ماذا ستطبخين اليوم سيدتي الجزء الســـ6ــادس

[merieme hassi]

السلام عليكم
شكرااا اختي نانوس علي السوال عني
عفاف ان شاء الله الوالدة ريحت شوية طهور ان شاء الله
لالجيرواز ليك وحشة حنونة معليش العام الجاي ادا ربي كتب
روز ان شاء الله راكي بخير
السوال علي الغايبات الي راهم في القلب
جبتلكم صورة الفطور علي بكري باش نمشي نحطلهم الفطور علي خاطري
عملت اليوم حريرة مع قراتان و سلاطة و خبز الدار و قشرت الرمان الله يدومها نعمة

 

[l'algeroise]

يتوحشك الخير أختي نفيسة صح غداك الله يبارك يشهي بصحتكم​

 

[Djazaire-El-Ghalia]

روز من فضلك ماتنسايش وصفات عزيمتك راني من هذاك نضرب طلّة على ركن الحلويّات باش نشوف ويلا حطّيتيهم على بالك العيد قرّب

 

[narjes81]

صباح الخير عليكن جميعا يا الفحلات

شكرا لكل من اهتم بي وسال عن بنتي راهي لاباس اليوم درت لي زاناليز غدوة ان شاء الله النتائج

 

[روز]

أهلا بيك لالجيرواز مرحبا بيك هاذي غيبة
بصحتك مريم حاسي الغدا داك خبز الدار يشهي شكلو.امممم
الجزائر الغالية اسمحيلي دائما ننساك دركة نكتبهم هنا ونقول لابتسام تحطهملك في المدونة
غداايا اليوم كان لي كاك مشويين مع الارز البسمتي

 

[روز]

هادي وصفة المعسلات لي حطيتها مع لاتاي لختي الجزائرالغالية
ساهلة ياسر فيها
لابات فايتي أو عجينة البف باستري تقطعيها دوائر تحطي في الوسط ملقعة قشطة وتغلقيها مليح وتدهنيها بصفار البيض ممزوج بملعقة أفاني وملعقة حليب ودخليهم للفرن
ولما يكتسبو اللون البني الفاتح تنحيهم وتعسليهم مباشرة بالعسل الخاثر وتعملي فوقهم رشة بيستاش..

ودركة نحوس على الورقة لي كتبت فيها لاروسات نتاع لاكيش ولعروبيات ونمدهملك

 

[محاربة صحراء]

صح غداككككم كل انا غداية شوربة فريك وخساس وسلطة خضراء وقازوز حمود بوعلام
​

 

[Djazaire-El-Ghalia]

آسفة جدّاً على الإحراج عزيزتي روز بوركت

 

[oumniati]

السلام عليكم ورحمة الله وبركاته

مريم حاسي طابلة تشهي ربي يدومها

عفاف ممممم بكبوكة قبل العيد بصحتكم، ريحت يماك شوية

مريوووومة واش راكي، وين راه شوفلور نديرو عندي نص حبة

حاملة المسك صحة صحة القهوة

ام كوثر الله يبارك بصحتكم، نقصي لعجين راجلك ما يمشيش يسمان مبعد تأثر على ركبتو

لالجيرواز عالسلامة خيرها في غيرها توحشنا طيابك

روووووز جاوك يشهيو على واش شويتيهم

دزاير الغالية راكي معولة على القاطو بصحتك

بصحتك محاربة الصحراء

نانوس واش راكي

 

[oumniati]

شيرين راكي هنا عمبالي رحتي للحج ، روحي احكيلنا واش راكي واش درتي في الموضوع تاع الحوامل ،،،،،،،اذا مافيها والو............

 

[ام منصف]

merieme hassi بصحتك الحريرة والقراتان
narjes81 بالشفا على بنتك وان شاء الله نتائج التحاليل تكون مليحة
روز22 توحشنا اطباقك وصور موائدك بصحتكم

اليوم راني صايمة :showoff:
وعليه بلعقل على اختكم ما تحطوش الصور ههههههههه:cra_zy:
​

 

[NaNouS]

امنيتي سقسي عليك الخير الحمد لله وانتي واشؤاهو وليك مع المشيان ​

 

[روز]

لالا الجزائرالغالية ماكاش احراج راني العجينة كتبتها في ورقة وراني نحوس عليها
مليح نبهتيني نكتبهم هناباش كي تضيعلي الوصفة مانحصلش ونلقاها مكتوبة هنا

أمنيتي شويتهم على الشواية نتاع الكهرباء جاو اممممممم بناااااان

 

[NaNouS]

روزيتااا امممممممم بصحتك هادا ون شفت الغدا انتاك روعة على حسب كلمة بنان بردتي قلبك
------------------
بسوووومتي وينك يا الحبيبة غلبك الرقاد دوختك اللازانيا انتاع البارح ​

 

[روز]

نانوسة وشراكي وش راهي جوجو ههههه وش ريك نطيب وماناكلش درتهم مشويين باش ناكل
كليبت زوج مافيهمش اللحم ياسر في جهة الصدر برك
شحال في عمرها بنتك ربي يخليهالك؟

 

[رآج ـية العفو]

السلـآم عليكم ورحمة الله

مرآآحب كي رآكم يآلحبآب
بصحتكم وآش طيبتو روز وكوكو ومريومة كل شي يشهي
وكآآآآآآآآآآآمل لبنآت بصحتكم الفطور
حنآ طعآم بقآ من البآرح ​

 

[NaNouS]

نانوسة وشراكي وش راهي جوجو ههههه وش ريك نطيب وماناكلش درتهم مشويين باش ناكل
كليبت زوج مافيهمش اللحم ياسر في جهة الصدر برك
شحال في عمرها بنتك ربي يخليهالك؟

بصحتك روزيتا تعرفي انا كنت حاطة بسومة دبة يا اختي كي شفتها متتفرقش على بنتع سبحان الله ماشي سمينة ومفيهاش ريحة الشحمة ههههههههه
بنتي اليوم عندها 8 اشهر و 15 يوم الله يبارك
الله يحفظلك ولادك ويخليهملك يارب​

 

[رآج ـية العفو]

نرجس ربي يشفي بنتك وآش رآهآ درك؟

أم نوسة بالشفآ عليك حبيبة​

 

[حاملـة المسك]

عندك الحق جزائر الغالية و تقولنا أستعملت الرقيقة و لا الخشينة
يااا دقت البنة ديال خبز الزيتون كوتر

راكي تشوفي رغودة نضت الصباح قلت نلقاها مكتوبة ونديرها في الغدا مالقيتهاش

بلاك هدي الخطرة راحت تشري القهوة :shiny:
غداك رووووعة و التزيين زاد فيه النص...تبارك الله عليك ربي يحفظك
لالا نانوس الصورة من الانترنت راكم تشوفو بلي محطيتش إسمي
نورتي للجيروازيجعل كلشي مبرووك
نرجس بالشفا على بنتك

بصحتكم وش طيبتو​

 

[oumniati]

امنيتي سقسي عليك الخير الحمد لله وانتي واشؤاهو وليك مع المشيان ​

الحمد لله راه مايخلي بلاصة انا نمشي وهو يتبع وكل يوم خبطة ياختي ياختي كيما تقول مَا ..مايكبر راس حتى يشيب راس_o: