هل الانسان لي يحشم ضعيف الشخصية؟؟؟؟

[سلفي والحمد لله]

السلام عليكم ورحمة الله وبركاته
اليوم حبيت نهدر على نظرة الناس في وقتنا الحاضر الى الشخص كثير الحياء لي يحشم بزاف
وكما لا يخفى عليكم اخوتي فضل الحياء والاحاديث الواردة في فضل هذا الخلق الحسن
لكن نظرة الناس اليوم يبدوا انها تغيرت حيث اصبح المرء ينظر للشخص لي يحشم ضعيف الشخصية او غبي ان صح التعبير

فاليوم مثلا كنا في مجمع خطوبة وكنا ناكلو في القاطو الوقت هاذاك
وكان احد الاشخاص يتكلم معي ويخاطبني فلم استطع الاكل حبست وبقيت نسمع ليه وهو يهدر معايا وهذا الشخص كان يهدرمعايا وياكل في نفس الوقت فنادى احد الحضور من بعيد وقالي كول وشبيك حابس هاك هو لي يهدر ياكل ونتى لي تسمع محبيتش تاكل
وتكلم معي كشغل راني حابس او منعرف وشيه
فحرت وقلت هل انا لي راني غلط ام هو
وقلت هل اصبح الانسان لي يحشم ويقادر الانسان لككبير ضعيف
وايضا في التعامل مع الناس لما يشوفك تضحك معاه ومقادرو ينظر الى هذا الخلق الحسن الى ضعف فيك ويقولك هذاك راهو نية ماعلابالوش
ونتى راك علابالك بكلش لكن تسكت وتخليه ويظن انه غشك وخدعك لكن والحمد لله انت راك علابالك بكل وش راهو داير بيك
اخوتي لا ادري كيف كتبت الموضوع بصح اظن ان الفكرة وصلت واتمنى ان يكون الموضوع ماهوش مخالف
وبالتوفيق لكل خير ونسال الله ان يرزقنا حسن الخلق​

 

[روز]

السلام عليكم ورحمة الله وبركاته....
تصرفك هذا يدل على أنك أحترمت الشخص لي يكلم فيك
وأنا شخصيا لو عملهالي شخص نحترمو أكثر..

الشخص لي تكلم وقال لي قالو
المفروض تقلو أنه من الاحترام....
التوقف على الاكل عندما نكون نكلم في شخص مآ
وكان رايح يسكت والآخر يتوقف على الأكل وهو يكلم فيك..

الحشمة أو ماتسمى بالحياء أمر مستحب في كل شخص مرأة أو رجل
لكن بالمقابل عندما نشعر أن الطرف الآخر
صار يستهزىء أويضحك على ذاك الحياء
المفروض نشرح له لما هذا التصرف وكيف
واذا أصر على قوله فكل واحد وشخصيته وكل وتربيته...

هناك خلط بين الأدب والحياء للأسف
مجتمعاتنا لا تفصل بينهم فكل مستحي مؤدب
هو ضعيف "ومش قافز" كما نقولو باللهجة
ولكن بالمقابل..لا أ أيد أيضا ولا ارحب بذاك المستحي على طول الخط
فالمستحي الذي لايقوى على الرد على نفسه في كل وقت وعلى طول الخط
فهنا سيصبح ضعيف وقليل حيلة
والله فضل المؤمن القوي على المؤمن الضعيف

في رأيي كل مستحي يجب أن يتمتع بشخصية قوية جدا
حتى يستطع الرد على من يقابله بثقة وهدوء وأدب أيضا..
لأنك إن سكت عن ذاك ربماهو ظن نفسه ومن حوله أنه على حق
ولو رددت عليه وشرحت له تصرفك لكان له وللباقين موقف آخر..

شكرا أخي على الموضوع نحتاج فيه لنقاش كبير ووجهات نظر واسعة
لأنني لاحظت هذا التصرف عند الكثيرين وردات الفعل تلك عند الكثيرين ايضا..
ربما لي عودة
​

 

[Moha le sage]

السلام عليكم اخي سلفي ...

عندنا المثل يقول الي شكرك ما بنالك قصر .. و الي ذمك ما حفرلك قبر ...



كلام الناس ما تديرلوش قصة .. كونك مقتنع بينك و بين نفسك انك تدير الصواب ...


انا و اعوذ بالله من قولة انا ... رايي صريح في هاذ النقطة : هدرة الناس كامل منا .. و انا من لهيه ...
يعني كي نشوف بلي كاين حاجة مقتنع بيها بلي صح .. و الناس حاطتها مش مليحة ..صدقني نديرها و راسي في السما ... نديرها و الغاشي كامل يتفرج ويقول وش بيه ...

تعلمت ان الاعراف و الاصول و les manières ... نخدمها انا في راسي ..ما نستناش حتى واحد يشيخ عليا و لا يعطيني رايو ..كون يعود لابس قميص فيه ربع ميطرات و كون تعود لحيتو قد طولو ... الهدرة و المغزل ...

الانسان لازم يكون عندو قناعات و يكون حاط رجليه على ارض صحيحة .. ماشي الريح لي تجي تديك ...

يعني كي تكون تعرف اصول الكلام و اصول القعدات و اصول الاكل و حق الجار و حق الطريق و حق الكبير عليك و امور كثيرة في دنيتنا هاذي ...ما تستناش من اي شخص اخر ينقدك ... و ما تعيروش اهمية ...


المجتمع تعنا ذيب كبير ... لو تتعامل معاه بطيبة ياكلك و لو تتعامل معاه بوحشية يهابك و يحترمك ....

لحق وحد الوقت عايشينو ..ان من بعض الظواهر اللي تحبسلي راسي ... مجامع بعض الرجال ...تلقى فيها العبد الفور و الي يحبوه الناس ..هو الي يسبك ( حاشا قدرك ) في نص الجماعة .. الي يقدر يتهكم على لخرين و يفضحهم قدام صحابهم ..اللي يرخسهم ( و سامحني على الكلمة ) وسط الكل ...هاذا العبد تلقاه محبوب و يحوسو عليه كامل و يهابوه كامل و كلمتو مسموعة ...

اما الانسان اللي يقلهم كل صباح صباح الخير .. الي ما يرفعش صوتو كي يكون يحكي معاهم .. اللي ما يحكيش معاهم كلام نيفو طايح ..هذا يقولو عليه جايح و حشام و ياكلوه حي ...

il va se faire dévorer par eux ... tout cru



الانسان لازم يكون فور ... يكون عندو الكاراكتار .. في وقتنا هذا باش يخالط و يبالط ..اما اذا كالن يحشم و ما يتسمعلوش كلام ..احسنلو يجبد روحو حتى ما ينقاس ...رانا عايشين يا خويا سلفي في مجتمع غابة تسودها la lois de la jungle .. يعني القوي ياكل الضعيف ..يعني كون ذيب و ما تكونش نعجة

طبعا منيش نقلك الانسان يروح يهز مواس باش يعيش في بلادنا .. لكن يكون عندو شخصية و يكون ذكي و يقدر يعرف مكنونات الناس ... بخزرة في عينيهم ...


مجتمعنا فيه العيب يندار قدام ربي و عبادو ... و الخير يحشمو بيه ...

من لي تصبح لتمسى و نتا تسمع في الكفريات في الديار ..تشوف في الذر الصغيرة تزطل ..تشوف في الحقرة بارتو .. تشوف في النميمة بين لصحاب .. تشوف في عباد تاكل في عباد ..تاكل في الجيفة ..تاكل في الربا في الرشوة في مال الشعب .. تشوف الاتنهازية وين تروح ..تشوف التنيفيق وين تروح .. في صحاب الجوامع في صحاب البوليتيك .. في صحاب البيع ... في صحاب البيروات ... كامل الناس تدير في الشي لي يحلالها قدام ربي و عبادو ... يدخل خابط و زاطل عليك في حانوتك ... السهرات لاخر الصباح .. الـ tapage nocturne ( الازعاج اليلي ) ...هذا مركب بنت فلان في الطوموبيل و يدور بيها .. هذي مرت فلان تتحكك بهاذاك مول الحانوت ... حوايج بزاف ناس تدير فيها قدام ربي و عبادو .... و ما جاتهمش عيب ..بصح كون تخرج مع يماك يقولو عيب .. كون تخلي بلاصتك لوحدة يقولو يلعب فيها ... كون تحشم في بلايص تاع حشمة يقولو ضعيف شخصية ...كون تزرع كاش نبتة و لا حشيشة يقولو عليك رومنسي ولا مكش عايش في العالم ... كون تقلهم نحب القطوط يقولو العبد هاذا مش نورمال ...لازم تقلهم نحب الدراهم و الطوموبيلات و النسا و تملا تلفونك و ميكروك بهاذ الشي باش تبان نورمال ........... eh wé mon pote .. مجتمعنا الزين ...انا كونطرو مية في الساعة ..


و اللي ما هام ما عام ... ما عرف قداش من ليلة في العام ....

كونك حجرة تتفرتت عليها الاحجار لخرين ...... حجرة بايمانك و اخلاقك و قناعاتك و شخصيتك و نظرتك للامور ....


سامحني بلاك نكون خرجت على الموضوع تاعك خويا ... بصح والله قلبي واجعني من هذا soit-disant مجتمع ....




خوك

محمد العاقل ...


​

 

[سلفي والحمد لله]

السلام عليكم ورحمة الله وبركاته....

تصرفك هذا يدل على أنك أحترمت الشخص لي يكلم فيك
وأنا شخصيا لو عملهالي شخص نحترمو أكثر..​

الشخص لي تكلم وقال لي قالو
المفروض تقلو أنه من الاحترام....
التوقف على الاكل عندما نكون نكلم في شخص مآ
وكان رايح يسكت والآخر يتوقف على الأكل وهو يكلم فيك..​

الحشمة أو ماتسمى بالحياء أمر مستحب في كل شخص مرأة أو رجل
لكن بالمقابل عندما نشعر أن الطرف الآخر
صار يستهزىء أويضحك على ذاك الحياء
المفروض نشرح له لما هذا التصرف وكيف
واذا أصر على قوله فكل واحد وشخصيته وكل وتربيته...​

هناك خلط بين الأدب والحياء للأسف
مجتمعاتنا لا تفصل بينهم فكل مستحي مؤدب
هو ضعيف "ومش قافز" كما نقولو باللهجة
ولكن بالمقابل..لا أ أيد أيضا ولا ارحب بذاك المستحي على طول الخط
فالمستحي الذي لايقوى على الرد على نفسه في كل وقت وعلى طول الخط
فهنا سيصبح ضعيف وقليل حيلة
والله فضل المؤمن القوي على المؤمن الضعيف​

في رأيي كل مستحي يجب أن يتمتع بشخصية قوية جدا
حتى يستطع الرد على من يقابله بثقة وهدوء وأدب أيضا..
لأنك إن سكت عن ذاك ربماهو ظن نفسه ومن حوله أنه على حق
ولو رددت عليه وشرحت له تصرفك لكان له وللباقين موقف آخر..​

شكرا أخي على الموضوع نحتاج فيه لنقاش كبير ووجهات نظر واسعة
لأنني لاحظت هذا التصرف عند الكثيرين وردات الفعل تلك عند الكثيرين ايضا..
ربما لي عودة​

وعليكم السلام ورحمة الله وبركاته
بارك الله فيكم اختي الكريمة على المداخلة الطيبة جزاكم الله خيرا
اما بخصوص مشاركتكم الرائعة والتفصيل الذي ذكرتموه فكما يقال لا افراط ولا تفريط
لكن شدتني كلمة رائعة ومعبرة في مشاركتك وهي ماوش قافز صح بالفعل كثيرا ما نسمعها ....
فهل مثلا اختي لي مايدزش في البيس ويحشر الناس ويركب هو الاول يعتبر ماهوش قافز؟؟؟وهل لي يفعل ذلك يعتبر قافز
لعلك اختي انت لا تعيشي هنا في الجزائر لكن بالطبع راكي علابالك وش راهو صاري خاصة في مواقف الحافلات تلقاي الحافلة هي تجي و الناس كامل تجي تجري وراها نسى رجال اطفال كبار.....زعمة باش يحكمو لبلاصة وهاذي ماشي غير في الحافلة في اي مكان يكون فيه الغاشي
فهل هاذو الناس قافزين زعمة كي يحشر النسى ولا المرى تحشر الرجال وتركب وتحكم بلاصة هل هذي قفازة ولا قلة حشمة؟؟؟ وهل الشخص لي يبقى يسنى من بعيد وهوما يدازو هاكاك ومن بعد يطلع ويبقى واقف ضعيف الشخصية؟؟؟ صراحة اسئلة كثيرة جدا وامثلة واسعة يمكننا التطرق اليها فلعل الاخوة الاعضاء يثرون الموضوع بها......
اما ما تطرقتم اليه حول التوضيح لذلك الشخص فاظن انه ليس بالامكان اي انسان تحكموا وتشرحلوا خاصة كي يكون مترباش على تلك الاداب والاخلاق فمهما قلتلو يبقى يشوف فيك ماكش قافز ومتقدرش تقنعو بالمناسبة نكملكم القصة لما الشخص هذاك قالي هاكاك
صراحة انا زدت حشمت والشخص لي كان يهدر معايا وياكل حشم مني حتى نطق احد الحضور وهو راجل كبير ويعرف قالو c par politesse شي هاذا .....
وكاين حكيايات بزاف اود ان اتطرق اليها
من بينها لحكاية هاذي ونتوما احكمو
كاين واحد جارنا نعرفوه مسكين بلي فيه خصلة ذميمة وهي لكذب ويا اخوتي مايكذبش هاكا كذبات نورمال يكذب كذبات يعيفواوهو قاري هاذا لاباس بيه انجينيار من تاع بكري
المهم كي يحكمنا انا وخرين صحابي يحشمو كثر مني يبدى يطلق في البونبات تاعو وحنا علابالنا بيه بصح انا مستحيل لا نحبسو ولا نقولو باينة كذبة ولا ندير اي تصرف نبقاو نسمعولو يحرقنا راسنا ويروح لكن المشكل وين هو يضن في روحو راهو وصل للهدف تاعو بلي راهو خدعنا وراهو قدر يكذب علينا بصح حنا رانا علابالنا بيه مسكين بلي راهو يكذب وهو ممكن يقول في راسو هاذو نية لي يجي يخدعهم
فسبحان الله الناس كيفاش تبدلت....​

 

[ماكانش]

أهلا بيك خويا زاكي
الله غالب لوكان عندي بنتي راني زوجتهالك ههههه
والله ياخويا لعزيز ديما نقلك ونقلك الحياء مليح بزااف ولكن مع ألي يستاهلو
اما واحد كي يشوفك تستحيي وتحشم يبدا يبروفيتي هذا مليحتلو العين الحمرة لأن الحياء هنا مذموم ...​

 

[iman la brune]

في وقتنا هذا اصبح المادب ضعيف الشخصية للاسف

و انا واحدة من ضعفاء الشخصية كما في نظرهم

ولكن المهم انني اعرف اني على صواب وهم على خطا




​

 

[سلفي والحمد لله]

السلام عليكم اخي سلفي ...​

​

المجتمع تعنا ذيب كبير ... لو تتعامل معاه بطيبة ياكلك و لو تتعامل معاه بوحشية يهابك و يحترمك ....​

لحق وحد الوقت عايشينو ..ان من بعض الظواهر اللي تحبسلي راسي ... مجامع بعض الرجال ...تلقى فيها العبد الفور و الي يحبوه الناس ..هو الي يسبك ( حاشا قدرك ) في نص الجماعة .. الي يقدر يتهكم على لخرين و يفضحهم قدام صحابهم ..اللي يرخسهم ( و سامحني على الكلمة ) وسط الكل ...هاذا العبد تلقاه محبوب و يحوسو عليه كامل و يهابوه كامل و كلمتو مسموعة ...​

اما الانسان اللي يقلهم كل صباح صباح الخير .. الي ما يرفعش صوتو كي يكون يحكي معاهم .. اللي ما يحكيش معاهم كلام نيفو طايح ..هذا يقولو عليه جايح و حشام و ياكلوه حي ...​

il va se faire dévorer par eux ... Tout cru
========​

وعليكم السلام ورحمة الله وبركاته يعطيك الصحة خويا محمد على الرد ربي بارك فيك خويا
ولي لونتو بلحمر عجبني بزاف لاخاطر هاذي الظاهرة رانا نشوفو فيها بزاف لما تجي داخل لادارة تقول للعساس صباح الخير ولا تلقي عليه السلام يوليلك ثم ثم مدير ويقولك وين رايح بصح لوكان تفوت عليه وماتقيموش يسكت ويخاف منكم ويخليك تفوت وهاذي راهي الظاهرة في كل مكان تقريبا والله المسعان​

الانسان لازم يكون فور ... يكون عندو الكاراكتار .. في وقتنا هذا باش يخالط و يبالط ..اما اذا كالن يحشم و ما يتسمعلوش كلام ..احسنلو يجبد روحو حتى ما ينقاس ...رانا عايشين يا خويا سلفي في مجتمع غابة تسودها la lois de la jungle .. يعني القوي ياكل الضعيف ..يعني كون ذيب و ما تكونش نعجة ​

طبعا منيش نقلك الانسان يروح يهز مواس باش يعيش في بلادنا .. لكن يكون عندو شخصية و يكون ذكي و يقدر يعرف مكنونات الناس ... بخزرة في عينيهم ...
======
صراحة خويا محمد فكرتني بواحد لكلام تاع الوالدة ربي يحفظها وهي من لعجاييز تاع بكري لي يحشمو وهي لي رباتنا على الحشمة ربي يحفظها من كل سوء
كي نشيخ شوي معاها تقولي فالفرانساوية

les gens pren notre gentiasse comme une feblaise

يعني الناس تتخذ الحشمة تاعنا وتستغلها بلي رانا ضعاف ونخافو لكن الحقيقة فهي العكس تماما....
مجتمعنا فيه العيب يندار قدام ربي و عبادو ... و الخير يحشمو بيه ...​

من لي تصبح لتمسى و نتا تسمع في الكفريات في الديار ..تشوف في الذر الصغيرة تزطل ..تشوف في الحقرة بارتو .. تشوف في النميمة بين لصحاب .. تشوف في عباد تاكل في عباد ..تاكل في الجيفة ..تاكل في الربا في الرشوة في مال الشعب .. تشوف الاتنهازية وين تروح ..تشوف التنيفيق وين تروح .. في صحاب الجوامع في صحاب البوليتيك .. في صحاب البيع ... في صحاب البيروات ... كامل الناس تدير في الشي لي يحلالها قدام ربي و عبادو ... يدخل خابط و زاطل عليك في حانوتك ... السهرات لاخر الصباح .. الـ tapage nocturne ( الازعاج اليلي ) ...هذا مركب بنت فلان في الطوموبيل و يدور بيها .. هذي مرت فلان تتحكك بهاذاك مول الحانوت ... حوايج بزاف ناس تدير فيها قدام ربي و عبادو .... و ما جاتهمش عيب ..بصح كون تخرج مع يماك يقولو عيب .. كون تخلي بلاصتك لوحدة يقولو يلعب فيها ... كون تحشم في بلايص تاع حشمة يقولو ضعيف شخصية ...كون تزرع كاش نبتة و لا حشيشة يقولو عليك رومنسي ولا مكش عايش في العالم ... كون تقلهم نحب القطوط يقولو العبد هاذا مش نورمال ...لازم تقلهم نحب الدراهم و الطوموبيلات و النسا و تملا تلفونك و ميكروك بهاذ الشي باش تبان نورمال ........... Eh wé mon pote .. مجتمعنا الزين ...انا كونطرو مية في الساعة ..
حقيقة اخي محمد تغيرت الموازين وتغيرت الدنيا بزاف وين راهي الحشمة وين راهي التربية وين راهي الاخلاق ..... نشفى حنا كي كنا صغار والله صح ممكن كنا طايرين شوي بصح نقادرو لكبير ذرك والو لا كبير لا صغير نحكيلللكم هاذي خويا محمد
واحد الطفل صغير تبالي في عمرو 8 سنين ولا 10 جا يقطع الطريق والسيارة جاية منهيه واحد الراجل كبير شوي قالو بلاعقل يا بني عندك لا تدهمك تشوف وش سمعو الطفل هاذاك انا حرت شوكيت وبقى يمشي ويتمتم وش تبالو منعرفش الطريق وش دخلك فيا ووو ويسب سبحان الله ....حيرة والله ....
و اللي ما هام ما عام ... ما عرف قداش من ليلة في العام ....​

كونك حجرة تتفرتت عليها الاحجار لخرين ...... حجرة بايمانك و اخلاقك و قناعاتك و شخصيتك و نظرتك للامور ....​

سامحني بلاك نكون خرجت على الموضوع تاعك خويا ... بصح والله قلبي واجعني من هذا soit-disant مجتمع ....​

ونززيد عليها خويا محمد ماوش soit- disant مجتمع وبرك soit- disant مجتمع ومسلم......​

خوك ​

محمد العاقل ...​

يعطيك الصحة محمد على المرور .....

 

[مشاعر كاذبة]

السلام عليكم شوف يا خويا الكريم انت حبيت تقادره وتسمعله ما درتش عيب الله يبارك فيك بصح هداك السيد الي قالك كول بالاك برك حب يعرضك ولا حسبك حشمت باش تاكل الله اعلم وعندك الحق دركا الحشام راه يعامل كالغبي وهدا تصرف خاطيء الحياء مليح بصح بحدود اذا زاد الشيء عن حده انقلب ضده والله يهدي كامل الناس

 

[homework]

يعطيك الصحة اخي الكريم على الموضوع ، وجهة نظرك صحيحة و كلامك معقول و ذورك في هذا الزمان لي يحشم يولي معقد و ميعرفش و جايح و خلي لكن الحشمة فضيلة و دير لي يساعدك متعمرش قاع بيهم رأسك

 

[*حزن النبلاء*]

الحشمة في كلش غييييييييير الحق ........... بانواعه و ما اكثر انواعه .. إن الله لا يستحيي من الحق ....

و الماكلة في الولائم

ههههههههههه

شكرا لييييك.. اخي متبع السلف

واصل..........

يحمر وجهك

 

[ياسمين عنابة]

عليكم السلام ورحمة الله تعالى وبركاته
الحياء شعبة من شعب الايمان والايمان قوة
الحياء قدرة على التحكم والسيطرة في النفس ولجامها عن كل ما يسقطها في العيب او الخطا
وابدا ليس الحياء ضعف شخصية بل من تمامها وكل القوة ان يسيطر المرء على نفسه ويكبح جماحها ويطوعها للآداب والاخلاق
وقمة الاخلاق أن تكون متوازنا في سلوكك وتترك التشدد من جهة والتخاذل من جهة ثانية
يغالط الكثيرون اذ يحكمون على من تنازل عن قوة بالضعف ونحن علمنا ديننا الحنيف ان العفو من مكارم الاخلاق والصفح علاماتها
والبعد عن الشحناء رفع للنفس وجنّبنا المراء وكثرة المزح والهزل
واوصانا بالعفاف قولا وفعلا
فما أسعد من ملك نفسه وجنبها أذية الناس ونهاها عن الهوى ورفع قدرها
قوة الشخصية ان تعرف اهواء النفس وتكشف خباياها وتسير بها نحو مايرفعك وتبعدها عما يضعك
​

 

[محمد.م]

وعليكم السلام ورحمة الله وبركاته ومغفرته

الحياء زينة كل شيئ

وليس يعني من لم يقدر هذه الصفة أننا مخطئين

ومن امتلك هذه الصفة المباركة فلا يتأثرن بنظرت غيره

ولعله أحيناً ومن حسن الخلق التكبر على المتكبر

ولاينبغي إعطاء أهمية لنظرة لبعض المقيتة

فثق أخي الحبيب أنها وبمعظم الأحيان غيرة وحسد على امتلاكك لهذا الخلق

وبرأيي أن من يراى بالمستحيي أنه ضعيق شخصية فإن لم يتجاوز تجاهلناه

وإن تجاوز أريناه حجمه بأدب

والتكبر على المتكبر صدقة

ومن قل أدبه على المستحيي فهنا علينا إفهامه بالحسنى وإلا فالرد بالمثل دون الخروج عن الأدب

فالمسلم عزيز

 

[بلد المليون]

أهلا بيك خويا زاكي

الله غالب لوكان عندي بنتي راني زوجتهالك ههههه
والله ياخويا لعزيز ديما نقلك ونقلك الحياء مليح بزااف ولكن مع ألي يستاهلو

اما واحد كي يشوفك تستحيي وتحشم يبدا يبروفيتي هذا مليحتلو العين الحمرة لأن الحياء هنا مذموم ...​

رأيي من رأيـــــــــوا
بالعكس لحشومية حاجة مليحة بزاف ولحياء صفة من صفات النبي واحنا لازم علينا نقتديو بها
مشكور أخي
​

 

[nawal 88]

كاين منها هذي انا صراتلي واحد المرة ريكلاميت على حقي واش قالولي
هذي انتي العاقلة والحشامة تهدري هكا.........
معناتها الحشام مايقولش حتى حاجة​

 

[أم راضية ~_]

السلام و عليكم

يا أخي أنا نقولك بارك الله فيك ، و الله يكثر من أمثالك و نستعرف بيك و هادا تقييم ++ و تحية تقدير ليك :re_gards:

هكدا يقولو على الواحد الي يحشم و يقادر اللي كبار عليه
أنا كرهت من هبال الناس
اليوم كنت في عرس ، و صرا فيا ما صرا ، وعلاش ما تشطحيش، وعلاش ما تلبسيش ، وعلاش ما تماكييش
كي نقولهم نحشم يضحكو عليا :cra_zy: و قدآمي نورمآال
و يقولولي البنات هادو قاع ما يحشموش غير نتي !!!:scared: الله غالب أنا ما نقدرش نوقف ولا نلبس حاجة تبيني و كامل يشوفو فيا :shay: :shay::shay: :shay: :shay: :shay::shay: :shay:

مآ يليق معاهم غير نديرو كيشغول ما سمعناش ، على خاطر ساعات نتوسوس :cra_zy: :sad:
و surtou كي يقولو جايحين بهالل ..إلخ :sadwalk: :sad: :sad:
الله يثبتنا على الدين و يثبتلنا العقل

 

[سلفي والحمد لله]

أهلا بيك خويا زاكي

الله غالب لوكان عندي بنتي راني زوجتهالك ههههه
والله ياخويا لعزيز ديما نقلك ونقلك الحياء مليح بزااف ولكن مع ألي يستاهلو

اما واحد كي يشوفك تستحيي وتحشم يبدا يبروفيتي هذا مليحتلو العين الحمرة لأن الحياء هنا مذموم ...​

اهليين خويا سفيان لوكان جات عندك بنتك تزوجهالي الله غالب ماعندكش امالا خلينا رانا نتعذبو في العزوبية...
وش تقصد بالعين الحمرة يعني توقفو عند حدودو ولا تشرحلو الموقف ولا كيفاش
يعني انا وش فهمت انك تتخلق بخلقو الذميم وتترك اصلك وكيف تربيت وتصبح مثله....!!!!​

 

[سلفي والحمد لله]

في وقتنا هذا اصبح المادب ضعيف الشخصية للاسف ​

و انا واحدة من ضعفاء الشخصية كما في نظرهم ​

ولكن المهم انني اعرف اني على صواب وهم على خطا​

كلام جميل والله....
اسال الله ان يثبتك على الخير وان يهديك الى احسن الخلق فانه لا يهدي لأحسنها الا هو​

 

[سلفي والحمد لله]

السلام عليكم شوف يا خويا الكريم انت حبيت تقادره وتسمعله ما درتش عيب الله يبارك فيك بصح هداك السيد الي قالك كول بالاك برك حب يعرضك ولا حسبك حشمت باش تاكل الله اعلم وعندك الحق دركا الحشام راه يعامل كالغبي وهدا تصرف خاطيء الحياء مليح بصح بحدود والله يهدي كامل الناس

وعليكم السلام ورحمة الله وبركاته
احسنتي اختي الكريمة فعلا كما ذكرتي اذا زاد الشيء عن حده انقلب ضده لكن يراودني سؤال اختي الكريمة فيما يخص هذه المقولة قد لا تكون تنطبق على هذا الخلق لان هذا الخلق جميل جدا ولا يمكن ان ينقلب الى ضدك فما رايكم...
مثلا الصلاة هل يمكن ان ينطبق عليها ذلك المثل.... يعني هل الاكثار من الصلاة قد يؤدي الى الضد.....​

 

[سلفي والحمد لله]

يعطيك الصحة اخي الكريم على الموضوع ، وجهة نظرك صحيحة و كلامك معقول و ذورك في هذا الزمان لي يحشم يولي معقد و ميعرفش و جايح و خلي لكن الحشمة فضيلة و دير لي يساعدك متعمرش قاع بيهم رأسك

احسنت خويا يعطيك الصحة
وربي يرزقنا واياكم حسن الخلق والثبات عليه​

 

[سلفي والحمد لله]

الحشمة في كلش غييييييييير الحق ........... بانواعه و ما اكثر انواعه .. إن الله لا يستحيي من الحق ....

و الماكلة في الولائم

ههههههههههه

شكرا لييييك.. اخي متبع السلف

واصل..........

يحمر وجهك

هههه يعيط الصحة اخي امير
حديث أم سلمة رضي الله عنها قالت : جاءت أم سليم إلى رسول الله صلى الله عليه وسلم فقالت: يا رسول الله إن الله لا يستحيي من الحق فهل على المرأة من غسل إذا احتلمت؟ قال النبي صلى الله عليه وسلم:" إذا رأت الماء" فغطت أم سلمة - تعني وجهها - وقالت: يا رسول الله وتحتلم المرأة؟ قال: نعم تربت يمينك فبم يشبهها ولدها. صحيح البخاري​