ديــــــوان آفلآطون الشعر : ســــعد علوش

[الخيزران]

يــا والــلــه وبــالله وبـــعـد الله وبـــي وبـــسـبـبـي
صـارت شـيـاطـيـن الحروف الـمـسـتـهـيـمـه أتـقيـاء
مـن الـذكـاء أنـك تـسـوي نـفـسـك أحيانا غبي

شكرا اخي محمد طربت وتمتعت وتمعنت

 

[Moha le sage]

البآرحــــهـ ..... كلهـ مطر ... خلي الستاير ... فاتحهـ

’,
البارحه
.............. كله مطر
خلي الستاير فاتحه .. واقري عليّ الفاتحه .
وقصه عن زرادشت .. وعن مهدي السلام المنتظر

انا رجل شرقي يَعيشُ لـ ينتظر

في قرية في ايطاليا .. في غرفه في ايطاليا

النوم يغتال السهر والليل يستنى الفجر


حبيبتي لا جا الفجر ..!

............... صحيني اصلي الفجر

حظّ الصباح اللي يجي .. وانتي على قيد الحياة .

كل الصباحات اللي مرو وجهك .

.............................. .. انخشو وراه .


تاريخ من نور وطهر

تنتظرك الغابه تجين .

تنتظرك الغابه من آلاف السنين .


جهزتي اشياء الصباح ؟
شنظة ظهر و شنطه طهر

فيها من الحب الكثير .. وفيها من البن الكثير



ولا تسألين

عن الجمر .. حنا الجمر

اهم شئ شمسيتك .. من شان لاجا مطر

.............................. ....... تتماسكين !


من يجمع اللؤلؤ ليا منه انتثر ؟!

انا بشر فقط بشر .


ما اجملك !

لما تشوفيني .. ويحسدني الجفن ... وتغمضين !

مدري حسدني ..؟!

................ أو يبي يتأملك .. من داخلك .



سجين يحسد له سجين

انا سجين في خارجك وهو سجين بداخلك

واثنينا المسكين




لا تفتحين

لا تفتحين ...


ما اجملك !

ياللي الهواء يترك ممراته لكي يتخللـك !

ما اجملك

تصدقين اني بديت اشك ..!

.................... بديت اشك ان انتي لك ِ !


الشمس ماتشرق الارض اللي تدور !
وانتِ الشروق السرمدي في جبينك


كل شئ في العالم على نفسه يدور

الا انا ..!

.......... ادور بينك وبينك

انا يتيمك

......... [ وصل واحساس و شعور ]

اكفلني
......... وانويّ اجري لـ احد والدينك


هذا هو الشارع وهذا هو السور

وهذا هو الباب اللي خلفه ..... حنينك

هل لازم اتنكر على شكل عصفور ؟!


عشان اجي معهم وأقبّل يمينك


ما ابعدك !

ياللي غروري انطفى علي يدك

ما اوعدك !

بـ اي شئ الا بغروري .. اوعدك


اذا تبي تشوف رجال مغرور !!

شفني

............ [ وانا تمسك يديني يدينك ]
..................... [ وانا تمسك يديني يدينك ]
.............................. [ وانا تمسك يديني يدينك ]


​

 

[آمِيْرَتُه]

الله عليك أخي

بارك الله فيك

كلها قصائد و أشعار رائعة

متتبعة أنا بصمت
​

 

[Moha le sage]

العفو الغاليـهـ منيـــــــــــني ...

لك مني كل الشكر و الامتنان على رقة ما خططتهـ هنا ..

كلي احترام لك


لا حرمتك


​

 

[Moha le sage]

حاولت أعيش مع الاماني في سلام ....

حاولت أعيش مع الاماني في سلام

​

حاولت أعيش مع الاماني في سلام
لقيتني اضيق والا هي تضيق !​

انا الغريق اللي يدور عن الوئام
مع البحر حتى و لو انه غريق

ياصبر انا المأموم والا انا الأمام
انا الغريق انا الطريد انا العشيق​

انا ابتسام الرد على الابتسام
ودمع الشقيق اليا انحدر على شقيق

هذا الكمال اللي تشوفه من حطام
هذا القسى هاللي تشوفه من رقيق​

الشمس ترسل نورها على الانام
وهي من الداخل متاهات وحريق​

على ابواب الملك .. ألد الخصام
باقي شوي ويسقط الملك العريق​

اجارتك يارب من صغر المقام
في ساعة يدور بها الحلق ريق​

مانيب خايف من ضياع ومن ظلام
اخاف اوقف وانا في نصف الطريق
​

​

 

[Moha le sage]

الطرقآآآآآآآآآآآآآت ........





​

في الكبد ليعّاتها وفي النفس حاجات
حاجات ماهيب رغبات وشهوات

ندم على حزن.. على مدري شسّمه
إللي يكلمك.. وتكلمه بسكـات

ياودي أصرخ من إللي داخلي حيل
ويا ودي ماتنبس من الليعّه شفات

مزحوم تفكير ومشوش وبردان
وياخوفي من الغضب و الإنفعالات

تعارك الشر مع الخير فيني
يأثر على إتخاذي.. للقرارات

ثاقب وألاحظ تفاصيل التفاصيل
كن البشر عٌري وعيوني مرايات

أفضال ربي علي واجد وأفضل
أفضال ربي.. الفقر وإنكاره الذات

يامجمل الفقر وأشياءه وروحه
تموت منّه تعب وتعيشه أزمات

يعلمك ضعفك وبأن عقلك
هو إللي يميّزك عن الحشرات

وتعرف بأن هذا لك وذا لغيرك
ولاتفكّر ولاتكسّر حسابات

الفقر مفيد ..وأشياءه مفيده
مليء قناعه وقوه وغايات

يمكن لو إنك غني تطغا وتنسى
وأتطيش وتطوّف الخمس صلوات

لذلك الحمد لله والثنى له
على الفقر والمصايب والمسرات

يمكن أني فقير بس مانيب تبعّي
أجلس ولا أنقاد خلف الإتجاهات

وإن ما أعجبتني قناعات الزمن هذا
أنا.. أألف لتفكيري قناعات

شاعر ويسكن فـ مخي الف شاعر
ماهم بشعّار هالوقت التروفات

اللي يقولون مافي الشعر نادر
وإن الشعراء نفس المستويات

لو أنهم واحد وبتفكير واحد
ماشفت ناقد ولا معجب وشمات

الله على هالكلام ومن يقوله
والله يقطع سياسة هالمجلات

يعني اللي شعره ملى الدنيا جماهير
مثل اللي يطلق قصيده سردة أبيات

لامني سمعت القصيده قلت هذي؟
سمعتها قبل هذي عشر مرات!!

يشل.. آخر كلام الشطر الأول
ويحطه بآخر الثاني .. وخذ هات

قاف متكرر.. ولافكره ولاشي
يبني القصيده.. على تفكير بنات

وبه نوع ساذج علشان أيتميّـز
يصرخ ويعمل بيدّينه حركات

والمرء عود مايجهل.. لذلك
هالشعراء يكرهوني -انا- بالذات

الله يخليني لشعري وأصونه
وأحرق به كبود شعّار المسجات

أجذبّ به.. أذواق حكّام الجزيرة
وأزرعه.. فعقول فتيان وفتيات

اركبّه جن.. وامارسه بجنون
وأشبعه فلسفات وأبتكارات

وآعلم الجيل هذا وإللي بعده
جودة الإطاله.. وفن الإختصارات

و وشلون أحرث صخر فكري وأخلّي
بيني وبين أقرب منافس مسافات

الشعر في نظرة اغلبهم مصالح
فلوس وشيوخ وبنات ولقاءات

وفي نظرتي الشعر روحٍ و روح حرّه
ماتخضع لشف.. وأشخاص.. وقياسات

الشعرٌ ماتقشعرُ له أبدانٌ
ومَا يسَرقُ من الكلمات.. الكلمَات

تقراه فـ عيون شاعره وتحسه
يفتح له فَجلد يدّينك مسامات

ردد قصيدي ياجمهوري وصفق
وعلمّهم إن الغلا مابَه خيارات

وتعال نسرح سوّى في شي عندي
وأخاف لا أبكي؟ وتبكيني العبارات

حزين جداً ومتعومس وخايف
أحس كنّي على مهوّي نهايات

حبيبتي .. إللي أغليها وأبيها؟
راحت.. وقالت بجّي وللحين ماجات

ما أذكر أني.. مسوي شي لكن
الشوق لا زاد.. يسبب حزازات

والصبر صبر القلوب البيض وأدري
يامصعب الصبر لا قدّبه محاتات

دمّرني الشوق وإستنرفني شعور
وتعبت أثبت وجودي داخل شتات

تمر كل الوجيه.. بدرب عيني
نفس الملامح؟.. ونفس الابتسامات

حبيبتي طاغيه وبشكل طاغي
صديقة الليل واجناب البنايات

من وين ما أفتر لاهذا وجهها
على الطرقات وأضواء السيارات

يابرّي حالي عليها برّي حالي
عليها يابرّي حالي عشر بريات

لأني أحبها.. فعلاً وجداً
ماهي محبة.. رفث.. ولا إتصالات

وإللي سواتي.. يحب وخايف الله
يعرف.. معنى معاناة المعانات

الحزن في بعض الأحيّان إزدواجي
وجميل.. لاصار من تجنيب غلطات

من خّلا حاجه لربي عاضه أخيّر
منها واحسن دبلات الدبلات

وانا مابي .. غيرها .. ولا ألتفت له
السيده .. لا رجعنا للسيادات

جعل امها إتوافق إن جيت أخطبها
تكفون دعواتكم يـ أهل الدعوات​

 

[Moha le sage]

أنماط الحياة

أنماط الحياه ...





لاينتثر فكرك على كذا اتجاه
الخصخصه فن العقول الرايده..

وان ساد من حولك شعورالاشتباه
خذ لشعورك منطقه محايده..

الثقه سقف العقل والناقص ذكاه
من حسسك بأن فيه حاجه زايده..

والابداع؟ماهو لعب شد الانتباه
على حساب الغاء فكره سايده..

والضيق ضيق الافق واكظام الشفاه
وفهم الحياه على انها مزايده..

افضل وسيله للسعاده والنجاه
سهله على الراغب ولا هي كايده..

توحد الله صدق وتقيم الصلاه
وجعل الفواحش عن حدودك نايده..

وتكف يدك وتحمد الله على الغناه
وتخشّر هنودك معك في المايده..

ولاتخاوي لاشيوخ ولا رعاه
خاو اصدقا تفكيرك وفرايده..

والشيخ من تواضعه يسبق عطاه
يتعودون الناس من عوايده..

والحب ذروة كل شي ومنتهاه
ومحلا من وضوحه سوى مكايده..

يبكي الرجال ويبحّث خفاه
ويعلمه شرح الحظوظ الباديه..

واللي يحب احد(ن) ماهو في مستواه
يبطي وعينه بالمدامع جايده..

ياوجد حال الشاعر ويا امه واباه
وجود من هاوش لأخوه وصايده..

اللي اتمنى اعيش واتوفى معاه
حتى فعيده ماقدرت اعايده..

الحزن طاقه للدعاة وللطغاه
وانا طلعت من الجروح بفايده..

ان لم تزد شيئا ً على هذه الحياه
فتأكد انت حاجه زايده. ​

 

[Moha le sage]

نصف الأفكار ورث ونصفها اكتساب
_______ ونصفها شي حرام ... ونصفها شيّ عيب ...!​

ان ذبحنا الوصل .. ولاّ ذبحنا الغياب
_______ يا الله أني .. دخيلك من .. رداة النصيب ....!​

الغلا اللي .. بلا رأفه ورحمة جناب
________ يشعل القلب نار .. ويشعل الراس شيب ...!​

يضحك الما علينا ، لاطردنا السراب
_______ مثل مايضحك ( الواثق ) على المستريب ..!​

ضمّني .. لو بعدك العمر كلّه خراب
_______ فيني من الوله .. طفله , وكهل , وغريب ...!​

قبل اعرفك احسب لكل حاجه حساب
_______ وعقبك ادركت ب ان الوضع حظ ونصيب ..!​

شوف كفّي نبت فيها من الشوق باب
_______ تنبض أذني يبو الصوت .. الرحيم الرحيب ..!​

من فطام الجهل .. حتّى بلوغ الكتاب
_______ وانت .. من بينهم ماتذكر الاّ .. بَ طيب .....!​

ليت ماني من اللي .. يركبون الصعاب
_______ ليتني جرح .. ف ذراعك ، ولا له طبيب ......!​

يقرب القرب ... ولا يغرب الاغتراب
______ والله ( انْك الحبيب ) ، ووالله ( انْك القريب ) ...!



​

​

 

[Moha le sage]

​

​

غني بربي والدعا والرفاقه
وقرم وليا جت للقصايد مفوه

بحر تباعد غبته عن رزقه
لهل الغثا طيشه ولله هدوه

أن زان وقتي خذت لذة فواقه
ولوه يشين يشين عادي ولوه

بنكي رياجيل الشرف والبطاقة
جمايلي وأسمي وكبر المروه

من لابة في ثقل أهلها محاقه
فعيونها كثر الاودام يشؤه

الأكرمين أهل العقل و الحماقه
الجيدين مزبنين الجلوه

هذي فقط نبذه عن أهل العراقه
و السامي يرجح كلامه سموه


عن افتعالات الغضب و الطفاقه
و عن المليء اليا تبين خلوه

حبيت ابين لك اصول اللباقه
مع واحد غيثه يسابقه نوه


والا انت كامل لكن أن فيك عاقه
ينقص برستيجك شوية جروه

يمغري فيعوني أصل العلاقه
تخيلو عدو يعشق عدوه

لازمتني باحلى الدلع و الشفاقه
و أدخلتني في حلم عمرك و جوه

و حببتني في شي أسمه صداقه
و كرهتني في شي أسمه أخوه

و لفتني يبو الدلع و لف ناقه
ماني بقايل ما تسويه سوه


ركز معي للريح طلاق ساقه
وللشين شين لانصا ما يموه

يعلم بان حلم الكسول اللياقه
و يعلم بأن حلم العقيم الابوه

و يعرف متى نضج الورق و أحتراقه
خبير في الاحياء ما هوب توه


ثورته لاجت تشعل ألفين طاقه
ما هي بشبة قاز في جمر دوه


ما انت بغبي جدا بلفظ الرشاقه
و أنا ذكي جدا و حبيت أنوه

أن جيتني جيتك على كل فاقه
و أن رحت أبلعن خير وقتي و سوه

لانك تنفاس الحشا و اختناقه
ياكل شبحي يا قصاه ودنوه

يابو الحلا و أبو الغلا و الذواقه
سرايرك مله و حكيك نبوه

روحك و قلبي لو بحلل و ثاقه
مربوطة في بعض هيا و هوه


فان غبت يا نفر العقل و أشتياقه
ما ني براغب بعد خوتك خوه


ببكي على زول عشقته عشاقه
و ترى البكا للأقويا زود قوه

فإن شفت أبن علوش يبكي فراقه
ترى أنحدارات الجبل من علوه
​

 

[Moha le sage]

انا رجل مصنوع من ذكرياتي

​

ارجوك ساعدني علشان أخليك



انا تعبت اسهر ,, وافكر ,, واحاتي



اعتقني ,, الله يعتق ايدي من إيديك



بروح ادور في حياتي .. حياتي



عمري ماهو بايجار ولا هو بتمليك



انا احبك لكن ... احب ذاتي



ماعاد باقي شي اعطيه واعطيك



ماعاد باقي مني الا .. سكاتي



حاولت اكون اكبر من الحق وارضيك



لكن رضاك .. اصعب من محاولاتي



كنت اتمنى اعيشلك منك وفيك



وصرت اتمنى ما تصير امنياتي



حب احد غيري عسى الله يهنيك



حبه .. ولكن لا تسوي سواتي



ماعاد يمديني واذا عاد يميدك



تعلم من اخطائي ومن صفاتي



اما انا ... اعرف ماني بناسيك



انا رجل مصنوع من ذكرياتي



لا عاد ترجيني ولا عاد ابرجيك



هذي حياتك .. وآنا هذي حياتي

::




​

 

[Moha le sage]

الحشيمة..........

​

الحقائب .. والمطارات العتيمه
............ والدروب اللي قبل نوصل عتيمه
والخطاوي اللي تتعبها الملابس
............ كيف عاد حمولها السود المقيمه ؟
وإبتسام الناس في وجه المسافر
............ ومالهم شغل فـ نعيمه و فـ جحيمه
والضياع اللي بلا ... مئوى وملفى
............ لا صديق..ولا شقيق...ولا عزيمه
وسايق التاكسي وأخبار الإذاعه
........... وريح كشنات السيارات القديمه
كلها أشيــاء ....... تقتلني فرادا
............ كيـف لاإجتمعت على قلبي وضيمه
أنا واحد والجروح ألف وخصومي ؟
........... إتكاثر..... وإختياراتي عقيمـه
أنحرف ؟ ولا أنجرف ؟ ولا أتطرف
........... كلها أمرار... وأحلاها أليمـه
ماإخترت أكون شاعر أو عاشق
........... عالم الأقدار ماينصف غريمه
والمحبه .. معركه مافيها رابح
............. إيتساوى النصر فيها والهزيمه
أغلب الأشياء اللي نغليها ... توافه
............ لونا مانغليها ؟؟؟ ماكان إلـ ها قيمه
حبنا لـ الشيء ... حب إلنا أساسا
............ شوف الإنسان ومشاعره الأليمه
وأنا ماحب اللي أحسه...شي ثاني
............ مالقوا له اسم أو ... كنيه سليمه
لا قيود ولا حدود .... ولا تتابع
............. النسيم شلون بـ يفسر نسيمه ؟؟
من يزور أعدائه ويعطف عليهم !
............. من يعاقب نفسه ويرضي خصيمه ؟
من يحس الناس كل الناس أهله !
............. من يحس ان روحه بـ تحيا مديمه
ممكن يبكيني مقطع شعري تافه
............ وممكن ألعب عام مع طفله يتيمه
وممكن أتعاطى منشط أو مخدر
........... مرحله ,, عواقبها جدا وخيمه
أنا باقيني ( أنا ) نصف اللي كنته
.............. مع أمل كذاب وأضداد...وظليمه
الأوديه مسرح بداياتي البريئه
............. م أعتقد باقي بها وادي وأهيمه
علمتني من عشقت أن لا أراوغ
........... أقصر خطوط الوصول ( المستقيمه )
فـ مايخلي الرجل يحب بـ كل قوه
............. إلا .. لامن حب له وحده حشيمه
اخ لوشفتوا الوشاح اللا نهائي
............ منهو منكم شاف شمس تجر غيمه ؟
الحليب / الصبح / الورد / التسامح
............ هي جميع أشيائنا البيض الرحيمه
كل إبن آدم مذمم بـ الخليقه
........... إلا هي مافيها أي حاجه ذميمه
بنت قلبي وأم روحي وإخت عيني
............ ( سيدة ) كل العلاقات الحميمه !!
علميها ... يا طيور الصبح عني
............ لاكليتي الخبز من كف الكريمه
إن وجودي وجد من باعوه ناسه
............. عقب ماباعوا ركايبه...وحريمه
وإشتراه اللي من أول عبد عنده
............ وحط في رقبته وفي وجهه وسيمه
كل ماذكر طاري الفرقا وأنا اعرف
............ الظروف اللي بلا رحمه وشيمه
واحدن مثلي إليا طال إنتظاره
............ ماتلاقي الريح باقي من هشيمه
ايتلاشى .. كنه ماكان وما كنه
............ قاضي الحاجه وقطاع الخريمه
شاعرن بـ يخلد التاريخ إسمه
........... من فضل حسه ومن فضل أهل النميمه
رمز ... لكن بعد موته لأن قومه
............ تحترف تمجيد الأموات العديمه
عاش حقبه من حقب عصر التمدن
........... السما .. فيها تبترا من أديمه
علميها يا طيور إنها وفعلا
............. حيدت صميم قلبي عن صميمه
علميها ... يا طيور إنها وشكرا
............. لخصت لي كل الأحداث الجسيم
تخسر الدنيا وتخسر كل حاجه
............ عندما تخسر لك إنسانه عظيمه !

​

 

[Moha le sage]

{عــــلــم الــنـفــــس}

{عــــلــم الــنـفــــس}








في فن علم النفس وانمـاط الحيـاه
مصيبتـك طلّـع وراهـا فـايـده..​

لاينتثر فكـرك علـى كـذا اتجـاه
الخصخصه فن العقـول الرايـده..​

وان ساد من حولك شعور الاشتبـاه
خـذ لشعـورك منطقـه محايـده..​

الثقه سقف العقل والناقـص ذكـاه
من حسسك بأن فيه حاجه زايـده..​

والابداع؟ماهو لعـب شـد الانتبـاه
على حساب الغاء فكـره سايـده..​

والضيق ضيق الافق واكظام الشفاه
وفهم الحياه علـى انهـا مزايـده..​

افضـل وسيلـه للسعـاده والنجـاه
سهله على الراغب ولا هي كايده..​

توحد الله صـدق وتقيـم الصـلاه
وجعل الفواحش عن حدودك نايده..​

وتكف يدك وتحمد الله على الغنـاه
وتخشّر هنودك معك فـي المايـده..​

ولاتخـاوي لاشيـوخ ولا رعــاه
خـاو اصدقـا تفكيـرك وفرايـده..​

والشيخ من تواضعه يسبـق عطـاه
يتعودون النـاس مـن عوايـده..​

والحب ذروة كـل شـي ومنتهـاه
ومحلا من وضوحه سوى مكايـده..​

يبكـي الرجـال ويبحّـث خـفـاه
ويعلمه شـرح الحظـوظ الباديـه..​

واللي يحب احد(ن) ماهو في مستواه
يبطي وعينـه بالمدامـع جايـده..​

ياوجد حال الشاعر ويا امـه وابـاه
وجود من هاوش لأخوه وصايـده..​

اللي اتمنى اعيـش واتوفـى معـاه
حتـى فعيـده ماقـدرت اعايـده..​

الحـزن طاقـه للدعـاة وللطـغـاه
وانا طلعت من الجـروح بفايـده..​

ان لم تزد شيئا ً على هـذه الحيـاه
فتأكـد انـت حـاجـه زايــده




ديوان الشاعر راكان بن بدن السبيعي

​

​

 

[lilia mess]

رد: ديــــــوان آفلآطون الشعر : ســــعد علوش

رائع بكلّ ما تحمل الكلمة من معنى

سلم ذوقك أخي الفاضل

و على متعة ما كتب هاهنا
استمتعنا بالقراءة
و بالمعنى أيضا

دمت...طيبا​

 

[Moha le sage]

رد: ديــــــوان آفلآطون الشعر : ســــعد علوش

الأروع تواجدك بين ثنايا الموضوع

كل الشكر على طيبة حروفك


سلامي


​

 

[Moha le sage]

رد: ديــــــوان آفلآطون الشعر : ســــعد علوش

​

​

 

[Moha le sage]

رد: ديــــــوان آفلآطون الشعر : ســــعد علوش

​

 

[Moha le sage]

رد: ديــــــوان آفلآطون الشعر : ســــعد علوش

الأرقام




​

 

[Moha le sage]

رد: ديــــــوان آفلآطون الشعر : ســــعد علوش

مدري الوطن الانسان، ولا المباني !!

​

​

 

[Moha le sage]

رد: ديــــــوان آفلآطون الشعر : ســــعد علوش

طوق ورود ......









هو هذا شالك ولاّ طوق ورود؟

تورق تحت وجهك على شالك

في ظل محني لحيك المجرود

تنور .. ولا ظلّ الله ظلالك

قدر على وصالك حفيد الدود

وانا بشر ولا اقدر وصالك ؟

معاك انا الحاسد وانا المحسود

ومعاك انا المملوك .. والمالك

احس عشقي فيك ورث جدود

وبيروح لعيالي ولعيالك

مافيه حس يروح لك مردود

تحيالك اللهفه وتنفى لك

تمر بالات العرب وتعود

والناس .. مامرت على بالك

مابه قصيد الا وبك مقصود

ولا اغنية الاّ وتغنالك

ومابه جمال الا وعندك زود

ومافيه فال الا بعد فالك

الناس فيهم بيض وفيه سود

والله خلق لك لون بلحالك

من تربة الجنه ودهن العود

وآخر رمق ف الشمس متهالك

وانا البعيد وصوتي الموجود

ياحظ صوتي لا تهيالك

ماعاد انا العاشق بدون حدود

انا كلام العاشق ان قالك

​