ماذا ستطبخين اليوم سيدتي الجزء الســـ6ــادس

[imane27]

سلام لبنات واش راكم
صح فطوركم كامل
مريم حاسي فطورك يشهي بصحتكم
روز كي شفتهم عمبالي جاجات قلت توخدتي فرجيم بصح راهم يبانو هايلين بصحتكم
الجرواز ماكتبش ربي هاد لعام خطرة جاية انشاء الله
لبارح عشايا كان بيتزا

هادي تاع ولادي ميحبو فيها والو تاع مريكان

هادي تاع راجلي

نانوس هادي كليتها انا ​

 

[روز]

يسلمك رغودة شهادتك اعتز بيها ميح كي عجبك الديكور..

ايمان البيتزا روووووعة وش درتي فيها فرماج ساك..؟ ولا كفاش

 

[l'algeroise]

​

الله يسلمكم كااامل
روز محاربة الصحراء بصحتكم
ايمان حرام عليك (ههه بصحتك بيتزا تشهي)

 

[كوثر الوهرانية]

بصحت غداكم لبنات سامحوني راني روطار اليوم جاوني ضياف على غفلة
مريم بصحتك الحريرة تشهي و الرومان ام
روز فطورك يشهي مشاء الله
ايمان بيتزا ميميم بصحتكم
بصحت فطوركم كامل
كيما قتلكم اليوم عحنت خبز الزيتون و الندبة الكبيرة نسيت الملح مدرتهش جات مسوسة مزيا الغداء في الملح هههههههه
و درت مدربل و درت مايوناز بالثوم و المعدنوس جات اممممممممممم روح يا الريجيم روح هههههههه

 

[oumsif]

مساكم بالخير لبنات صح غداكم الكل روز الكاك جاوك روعة بصحتك
ايمان امممم عالبيتزا سخفتيني في الليل انديرها بصحتك اختي
بسومة يسقسي اعليك الخير اختي والله صح عدت فنينة و انتي واش احوالك واش احوال لبنات وعيسى
امونتي الله يسلمك اختي راه بخير راهوا مع العطلة انتاع toussaint وانتي كيف حالك وحوال الدراري
اليوم درت المادلان انتاع روز يعطيها الصحة جاء روعة

وهدا زدتلو شوية فرينة باش جاء هك طالع كيما انتاع برئ

 

[روز]

كوثر الله على غداك يشهي قتلتووووووني

سمورة المادلين روعة شكلو يعطيك الصحة عجبتني خدمتك

 

[oumniati]

بصحتك لويزة البيتزا كل وحدة تنسيك فللي قبلها:sheer:

عشانا البارح حوت وفريت وسلاطة روز بلكلمار

وكيما قالك عاند وماتحسدش درت مادلين السيدة ارزقي وحطيتو على جال افكار في تزيين برك:shay:

 

[كوثر الوهرانية]

الله يسلمك روزيتا
سمورة المادلان جاك هايل بصحتكم

 

[oumniati]

امونتي الله يسلمك اختي راه بخير راهوا مع العطلة انتاع toussaint وانتي كيف حالك وحوال الدراري
اليوم درت المادلان انتاع روز يعطيها الصحة جاء روعة

وهدا زدتلو شوية فرينة باش جاء هك طالع كيما انتاع برئ

الحمد لله سمورة
ههههههه دالتنا في مادلان:sheer::sheer:

 

[oumsif]

كوثر صح غداك اممم عالمدربل و الميوناز جاوك روعة
روز اتعيشي اختي حتى انتي ماعندي مانقول تبارك الله فيك وفي الوالدة لي جابتك

 

[ibtesem]

راه وقت القهوة الله اخليك سمورة جا المدلان في وقتو
ايمان وامنياتي تفضلو تقواو معايا

 

[روز]

بصحتك روزيتا تعرفي انا كنت حاطة بسومة دبة يا اختي كي شفتها متتفرقش على بنتع سبحان الله ماشي سمينة ومفيهاش ريحة الشحمة ههههههههه
بنتي اليوم عندها 8 اشهر و 15 يوم الله يبارك
الله يحفظلك ولادك ويخليهملك يارب​

لالا لالا مش لي داير ريجيم معناها راه سمين نانوسة
بسومة راهي هايلة وقاتلك حابة نوصل لل55 نورمالمون تحبس 55بزاف عليها
شوفي وزنها وطولها راهم هايلين ولا راني غالطة..
اذا قدرت غدوة ندير الشخشوخة مي تسمن
خايفة يرجعلي الكيلو لي ضيعتو:sad:

 

[oumniati]

كوثر طابلة تشهي ...واش هو لمدربل؟

 

[imane27]

يسلمك رغودة شهادتك اعتز بيها ميح كي عجبك الديكور..

ايمان البيتزا روووووعة وش درتي فيها فرماج ساك..؟ ولا كفاش

الله يسلمك روز درتها بلمرقاز وكموبر

 

[روز]

أمنيتي المادلان نتاعي ولانتاع السيدة رزقي هههههه

جاك يهبل والتزيين روعة
يعطيك الصحة خرجلك هاااااايل

 

[روز]

آه الكمومبار مانحبوش حسبتها بلاكريم فريش والفرماج مي خرج شكلو هايل

عجبتني كي شفتها بيضا هكذا وقيل نجربها بالسوس تومات و الفرماج الابيض برك

 

[ibtesem]

صباح الخير عليكن يالبنات
الله معرفتش منين نبدا
هدا روز تاع روز ههههههههه بالسمان البلدي
البيتزا
طابلة ام كوثر
الحالة راها منوعة
نختموها بالسنية تاع القهوة تاع رغود
ربي ديمها نعمى واحفضها من الزوال
يالغالية ساضع لكي الوصفة تاع الفرميسال

 

[imane27]

كوثر فطورك يشهي يعطيك الصحة انا تاني عجينة بيتزا لبارح مدرتلهاش ملح
امنيتي وسمورة مدلان خرجلكم روعة بصحتكم

 

[oumsif]

بسومة اتفضل عندك 2 مودال انتاعي و انتاع امنيتي كول و تبحبح بصحتك

 

[oumniati]

البارح روز تستنى في شخشوخة
اليوم انانستنى شوفلور ....... مريومة واقيلا برونشات مع دزاير
ابتسام صحة قهوتك انا صايمة اليوم:shiny: