مادا ستطبخين اليوم سيدتي الجزء الخامس

[narjes81]

صباح الخير عليكم جميعا
‏ام التوام, ‏ام ايناس, ‏ام تقوى, ‏ياسمينة الباديه, ‏merieme hassi, ‏PERLE NOIRE, ‏عشقي الامارات, ‏قطورة الندى

نهاركم مبروك ان شاء الله

 

[iman la brune]

السلام عليكم
شوفي حنونة راني ماشية نعطيك طريقتي في شوربة العدس
قلي في شوية زيت حبة بصل مع 2 حبات طماطم ثم زيديلهم 2حبات جزر مع الكرفس و 2 ورقات رند و تبليهم ملح فلفل اسود فلفل احمر زنجبيل مطحون راس الحانوت شوية كروية شوية كبابة مطحونة
و هنا زيدي 2كيسان تاع عدس و خلطي ثم مرقي بالماء الساخن و خليه يغلي ثم نقصي علي النار و خليه يطيب علي نار هادية
كي يطيب العدس طحنيه و زيديلو شوية كمون في الاخير
شهية طيبة
ملاحظة يمكن الاستغناء علي اللحم ان لم يكن متوفر

مشكورة اختي الله يحفظك
​

 

[قطورة الندى]

صباااااااااااااااااااااااااااااح الخير عليكم يا بنات اللمة
نشاء الله تكونو بالف خيييييييييييييييييير ويوم مبارك على الجميع ان شاء الله
​

 

[عشقي الامارات]

اختي روز راني حملت كتاب لاتحزن و سوف ابدا بقراءته بادن الله
اكرمكم الله من فضله و ثبتكم لفعل الخير و جازاكم بالف الف خيير​

صباح الخير اختي مريم حاسي
ربي يفرج على بالك راني حاساتك راكي كيما انا منعرف وعلاش

 

[رآج ـية العفو]

السلـآم عليكم ورحمة الله
يسعد صبآحكم يالغآليآت الجميع بدون استثنآء
يع ـطيكم الصحة شرين بصحتكم ربي يبآرك عليك وحج مقبول ان شآء الله
روز هآذ القآطو من زمآن جربتو ويجي روووعة يع ـطيك الصحة
بصحتكم كآآمل وآش طيبتو ووآش رح اليوم وغدوآ عندنآ عرس حبآبنآ
وأقآرب في نفس الوقت مي رآيحين نحضروا غير اليوم بآسكو غدوآ
معروضين في دآر خآلي دآيرين صدقة على جدتي ربي يرحمهآ غدوآ عندهآ
عآم ملي مآآتت ربي يرحمهآ ويغفر لهآ ولجميع المسلمين
سبحآن الله البآرح مآتت وغدوآ عندهآ عآم​

وأم سيف يآ مرآآآحب ومبروك عودة النت وربي يكون في عونك ختي ​

والله توحشنآ تسنيمو وأم فآروق وينهآ مآهيش تبآن خير ان شآء الله​

ان شاء الله منسيت حتي واحدة و الس نسيتها تسمحلي

يوم مبارك
​

ممممممم شفتي كيفآش نسيتيني i-o:
ربي يفرج عليك وييسر أمورك نتي وفوفة والجميع يآآرب​

 

[ام أمينة]

صباح الخير عليكن
ان شاء الله راكم بخير
بصحتكم كامل وش طيبتو
تحياتي
​

 

[ام أمينة]

يا جماعة فوفة 2011 عنها بزاف ما بانتش
​

 

[عشقي الامارات]

يا جماعة فوفة 2011 عنها بزاف ما بانتش
​

صباح الخير ام امينة
البارح دخلت واقيلا و لا اول مبارك

 

[NaNouS]

السلام عليكم

صباحكم بالخير كامل البنات
روزيتا هيه لكان تشفاي كي بدينا الريجيم نقولك نشرب غير كاس حليب وبكري تاني كنت نشرب كاس حليب ربي يكون معانا راني ماشي ونشوف طرا هههههههههه
----------------
مريم حاسي واشراكي لاباس بصحتك الروز بالداند والكروكي
-----------
ام نوسة صباح الانوار عليك ان شاء ارتاحتي من لقريب وراكي مليحة
----------------
ام امينة صباح الخير عليك كي راكي بخير فوفة دخلت قالت بلي متقدرش تدخل هاد الايام وقالت ادعولي لوكان ترجعي بالصفحات تلقاي كلامها
---------------
اسومة صباح الخير عليك ربي يرحم جداتك
--------------
بسووومة وقيلة راهي راقدة او نوضييييي يا بسووومة نونسو بعضانا حتى يجووز النهار
-------------------
مريومة صباح الخير عليك مقلتيش بلي راكي ريجيم من المعدة ولا حابة ديري الريجيم كيفنا ههههههههههه
قوليلي انتي وفلوسة طلقولكم الشوفاج احنا قرمنا بالبرد والمطر دايرة حالة ومكانش الشوفاج ​

 

[ام ايناس]

صباح الانوار لي لتاحقو درك انشا الله مريوومة
روز كتاب لاتحزن عندي هنا وغير نقلق نروح نقراه
ام امينة فوفة دخلت البارح وقالتلكم ادعيولي انشا الله ما يكون غير الخير
وسلاااااااااااامي للجميع

 

[nada242008]

صباح الخيرات يا بنات
مريم حاسي واسومة وام انوسة وام امينة ونرجس ونانوس وكل الملتحقات
شرين اطباق رائعة بصحتك وحجمقبول وسعي مشكور وذنب مغفور
روز شكراا على الوصفة
اليوم ماخدمتش .. خرجت على الصباح نشري في العضام باش نطبق وصفة المادلان
جاو روووووعة .. درتو في موضوع باش الكل يستفاد ويجربوه

تطبيقي لمادلان الغالية روز

 

[ام ايناس]

صباحو ننوسة والله مازلت هاكاك ضرك كنت ندوش قلت تتنحى عليا شوية مي راني حاسة روحي زدت

 

[روز]

اهلا ندوش مادلين هايل
سبحان الله عفاف هذاوين كملتو
خدمت المادلين اناتاني بالمكسرات
دركة شوية ونوافيكم بالصور

 

[nada242008]

القلوب عند بعضاها .. انا درتو بالنواد كوكو اللي بقا من قاطو السيار
نروح نكمل غدايا ونرجعلكم

 

[ام منصف]

اهلا ندوش مادلين هايل
سبحان الله عفاف هذاوين كملتو
خدمت المادلين اناتاني بالمكسرات
دركة شوية ونوافيكم بالصور

روز انا معولة راكي مع الكتاب الفوق وانت هربت للكوزينة
وراكي مدايرة حالة بالمادلين صراتلو كيما حملة الفريكاسي
انا ثاني راني نخمم العشية نجربو ان شاء الله
​

 

[روز]

اليوم الصباح عولت نخدم المادلين
باش يخلولي القاطو لي حطيتو البارح ماياكلوهش ويخلولهي للعيد

درت المادلين بالشكولاطة وصنعتو النوتيلا بالمكسرات

 

[ibtesem]

صباح الانوار والعفاف و............................. .........

(9 عضو و 17 ضيف) ‏ibtesem, ‏ام منصف, ‏ام التوام, ‏ام تقوى, ‏Djazaire-El-Ghalia+, ‏رآج ـية العفو+, ‏روز22, ‏oum joumana, ‏PERLE NOIRE :sheer:

--------------
بسووومة وقيلة راهي راقدة او نوضييييي يا بسووومة نونسو بعضانا حتى يجووز النهار
-------------------
صباح الخير عليكم صباح الانوار على كل حاضرة
نانوسة راني رقدة البارح على6 تاع الصباح تاعكم راني مبكرة اليوم :shiny:
سبحان الله اليوم عولت على المادلان :scared:
كنت راح نعملو البارح مكانش عندي البيض كفاية عملت البراونيز
اليوم المادلين ان شاء الله
نهار الثالث تاع الرجيم اممممممممممممم سمك سمك :sheer:
نانوسة راني هنا
دونت ووري هههههههههههههههه:showoff:

 

[NaNouS]

اليوم الصباح عولت نخدم المادلين
باش يخلولي القاطو لي حطيتو البارح ماياكلوهش ويخلولهي للعيد

درت المادلين بالشكولاطة وصنعتو النوتيلا بالمكسرات

_o:_o:_o:
ويييينك يا بسوومة اجري ليا تشوفي واش راني نشوف
وشكوووون هادي صاحبة اكبر الريجم روزيتا
-----------
الله يبارك رووعة روزيتا تاكلوه بالصحة
انا كون نديرو مانخلي فيه والو مالا خلي ساع هههه​

 

[merieme hassi]

السلام عليكم
صح فطوركم
سمحيلي اختي راجية و الله معزتك في قلبي كبيرة
عشقي الامارات ربي يفرج علينا ان شاء الله
حملي الكتاب لاتحزن فهو رائع انا بديت نقرا فيه



بصحتكم المادلين ام ندي و روز يعطيكم الصحة و بارك الله في صاحبة الوصفة العزيزة روز
جبتلكم فطوري و الكروكي







http://nsa21.casimages.com/img/2011/10/19/111019120838873006.jpg



صح فطوركم

 

[merieme hassi]

صح فطوووووووووووووووووووووركم
حالياً الأعضاء النشيطين الذين يشاهدون هذا الموضوع : 29 (12 عضو و 17 ضيف) ‏merieme hassi, ‏ام منصف, ‏ام التوام, ‏ام تقوى, ‏ibtesem, ‏NaNouS, ‏narjes81, ‏رآج ـية العفو, ‏روز22, ‏oum joumana, ‏PERLE NOIRE, ‏عشقي الامارات

أدوات الموضوع

مشاهدة صفحة طباعة الموضوع

أرسل هذا الموضوع إلى صديق

إلغاء اشتراكك من هذا الموضوع
انواع عرض الموضوع

العرض العادي

الانتقال إلى العرض المتطور

الانتقال إلى العرض الشجري
إبحث في الموضوع
البحث المتقدم