
تـعــطــش نـبــاتــات الـــــدروب لـطـلــهــا ..

الـيــا أقـبـلـت كـنـهـا تـخـطـا مـــن حـصــات
وان ادبـــرت كـــن الـسـحــاب أتـشـلـهـا ..

الــفـــاتـــنـــات الـــســــاحــــرات الــغـــانـــيـــات
عنـدي ماتسـوى خصلـة مـن خصلهـا ..

فالليل صبـح ولا اصبحـت عقـب المبـات
تـــوخـــر الــشــمــس وتـــجـــي مـحــلــهــا ..

يـاشـيــب عـيـنــي يـالـوصــوف الـخـافـيـات
بـقـولـهــا لـــــو قـومــهــا تــفــطــن لـــهـــا ..

أحـــبـــهــــا حــــــــــب الـــبــــنــــادم لــلـــحـــيـــاة
وتــســيء لــــي وأبــرهــا وأحــســن لــهـــا..

أنـــــــا غـــريــــب ومـجــريــاتــي مــجــريـــات
أبيـهـا ، ، وادعــي ربــي يسـهـل لـهــا ..

أحـــــب نـفــســي كـــــل مـاشــفــت الـطــغــاة
تــســـتـــخـــدم الـــعــــالــــم وتــســتــغــلــهــا ..

يالصبـر .. والأنـفـس شـحـاح ومكـرمـات
تــدلـــهـــا والا أنـــــــــا الــــلـــــي ادلــــهـــــا ..

خـــذنـــي مــــــن يــديــنــي بــــــلا مــقــدمــات
أنــا صـديـق أقـســى الـــدروب وخـلـهـا ..

أنـــــا جــهـــه بـلـحـالـهــا غـــيـــر الــجــهــات
تـكـسـرنـي الـدنـيــا وأنــــا اعـــــدل لــهـــا ..

أنـــــا اكــثـــر إنــســـان ايـخــلــق مـــبـــررات
يـــاكـــم عـــلاقـــه تــنــطـــوي ،،وأفــلــهـــا ..

حـلـيــت فـالإنـســان وااااجـــــد مـعــضــلات
الـلــئــم حــاجـــه مـــــا عــرفـــت أحــلــهــا ..

بــااصــادق الـحـيــوان وامــشـــي فـالـنـبــات
ولا بــــشــــر تــــنـــــذل لــــلـــــي يـــذلـــهـــا ..

الـنـاس فــي عـصـر الأســـف والإنـفــلات
مــاعـــاد بـــــه زلـــــه مــاهــيــب تــزلــهــا ..

مــاعــاد تــفــرق فـالـحـقــوق و فـالـهـبــات
تـعـمــل مـعـاهــا تـحـسـبـك تـعـمــل لــهــا ..

الــشـــارع الـمـلـيــان غـــــش و مـعـطــيــات
أن مـــــا تــســامــى بـالـقــلــوب يـعـلــهــا ..

ملـغـي الـرمـادي مـــن ظـــروف الكـائـنـات
ما عنـده الا اسـوأ لهـا .. وأفضـل لهـا..

يـالــثــائــر الـــلــــي مـنـجـيــاتــك مــهــلــكــات
مـابـه سـيـوف اصــلا" عـشــان تسـلـهـا..

مـــادام صـــار الـبـحـر قـسـمـه واعـطـيــات
أغـــــــرف بــــيــــدك مــايـــعـــادل بــلـــهـــا ..

مـابـه ثـبـات الا عـلـى انـقــاض الـشـتـات
والاحــــلام لـذتـهــا قــبــل تــوصـــل لــهـــا..

واجمـل مـن الاحسـاس مـن بعـد الـصـلاة
احـسـاسـك الــلــي قــــال قـبـلــه صـلـهــا ..

صـداقـتــك مــــع شــعـــورك .. عـــــز ذات
وخصـومـتـك مـــع الـحـثــال .. تـجـلـهـا ..

يامـنـقـض جـــروح الـخـفـوق الـمـرمـسـات
رااااااااااااحـت حياتـك ، ،قلهـا فــي قلـهـا

جعلك فدا اللي عاش ربح ،، ويوم مات
خــســارتـــه عـــلــــى الـقـبــيــلــه كــلـــهـــا ..

والا أنــت لــو تـركـب مــع بــاص الـبـنـات
مـــــــــــادورن عــبـــيـــهـــا و شـــيـــلـــهـــا ..

عـــن الــكــلام الـشـيــن يــازيــن الـسـكــات
نـــــاس مـاتــوصــل مـسـتــواهــا خــلــهــا ..

تــــعــــلـــــم ان الله خـــلـــقـــنــــا طــــبــــقـــــات
والـــنـــاس تــعــلـــو لاتــنــاقـــص غــلــهـــا..

فـالـيـا جـلـســت فمـجـلـسـك مــــع الــخــوات
خـــــل الـــرجـــال الـــلـــي يــظــلــل ظــلــهــا..

خــلــو سـوالـفـكـم عــــن آخــــر الأغـنـيــات
و هـــذا بـغــى هــــاذي و هــــذي مـلـهــا..

الــمــجــد لــــــو إنــــــه يـــجـــي بـالأمــنــيــات
ســـادوا عـلــى اعـــزاز الـرجــال أذلــهــا ..


​

 

[Moha le sage]

بري حــآليٍ ............

بري حــآليٍ ............








بري حالي لاأنتهي العصر واعلـن الانسحـاب
وخلـت الشـمـس الـصـدارة ومـالـت للـغـروب

وأذن المـغـرب وســاد السـمـا مـثـل الضـبـاب
وانتـهـى واللـيـل لـبـس الامـاكـن لـبـس ثــوب

وردة همومـي علـى قلـبـي الصـلـب الـخـراب
وردة حيـام الضـوامـي عـلـى عـبد-ن شــذوب

كـلـهــا هــانــت ولاهــنــت يــاهــم الـغــيــاب
مـن محبـة صاحـبـك صــرت يـاهـم محـبـوب

اخـذ ليلـك باولـه وأكـل وأشـرب فـي رحــاب
قـلـب مــن شـــدة طـهـارتـه تـجـفـاه الـذنــوب

ايـــه والـدنـيـا مـسـاكـن ورحـلــة واغـتــراب
والـغـلا فــي الـوقــت هـــذا مـمـيـز بالـعـيـوب

اشمل بجسمـي واعـدي علـى روس الهضـاب
وكـل ماضيعـت وجـهـي دريــت انــه جـنـوب

ويــش اســوي فـيـك يـاعـم تـلـعـات الـرقــاب
وانـت واقـع والتمـعـان فــي عيـونـك هــروب

أنت مجرم حب لاااا ويش جـاب لويـش جـاب
انـت عـذبٍ عــذّب رجيـلـي بـشـوك الــدروب

صرت أهاب من التزاحـم وانـا ماكنـت أهـاب
وامشي بكيفك لو انـي علـى المشـي مغصـوب

صـرت أجمـع مـن جروحـك وكلماتـك عتـاب
وقبـل اقـول شفيـك تجرحنـي أستغفـر واتــوب

صرت احسب لناس ماكنت أحسب لها حساب
وصرت أكذّب لجل ترضى وانا مانـى كـذوب

شـوف مهـمـا صــار بــي انحنـائـي انتـصـاب
الـعــب بـعـمـري وبـعـثـره بـيــدك يـالـلـعـوب

(أدري ان الـجـاذبـيــه تـســبــب الإنـســكــاب
وادري اني منسكب وادري ان يديـك كـوب) !

سلت فرضك وارتوت بي وفاضت بـي عـذاب
لـيـن حبـتـنـي قـلــوب وتـعــادت لـــي قـلــوب

فاعـرف ان زولـي غديـر وحكايـاهـم ســراب
والمقـاديـر الايـــادي وشـيــن الـحــظ طـــوب

يعـنـي الـيـا مــن رمـونـي حقيـريـن الـجـنـاب
صـار زولـي عشـرة ازوال وعيونـي قــروب

اتـعـدد لـجـل اداريــك عــن طـيــش الـشـبـاب
واتوحـد لـيـن يطـغـى عـلـى وجـهـي شـحـوب

مـانـي استـاهـل كــذا مـنـك يـاوبـل الـسـحـاب
لاتبلـلـنـي وانــــا ودي انــــك مــــا شــــروب

ايتـنـي وادخــل بقـلـبـي ياقـلـبـي بـــاب بـــاب
واخطر عروقـي برجليـك يااسمـر دوب دوب

جـــــل مـــــن عــروقـــي بـقـنـيـنـة تــــــراب
نـوب تضحـك مـن عذابـي وتبكـي منـه نــوب

لــو لـــي دعـــوة وحـيــدة وهـــي بتسـتـجـاب
قـلــت يـاربــي لـيــا مـــر خـالـفــه الـهـبــوب

زوي قلبـي كـل ماازويـت خصـرك بانسـيـاب
وقـف العـالـم يــرد البـحـر مــن كــل صــوب

يـاخـلاصـة شـهــد وعـــذوق مـالــذّ وطــــاب
يامغلـبـنـي وانـــا مـابـعـد صــــرت مـغـلــوب

يامسـفـرنـي لـوجـهـك ذهــــاب بــــلا إيــــاب
يـامــعــزز بـالــغــلا يـامــقــدر يـامـحـســوب

ايتـنـي واذهــب بــي بـعـيـد يـامــال الـذهــاب
وضمنـي بيديـك بجمـد علـى صــدرك واروب

أنـت .. لـو ضميـت تمـثـال مــن ضمـتـك ذاب
كيييف لـو ضميـت صـدرٍ علـى ذكـرك يـذوب



​

 

[Moha le sage]

زجاآآجة عطــــــــر

زجـ ـآجة عطــــــــر ....


http://www.youtube.com/watch?v=ItpeLDOX_rk

الناس مع الناس .. قضّاية وطر
والكل قيمة ما يجيه من إحتياج


وأول سطر .. ما هو مثل آخر سطر
الأول أبدأ .. لكن الآخر نتاج


والماء من يدينك حلو .. لو هو قَطر
ونهراً على يداً ماهي بيدّك ؟ هماج


وكل شيء ممكن انه يسبّب لك خطر!!
لأنك اتعامل مبادئك .. بمزاج


والانثى للرجّال ؟ زجاجة عطر
واحد يبي العطر.. واحد يبي الزجاج


والشعر إذا ما شدّك من أول شطر ؟
كلام لا يكنى ولا فيه إزدواج


والآدمي على الأضاديد .. إنفطر
لذلك الله سنّ للناس .. بالزواج


من أجمل الاشياء في الدنيا .. المطر
ومن أبشع الأشياء في الدنيا .. العجاج>​

​

 

[Moha le sage]

الدموع .......

​

الدموع .......
​

http://www.youtube.com/watch?v=h-pyuUT338c​

الدموع اللي أحبسها طوال السنين
كلها في ضحى ذا العيد نزلتها



والله إني جريح ووالله إني حزين
وليت حزني طبيعه كان بدّلتها



مير حزني من الصده وطول الحنين
وخيبة آمالي اللي فيك أملتها



ياموقف علاقتنا مابين وما بين
لاتراجعت منها ولاكملتها


كان مرخصني الله مايرخص ثمين
كان جافي زعل تراك طولتها


عايدوك المسيحيين والمسلمين
وانا روحي على معايدك علّلتها


ياحسافه على الرفقه وحب السنين
حتى كل عام وانت بخير ماقلتها​

​

​

 

[Moha le sage]

ينتظرك العج ....

ينتظرك العج ....




http://www.youtube.com/watch?v=99q1_soEPTg



ينتظرك العجّ .. قدّام الحراره
..... وتنتظرك صدور مفروده يديها

والزعل والشك واللوم وحصاره
...... واصدقاك الا انت متغيّر عليها

المراجل ياسعد ماهي عياره !
....... ماهيب تنباع حتى نشتريها

ماهيب مدواخ ولا هيب زقاره
....... لاخلصت هذي خذيت اللي تليها

القذاره ماتنظف بالقذاره !
......... والدواير مبتديها منتهيها

لا تجي من لندنك شايل خضاره
........ جي منه كل لحضه عشت فيها

من دموعك بعد ماتطفى الاناره
............ لين تشرق شمس صبحٍ تحتريها

لا تحط الربح في جنب الخساره
........... واجد اشياء نشتريها مانبيها



​

 

[Moha le sage]

كل عام و انت بخير .....

كل عام و انت بخير .....


http://www.youtube.com/watch?v=4FJpcfaaZ_A&feature=related



جمرنـي ابدفـى مـن التجميـر .... وبفـرح ولـو النـفـس نـقـاده

ياشهر تسعه جعـل مابـك ظيـر .... بـك يـوم ميـعـادي بميـعـاده

جبه وجبني صـب ذايـب ميـر .... معـاه خاتـم شــوق وقــلاده

ووجه رسايـل دعـوة وتحذيـر .... لشياءنـا الـي غـيـر معـتـاده

لأحلامنا الواجد..عـن التحريـر .... وقصـة سجيـن يحـب جـلاده

ووسائـل التشـويـق والتأثـيـر .... والشعـر بوصـولـه وبأبـعـاده

والغيم .. وزخات المطـر والطيـر .... وبخـار فـم الـبـرد وقـنـاده

وسيُـد جنيد...وسيـدة كارتـيـر .... وبكـلات ليـلٍ يشقـر اسـواده

والقبعه ... والمعطـف الحريـر .... والنادلـه ...والقهـوة الـسـاده

والنمل والنسناس والنوير .... وابو علي وأجداده اجداده

والمرحبـاه الـي لهـا تخـديـر .... وقلم .. ودفتر سلـك .. ووسـاده

والنمل .. والنسناس .. والنويـر .... وابوعلـي واجــداد اجــداده

وابوعمر ... والسايـس الفقيـر .... وجناينـي الشتـلات ابـوغـاده

والصبر ... والفراش ... والتقدير .... وبنـات كــل الـحـي وأولاده

في شارعـه يتجمعـون عصيـر .... للتهنئـه فــي عـيـد مـيـلاده

ولا خلص التصفيـق والتصفيـر .... من كـل مجموعـة طلـع قـاده

وقالـوا رجـاءٍ مانبـي تأخـيـر .... ردو ورانـا بــذوق وإجــاده

مع بعض ...كل عام وانت بخيـر .... ياغـلا البشـر ياسيـد الـسـاده

هذا وسامحنـا علـى التقصيـر .... والله يـزود بعـمـرك اعـيـاده

وانا اللـي احبـك محبـه غيـر .... مـن قلبـي وفــودة افــواده

كل عام وانت بخير وانـا بخيـر .... وكل عـام وانـا احبـك بزيـاده

وكل عـام وانـا اكافـح التغييـر .... وكل عام ولا انتب علـى العـاده

وكل عام وانـا اغير التفكيـر .... واحـبــك بـإصــرار واراده

وكل عام ودموعي عليـك تحيـر .... وهـذي السنـة بالـذات هـداده

وكل عام تكبر بـه تـرد صغيـر .... كأنـك تسـوي لوجهـك اعـاده

ياكبدي الـي معـك كبـد بعيـر .... مــرددن غـاربـه لـشــداده

وياحـب قلبـي لقلبـك الشريـر .... الابيـض الـي عنـاده عـنـاده

سياسـة التوطـيـن والتهجـيـر .... ماخـلـت الفقـيـر فـبــلاده

والله وكبرنـا والامـانـي بـيـر .... مـصـداره يشـابـه المـيـراده

"سبعة وعشرينك" عساها تصيـر .... ميه علـى عـز وعلـى عبـاده

ياحبـي الاول ويــا الاخـيـر .... اللـي قديـمـه ورث اجــداده

كل عام وانت بخير وانـا بخيـر .... واشيـب وانـا احبـك زيــاده


​

 

[Moha le sage]

عاهرهـ ............

عاهرهـ ............


http://www.youtube.com/watch?v=vjzsJuYVhk0&feature=related

يابحرنا الممتلي نفط وشموس وخوى ..
أغنياؤك في مزابل خصومك ساهره​

كل عام وأغنياؤك سخيفين وسوى ..
وأهل جنيف أتفاخر على أهل القاهره​

حنا أمــه ( تافهه) بين ميزان القوى ..
بس أمــه في فنون التفاهه ماهـــــــــره​

عند ربي اللي خلق كل مرء ومانوى ..
وعند ذولا الناس لا كل مرء بظاهــــره​

هذا ولد المستوى وهذي بنت المستوى ..
كم فقير أنذل من بين هالمصاهره​

ياسخيفه لو جعلتي من خصلك ضوى ..
في عيون اللي يعرفون منتي باهره​

الملابس والسيارات وأنواع الغوى ..
ماتحط الشايكه في مقــــام الزاهــــــره​

أنفثي دخان سيجارتك على الهوى ..
وأثبتي للعالم أنك مجرد (عاهـــــــــره)​

العهر ماهوب رغبه وليل وماحوى ..
العـــهر مجاهــــره العــهر مجاهــــــــره​

كل وحده طاهره حلوه وذوق ودوا ..
لكن المحزن مهب كل حلوه طاهــــــره


​

​

 

[Moha le sage]

العب حديد .....

العب حديد ...

http://www.youtube.com/watch?v=JsnmOI9ZjJM&feature=related




العب حديد
ماهو علشان الجسم
ولا عشان النسم
عشان هالراس العنيد
العب حديد واحاول يمر العمر من العمر
و أقصر مديد
واقول : لا طاح الارق مع العرق


هل من مزيد !


انا حياتي مايشابهها على الدنيا حياة
هي موت في داخل حياة
وان قلت آه
قالو ياشاعر :
عيّد .. عيّد



ليت الشعر شهره وحب ومعجبه
ان كان كل ب يكتبه
لكنه الشئ الوحيد
اللي يخلي صاحبه
يحب كل الناس ويخالطهم


ويبقى وحيد ..!!



تدري متى الانسان يشعر بالحزن ؟؟


اليا عمل كل شئ ممكن يشعره انه سعيد
و لا شعر انه سعيد !


اليا انتثر فوقه مزن
واليا وقف تحته مزن
وقال لك :
ما من جديد ..!


هذا الحزن .. هذا الاكيد



يمكني استهلكت في صغري متع كل العصور
مفروض خليت لنصف عمري قليل من الشعور
احس باحباط وفتور
ف يا أني اكون اتفه من الموجود
اوالعب حديد

ف الافضل اني

العب حديد
​

 

[Moha le sage]

الأذكياء ...

الأذكياء ...





إن كنت أنا أخطي شيء طبيعي لـأن أنا ماني نبي

مـا احدٍ عصــمـه الله من الـأخطاء يكون الـأنبياء


فــعلا أنـا أخطي بــس ضوي مــا تشب إلـا حطبي

أطمح ولول الـلـيل مـا احدٍ شاف فـايدة الـضياء


أمـشـي ولـو أمـوت وأنـا أمـشـي ولكن مـا أحـبـي

ولأعـشق الـصـورة ولـ الكربون ولـ أعـشـق غـيـا


كـل ما اتـعثـر قـلـت في نـفـسـي وأنـا أمـس شـنـبـي

يـا كـم على الـدنـيـا فـقـيـر ويـحـسـدونــه أثـريـاء


أبغى أتوحد وأنت خذ مزهبك واترك مزهبي

كـنا اخويا ومـن بـعـد مـا زليت مـا حـن بـاخـويا


أبـعصـم ارجـيـلي عـن دروب الـسخـافـة يـا صـبي

لـأني حـيـاوي والـدروب الـسـود مـا فـيـهـا حيا


تـعــال وادعــــنــي وداع الـأرض لـلــحــر الـأبــي

أنـــا بـأعــلــي وان دعـيـتـك فـالـعـفـو لـلـأنـقـيـــاء


مــا نـي مـنـادي بـاسـمـك الـلـي مـا تسموه أجنبي

فان قلت لك يــا أعرف أني حاشمك لا قلت يــا


يــا والــلــه وبــالله وبـــعـد الله وبـــي وبـــسـبـبـي

صـارت شـيـاطـيـن الحروف الـمـسـتـهـيـمـه أتـقيـاء


فـان شـفـتـني متعب هجوسي فـي رسم راس الظـبي

فـمـا هـو عـلـشان اكـسب اعـجـابات ريـمـان وهيا


لا لا أنـا مـخـلــوق مـبـــدع مـا يـحــب ومـا يـبـي

الا يـقــول الـأذكـيـــاء سـبـة رسـوب الـأغـبـيـــاء


مـن الـذكـاء أنـك تـسـوي نـفـسـك أحيانا غبي

بـس الغبـاء أنـك تذيكك لك على نـاس أذكياء


​

 

[Moha le sage]

تصبح على خير ....

تصبح على خير ....


http://www.youtube.com/watch?v=cSXYUOReHQ0



مدري متى تصبح عيوني على خيـر
ومـدري متـى وانـا وحـزنـي ثنـائـي



أشعـر بعزلـة حـس .. اشعـر بتأثـيـر
شـي أكبـر مـن انـي اكـون انطوائـي


فــي بيئـتـي لـكـل الاحـــلام تفـسـيـر
وعـجـزت افـسـر واقـعـي وانتمـائـي



انا انتمي للـشمس.. للـعشب .. للـطيـر
لـحـزن شـاعـر .. لفضيـلـة روائــي


انــا انتـمـي .. للمظلـمـات المنـاويـر
الـلـي بـهــا تـمــددي .. وانـزوائــي



احبـك .. ولا زلـت كـل آخـر عصيـر
احــرق قرابيـنـي .. واجــدد ولائــي


انـا الفقـيـر الـلـي بـعـد حـبـك امـيـر
وانـا الامـيـر الـلـي فقـربـي رجـائـي



وانـا الثقيـل الممتلـي صــدق تعبـيـر
ومعـاك احـس انــي شـقـي ومـرائـي



خذني معك .. للـصبح .. للـحلم ..للـغير
كـل شـي مـن غيـرك كئيـب وبـدائـي



بعثرني .. رتبني .. مكـان و مشاويـر
انـــا ضـحـيـة هـالـدهــاء الـنـسـائـي

​

 

[Moha le sage]

يا أنيقه .............

يآ أنيــــــــــقهـ ...........


http://www.youtube.com/watch?v=GPW5vgiwXTo&NR=1

أنيقـه آسـف بشـده علـى هالحوسـه
غرفتي تشبـه كثيـر أوضاعـي المحيوسـه

مـا توقعتـك أبـد بتجـيـن ! فاجأتيـنـي
ع العمـوم الله يحيّـي الطلّـه المحـروسـه

وقّفـي لحظـات بيـن عيـونـي التعبـانـه
لين أرتّـب لـك أريكـة قلبـي المشموسه

واجلسي بيـن الزرايـر والحشـا الأفريقي
وائذني لي للبكي .. بيذاكـر معـاكِ دروسه

شاعـرك .. فوضـاه علّمتـه يرتّـب حبّه
أنتي .. ثمّ الحزن .. ثمّ دموعـه المحبوسـه

والدّموع اللي على وصلـي ووصلـك تنـزل
ترفـع بنزولـهـا أعلامـنـا المنكـوسـه

هذا إنتي؟؟ ماني مصدّق .. ولا ني مكـذّب !!
آه مـن بـرد الجفـا ورياحـه المتـروسـه

وايه حنّا نـاس غيـر النـاس يـا حوريّـه
روسنا ما هيب لضعـاف البشـر مريوسـه

لي افترقنا نبتسـم ! ولـي التقينـا نبكـي !
ويـا فديـت جنوننـا واشياءنـا المعكوسـه

مرحبـا .. ترحيبـة البـدو العزيـب الرحّـل
بالمطر .. لاوّل هشيـم الماحلـه المعبوسه

صح هذا انتـي ! وهـذا عطـرك السمياكـي
وهذي بوهة وجهك اللي بالضحى محموسـه

وهذي ربطة شعرك البيضا .. وذي خصلاتـه
كنّها في زيـت زيتـون الشفـق مغموسـه

وهذي الوانـك .. وهـذا المعطـف العنّابي
وهذي ساعة يـدّك المحظوظـه المنحوسـه

لا هـي اللـي طالـت أصابعـك وتشابكها
ولا هي اللي قريبـه مـن عاتقـك وتبوسه

وهذي مشيتك اللي من صغرك مـا غيّرتيهـا
هالبشـر يخجـل يضـر القـاع ولاّ يدوسه

الجمـادات الـرذاذ .. تهمـس لا مرّيتي
مرحبـا يالناعـس المحشومـه الطاووسـه

قولي والله انك انتي معي ! مانـي مصـدّق !
لا تلوميـن الحـواس الشـرّد المهـووسـه

كل ما غنـى لـي الغيّـد بصـوت مواصـل
شلّهـا قلبـي وركّبهـا عـلـى منكـوسـه

صـورةٍ فـي البـال لـك معامـد اتخيّلهـا
أقرب احيانـاً مـن المحسوسـه الملموسـه

وانتي لو مـا كنتـي فيـدّي ولا كنتـي لـي
لحظتك عن عام .. كـل ليلـه مـع عوسـه

لانّـك الأفخـم إسـم .. والأبسـط انسانيّـه
ولانّك الوجه التقـي .. والطيبـه المغروسـه

ولانّي أحبك محبة عمق .. مـا هـي نـزوه
أسمى من حب الجسد .. وللهـوى ونجوسـه

يا أنيقه .. آسـف بشـدّه علـى هالحوسـه
لهجتي تشبـه كثيـر أوضاعـي المحيوسـه

مـا سألتـك ليـه جيتينـي .. ولا ضيّفتـك
ما ابي أخرّب على جـو الوصـل وطقوسـه

ليه جيتي؟ أسألك .. وانا اعـرف وش جابـك
طاب شجر الغـاب والحطّـاب قـرّب فوسـه

لا تقولين اني أرخصتك .. وانا ما ارخصتـك
ولا تقوليـن اشتـراك المشتـري بفلـوسـه

ولا تقولين ان هالمـره .. هـي آخـر مـره
اتركي لـي حلـم بعـد احلامـي الميئوسـه

انا شاعر .. حلمه اللي سـوّا منّـه شاعـر
الذهـب والعالـم الجديـد .. دم ضـروسـه

يا أنيقه .. لو خـذوك وسافـروا بـك عنـي
الارض صدري .. والسفر من قوسه ليا قوسه

ليت صيت الجد مـا ينفـع سخيـف احفـاده
وليتها هالحيـن وان الكـل شـارب موسـه

وليت .. نقطـه نقطـه نقطـه نقطـه نقطـه
ما ابي أغلط في الزمـن والعالـم المنفوسـه

ما اعرف شو اقول .. ولا اعرف ايش اسوّي
الحزن .. طلّت من ابـواب الليالـي روسه

انسي كل اللي حصـل هاللحظـة وضمّينـي
يا خسارة عمري اللـي راح ويـا ناموسـه

والله ان امه دعت لـه تحـت بـاب الكعبـه
واحـدٍ حطّـك فـي بيتـه يالغـلا عروسـه​

​