مادا ستطبخين اليوم سيدتي الجزء الخامس

[روز]

ام منصف راني ايد هنا وإيد لهيه ماتخافيش وجدي روحك برك قلت نخلي فرصة للي ما التحقش يلتحق
جربيه لعشية ورديلي الخبر والله العجينة نتاعو هايلة كي تكوني تحطي فيها في الكيسات

ام ندوش ربي معاك راهي القلوب عند بعضاها كما قلتي

صباح الخير بسومة
ونانوسة والله مافكرت ناكلو طلعتيهالي في راسي حرام عليك هههه

 

[عشقي الامارات]

السلام عليكم

صباحكم بالخير كامل البنات
روزيتا هيه لكان تشفاي كي بدينا الريجيم نقولك نشرب غير كاس حليب وبكري تاني كنت نشرب كاس حليب ربي يكون معانا راني ماشي ونشوف طرا هههههههههه
----------------
مريم حاسي واشراكي لاباس بصحتك الروز بالداند والكروكي
-----------
ام نوسة صباح الانوار عليك ان شاء ارتاحتي من لقريب وراكي مليحة
----------------
ام امينة صباح الخير عليك كي راكي بخير فوفة دخلت قالت بلي متقدرش تدخل هاد الايام وقالت ادعولي لوكان ترجعي بالصفحات تلقاي كلامها
---------------
اسومة صباح الخير عليك ربي يرحم جداتك
--------------
بسووومة وقيلة راهي راقدة او نوضييييي يا بسووومة نونسو بعضانا حتى يجووز النهار
-------------------
مريومة صباح الخير عليك مقلتيش بلي راكي ريجيم من المعدة ولا حابة ديري الريجيم كيفنا ههههههههههه
قوليلي انتي وفلوسة طلقولكم الشوفاج احنا قرمنا بالبرد والمطر دايرة حالة ومكانش الشوفاج ​

صباح الخير نانوس
هههههههه ىلالا خلاص راني مليحة الحمدلله لالا انا من الرشيقات لوول مازال ما جبتش الدراري
انا مازال ما شعلتهمش اصلا جابلي ربي يشعلوهم 1نوفمبر عندنا
ماراهيش كاينا البرودة بزاف في تولوز

 

[أم انس عبد الله]

السلام عليكم ورحمة الله وبركاته
احنا درنا مخلع للفطور ومحاجب
للزوج حارين​

 

[ام ايناس]

ياروز المادلين جاك هايل بصحتكم ماشي انتي ابو الشباب ولولاد ههههههه
مريم بصحتكم الروز يبان يشهي والكروكي خرجلك هايل بصحتكم
بصحتكم كاااااااامل واش فطرتو

 

[nada242008]

اممممم يا روز جاك يهبل والمكسرات امممم يبان محل مكسرات ههههههه
تسلمي على الوصفة الرائعة رايحة نعتمدها ان شاء الله
مريومة غدايك يشهي والكروكي معمر علكيف
ام منصف جربي وماتترديش راهو هايل
بسومة ديريه لعسعوس ههههه
صح غداوات الجميع:sheer:

 

[ibtesem]

بسومة ديريه لعسعوس ههههه
والبنات تاني وين خلتيهم ههههههههههه

 

[ibtesem]

مريم بصحتك الروز والكروكي جي امممممممممممم

 

[NaNouS]

بسومة انتي تاني راحة ديريها بيا وديري المادلين ومستحييل ديريه ومتاكلييش منو هههههههه
------------------
روزيتا يعني ديري هاد الشي الله يبارك ومدوقييش مرة في الفال مدير والو
------------------------
مريم حاسي بصحتك الروز وكرووكي جاك هايل
-------------------
مريومة حتى نجمدو باه يطلقو

 

[حاملـة المسك]

السلام عليكم

اللهم صلي على النبي

رغودة راكي دايرة حالة هههه
نعم يا ختي شكون لمداير حالة
نقلكم كلمتين ..مواضيع راهي تسنا فيا باش نرد عليها قصعة غرس باش نفصصها ههه و نرحيها
+ رايحة نخرج درك ...مصبتش الوقت ربي يهدينا و يهديكم حبسو العجائن و الحلويات
خلونا في المرق

فاصل و نواصل :schmoll:​

 

[Djazaire-El-Ghalia]

بسّوم راكي هنا ماقريتيش اليوم واش راهم children

 

[روز]

رغووودة كي ماتدخليش تولي خاصتني حاجة
صار لازم نشوف تعليقاتك
الله يسهل شوفي كفاش تكوني متصلةساعة على ساعة

مريم بصحتك الرز والكروركي وربي يهنيك ويفرج عليك
نانوسة حتى نتي راكي درتي بلاصة يالالة
دمك خفيف كما يقولو هههه

والوصية نتاعك خليها عندك
راني بريئة وعاقلة
علاه راكي تفيقي فيا
ماكنتش معولة ناكلو والله مني بالصح
وطلعتيهالي في راسي ههه

 

[ibtesem]

بسّوم راكي هنا ماقريتيش اليوم واش راهم children

يالغالية راها 8:13 موا
مزال الوقت انا نخرج مع عيسى وقت واحد على التسعة
بيني وبينك الجو اعجو راها الامطار والبرد والحالة تاع خمول هههههههههههه
والله الحمد الاولاد راهم لاباس
,,,,,,,,,,,,,,,,,,,,,,,,

بسومة انتي تاني راحة ديريها بيا وديري المادلين ومستحييل ديريه ومتاكلييش منو هههههههه

يانانوس غير كوني متهنية مناكل ماوالو لاني اصلا منحبش السكر :sheer:
انا مشكلتي في الاملاح كون نقصهم نريح مي منقدرش
نموت على حاجة حارة وحامضة و تكون توزوز هدي الى رغود لكان تفهمها هههههههههه
نحبها في المحجوبة والباطوط :shiny:

 

[حاملـة المسك]

غدانا كان متبل البدنجان دجاج محمر صوص طماطم سلطة مرابيا جزر ولفت بيتراف و خيار
و درت خبز الزيتون

و درت بريوش بمقادير جديدة لوزتهم قد الفلوسة طلعولي قد بيض النعام
دنك محماروليش على الجوانب إملا قررت
(متشفوهمش :shiny:
اما البنة و الخفة منحكيش ..بإدن الله نعاودهم و نمدلكم (المقادير :shiny:​

 

[روز]

:sheer:
انا مشكلتي في الاملاح كون نقصهم نريح مي منقدرش
نموت على حاجة حارة وحامضة و تكون توزوز هدي الى رغود لكان تفهمها هههههههههه
نحبها في المحجوبة والباطوط

اممممممممممممممممممممممم هههههه
راكي كما انا ربي يستر
الواحد يلزم مايتوحمش معاكم سي نو البيبي يجي معمر أشكال في وجهو ههه

 

[ibtesem]

راني شوفت ماخفى يارغود واع واع
حطيلي نشوفهم دبري راسك هههههههههه

 

[ibtesem]

‏oum joumana, وعلاش تسخفي في روحك :showoff:

 

[حاملـة المسك]

رغووودة كي ماتدخليش تولي خاصتني حاجة
تسلميلي يا الزينة
صار لازم نشوف تعليقاتك
و مالو ....راني نكتب على المكشوف
الله يسهل شوفي كفاش تكوني متصلةساعة على ساعة
:scared:؟؟؟؟؟؟؟؟؟؟؟؟ منك بصح​

 

[Djazaire-El-Ghalia]

يالغالية راها 8:13 موا
مزال الوقت انا نخرج مع عيسى وقت واحد على التسعة
بيني وبينك الجو اعجو راها الامطار والبرد والحالة تاع خمول هههههههههههه
والله الحمد الاولاد راهم لاباس

اتغيبي وما تخميش أنا نجيبلك:showoff:le billet

 

[ام منصف]

بصحتكم كامل كل وحدة باسمها
ان شاء الله نحاول نجربها
اليوم ضرتني ضرستي
العشية نروح نجيب ندى ونفوت عند الدونتيست ااااااااااااااي
الغدا اليوم قراتان شوفلور
​

 

[حاملـة المسك]

راني شوفت ماخفى يارغود واع واع
حطيلي نشوفهم دبري راسك هههههههههه

مديلي رايك في الخبز منبعد نبعتهملك في رسالة
و تسربيهم من و لامن :cra_zy:
خفي راح نصلي و نخرج​

ربي يشفيك ام منصف و بصحتكم القرتان​