ماذا ستطبخين اليوم سيدتي الجزء الســـ6ــادس

[ام ايناس]

يعطيكم الصحة لبنات قاع واش طيبتو سلااااااااااااااام

 

[dahbito]

مساء الانوار عليكم كامل توحشتكم بزاااااااااااااااااااف
والله كانت الانترنت مقطوعة عندنا على هادي غبت عليكم هادو اليامات
الف مبروك الجزء السادس
ويعطيكم الصحة كامل ربي يبارك والله اكلاتكم كامل يشهو
​

 

[ibtesem]

السلام عليكم يالبنات واش راكم
اليوم كان عندي دراسة هدا وين دخلت
بصحتكم واش طيبتو
امنياتي تورطتي اليوم هههههههههههههه
راقي قدها وقدود
مرحبا بيك حكيك معانا
يالغالية راح اكتب الوصفة راني نعجز كي عاد معنديش العربي والله ماني نتهرب ولاراني ناسيتكم
خليني نجبد كلافي تاع العربي
ونكتبلك يالغالية وانت غالية

 

[Djazaire-El-Ghalia]

السلام عليكم يالبنات واش راكم
اليوم كان عندي دراسة هدا وين دخلت
بصحتكم واش طيبتو
امنياتي تورطتي اليوم هههههههههههههه
راقي قدها وقدود
مرحبا بيك حكيك معانا
يالغالية راح اكتب الوصفة راني نعجز كي عاد معنديش العربي والله ماني نتهرب ولاراني ناسيتكم
خليني نجبد كلافي تاع العربي
ونكتبلك يالغالية وانت غالية

صادقة يا لحنينة خذي راحتك على بالي بلّي عندك ظرف عمرك مابخلتي علينا بوصفة بوووووووسة

 

[imane27]

اختي حكيك واش طيبتي لعشاء والله مدبيا نعرف واش راكي طيبي لوكان غير تدخلي وتقليلنا واش راكي دري كل يوم
صح عشاكم لبنات

 

[ibtesem]

الى جزائر الغالية
وصفة الفرميسال
اولا لتحضير الفرميسال
نسكب الفرمسال في القصعة ونسمغها بالزيت
نكونو جهزنا القدر للتفور
نضع الفرميسال في الكسكاس ونحطها تتفور جدا
كي تفور نسكبها في القصعة ونبخها او نرشها بالماء ونخليها تتشرب طبعا بعد تحريك
نعيدها مرة اخرى لتفور ونعمل نفس الطريقة انما هدي المرة نضيف الملح والزبدة
ونخليها تتشرب الماء جيدا
في المرحلة الاخيرة نخليها تتفور مليح باش الطيب جيدا المهم 3مرات نفورها
في الاخير نسقيها بالمرة تاعها ماشي بزاف باش ما تتعجنش وتبقي كل حبة وحدها
لتحضيرالمرق
في قدر نضع الزيت واللحم والبصل والثوم والطماطم
تكوني رابتيهم احسن
والراس الحانوت الفلفل اسود والفلفل احمر حار حسب الرغبة والبارد ونخليها تكتك شوية على النار ولا تنسي الحميصة
ثم نضيف الطماطم العلب ونمرق قليلا ونضع الجزر ونتركها تطبخ الى ان يطيب ونضيف البطاطة والكوسة او جريوات كما يقال عندنا
ونخليها طيب الى ان ننتهي
ناخد قليل من المرق ونمرق بيه الفرميسال كما اشرت مسبقا
ونخليها تتشرب ثم نسقيها عادي او مثل ماعملت في الصورة
ان شاء الله تنجحي وتعجبك يالحبيبة ​

 

[كوثر الوهرانية]

الف شكر بسومتي على الوصفة راكي افدتيني كثير انا الفرميسال نديرها غير شربة
راكي عطيتيني فكرة جديدة الف شكر يا اغالية:shiny:
ام انوسة كيراكي اختي ريحتي شويا و كيراهي ايناس باينة راهي مهبلاتك على البيبي:sheer::sheer:

 

[كوثر الوهرانية]

ايمان الاساور جاك هايلين و الكروكي محمر قدقد اله يعطيك الصحة
انا كملتلي الحلوى و رني نخمم واش ندير خطرش مزالوا الناس يجوا يطلوا على راجلي و الحلوى الي خدمتها خلاصت اليوم دبروا عليا حاجة ساهلة و خفيفة

 

[حكيك]

اختي حكيك واش طيبتي لعشاء والله مدبيا نعرف واش راكي طيبي لوكان غير تدخلي وتقليلنا واش راكي دري كل يوم
صح عشاكم لبنات

والله حبيبتي يوم في الغداء عملت معروف على الوالديا يحعلها صدقة مقبلوبة املا قلت نعمل
لي فريت مع بولات تاع اللحم مقليين وخلاص
كل ما تكون عندي فرصة ندخل معاكم حتى ولو مشركتش راني متبعتكم الله يدومها اللمة توما ونس وحيد ربي يحفظكم جميعا شكرا على اهتما م ايمان
صحى عشاتكم

 

[faloussa]

مساء الخير البنات صحا عشاكم كامل نحط عشايا ونرجع نشوف الصفحات الي سبقونى

هذه بيتزا بالسردين

وهذه بليسكالوب دجاج وفرماج الكامابير

​

 

[حكيك]

انا كملتلي الحلوى و رني نخمم واش ندير خطرش مزالوا الناس يجوا يطلوا على راجلي و الحلوى الي خدمتها خلاصت اليوم دبروا عليا حاجة ساهلة و خفيفة

اعملي اما كروكي يقطع بزاف ا ومادلين تاع روز اوكعك تاع ايمان اوصابلي
هدو ساهليين ويدوش الوقت

 

[ام ايناس]

بصحتك فلوسة البيزا تهبل
الاخت حكيك مرحبا بيك معانا وانشا الله توصل الصدقة
فريدة راني اليوم الحمد لله ونوسة رايحة تنحيلي عينيا مالقباحة رجعتلي بيروكي في الدار لي نقولها تعاودها مورايا اليوم نتفرج فالمسلسل هوما يهدرو وهي المترجمة نتاعهم ههههههه بوسيلي لولاد لحبيبة

 

[ام منصف]

هذا غدانا وعشانا

تفضلوا بصحتكم
​

 

[كوثر الوهرانية]

اعملي اما كروكي يقطع بزاف ا ومادلين تاع روز اوكعك تاع ايمان اوصابلي
هدو ساهليين ويدوش الوقت

مشكورة اختي حكيك ربي يخليك ليا :sheer:

 

[كوثر الوهرانية]

ام نوسة ربي يحفضلك نوسة و يخليها معمرة عليك الدار و اختي الدراري يحلوا كي يووا صغار و كي يكبروا خلاص
ام منصف بصحتكم اللوبيا و المطلوع الله يعطيك الصحة

 

[كوثر الوهرانية]

الله يجعلها صدقة مقبولة اختي حكيكو بصحتك الفريت و الكفتة
فلوسة كي راكي اختي توحشتك ام بيتزا هايلة الله يعطيك الصحة

 

[ام ايناس]

انشا الله فريدة ويحفظ وليداتكم تانيك
شريفة بصحتك اللوبيا اممممم حنا ناكلو الوبيا والسلاطة السماح للناس ليدايرة الريجيم

 

[faloussa]

الله يجعلها صدقة مقبولة اختي حكيكو بصحتك الفريت و الكفتة
فلوسة كي راكي اختي توحشتك ام بيتزا هايلة الله يعطيك الصحة

يتوحشك الخير اختى كوثر والله انا ثانى توحشتك وتوحشت البنات راني ما قعدتش برك باش نشاركم بصح راني نطل نطمئن على احوالكم كامل ربي يهنيكم جميعا يا رب ويهنى اختى ان نيفيين والله البارح غير بقيت ندعيلها في صلاتى

 

[oumniati]

بصحتك ام منصف اللوبيا تليقلي مع ها ذ لبرد:showoff:

فلوووووسة شوي بيتزا يعيشك :sheer:

 

[ام منصف]

الله يسلمك فريدة خيرة دليلة وفلوسة
امنيتي ارواحي يا الحبيبة نهزك فوق راسي
​